Ẽbẽra ãrĩãba perabadau jãka mukĩra wẽra baara kãibadauɗebena jaraɗayu. Madu, Bibliaba jãuɗebena beɗeaburuuɗe, respetayu iɗaa jarabarii mauɗe biʼia ãrĩã ũriɗayu baita. Chi Bibliaba nau ʉ̃rʉbena jaraburuuba ãrĩãdu aiɗa ɓua. Nau maka ɓuura chi Biblia Jeowaɗebena nee ɓuuɗeeba, ara ichiaburu dachirã waukaɗa bẽrã mauɗe ichia kuitaa kuɓuu kãare biʼia ɓuu dachirã baita. Ichia jara ɓuu kãare aseɗayu ichi kĩrajʉʉbiɗai baita mauɗe saka kĩrajʉʉ biuɗawẽa nureaɗayua.

1. ¿Saka kʉ̃risiabaraa Jeowaba wẽra mukĩra baara kãibadauɗebena?

Mukĩra wẽra baara kãibadauɗebena jãu rekaloka Jeowaba dachimaa deaɗa. Ichia kʉ̃ria ɓuura mukĩra wẽra baara kimabaraapeɗaaɗa niɗauburu maka kĩrajʉʉ aseɗai panua. Chi kimabaraapeɗaaɗa baɗa warrarã adauɗayua, maabea ara ãchi omeerã kʉ̃ria iɗaa ãbua kĩrajʉʉ duanaɗayua. Mauba Bibliaba jara ɓua: “Kĩrajʉʉbi ɓuu nibayua bichi wẽra kũudrãaɗeeɗa unuɗa baɗa ome” (Proverbios 5:​18, 19). Jeowaba kʉ̃ria ɓuu chi kimabaraapeɗaaɗa niɗau aɓa kima omeburu nibai. Jãuɗéburu cristiano kimabaraa niibʉrã junebena ome kãibayua (Hebreos 13:4 leas).

2. ¿Kãareba mau ẽbẽrarã ãchi kakuaba kachirua aseburuu?

Bibliaba a ɓuu “ẽbẽrarã ãchi kakuaba kachirua ase nurea [...] Dachi Akõre Kobiernoɗe duanaɗaabayua” (1 Corintios 6:​9, 10). Bibliaɗe ẽbẽrarã ãchi kakuaba kachirua aseburuu ʉ̃rʉbena ɓʉ panasiiɗe chi griego beɗea pornéia ɓʉsiɗau. Jãuba jara kʉ̃ria ɓuu (1) kimabaraa nureerãwẽe kãibadauɗebena,a (2) mukĩra nii araɓau mukĩra ome mauɗe wẽra nii araɓau wẽra ome kãibadau mauɗe (3) ẽbẽra nii ãnimara ome kãibadau. Maka miadaa ɓee aseɗawẽebʉrã, Jeowa kĩrajʉʉbibadaa mauɗe dachi siɗa kĩrajʉʉ nureabadaa (1 Tesalonicenses 4:3).

AUDE KAWABA

3. Chi kakuaba kachirua ɓee aserã́ba

Mukĩra kĩra jipa nibaɗa chi trʉ̃ José ichi kakua ome kachirua aseka ɓuu nibaɗaa. Génesis 39:1-12 leaɗapeɗa, mambea nau ʉ̃rʉbena beɗeasturu:

• ¿Sakayua José pira wãɗa baɗaba? (Versículo 9 ochiábaɗa).

• ¿José biʼia ɓuu asesaka? ¿Sakayua jãka kʉ̃risia ɓua?

BIDEO: Kimabarawẽniiba kãidu paneeɗa arua ijãabayua miruwañua (5:06)

Jeowaba kʉ̃ria ɓuu jomaurã dachi kakua ome kachirua ɓee aseɗaamaaba. 1 Corintios 6:18 leaɗapeɗa, mambea nau ʉ̃rʉbena beɗeasturu:

• ¿Sakayua chi nuree ẽbẽra kachirua asebadaa ãchi kakua ome?

