7. Ley Kobierno Dachi Akõreɗe aude biʼia ɓea ẽbẽrarãɗe kãyabãra

Chi kobierno ẽbẽrarãɗeba leyrã asebadaa ãchia bereka ãchi puuru biʼia ɓua ira panaɗayua. Dachi Akõre Kobierno siɗa ley bara ɓua, mauɗe ichi puuruɗebenarãba mau kumplibaraaɗai. 1 Corintios 6:​9-11 leaɗapeɗa, mambea nau ʉ̃rʉbena beɗeasturu:

• ¿Saka ɓooi kʉ̃risia baraa bichia iujãa jomaurãba Dachi Akõre beɗea ũribudauɗe?a

• ¿Bichi baita ariɗe ɓue Jeowaba wiɗiyua chi leyrã ichi Kobiernoɗe ẽbẽrarãba respetaɗayua? ¿Sakayua jãka panau ɓua?

• ¿Saka kuitaa panaa ẽbẽrarãba nau leyrã ũriɗawẽe kambiaɗai ɓuu? (Versículo 11 ochiábaɗa).

Ẽbẽra ãrĩãba perabadau jãka mukĩra wẽra baara kãibadauɗebena jaraɗayu. Madu, Bibliaba jãuɗebena beɗeaburuuɗe, respetayu iɗaa jarabarii mauɗe biʼia ãrĩã ũriɗayu baita. Chi Bibliaba nau ʉ̃rʉbena jaraburuuba ãrĩãdu aiɗa ɓua. Nau maka ɓuura chi Biblia Jeowaɗebena nee ɓuuɗeeba, ara ichiaburu dachirã waukaɗa bẽrã mauɗe ichia kuitaa kuɓuu kãare biʼia ɓuu dachirã baita. Ichia jara ɓuu kãare aseɗayu ichi kĩrajʉʉbiɗai baita mauɗe saka kĩrajʉʉ biuɗawẽa nureaɗayua.

1. ¿Saka kʉ̃risiabaraa Jeowaba wẽra mukĩra baara kãibadauɗebena?

Mukĩra wẽra baara kãibadauɗebena jãu rekaloka Jeowaba dachimaa deaɗa. Ichia kʉ̃ria ɓuura mukĩra wẽra baara kimabaraapeɗaaɗa niɗauburu maka kĩrajʉʉ aseɗai panua. Chi kimabaraapeɗaaɗa baɗa warrarã adauɗayua, maabea ara ãchi omeerã kʉ̃ria iɗaa ãbua kĩrajʉʉ duanaɗayua. Mauba Bibliaba jara ɓua: “Kĩrajʉʉbi ɓuu nibayua bichi wẽra kũudrãaɗeeɗa unuɗa baɗa ome” (Proverbios 5:​18, 19). Jeowaba kʉ̃ria ɓuu chi kimabaraapeɗaaɗa niɗau aɓa kima omeburu nibai. Jãuɗéburu cristiano kimabaraa niibʉrã junebena ome kãibayua (Hebreos 13:4 leas).

2. ¿Kãareba mau ẽbẽrarã ãchi kakuaba kachirua aseburuu?

Bibliaba a ɓuu “ẽbẽrarã ãchi kakuaba kachirua ase nurea [...] Dachi Akõre Kobiernoɗe duanaɗaabayua” (1 Corintios 6:​9, 10). Bibliaɗe ẽbẽrarã ãchi kakuaba kachirua aseburuu ʉ̃rʉbena ɓʉ panasiiɗe chi griego beɗea pornéia ɓʉsiɗau. Jãuba jara kʉ̃ria ɓuu (1) kimabaraa nureerãwẽe kãibadauɗebena,a (2) mukĩra nii araɓau mukĩra ome mauɗe wẽra nii araɓau wẽra ome kãibadau mauɗe (3) ẽbẽra nii ãnimara ome kãibadau. Maka miadaa ɓee aseɗawẽebʉrã, Jeowa kĩrajʉʉbibadaa mauɗe dachi siɗa kĩrajʉʉ nureabadaa (1 Tesalonicenses 4:3).

AUDE KAWABA

3. Chi kakuaba kachirua ɓee aserã́ba

Mukĩra kĩra jipa nibaɗa chi trʉ̃ José ichi kakua ome kachirua aseka ɓuu nibaɗaa. Génesis 39:1-12 leaɗapeɗa, mambea nau ʉ̃rʉbena beɗeasturu:

• ¿Sakayua José pira wãɗa baɗaba? (Versículo 9 ochiábaɗa).

• ¿José biʼia ɓuu asesaka? ¿Sakayua jãka kʉ̃risia ɓua?

