1. ¿Kãare asebibadaa amikorãba?

Ɓesesɗe dachi waabena ẽbẽra jʉ̃kaa duaneesirã o maebʉrã mau ome ãrĩã berreasiɗarã celularɗeeba, chi ẽbẽra ichi nibabarii kĩrachaa ara mau kĩra nureaɗai ɓua. Bibliaba naka jara ɓua: “Chi biʼia kʉ̃risiabadau baare ãda ɓuubʉrã makarã mau siɗa biʼia kʉ̃risia kerai, maka ɓumina biʼia kʉ̃risiaɗakaurã [ẽbẽrarã Jeowa kʉ̃riaɗakaurã] baare koɓeesirã biʼiawẽe wãi” (Proverbios 13:20). Chi amikorã Jeowa ũriɗapeɗa kʉ̃riabadaurã maarãba aiɗaɗai panua ichi ara kaita panaɗai baita, mauɗe kʉ̃risiaɗapeɗa biʼia aseɗayua. Maamina, konkrekasionɗe nibakau ome ãrĩã meraa niibʉrã, Jeowa ida ɓui ɓua. Mauɗeeba Bibliaba jara ɓua dachia amiko jʉrʉɗai baita ãrĩãdu ochiaɗai ɓua naaburu kuitaa panaɗai ɓua. Dachi amikorã biɗa Dachi Akõre kʉ̃riabadauɗe, ãchi biʼia wãɗai ɓua mauɗe dachirã siɗa. Dachia nau beɗea ũriɗai ɓua: “Mauɗeeba chiya kĩrajʉ́sturu. Mauɗe chiya aiɗásturu biʼia ijãaɗai baita machiba wau panuu kĩra” (1 Tesalonicenses 5:​11).

Jeowaba dachi waukasiiɗe, dachimaa rekalo mipitaa ɓuu deaɗaa: beɗeayu baita. ¿Ichi baita biʼia ɓubaaka biʼia beɗeaɗayu? ¡Maarã maka ɓua! (Santiago 1:26 leas). Makarã, ¿saka beɗeaɗaiba Jeowaba busta ɓuu kĩra?

1. ¿Saka biʼia beɗeaɗai ɓua?

Bibliaba naka jara ɓua: “Chiya kĩrajʉ́sturu. Mauɗe chiya aiɗásturu biʼia ijãaɗai baita” (1 Tesalonicenses 5:11). ¿Unubarika bichia aɓa ãrĩã aburri aka ɓuu? ¿Kãare asei ɓubaama ichi biʼia sentibiyua? Jaras jãu ẽbẽramaa ichi kʉ̃ria ãrĩã inii. Jarai ɓuubʉrã ichi biʼia nii unu ɓuuɗebena. ¿Kʉ̃risiabarika texto Bibliaɗebenaba biʼia ãrĩã sentibii baita chi ẽbẽra bichia unubarii? Ãrĩãdu baraa dachia jʉrʉi baita. Maubapeɗa, kʉ̃risiáse kãare jarayu mauɗe saka jarayu mau junebenarãba ãyaa kʉ̃risiabiimaaba. Beɗearuuɗe, kĩruwẽa mauɗe mipitaa beɗeachãu (Proverbios 15:1).

2. ¿Saka beɗeaɗaabayu?

Bibliaba naka jara ɓua: “Bichi iɗebena miadaa beɗearã́se” (Efesios 4:29 leas). Jãuba jara kʉ̃ria ɓuu poyaa beɗeaɗaabayu beɗea miadaa ɓee mauɗe waabenarãmaa poyaa atua jaraabayua biʼiawẽe sentibiimaaba. Maubapeɗa, dachi poyaa arabena ʉ̃rʉbena setaa berrea panaabai (Proverbios 16:28 leas).

3. ¿Saka beɗeaɗai ɓua chi biʼia ɓuudu?

Beɗeabudauɗe, unubibadaa dachia kʉ̃risiabarii chi senti kuɓuu baara (Lucas 6:45). Bereka kʉ̃risiaɗayu beɗeaɗai baita joma biʼia ɓuudu, joma jipa ɓuuɗebena, joma chi kachiruaswẽe ɓuu ʉ̃rʉbena, ne joma dachia biʼia jarabadau ʉ̃rʉbena mauɗe jomaurãba kʉ̃riabadau ʉ̃rʉbena (Filipenses 4:8). Jãka aseyua, biʼia jʉrʉbaraaɗai kãare ochiaɗayu televisionɗe maka maebʉrã, celularɗe mauɗe amikorã biadu jʉrʉbaraaɗai (Proverbios 13:20). Maubapeɗa, biʼia kʉ̃risiaɗayua beɗeaɗai naeɗe. Kauwa kʉ̃risiaba junebenarã saka kʉ̃risiabadau bichia jaraburuuɗe. Bibliaba naka jara ɓua: “Chi beɗea kʉ̃risiawẽa beɗeaburuuba, jãuba nekoba tõoruu kĩraka senti ɓua, maka ɓumina chi kẽreme kuitaa ɓuuɗebenaba anibibaria tõo kuɓuu” (Proverbios 12:18).

