¿Kãarea biʼia ɓua chi reunión Jeowa ɗebena Jaranũrẽɗeɗaa wãyu?

¿Bichimaa jara panue chi reunión Jeowa ɗebena Jaranũrẽɗeɗaa wãyua? Bichi reunionɗaa naeɗe ɓes aɓa biɗa wãkau niibʉrã, ¿waweakae aɓa ɓuuɗaa wãburuuɗeeba? Bichia naka kʉ̃risiai ɓua: “¿Kãare ase duanabaraa Jeowa ɗebena Jaranũrẽ ãchi reunionɗe? ¿Sakayua importante ãrĩã ɓua ãchi baita? ¿Mʉ siɗa wãi ɓue?”. Nau lesionɗe kawayua bichi reunionɗaa wãaruuba, saka Dachi Akõre jʉ̃kaa aude nibai mauɗe sakayua biʼia ãrĩã ɓuu.

1. ¿Kãarea reunionɗaa wãbadaa?

Bibliaɗebena ɓʉɗaba jaraɗa basia sakayua importante ãrĩã ɓuu reunionɗaa wãyu, ichia naka asia: “Chi konkrekasionɗe biʼia jarayua Jeowa ʉ̃rubena” (Salmo 26:12). Iɗi biɗa, Jeowa ɗebena Jaranũrẽ ãbua reunibadama maabea kĩrajʉʉ ãrĩã duanabadaa. Joma iujãaɗe, semanacha reuni duanabaria Dachi Akõre ʉ̃rʉbena beɗeaɗayua, kariɗapeɗa maabea ʉtaa ãbua wiɗikuaɗayua. Ɓesesɗe ãbua duanabarii asamblea aseɗai baita añocha.

2. ¿Kãare kawaburua bichia dai reunionɗe?

Reunión diaɗe Dachi Akõre Beɗea ʉ̃rʉbena jaradeabadau, mama aria chi Bibliaba jara ɓuu ariɗe kawabibadaa (Nehemías 8:8 leas). Bichi wãrã, waaburu kawayua saka nibabarii Jeowa. Bichia kawarã ichi kʉ̃ria ãrĩã inii, bichi ichi amiko ba kʉ̃riayua. Mauɗe ichia biɗa ũkuru kawabiyua saka kĩrajʉʉ nibayu (Isaías 48:17, 18).

3. ¿Ẽbẽrarã reunionɗe duanuuba bichi saka aiɗaɗai ɓua?

Jeowaba dachimaa jara ɓuu “jʉrʉɗai panuu saka chiya aiɗaɗai aude kʉ̃riaɗai baita mauɗe chi bia wauɗai baita. Ãbua duanaɗai ida ɓuɗaabai panuu” (Hebreos 10:24, 25). Dai reuniorãɗe unuyua ẽbẽrarã ãchi chiya kʉ̃ria kirureerã mauɗe bichi kĩra Dachi Akõre ʉ̃rʉbena kawaɗa kʉ̃ria panuu. Aria ũriyua beɗea chekerã Bibliaɗebena adaupeɗaaɗa baɗa mauba bichi biʼia sentibii (Romanos 1:11, 12 leas). Mauɗe ẽbẽrarã kima kãipeɗaaɗa mauɗe du nuree ome biɗa beɗeaɗai ɓua, ãchi jãarã bariara problemarã barau adua naa kãribasiɗau. Mauɗeeba Jeowaba kʉ̃ria ɓuu reunionɗaa wãɗayua waaburu.

AUDE KAWABA

4. Chi reuniorã Jeowa ɗebena Jaranũrẽɗe

Chi nabẽrarã cristianorã ãbua duanabachiɗaa Jeowa ũriɗapeɗa kʉ̃riaɗayua (Romanos 16:3-5). Colosenses 3:16 leaɗapeɗa, mambea nau ʉ̃rʉbena beɗeasturu:

• ¿Kãare asebachiɗaa chi nabẽrarã cristianorãba Jeowa kʉ̃riaɗapeɗa mauɗe ichi ũriɗayua?

BIDEO: ¿Kãare asebadaa dai reunionɗe? (2:12)

• ¿Colosenses 3:16ɗe kãare jara ɓuu bichia unu ɓua reunionɗe?

• Chi bideo foto baare ochiaruuba, ¿jãma eɗabena aɓa bustasee chi reunionɗebena?

2 Corintios 9:7 leaɗapeɗa, mambea nau ʉ̃rʉbena beɗeasturu:

• ¿Sakayua chi reunión Jeowa ɗebena Jaranũrẽrãɗe chi nejarra wiɗiɗakaba?

Bichi jaradeabarii omeeba ochiásturu chi reunionɗebena nau semanaɗebena.

• ¿Chi reunión jaradeabudauɗebena sãu aude bichia busta ɓua?

¿Bichia kuitaa ɓoosee?

Jw.org ɗe bichia jʉrʉi ɓua sama mauɗe sakaeɗe asebadau chi reuniorã barikiaurã puururã nau iujãaɗebenaɗe.

1. Dai reunionɗe Bibliaɗebena jaradeaɗapeɗa, kawabibadaa saka jaradeai aɓabenamaa, maabea bideorã unubibadau. Chi reunión ẽpesaburuuɗe ʉtaa wiɗiɗapeɗa, karibadaa ara terminaaduu dauchia biɗa.