BIDEO: Kimabarawẽniiba kãidu paneeɗa arua ijãabayua miruwañua (5:06)

Jeowaba kʉ̃ria ɓuu jomaurã dachi kakua ome kachirua ɓee aseɗaamaaba. 1 Corintios 6:18 leaɗapeɗa, mambea nau ʉ̃rʉbena beɗeasturu:

• ¿Sakayua chi nuree ẽbẽra kachirua asebadaa ãchi kakua ome?

• ¿Kãare asei ɓua bichi kachirua aseemaaba bichi kakua ome?

4. Bichia miadaa ase kʉ̃ria kuɓuu siɗa, ne biaburu asei ɓua

BIDEO: Aseɗaika chi biʼiaudu Biblia leabudauba (3:02)

• ¿Kãare asesaa chi ãba bideoɗebenaba kawasiiɗe ichia ne kachirua ɓee kʉ̃risiapeɗa aseburuuba mauba junebena wẽra ome kãi noɓooɗe wãbi ɓuu?

Chi cristianorã jipa nuree baita biɗa ãchi berekabaraaɗai ãchi kʉ̃risia jayoaswẽe nureaɗayua. ¿Kãare asei ɓua bichi chi kachirua ɓee kʉ̃risia koɓeemaaba? Filipenses 4:8 leaɗapeɗa, mambea nau ʉ̃rʉbena beɗeasturu:

• ¿Kãareɗe kʉ̃risiaɗai ɓua?

• ¿Bichia kʉ̃risia ɓue Biblia leapeɗa, ãrĩã trajaburuubʉrã Jeowa baita, chi kachirua ɓee aseebai ɓuu? ¿Sakayua?

5. Jeowaba jara ɓuu biʼia ɓua

BIDEO: Chi kachirua kʉ̃risia nureerã biʼiawẽe wãbadaa (9:31)

• ¿Saka jãu kũudrãa nii kachirua ɓeeɗe ɓaesaa? (Proverbios 7:8, 9 ochiábaɗa).

• Proverbios 7:23, 26 jara ɓuuɗe, dachi kakua ome kachirua aseburuuɗe biʼiawẽe wãbadau. Dachi kʉ̃risia biʼia niibʉrã, ¿kãare problemarã bara nibaɗaabaiba?

• ¿Dachi jipa nibapeɗa jayoaswẽa niibʉrã mauba saka dachi biuɗawẽa nureabi ɓua?

Chi ɓeeba kʉ̃risiabadaa ariɗe ɓuuwẽe chi Bibliaba jara ɓuu mukĩra nii aɓau mukĩra ome mauɗe wẽra nii aɓau wẽra ome kãi noɓeeyu ʉ̃rʉbena. Madu Jeowaba kʉ̃ria ãrĩã nii mauɗe ichia kʉ̃ria ɓuu jomaurã kĩrajʉʉ biuɗawẽa nureaɗayua. Mauɗe jãka duanaɗai baita, chi ichia jara ɓuu dachia asebaraaɗai. 1 Corintios 6:9-11 leaɗapeɗa, mambea nau ʉ̃rʉbena beɗeasturu:

• Dachi Akõre kʉ̃risiamaarã, ¿mukĩra nii aɓau mukĩra baara mauɗe wẽra nii aɓau wẽra ome kãi noɓeei kʉ̃risiaburuu ara jãdu biʼiawẽe ɓue?

Dachi Akõre kĩrajʉʉbii kʉ̃ria duanuubʉrã, jomaurã kambiabaraaɗai. ¿Biʼia ɓue dachi ãrĩã berekayu ne miadaa ida ɓui baita? Salmo 19:8, 11 leaɗapeɗa, mambea nau ʉ̃rʉbena beɗeasturu:

• ¿Bichimaa biʼia ɓue Jeowaba jara ɓuu dachi kakua ome ase panuuɗebena? ¿Sakayua?

NAU KAWASIƊAA

Mukĩra wẽra baara kãibadauɗebena jãu biʼia ɓuu Jeowaba deaɗa, ichia kʉ̃ria ɓuu jãuba kĩrajʉʉ nibaɗayu mukĩra wẽra ome kimabaraapeɗaaɗa niɗau.

Waya berreaɗaika

• ¿Kãare ne kachirua asebadaa ẽbẽrarãba ãchi kakua ome?

• ¿Kãareba aiɗai ɓua dachi kakua ome kachirua aseɗaamaaba?

• ¿Sakayua biʼia ɓua ũriyu Jeowaba jara ɓuu dachi kakua jipa nibapeɗa jayoaswẽa nibayu ʉ̃rʉbena?

NAU OCHIAS MAUCHABURU KAWAYUA

Kawaba sakayua kʉ̃ria ɓua Jeowaba mukĩra wẽra ome kimabaraayu ãbua niba kʉ̃ria panuubʉrã.

