Nau iujãa jomauɗe, ẽbẽrarãba diwara kʉ̃risiabadaa ituaɗebena. Chi nureerãba dobadaa ɓiɗĩika amikorã baara. Junebenarãba akawa do kʉ̃riaɗakau. Mauɗe chi nureerãba itua dobadau biu paneeruuɗaa. ¿Chi Bibliaba saka a ɓuu ituaɗebena?

1. ¿Kachirua ɓuka itua doyu?

Bibliaba jarawẽa ɓua itua do nibayu biʼiawẽe ɓuu. Maumaarã, Dachi Akõre Beɗeaba jara ɓuu chi “vino doyu dachi corazón kĩrajʉʉbibarii” jãu rekalo kĩra ɓuu Jeowaba dachimaa deaɗa (Salmo 104:​14, 15). Maubapeɗa, Bibliaba jara ɓuu mukĩrarã mauɗe wẽrarã jipa nureerã, jãarãba itua dobachiɗau (1 Timoteo 5:23).

2. ¿Kãare jara ɓua chi Bibliaba itua do kʉ̃ria nureerãmaa?

Jeowaba bustakau itua biuburuu, mauɗe bustakau itua ãrĩãdu do ɓooyu siɗa (Gálatas 5:21). Bibliaba jara ɓuu: “Nibarã́ba vino ãrĩã dobadau ome” (Proverbios 23:20). Mauɗeeba, itua do kʉ̃riabudaubʉrã, bariara du aɓa ɓuu siɗa makawẽebʉrã waabenarã baare siɗa, ãrĩã itua doɗaabayua, dachi kawawẽa koɓeeɗaamaaba mauɗe chi kachirua asepeɗa ãyaa berreamaaba, mauɗe chi biʼia ɓuu kʉ̃risiaɗai baɗa ida ɓuibiɗaamaaba. Mauɗe itua ãrĩã poyaa doobai ẽpermo koɓeeɗaamaaba. Dachi du aɓauba itua doyua poyaa controlaɗawẽebʉrã, akawa itua dowẽa nibaɗayua.

3. ¿Saka respeto unubi panua chi junebenarãba kʉ̃risia duanuuɗebena?

Dachi aɓaaɓaa kʉ̃risiabaraaɗai itua doyu makawẽebʉrã itua doobayu. Ãyaa kʉ̃risiaabayua ẽbẽra itua do kʉ̃ria niiɗebena. Mauɗe aɓau itua do kʉ̃riawẽa niibʉrã, doba a jaraabai (Romanos 14:10). Mauɗe dachia itua akawa doobayua junebenarãba ãi kʉ̃risia koɓeeruubʉrã (Romanos 14:21 leas). Chi cristiano niiba “mistu biʼia ɓeei baitaburu jʉrʉʉbai, bari junebenarã biʼia peneeɗayu siɗa jʉrʉyua” (1 Corintios 10:​23, 24 leas).

AUDE KAWABA

4. Kʉ̃risiaba bichia itua doi ɓuu makawẽebʉrã doobai ɓuu

¿Kãare kʉ̃risia basaa Jesusba itua dooruu ʉ̃rʉbena? Mau kawayua, leaɗaika ichia milagro nabena aseɗa baɗa ʉ̃rʉbena. Juan 2:​1-11 leaɗapeɗa, mambea nau ʉ̃rʉbena beɗeasturu:

• ¿Nau nebʉrʉba kãare kawabi ɓua Jesusba kʉ̃risiabarii ituaɗebena, mauɗe chi itua dobadaurãɗebena?

• Jesusba jarawẽe baɗa bẽrã akawa itua doɗaabayuɗebena, ¿kãare kʉ̃risiabaraai chi cristiano niiba aɓauba itua do kʉ̃riabʉrã?

Maamina, chi cristiano nii itua doi kʉ̃ria ɓuubʉrã, ara jãka poyaa do ɓeebayu. Proverbios 22:3 leaɗapeɗa, mambea kʉ̃risiaba chi itua doyu biʼia ɓuubʉrã naarãɗe:

• Bichi carro maebʉrã máquina manejaɗe wãburuuɗe.

• Wẽra warr baraa niibʉrã.

• Doctorba jaraburuuɗe itua poyaa doobai ɓuu.

• Bichi du aɓauba biʼia controlawẽe basirã chi dooruu.

• Chi leyba idaarabiwẽe itua doyua.

• Bichi junebena baare ɓuuɗe itua doobayu ɓuu, naeɗeeɗa problema ãrĩã baraa ɓooɗa baɗa itua dobachii kakua.