• ¿Kãare asei ɓua bichi kachirua aseemaaba bichi kakua ome?

4. Bichia miadaa ase kʉ̃ria kuɓuu siɗa, ne biaburu asei ɓua

BIDEO: Aseɗaika chi biʼiaudu Biblia leabudauba (3:02)

• ¿Kãare asesaa chi ãba bideoɗebenaba kawasiiɗe ichia ne kachirua ɓee kʉ̃risiapeɗa aseburuuba mauba junebena wẽra ome kãi noɓooɗe wãbi ɓuu?

Chi cristianorã jipa nuree baita biɗa ãchi berekabaraaɗai ãchi kʉ̃risia jayoaswẽe nureaɗayua. ¿Kãare asei ɓua bichi chi kachirua ɓee kʉ̃risia koɓeemaaba? Filipenses 4:8 leaɗapeɗa, mambea nau ʉ̃rʉbena beɗeasturu:

• ¿Kãareɗe kʉ̃risiaɗai ɓua?

• ¿Bichia kʉ̃risia ɓue Biblia leapeɗa, ãrĩã trajaburuubʉrã Jeowa baita, chi kachirua ɓee aseebai ɓuu? ¿Sakayua?

5. Jeowaba jara ɓuu biʼia ɓua

BIDEO: Chi kachirua kʉ̃risia nureerã biʼiawẽe wãbadaa (9:31)

• ¿Saka jãu kũudrãa nii kachirua ɓeeɗe ɓaesaa? (Proverbios 7:8, 9 ochiábaɗa).

• Proverbios 7:23, 26 jara ɓuuɗe, dachi kakua ome kachirua aseburuuɗe biʼiawẽe wãbadau. Dachi kʉ̃risia biʼia niibʉrã, ¿kãare problemarã bara nibaɗaabaiba?

• ¿Dachi jipa nibapeɗa jayoaswẽa niibʉrã mauba saka dachi biuɗawẽa nureabi ɓua?

Chi ɓeeba kʉ̃risiabadaa ariɗe ɓuuwẽe chi Bibliaba jara ɓuu mukĩra nii aɓau mukĩra ome mauɗe wẽra nii aɓau wẽra ome kãi noɓeeyu ʉ̃rʉbena. Madu Jeowaba kʉ̃ria ãrĩã nii mauɗe ichia kʉ̃ria ɓuu jomaurã kĩrajʉʉ biuɗawẽa nureaɗayua. Mauɗe jãka duanaɗai baita, chi ichia jara ɓuu dachia asebaraaɗai. 1 Corintios 6:9-11 leaɗapeɗa, mambea nau ʉ̃rʉbena beɗeasturu:

• Dachi Akõre kʉ̃risiamaarã, ¿mukĩra nii aɓau mukĩra baara mauɗe wẽra nii aɓau wẽra ome kãi noɓeei kʉ̃risiaburuu ara jãdu biʼiawẽe ɓue?

Dachi Akõre kĩrajʉʉbii kʉ̃ria duanuubʉrã, jomaurã kambiabaraaɗai. ¿Biʼia ɓue dachi ãrĩã berekayu ne miadaa ida ɓui baita? Salmo 19:8, 11 leaɗapeɗa, mambea nau ʉ̃rʉbena beɗeasturu:

• ¿Bichimaa biʼia ɓue Jeowaba jara ɓuu dachi kakua ome ase panuuɗebena? ¿Sakayua?

NAU KAWASIƊAA

Mukĩra wẽra baara kãibadauɗebena jãu biʼia ɓuu Jeowaba deaɗa, ichia kʉ̃ria ɓuu jãuba kĩrajʉʉ nibaɗayu mukĩra wẽra ome kimabaraapeɗaaɗa niɗau.

Waya berreaɗaika

• ¿Kãare ne kachirua asebadaa ẽbẽrarãba ãchi kakua ome?

• ¿Kãareba aiɗai ɓua dachi kakua ome kachirua aseɗaamaaba?