“¿Kãare jara ɓua Bibliaba ãbua nibaɗe wãɗayu kimabaraaɗawẽa niɗauɗebena?” (Artículo jw.org ɗebena)

Kawaba sakayua Bibliaba jarawẽe mukĩra nii aɓau mukĩra ome, wẽra nii aɓau wẽra ome kãi noɓeeyu ʉ̃rʉbena cha naarã ẽbẽrarã kĩramaaɗai baita.

“¿Biʼiawẽe ɓue mukĩra nii aɓau mukĩra ome maebʉrã wẽra nii aɓau wẽra ome kãi noɓooɗe wãɗayu?” (Artículo jw.org ɗebena)

Leas kãarea biʼia ɓua Bibliaba jara ɓuu mukĩra wẽra ome kãibadauɗebena.

“¿Mukĩra kakua maebʉrã wẽra kakua iɗeeba sõyu araɓau ɓue mukĩra wẽra baare kãi noɓooɗe wãaruu kĩra?” (Artículo jw.org ɗebena)

¿Kãareba aiɗasaa mukĩra ichi aɓau mukĩra ome kãibachia jãu ida ɓuipeɗa mauɗe Dachi Akõre kĩrajʉʉbiyua? Leas “Mʉ biʼia adaupeɗaaɗa baɗaa”.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 abrilɗe 2011ɗebena)

Bariara bichia Jeowa kʉ̃ria inimina, maabea bereka ɓuu ichi kachirua ɓuemaaba, ɓooyua bichia ichi naa ãyaa aseeruu. Maamina baraa pekaorã aude choroma ɓee aɓabena kãyabãra (1 Corintios 6:​9, 10). Bichia pekao choroma aseibʉrã, akorɗaba Jeowaba bichi mau kakua kʉ̃ria ini baɗa ɓuibayua; ichira dachirã perdonapeɗa aiɗayua kuɓua.

1. ¿Kãare asebaraaɗaiba Jeowaba dachirã perdonayua?

Ẽbẽra niiba Jeowa kʉ̃ria inii pekao choroma aseɗa baɗa kawaaruuɗe, ãrĩãdu kachirua sentibaria. Maamina Jeowaba ũkuru ichi biʼia sentibi ɓua nau ichi puurumaa jaraɗaba: “Bariara machi pekaorã purea ãrĩã ɓuu kĩra ɓemina, torroa ãrĩã ɓee baɗe wãyua nieve kĩra” (Isaías 1:18). Dachi corazonɗeeba arrepentiɗarã Jeowaba dachirã akawara perdonakuayua. ¿Maabea kãareba arrepentiiruu? Naarã kachirua ãrĩãdu sentiiruu miadaa aseɗa kakua, chi ne kachirua ãrĩã ɓuu waya ida kuɓuyu mauɗe Jeowamaa ãrĩãdu wiɗii ichia perdonayua. Maabeaburu corazonɗeeba berekabaria dachi chi ãyaa kʉ̃risia ɓooɗa ida ɓui baita, maebʉrã ida ɓuikai miadaa ãrĩã ɓee mauba waya pekao asebiimaaba, maabea berekabaria jayoaswẽa nibayu Jeowaba jara ɓuu kĩra (Isaías 55:​6, 7 leas).

2. Pekao asebudaubʉrã, ¿Jeowaba saka aiɗa nia chi dawaraurãɗeeba?

Pekao choroma asebariimaa, Jeowaba nau konsejo deabaria: “Dawaraurã konkrekasionɗebena iuyua” (Santiago 5:​14, 15 leas). Naarã mukĩrarã Jeowa Jauriɗeeba trʉ̃ jarapeɗaaɗa baɗarã, ãchia chi kʉ̃riabʉ Jeowa mauɗe ichi oejarã, maabea ãchia ãrĩã kawa duanuu dachirã aiɗayua waya Jeowa ome amikorã nureaɗai baita (Gálatas 6:1).

¿Saka aiɗa panaa dawaraurãba dachirã pekao choroma asebudaubʉrã? Ome maebʉrã õbeaurã jãarãɗebenaba dachi ũkuru kawabibudau chi dachia aseɗa baɗa miadaa ɓoosii. Mauɗe konsejo biarã siɗa deaɗayua dachi ũkuru ãrĩãdu chaarea duanaɗai waya pekao aseɗaamaaba. Ẽbẽra pekao choroma asepeɗa, maabea arrepentiwẽebʉrã, dawaraurãba konkrekasionɗebena awara bʉeɗayua makaburu ichia waabenarã miadaa asebiimaaba.

AUDE KAWABA

3. Chi pekao ase panuuɗebena jarabudauba ũkuru Jeowa jʉ̃kaa duanabi ɓua

Barikiau pekao miadaa asebudau, jãuba Jeowa kachirua sentibi ɓua, mauɗeeba dachirãba jarabaraaɗai chi dachia ne kachirua ase duanuu ʉ̃rʉbena ichimaa. Salmo 32:1-5 leaɗapeɗa, mambea nau ʉ̃rʉbena beɗeasturu:

• ¿Sakayua biʼia ɓua dachi pekaorã Jeowamaa jaraɗayu meraɗai baɗabaarã?