2. Chi wãuribudaurã jua ʉtaa ʉaɗapeɗa beɗeaɗai ɓua.

3. Jomaurã wãɗai ɓua: mukĩrarã, kũudrãarã, wẽrarã, warrarã nureeɗeeɗa...

4. Chi reunión Jeowa ɗebena Jaranũrẽrãɗe baribʉ. Chi nejarra wiɗiɗakaa mauɗe entrai baita biɗa paaɗaabayua.

5. Bariara chaarea ãrĩã ɓumina, chi reunionɗaa wãbaraaɗai

Kʉ̃risiaɗaika Jesús deɗabenarã ʉ̃rʉbena. Ãchirãra Nazaretɗe duanasia. Chi temploɗaa neeɗayua ãchi jĩrʉɗeeba tʉaɗai barache panasia õbea días modeɗe. Lucas 2:​39-42 leaɗapeɗa, mambea nau ʉ̃rʉbena beɗeasturu:

• ¿Bichia kʉ̃risia ɓue chaarea ãrĩã ɓoosii Jerusalenɗaa wãyu?

• Mauɗe, ¿bichi baita kãare chaarea ɓua chi reunionɗaa wãi baita?

• Bariara ɓesesɗe chaarea ãrĩã ɓumina chi reunionɗaa wãyu, ¿bichi baita jãu biʼia ɓue? ¿Sakayua?

• ¿Sakayua dachi waaburu wãuri duanaɗaiba chi reunionɗaa?

NAU KAWASIƊAA

Chi reunionɗaa waa wãrã, makarã Jeowa ʉ̃rʉbena ãrĩã kawayua, saka aude ichi kaita duanaɗai mauɗe saka ichi ũriɗapeɗa kʉ̃riaɗai waabenarã ẽbẽrarã ome.

Waya berreaɗaika

• ¿Sakayua Jeowaba jara ɓua dachirã reunionɗaa wãɗai baita?

• ¿Kãare kawaiba chi reunión Jeowa ɗebena Jaranũrerãɗe?

• ¿Sakayua biʼia ɓua reunionɗaa wãyu?

NAU OCHIAS MAUCHABURU KAWAYUA

¿Waweabaree chi reunionɗaa wãi baita? Mukĩra nii ara jãka senti ɓooɗa mau baɗa ãrĩãdu busta ɓeesia. Cha nama ochiachãu sakayua bustasii.

¡Dachia olbidaɗaabayua saka saluasiɗau! (4:16)

Unuse aɓa nii kũudrãamaa saka ãrĩã busta ɓeesii chi reunión mauɗe ochiachãu jãu joma asesii maabea chi reunionɗaa joma nibaɗe wãyua.

Ãrĩã bustasii chi reuniorã (4:33)

Leachãu june ẽbẽrarãba kʉ̃risiabadau reunionɗaa wãburuuɗebena.

“¿Sakayua biʼia ɓua chi Jeowa ɗebena Jaranũrẽ Deeɗaa wãyua?” (Artículo jw.org ɗebena)

Kawaba saka mukĩra aɓa nii pelea ãrĩã nibaɗa kambiasii reunionɗaa nibaɗe wãsiiba.

“Mʉ wãburuuɗaa armaswẽe wãabachia” (Chi Kartaba, 1 julioɗe 2014ɗebena)

5. 1914ɗe nau iujãa o ãi wãsia

BIDEO ochiábaɗa.

BIDEO: 1914ɗe nau iujãa o ãi wãsia (1:10)

Jesusba jaraɗa basia chi iujãa saka ɓooyu ichia koberna koɓeeɗakare. Lucas 21:9-11 leaɗapeɗa, mambea nau ʉ̃rʉbena beɗeasturu:

• Chi Bibliaba jara ɓuu pasaiɗebena, ¿bichia kãare unupeɗa mauɗe kãare ũri ɓua?

Apóstol Pabloba jaraɗa basia saka panayu ẽbẽrarã chi último diarãɗebenarãɗe. 2 Timoteo 3:1-5 leaɗapeɗa, mambea nau ʉ̃rʉbena beɗeasturu:

• Nau textoɗe jara ɓuuɗebena, ¿kãare unu ɓua bichia?

6. Dachirãba chi Dachi Akõre Kobierno kobernamaa ɓuu kuitaa panuu bẽrã, dachirã apii duaneeɗaabayua

Mateo 24:3, 14 leaɗapeɗa, mambea nau ʉ̃rʉbena beɗeasturu:

• ¿Kãare trajo biʼia ãrĩã ɓuu unubi ɓua chi Dachi Akõre Kobierno jãabera kobernamaa ɓuu?

• ¿Bichi saka nau trajoɗe ɓeei ɓua?

Chi Dachi Akõre Kobierno jãabera kobernamaa ɓua, maabea ara ɓaʼãraburu kuɓuu ichia chi iujãa koberna neeyua. Hebreos 10:24, 25 leaɗapeɗa, mambea nau ʉ̃rʉbena beɗeasturu:

• ¿Kãare aseɗaiba jomaurãba “chi jãu día neemaa ɓuu bẽrã”?