• ¿Sakayua biʼia ɓua ũriyu Jeowaba jara ɓuu dachi kakua jipa nibapeɗa jayoaswẽa nibayu ʉ̃rʉbena?

NAU OCHIAS MAUCHABURU KAWAYUA

Kawaba sakayua kʉ̃ria ɓua Jeowaba mukĩra wẽra ome kimabaraayu ãbua niba kʉ̃ria panuubʉrã.

“¿Kãare jara ɓua Bibliaba ãbua nibaɗe wãɗayu kimabaraaɗawẽa niɗauɗebena?” (Artículo jw.org ɗebena)

Kawaba sakayua Bibliaba jarawẽe mukĩra nii aɓau mukĩra ome, wẽra nii aɓau wẽra ome kãi noɓeeyu ʉ̃rʉbena cha naarã ẽbẽrarã kĩramaaɗai baita.

“¿Biʼiawẽe ɓue mukĩra nii aɓau mukĩra ome maebʉrã wẽra nii aɓau wẽra ome kãi noɓooɗe wãɗayu?” (Artículo jw.org ɗebena)

Leas kãarea biʼia ɓua Bibliaba jara ɓuu mukĩra wẽra ome kãibadauɗebena.

“¿Mukĩra kakua maebʉrã wẽra kakua iɗeeba sõyu araɓau ɓue mukĩra wẽra baare kãi noɓooɗe wãaruu kĩra?” (Artículo jw.org ɗebena)

¿Kãareba aiɗasaa mukĩra ichi aɓau mukĩra ome kãibachia jãu ida ɓuipeɗa mauɗe Dachi Akõre kĩrajʉʉbiyua? Leas “Mʉ biʼia adaupeɗaaɗa baɗaa”.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 abrilɗe 2011ɗebena)

Chi ɓee culturaɗe, kĩrajʉʉ nibai baita kimabaraaɗai abadau. Madu chi joma kimabaraa nureerã mauɗe chi joma du nuree siɗa kĩrajʉʉ nureewẽe. Bibliaba jara ɓuu kimabaraa nii maebʉrã du aɓa nii ara mau siɗa kĩrajʉʉ nii, nau rekaloka ɓuu.

1. ¿Kãare chi biʼia ɓuu du aɓa nibayu?

Bibliaba jara ɓuu: “Chi kimabaraa nii biʼia ase ɓuu, maamina chi du aɓa nii aude biʼia aseyua” (1 Corintios 7:​32, 33, 38 leas). ¿Kãare jara kʉ̃ria ɓua “aude biʼia aseyua” kimabaraawẽebʉrã? Chi cristiano du nuree ãrĩã preokupaɗawẽa chi kima biʼia nibabiyua. Mauɗéburu, ne joma bia aude asei panuu. Chi ɓee biʼia trajaɗai ɓuu Jeowa baita du aɓa nii bẽrã, mauɗeeba, eɗuwaa wãɗai ɓuu beɗea biarã ʉ̃rʉbena jaradeai baita. Mauɗe chi du nureerãba aude asei panuu, maucha tiempo adaui ɓua Jeowa kaita nibaɗayua.

2. ¿Sakayua biʼia ɓuu kimabaraa nibayu?

Ara jãka du nii kĩraka, kimabaraa nii jãu biʼia ɓuu. Bibliaba jara ɓuu “biʼia ɓuu ome ãbua niɗau du aɓa nibai kãyabãra” (Eclesiastés 4:9). Jãu biawãra ɓuu kimabaraa niiba biʼia ase nuree chi Bibliaɗe jara ɓuuka. Chi kimabaraa nureerã comprometebadau ãchi chiya kʉ̃ria ãrĩã nibapeɗa, respetaɗapeɗa mauɗe kʉ̃ria iɗaa kuida nibayu. Jãuɗéburu kimabaraa niɗau aude kĩrajʉʉ aka ɓeebadau ẽbẽrarã ara jãka kimabaraawẽa nuree kãyabãra. Chi kimabaraa niɗaubara biʼia ochia uabadau ãchi warrarã biʼia waribiɗayua.

