3. ¿Chi Jeowa ɗebena Jaranũrẽba waabenarã saka kʉ̃riabadaa Jesuska?

Jesusba ãrĩã kʉ̃ria ua nibasia ichi kaaɗe ãda duanuurã, ichi baita jãarã kĩrabara ichi deɗebenaka ua nibasia (Marcos 3:35 leas). Chi dairã Jeowa ɗebena Jaranũrẽ ara aɓa ɓuu deɗebenaka duanua iujãa jomauɗe. Mauɗeeba araa ãbua “ãba” maebʉrã “nawekau” a jarabadau (Filemón 1, 2). Maubapeɗa, dairãba cha nau beɗea ũri duanua: “Machi chiya ãrĩãdu kʉ̃ria duanábaɗa” (1 Pedro 2:17). Jeowa ɗebena Jaranũrẽba ẽbẽrarã kʉ̃riabadaa, waabenarã ãbarã iujãa jomauɗe aiɗabadaa ãchia nesitabudauɗe.

6. Bautizaɗakare, dachi Jeowa puuruɗe babaria

Bautizaɗakare, dachi Jeowa puuruɗe babaria, jãu puuru ãbua duanapeɗa nau iujãa jomauɗe kuɓua. Bariara june ãyaa neeburuu adua, makawẽebʉrã june ẽbẽra ãyaa nii adua, kerea duanua ara aɓa ɓuudu maabea wau duanuu ara jari chi Bibliaɗe jara kuɓuu kĩra. Salmo 25:14 mauɗe 1 Pedro 2:17 leaɗapeɗa, mambea nau ʉ̃rʉbena beɗeasturu:

• Cha naarã versiculorãɗe jara ɓee kĩra, ¿sakayua biʼia ɓua bautizaɗayu?

Dachi ãbarã baare duanuuɗe, rey David kĩraka sentibadaa. Ichia jaraɗaa: “¡Ochiábaɗa saka biʼia ɓua mauɗe biʼia sentibadaa chi ãbarã joma ãbua duanuu bẽrã!” (Salmo 133:1). Jomaurãba berekaɗayu ãbua duanaɗai.

1. ¿Sãdu aude bustabaraa chi Dachi Akõre puuruɗebena?

Konkrekasion junebena puuruɗebenaɗaa wãaruubʉrã, ãchi beɗea ũriwẽe bayu; maamina bʉ deɗabena kĩraka sentiyua. ¿Sakayua? Bʉ wãburuumaa, unuyua chi Jeowa ɗebena Jaranũrẽrã Bibliaɗebena kawabadau ara chi ɓeerã libroɗebenadu. Mauɗe berekabadau dachirã chiya kʉ̃riaɗayua. Bariara aɓaaɓaa ãi nureerãɗeeɗa, jomaurãba kʉ̃ria panuu “chi Jeowa trʉ̃du jaraɗayua” maabea kʉ̃riaɗapeɗa ũriɗayua “ãbua” (Sofonías 3:9; nota).

2. ¿Bichia saka aiɗai ɓua chi konkrekasion biʼia koɓooyu baita?

“Sõɗeeba biawãra ãrea chiya kʉ̃ria panásturu” (1 Pedro 1:22). ¿Saka ase nibaiba jãka? Waabenarã ãyaa ase nuree siɗa ochiawẽa, kauwa ochiabaraai kãare biʼia ase nuree jãarã. Ara bʉ kĩra nureerãɗebenadu meraa nibarã́ba; mauɗe unu nibayua junebena parteɗe nureerã dachirãɗeeba ãyaa nureerã siɗa. Bichia ãyaa kʉ̃risiabariibʉrã ẽbẽra bichika niiwẽeɗeeba, bichi corazonɗebena jãka nii awara jiratayua (1 Pedro 2:17 leas).a

3. ¿Kãare aseiba bichi problema baraa ɓuubʉrã junebena cristiano ome?