BIDEO: “Jeowaba iaɗaakuabarii ichia kʉ̃ria uaniirã” (3:01)

• Canon Jeowamaa waya neeyua, ¿chi dawaraurãba saka aiɗasiɗaa?

Arikʉɗe ɓua dachia chi biawãradu jaraɗayu chi dawaraurãmaa ni aɓa biɗa meraɗawẽa, ãchi jãarãra aiɗaɗayuaburu duanuu bẽrã. Santiago 5:16 leaɗapeɗa, mambea nau ʉ̃rʉbena beɗeasturu:

• Bichimaa dachirãba aɓa biɗa meraɗawẽebʉrã, ¿dawaraurã baita fácil ɓobaaka dachirã aiɗaɗai baita? ¿Sakayua?

4. Jeowaba chuburiakuabarii chi pekao asepeɗaaɗa baɗa

Ẽbẽra ɓuuba pekao choroma aseɗa baɗa niiba maabea Jeowaba jara ɓuu ase kʉ̃riawẽe niibʉrã, konkrekasionɗebena awara bʉeɗayu. Maabea dachirãra ichi mau ome meraaɗaabai ɓuu. 1 Corintios 5:6, 11 leaɗapeɗa, mambea nau ʉ̃rʉbena beɗeasturu:

• Ara jãka chi levaduraba pan waubarii masa eɗa joma ẽesãabibarii kĩra, bichimaa chi pekao asepeɗa arrepentiwẽa nii ome meraa paneebudau, ¿jãuba ãrĩãdu daño ase ɓue konkrekasionɗebenarãmaa? ¿Sakayua?

• Aɓa awara bʉeɗa baɗa maabea arrepentiɗakare Jeowaba waya adau nia ¿mauba saka unubi nia ichia ẽbẽrarã kʉ̃riapeɗa kĩra chuburiabarii?

5. Jeowaba dachirã perdonabaria arrepentiɗarã

Jesusba dachirãmaa nebʉrʉɗa basia dachia kawaɗai baita Jeowa saka sentibarii ẽbẽra aɓa arrepentiburuuɗe. Lucas 15:1-7 leaɗapeɗa, mambea nau ʉ̃rʉbena beɗeasturu:

• ¿Kãare saka jaradea ɓua Jeowa ʉ̃rʉbena Jesusba dachirãmaa nebʉrʉɗaba?

Ezequiel 33:11 leaɗapeɗa, mambea nau ʉ̃rʉbena beɗeasturu:

• ¿Kãare saka aseɗaiba dachia unubiɗayua chi dachirã arrepenti panuu?

NAU KAWASIƊAA

Pekao choroma aseɗapeɗa, maamina biawãra arrepenti panuubʉrã mauɗe dachi kʉ̃risiaɗeeba nau waya aseɗaabai panuubʉrã, Jeowaba perdonakuayua.

Waya berreaɗaika

• ¿Sakayua biʼia ɓua dachi pekaorã Jeowamaa jaraɗayu meraɗai baɗabaarã?

• ¿Kãare aseɗaiba dachirãba Jeowaba dachi pekaorã perdonakuayua?

• Dachia pekao choroma aseeduubʉrã, ¿sakayua dawaraurãba aiɗaɗayu jʉrʉɗaiba?

NAU OCHIAS MAUCHABURU KAWAYUA

Ochias saka Jeowaba mukĩra nii perdonaɗa baɗa, Isaías 1:18ɗe jara ɓuu kĩra.

Jeowaba dachirã perdonawẽe bayu kʉ̃risiarãɗaika (5:02)

¿Kãare asebadaa chi dawaraurã aiɗaɗayua chi pekao mechibena asepeɗaaɗa?

“Kʉ̃riábaɗa chi pekao choroma asebadaurã mauɗe kĩra chuburia unubíbaɗa” (Chi Kartaba, agostoɗe 2024ɗebena)

ẽbẽrarã abiɗa arrepentiwẽa panuu, maarã siɗa kʉ̃riaɗapeɗa kĩra chuburiaɗayua.

“Saka aiɗaɗai ɓua chi awara ɓuipeɗaaɗa baɗa chi congregacionɗebena” (Chi Kartaba, agostoɗe 2024ɗebena)

Aɓa niiba nebʉrʉbaria “Jeowa jʉ̃kaa meraayu nesita ɓoosia” ichia jarabarii saka Jeowaba waya chi konkrekasionɗaa uneemaa ɓoosii.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 abrilɗe 2012ɗebena)