3. ¿Kãare kʉ̃risiabaraa Jeowaba chi kimabaraa nureeɗebena?

Jeowaba chi nabena ẽbẽrarã kimabaraabi ɓoosiiɗe, jarasii: “Chi mukĩraba ɓuiyua chi akõre chi nawe baara” mauɗe “ichi wẽra baara ãbua ɓeeyua” (Génesis 2:24). Jeowaba kʉ̃ria ɓuu wẽra mukĩra baara kʉ̃ria nibapeɗa ãbua ɓeeɗayua ãchi biuduuɗaa. Jeowaba divorciayu idaarabi ɓuu mukĩra maebʉrã wẽra junebena ome kãiɗe wãburuubʉrã. Maka ɓuubʉrã, Jeowaba kʉ̃risiabibarii mukĩra maebʉrã wẽra biʼia ase niiba divorcia kʉ̃ria ɓuubʉrã (Mateo 19:9).a Jeowaba bustakau chi cristianorã kimabaraa ɓooyu kabanaa ome (1 Timoteo 3:2).

AUDE KAWABA

4. Du aɓa nibai jãu rekalo kĩraka ɓuu biʼia adau nibayua

Jesusba kʉ̃risiaɗa baɗa du aɓa nii jãu rekalo kĩra baɗa (Mateo 19:11, 12). Mateo 4:23 leaɗapeɗa, mambea nau ʉ̃rʉbena beɗeasturu:

• ¿Kãare asesaa Jesús du aɓa ɓoosii bẽrã ichi Akõre baita trajayua mauɗe junebenarã siɗa aiɗayua?

Chi cristianorã du aɓa nureerã kĩrajʉʉ ãrĩã nureaɗai panua, kʉ̃risia duanuubʉrã joma aseɗayua kima wãʼãeɗeeba, ara jãka Jesusba aseɗa kĩra. BIDEO ochiaɗapeɗa, mambea nau ʉ̃rʉbena beɗeasturu:

BIDEO: Du nureerã Jesús aseɗa baɗa kĩraka asebadau (3:16)

• ¿Saka biʼia ãrĩã nureaɗai chi cristianorã du nureerã?

¿Bichia kuitaa ɓoosee?

Bibliaba jarawẽa ɓua kãare edad biʼia ɓuu kimabaraa nibayua. Maamina, jara ɓuura ida pasabiɗayu “chi pono kĩraka kũudrãa ɓuuɗeeba”, nau tiempoɗe chi wẽra mukĩra baara ãrĩã kʉ̃risia panuu kãiɗe wãi baita, mauɗeeba biʼia kʉ̃risiaɗakau (1 Corintios 7:36).

5. Biʼia jʉrʉs kai ome bichi kimabaraayu

Jʉrʉyua kai ome bichi kimabaraayua aude bibuara ɓuu biʼia nibai baita. Mateo 19:​4-6, 9 leaɗapeɗa, mambea nau ʉ̃rʉbena beɗeasturu:

• ¿Sakayua chi cristiano niiba kauwa kʉ̃risiaiba kimabaraai naeɗe?

Chi Bibliaba jara ɓuu kãare biʼia ase nibabarii chi wẽra maebʉrã mukĩraba kimabaraaɗayua. Chi naa, jʉrʉse ẽbẽra chi Jeowa kʉ̃ria niiɗebenadu.b 1 Corintios 7:39 mauɗe 2 Corintios 6:14 leábaɗa. Mambea nau ʉ̃rʉbena beɗeasturu:

• Chi cristiano nii kimabaraai kʉ̃riaruubʉrã, ¿sakayua jʉrʉiba ichi kĩraka kʉ̃risia niiɗebena chi aɓa ɓuu religionɗebena bayu?

• Chi wẽra maebʉrã chi mukĩra ẽbẽra Jeowa kʉ̃ria niiwẽe ome kimabaraayubʉrã, ¿Jeowaba kãare kʉ̃risiaiba?