¿Bichia itua deɗekai ɓue ẽbẽrarã kimabaraaruu diaɗe mauɗe waabenarã ome ãbua reunibudauɗe? Kawaɗayua kãareɗe kʉ̃risiaɗai panuu, BIDEO ochiábaɗa.

BIDEO: ¿Biʼia ɓue itua deɗekai? (2:41)

Romanos 13:13 mauɗe 1 Corintios 10:31, 32 leábaɗa. Textorã aɓaaɓaa leaɗakaɗe, nau ʉ̃rʉbena beɗeasturu:

• ¿Saka aiɗai ɓua nau texto Bibliaɗebenaba chi bichia asei kʉ̃ria ɓuu Jeowa kĩrajʉʉbiyua?

5. Kʉ̃risiaba sãabe itua doyua

Bichia itua doi ɓuubʉrã, kʉ̃risiaba Jeowa daaɗe itua doi miadaa ɓuuwẽmina, ichi baitara miadaa ɓuu ãrĩã itua dooruuɗe. ¿Sakayua? Oseas 4:11, 18 leaɗapeɗa, mambea nau ʉ̃rʉbena beɗeasturu:

• ¿Kãare pasaiba ẽbẽra ãrĩã itua do ɓeeruubʉrã?

¿Kãareba aiɗai ɓua dachia ãrĩã itua doomaaba? Kʉ̃risiabaraaɗai kãare dachia asei ɓuu mauɗe kãare poyaa aseɗaabai ɓuu. Proverbios 11:2 leaɗapeɗa, mambea nau ʉ̃rʉbena beɗeasturu:

• ¿Sakayua biʼia ɓuu naa kauwa kʉ̃risiayua itua ɓiɗĩikaburu doyua?

6. Itua dowẽeburuuɗebena miru wãse ãnimara pisiba jidauruuka kai

BIDEO: “Mʉa iadaa baɗa mʉ naeɗe nibaɗa” (6:32)

• ¿Kãare asesia Dimitriba itua do niiɗeeba?

• ¿Dimitriba isa itua doyu ida ɓui ɓoosee?

• ¿Saka ichia akawa itua doyu ɓuisaa?

1 Corintios 6:10, 11 leaɗapeɗa, mambea nau ʉ̃rʉbena beɗeasturu:

• ¿Ãrĩã miadaa ɓubaaka itua doyu biu paneeruuɗaa? ¿Sakayua?

• ¿Saka kawa panua chi ẽbẽraba itua ãrĩã dobarii mau ida ɓui ɓua?

Mateo 5:30 leaɗapeɗa, mambea nau ʉ̃rʉbena beɗeasturu:

• Chi Jesusba jaraɗa baɗa chi jua tõtaaruuɗebena, kawabi ɓuu ãrĩãdu berekabaraaɗai chi Jeowaba bustabarii aseɗayua. Bichi itua doyu ida ɓui kʉ̃ria ɓuubʉrã, ¿kãare asei ɓua?a

1 Corintios 15:33 leaɗapeɗa, mambea nau ʉ̃rʉbena beɗeasturu:

• ¿Kãare pasaiba bichi ẽbẽrarã ãrĩã itua dobarii baare nibaɗe wãibʉrã?

NAU KAWASIƊAA

Jeowaba deaɗa baɗa chi itua dachi kĩrajʉʉ nureaɗayua, maka ɓumina ichia bustakau akawa itua doyu biu paneeruuɗaa mauɗe itua ãrĩãdu do nibayu.

Waya berreaɗaika

• ¿Kãare jara ɓua chi Bibliaba itua do nibayu ʉ̃rʉbena?

• ¿Kãare pasai ɓua itua ãrĩãdu doi ɓuubʉrã?

• ¿Saka unubiɗaiba respeta panuu junebenarãba kʉ̃risiabadau chi itua doyu ʉ̃rʉbena?

NAU OCHIAS MAUCHABURU KAWAYUA

¿Kãareɗe kʉ̃risiaɗai ɓua chi kũudrãarã itua doi naeɗe?

Ituaɗeeba miaɗaa aserãaba (2:31)

Kawaba kãare asei ɓuu ãrĩã itua do ɓeemaaba.

“Kãare aseiba itua do nibaabayua” (Chi Kartaba, 1 eneroɗe 2010ɗebena)

¿Ara ɓue chi cristianorã ãchi ome brindaɗayu?

“Dachi kartarã leabadaurãba kawaɗa kʉ̃ria panua” (Chi Kartaba, 15 febreroɗe 2007ɗebena)

Leas saka mukĩra niiba ida ɓuiɗa baɗa chi itua nauɗe “Mʉa ãrĩã itua dowẽa nibakabachii”.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 mayoɗe 2012ɗebena)

Jomaurãmaa bustabadau diwara paru jʉ̃ɗapeɗa buɗa iruɗayu. Jãkaburu waarãmaa unubi panua dachia busta ɓuuɗe. Maabea Jeowa kĩrajʉʉbiɗai ɓuu Bibliaba biʼia jara ɓuu ase panuurã. Kawaɗaika jãuɗebena.

