• ¿Kãareba aiɗai ɓua chi Biblia biʼia kawa nibaɗe wãi baita?
    Saka kĩrajʉʉ biuwẽa nibaiba Bibliaɗebena kawaniiba

    • 4. Chi Bibliaɗebena kawai baita importante ãrĩã ɓooyua bichi baita

      Ɓooyua dachi kosarã ãrĩã asei baita, ɓoobaria chaarea ɓuu chi tiempo jʉrʉi baita Bibliaɗebena kawayua. ¿Kãare aseɗai ɓua? Filipenses 1:10 leaɗapeɗa, mambea nau ʉ̃rʉbena beɗeasturu:

      • Bichi baita, ¿kãareba “chi kosarã aude importante ɓee”?

      • ¿Kãare asei ɓua chi kawayu Bibliaɗebena importante ãrĩã ɓooyu bichi baita?

      A. Fotorãba koko eɗa waa biruubimaa ɓuu mo ibu baarauba: 1. Ibu aribia bara nuɓuu mo aribia bara nuɓuu baare . 2. Chi ibu kokoɗe, waa biruiɗea koɓoosii. 3. Chi ɓee moorã ibu ʉ̃rʉ mauɗe chi ɓee koko awara. B. Diujorã: 1. Ara chi aɓa ɓuudu ibu mauɗe ara chi aɓa ɓuudu moorã. 2. Chi moorã ara aɓa ɓuu kokoɗe, waa biruu kausii. 3. Chi ibu eɗa wã ɓua moo tãeɗe maka ɓuuɗe chi koko waa biruubii ɓua, maabea ibu ɓaʼãra ɓee ɓuu awara.

      1. Chi ibudu naa baldeɗaa kuɓuuruubʉrã, makarã chi mo eɗa koɓooi baita wãʼãe bai ɓuu.

      2. Maka ɓumina chi mo naa kuɓusiɗarã baldeɗaa makarã chi ibu baita eɗa koɓooi ɓuu. Ara jãka, naa aseeruubʉrã “chi importante ɓuudu”, maabea tiempo ɓeeyua waabenarã baita biɗa.

      Jomaurã dachi ẽbẽrarãba nesita duanua Dachi Akõreɗebena kawaɗayua maabea ichi kʉ̃riaɗayu, nau baitaburu waukaɗa basia mauɗéburu Bibliaɗebena kawabaraaɗai. Mateo 5:3 leaɗapeɗa, mambea nau ʉ̃rʉbena beɗeasturu:

      • Dachi waaburu kawaɗaibʉrã chi Bibliaɗebena, ¿saka wãɗai ɓua?