AUDE KAWABA

4. Kauwa kʉ̃risiaba beɗeaburuuɗe

Jomaurãba ɓesesɗe jarabadaa chi jaraɗaabai baɗa (Santiago 3:2). Gálatas 5:22, 23 leaɗapeɗa, mambea nau ʉ̃rʉbena beɗeasturu:

• Biʼia kʉ̃risiayua kãare jaraburuu mauɗe saka jaraaruuɗebena, jari chi versiculoɗebena, ¿kãare wiɗiɗai ɓuu Jeowamaa ẽbẽra bia nibayua? ¿Saka wãiba jãka aseburuubʉrã?

1 Corintios 15:33 leaɗapeɗa, mambea nau ʉ̃rʉbena beɗeasturu:

• Bichi amikorã, televisionɗe unupeɗa mauɗe celularɗe unubarii, ¿jãuba ãyaa beɗeabi ɓue? ¿Saka beɗeabi ɓua?

Eclesiastés 3:1, 7 leaɗapeɗa, mambea nau ʉ̃rʉbena beɗeasturu:

• ¿Kãare momentoɗe biʼia ɓubaama chũpea aka ɓooi baita maebʉrã esperai baita biʼia jarayua?

5. Biʼia jara nibayua waabenarã ʉ̃rʉbena

BIDEO: Biʼia jaras “waabenarã biʼia aiɗaɗai baita” (4:07)

• ¿Sakayua ãba bideoɗebenaba kʉ̃ria ɓoosaa ida ɓuiyua kachirua beɗeamaaba junebenarã ʉ̃rʉbena?

• ¿Kãare asesaa maka nibai baita?

Eclesiastés 7:16 leaɗapeɗa, mambea nau ʉ̃rʉbena beɗeasturu:

• ¿Kãareɗebena kʉ̃risiaɗaiba junebena ʉ̃rʉbena kachirua beɗeai kʉ̃ria panuuɗe?

Eclesiastés 7:21, 22 leaɗapeɗa, mambea nau ʉ̃rʉbena beɗeasturu:

• Junebenaba kachirua jaraburuuɗe bichi ʉ̃rʉbena, ¿naarã versiculorãba aiɗa ɓubaaka kachirua kʉ̃risiamaaba? ¿Sakayua?

6. Chi deɗabena ome mipitaa beɗeaba

BIDEO: Deɗabena ãbua duanabadaa kʉ̃riaɗapeɗa respeta nureeɗeeba (3:08)

• ¿Kãareba aiɗa ɓua mipitaa beɗeayua chi deɗabena ome?

Efesios 4:31, 32 leaɗapeɗa, mambea nau ʉ̃rʉbena beɗeasturu:

• ¿Saka beɗeaɗai ɓua biʼia duanaɗayua deɗabena ome?

Jeowaba jarabachia chi Warr Jesusmaa kʉ̃ria ãrĩã inii. Mateo 17:5 leaɗapeɗa, mambea nau ʉ̃rʉbena beɗeasturu:

• ¿Saka aseɗai ɓua Jeowa kĩraka dachi deɗabena ome beɗearuuɗe?

NAU KAWASIƊAA

Dachia jaraburuuba biʼia o maebʉrã biʼiawẽe sentibiyua waabenarã. Mauɗeeba kauwa kʉ̃risiabaraaɗai kãareɗebena beɗeabudau, sakaeɗe beɗeaɗayu mauɗe saka beɗeayu.

Waya berreaɗaika

• ¿Saka beɗeayuba junebenarã aiɗaɗayua?

• ¿Saka poyaa beɗeaɗaabayua?

• ¿Kãareba aiɗai ɓua biʼia ãrĩã kʉ̃risiayua mauɗe mipitaa beɗeayu?

NAU OCHIAS MAUCHABURU KAWAYUA

¿Saka beɗeaɗai ɓua biʼia ɓuuɗebenadu?

Beɗeaɗaika chi jari biʼia beɗeabadau kĩra (8:09)

Kawaba kãare aseyu kachirua beɗeamaaba.

“¿Sakayua biʼiawẽe ɓua chi kachirua ɓuu beɗeayu baita?” (Artículo jw.org ɗebena)

Kawaba kãare asei ɓua arabena ʉ̃rʉbena setaa jaraamaaba.

¡Waabenarã ʉ̃rʉbena atua jararãaba! (2:36)

Leachãu saka aiɗasii Jeowaba mukĩra nii ichia berekasii kachirua beɗea nibawẽemaaba.

“Mʉa kʉ̃risia koɓeesii mʉ o ãiburu wãsiiɗebena” (Chi Kartaba, 1 agostoɗe 2013ɗebena)