1. ¿Kãare jara ɓua Bibliaba chi paru biʼia jʉ̃peɗa mauɗe buɗa biʼia iruyu?

Chi cristianoba jʉrʉbaraai “paru ariɗe ɓuu, biʼia unubiɗayua, kauwa kʉ̃risiapeɗa”. Maubapeɗa, jayoaswẽa unubibaraai mauba “Dachi Akõre respeta ɓuu” unubiyua (1 Timoteo 2:9, 10). Kauwa ochiaba nau textoɗe kimare biʼia ɓeeɗebena jara ɓuu. (1) Dachia paru “ariɗe ɓuu” jʉ̃baraaɗai. Jeowa puuruɗebenarãba didiwaraa jʉ̃ kʉ̃ria nuree, bʉa reunión konkrekasionɗebenaɗe ochiabarii kĩra, maka ɓumina, dachia paru jʉ̃ɗapeɗa buɗa iruburuuba unubibaraai dachia Jeowa respeta nuree. (2) “Biʼia unubiɗayua” dachia jʉ̃ɗaabai paru dachi kakua unubi ɓuu, mauɗe ara dachidu ochiabiyua. (3) “Kauwa kʉ̃risiapeɗa” jʉ̃ɗaabayu chi paru junebe ãyaa nee bara ɓuurãɗebena. (4) Dachia paru jʉ̃ɗapeɗa buɗa irubudauɗe unubiɗayua “Dachi Akõre respeta nii”, makaburu dachia waabenarãmaa unubiɗai panuu Dachi Akõre biawãra nii ũriɗapeɗa kʉ̃riabadau (1 Corintios 10:31).

2. ¿Kãare kʉ̃risiaɗai ɓua waarã cristianorãba dachia paru jʉ̃ɗapeɗa buɗa irubudauɗe?

Dachia jʉrʉɗai panuu paru jʉ̃ɗapeɗa buɗa iruɗai baita. Maka ɓumina, biʼia jʉrʉbaraaɗai waabenarãmaa ãyaa kʉ̃risiabiɗaamaaba. Dachia nau konsejo ũribadaa: “Dachia aseɗayua aɓauba ase kʉ̃ria ɓuudu, chi mau biʼia ɓeebiɗapeɗa aude kereabiɗayua” (Romanos 15:1, 2 leas).

3. ¿Saka dachia paru jʉ̃ɗapeɗa buɗa irubudauba waabenarãmaa Jeowa ʉ̃rʉbena kawa kʉ̃riabiɗai ɓua?

Dachia paru ariɗe ɓuudu jʉ̃badau barikiauɗaa wãbudauɗe. Maamina, reunionɗaa wãɗapeɗa jaradeɗakaɗe wãbudauɗe, chi paru biʼia ochiaɗapeɗa jʉ̃badaa. Dachia chi paru biʼiawẽe jʉ̃ɗapeɗa mauɗe miadaa irubuɗarã, ẽbẽrarãba atua berreaɗai panuu dachia jaradea niɗau ʉ̃rʉbena. Bari, ãchia dachimaa ochiabudauɗe kawaɗa kʉ̃riaɗayua biawãraɗebena, mauɗe ãchia biʼia jaraɗayua “Chi Karibabariiba jaradeabariiɗebena” (Tito 2:10).

AUDE KAWABA

4. Dachia paru biʼia jʉ̃ɗapeɗa buɗa biʼia irubudaubʉrã, Jeowamaa respeto unubibadaa

¿Sakayuaburu dachirã baita biʼia ãrĩã ɓua chi paru biʼia jʉ̃ɗapeɗa mauɗe buɗa biʼia iruɗayu? Salmo 47:2 leaɗapeɗa, mambea nau ʉ̃rʉbena beɗeasturu:

• Dachia Jeowa ʉ̃rʉbena jaradeɗekabadau bẽrã, ¿kãare kʉ̃risiaɗaiba paru jʉ̃ɗai naeɗe?

• ¿Biʼia ɓubaaka naa ochiaɗayua saka paru jʉ̃ɗapeɗa buɗa irubudau reunionɗaa wãɗai naeɗe, makawẽebʉrã jaradeɗakaɗe wãɗai baita? ¿Sakayua maka kʉ̃risia ɓuma?

5. Dachia saka jʉrʉɗai ɓua chi paru jʉ̃budau mauɗe buɗa irubudau siɗa

BIDEO ochiábaɗa.