6. Kauwa kʉ̃risiaba Jeowaba kʉ̃risia nii kĩraka kimabaraayuɗebena

Chi Israel naeɗebenaɗe, chi nuree mukĩrarã divorciabachiɗau wẽrarã ome, ãchidu kʉ̃risiasiɗauɗeeba. Malaquías 2:13, 14, 16 leaɗapeɗa, mambea nau ʉ̃rʉbena beɗeasturu:

• Chi nii divorciaburuubʉrã Bibliaba jarawẽa ɓuuɗebena, ¿sakayua Jeowaba iadaa nia jãu?

BIDEO ochiaɗapeɗa, mambea nau ʉ̃rʉbena beɗeasturu:

BIDEO: Chi kimabaraa niɗau: jãu ãbua niɗau biuruuɗaa (4:30)

• Chi Jeowa kʉ̃riawẽa nii ome bichi kimabaraa niibʉrã, ¿kãare asei ɓua kĩrajʉʉ nibayua ichi ome?

7. Ũriba chi Jeowaba jara ɓuu chi kimabaraa niɗau ʉ̃rʉbena

BIDEO: Jeowaba dachi aiɗa ɓua ichi beɗea kauwa ũriɗayu kimabaraa niɗauɗebena (4:14)

Hebreos 13:4 leaɗapeɗa, mambea nau ʉ̃rʉbena beɗeasturu:

• ¿Bichia ijãa ɓue Jeowaba jara ɓuu kimabaraa niɗau ʉ̃rʉbena biʼia ɓuu? ¿Sakayua jãka kʉ̃risia ɓua?

Jeowaba kʉ̃ria ɓuu bichi kima ome kimabaraaburuuɗe maebʉrã divorciaburuuɗe registraɗe wãyu, jãu iɗi panuu iujãa jomauɗe. Tito 3:1 leaɗapeɗa, mambea nau ʉ̃rʉbena beɗeasturu:

• Bichi kimabaraaɗa niibʉrã, ¿ariɗe kuitaa ɓue jãu biʼia registra ɓuubʉ mauɗe autoridad kĩrapeta biʼia ɓuu siɗa?

NAU KAWASIƊAA

Chi kimabaraa nii maebʉrã du aɓa nii jãu rekalo kĩra Jeowaɗebena. Chi kimabaraa nuree chi du aɓa nureerã baara, kĩrajʉʉ nureaɗai ɓua chi Jeowaba jara ɓuu ase duanuubʉrã.

Waya berreaɗaika

• ¿Saka biʼia nibaiba ẽbẽra du aɓa niibʉrã?

• ¿Sakayua chi Bibliaba jara ɓuu kimabaraaburuu araɓau bichia ijãa niiɗebena omeburu?

• Bibliaba jara ɓuu kĩra, ¿sakayua dachia kʉ̃risiaɗai ɓuu divorciai baita?

NAU OCHIAS MAUCHABURU KAWAYUA

¿Kãare jara kʉ̃ria ɓua kimabaraayu “Señorɗeburu”?

“Dachi kartarã leabadaurãba kawaɗa kʉ̃ria panua” (Chi Kartaba, 1 julioɗe 2004ɗebena)

Kawaba chi ome nebʉrʉɗebena novio nuree mauɗe kimabaraayu ʉ̃rʉbena maarãba ãrĩã ũkuru aiɗayua biʼia kʉ̃risiapeɗa aseyua.

Saka preparayu kimabaraayu baita (11:53)

Kawaba sakayua chi ãba niiba ariɗe kuitaa ɓuu Jeowaba ichimaa aude ne bia ɓuu deaɗa baɗa, chi ichia ɓuisii naeɗebena kãyabãra.

Mʉa espera nibasii ichia chi biawãrabena ɓuu kawayua (1:56)

Chi divorcio makawẽebʉrã chi amaayu ʉ̃rʉbena kʉ̃risiai naeɗe, ¿kãareɗebena kauwa kʉ̃risiabaraai chi cristiano niiba?

“Respetabaraaɗai ‘chi Dachi Akõreba ãbua bʉekaɗa baɗaʼ” (Chi Kartaba, diciembre 2018ɗebena)