BIDEO: “Joma asébaɗa waabenarãba biʼia jaraɗayua Dachi Akõre ʉ̃rʉbena” (10:18)

Bariara chi paru ãrĩã baleɗa baɗa ɓuu, maebʉrã ɓaʼãraburu, chi biʼia ãrĩã ɓuura, chi jãu paru biʼia kerai baita jayoaswẽa mauɗe biʼia ɓooyu chi dachi wãburuumaabena. 1 Corintios 10:24 mauɗe 1 Timoteo 2:9, 10 leábaɗa. Mambea machi chiya beɗeasturu sakayua jʉ̃ɗaabai panuu paru...

• ... biʼiawẽe ɓee maebʉrã chi paru kõa ɓee.

• ... pĩsua ɓee, dachi kakua unubi ɓuu, waabenarãmaa ãyaa kʉ̃risiabi ɓuu.

Iɗibea chi cristianorãba aseɗakau chi Ley Moisesmaa deaɗa baɗaɗe jara kuɓuu, maka ɓumina, jãu leyba kawabi ɓuu Jeowaba kʉ̃risiabarii ʉ̃rʉbena. Deuteronomio 22:5 leaɗapeɗa, mambea nau ʉ̃rʉbena beɗeasturu:

• ¿Sakayua mukĩrarãba jʉ̃ɗapeɗa buɗa irubudauɗe wẽra kĩraka noɓeebayua, mauɗe sakayua wẽrarã siɗa araɓau aseɗaabai ɓua?

1 Corintios 10:32, 33 mauɗe 1 Juan 2:15, 16 leaɗapeɗa, mambea nau ʉ̃rʉbena beɗeasturu:

• Chi paru mauɗe chi buɗa iruburuuɗeeɗa waabenarãmaa biʼiwẽe ɓuu unubibudaubʉrã dachi ɓoobariimaabena maebʉrã konkrekasionɗebenarãmaa, ¿kãare aseɗayuba? ¿Sakayua?

• ¿Bichi ɓoobariimaa ẽbẽrarãba sãu paru jʉ̃ɗapeɗa mauɗe saka buɗa irubadaa?

• ¿Kʉ̃risia ɓuka chi ɓee paru chi buɗa iruburuu biʼiawẽe ɓuu cristiano baita? ¿Sakayua maka kʉ̃risia ɓuma?

NAU KAWASIƊAA

Dachia biʼia jʉrʉbudauɗe dachi paru dachi buɗa iruyuɗeeɗa, unubi panuu dachirãba Jeowa respeta nuree mauɗe junebenarã siɗa.

Waya berreaɗaika

• ¿Sakayua Jeowaba kʉ̃riakaa dachia paru barikia jʉ̃ɗapeɗa buɗa barikia iruɗayu?

• ¿Kãare textorã Bibliaɗebenaba kʉ̃risiabiɗai ɓua dachi biʼia jʉ̃ɗapeɗa buɗa siɗa biʼia iru kawayu?

• ¿Kãare kʉ̃risiaɗai ɓua Jeowa ʉ̃rʉbena junebenarãba dachia paru jʉ̃ɗapeɗa buɗa irubudauɗe? ¿Saka?

NAU OCHIAS MAUCHABURU KAWAYUA

Kawa kʉ̃risiáse ẽbẽrarãba bichi ʉ̃rʉbena kãare kʉ̃risiabadaa bichi paru unuuruuba.

“¿Waabenarãba mʉ ʉ̃rʉbena kãare kʉ̃risiabadaa mʉ paru unubudauba?” (Artículo jw.org ɗebena)

Kawaba sakayua biʼia kʉ̃risiabaraaɗai tatuaje kakuamaa waubii naeɗe.

“¿Biʼiawẽbaaka dachi kakuamaa tatuaje waubiɗai baita?” (Artículo jw.org ɗebena)

Kawaba maucha Bibliaba ariɗe jara ɓee mauba dachimaa kʉ̃risiabi ɓua biʼia aseɗai baita.

“¿Dachi paru chi buɗa iruburuu waabenarãba ochiabudauɗe biʼia jaraɗayue Dachi Akõre ʉ̃rʉbena?” (Chi Kartaba, septiembre 2016ɗebena)

¿Saka wẽra sõbia niiba junebenarãba paru jʉ̃ nii ʉ̃rʉbena atua beɗea nibaɗa ida ɓuisaa?

“Chi junebenarãba paru jʉ̃ nuree ochiaburuuba mʉ biʼiwẽe kʉ̃risiabachii” (¡Despertad!, 22 diciembreɗe 2003ɗebena)