Dachirã ãbua nuremina, pekao baraa nuree bẽrã, ɓesesɗe dachi biʼiawẽe sentiyu ara dachi chiya. Jãuɗéburu Bibliaba naka a ɓua: “Ara jãka [...] perdona nureábaɗa”. Maabea naka a ɓua: “Jeowaba machi ãrĩãdu perdonakuasii kĩra, machia biɗa ara jãka aseɗayua” (Colosenses 3:13 leas). Dachia ãrĩãdu biʼiawẽe sentibibaria Jeowa, madu jãka nuree adua perdonakuabaria. Jãuɗéburu ichia biʼia jarabaria dachirãba perdonaɗayua dachi ãbarã. Bʉa kawarã chi nii ẽbẽra biʼiawẽe sentibi ɓuubʉrã, ara bʉ wãbaraai problema arreglaɗe (Mateo 5:23, 24 leas).b

AUDE KAWABA

4. Ẽbẽra diwara nii siɗa ãyaa kʉ̃risiabai

Kʉ̃ria nureabaraaɗai joma dachi ãbarã. Maka ɓumina dachichaawẽebʉrã, ɓesesɗe fácil ɓuuwẽe kʉ̃risiaɗayua. ¿Kãare aseɗayuba? Hechos 10:34, 35 leaɗapeɗa, mambea nau ʉ̃rʉbena beɗeasturu:

• Jeowaba kʉ̃riabarii barikia nuree ẽbẽrarã siɗa ichiɗebena Jaranũrẽ baɗai baita. Mau kawa niibʉrã, ¿saka unui ɓua makarã ẽbẽra diwara niiɗebena?

• Bichi ɓoobariimaa, ¿saka kʉ̃risiabadaa ẽbẽraba ãchichaa nureewẽeɗebena? ¿Sakayua ãchi kĩraka kʉ̃risiabaiba?

2 Corintios 6:11-13 leaɗapeɗa, mambea nau ʉ̃rʉbena beɗeasturu:

• ¿Kãare aseyuba audeburu kʉ̃riayua bichi ãbarã nawekaurã baare?

5. Ãrĩã perdonayua maabea chi problema siɗa biʼia kuɓui baita

Bariara dachirãba Jeowa perdonaɗaabai panuu, ichiara dachi ãrĩãdu perdona ua nia. Salmo 86:5 leaɗapeɗa, mambea nau ʉ̃rʉbena beɗeasturu:

• ¿Kãare kawabi ɓua nau versiculoba Jeowaba dachi perdona niiɗebena?

• ¿Bichi kĩrajʉʉbareka Jeowaba dachi perdona niiɗeeba? ¿Sakayua?

• ¿Sakayua difícil ɓoobaraa biʼia nibai baita junebenarã ome?

¿Kãare aseɗai ɓua Jeowa kĩraka nureaɗayua, ara jãka biʼia ãbua duanaɗayua dachi ãbarã baare? Proverbios 19:11 leaɗapeɗa, mambea nau ʉ̃rʉbena beɗeasturu:

• Chi niiba dachi kĩrubiyu aseburuubʉrã, ¿kãare aseyu ɓua bichi biʼia nibayua jãu ome?

Ɓesesɗe ara dachiaburu junebena kĩrubiyu baiba. Jãka pasaburuubʉrã, ¿kãare aseɗai ɓua? BIDEO ochiaɗapeɗa, mambea nau ʉ̃rʉbena beɗeasturu:

BIDEO: Biʼia ɓoobaria dachi problema arreglayu baita (6:01)

• ¿Saka berekaɗaba nawekau problema bara ɓuu arreglayua?

6. Ochiayua chi biʼia ase nuree dachi ãbarã

Dachi ãbarã biʼia unubudauɗe, chi biʼiawẽe ɓee jãu asebariiɗeburu ochiaɗaabayua, bari ochiaɗayu chi ãchi biʼia asebadaurãɗebena. ¿Saka kauwa kʉ̃risiaɗayuba chi ãchia biʼia asebadauɗebena? BIDEO ochiaɗapeɗa, mambea nau ʉ̃rʉbena beɗeasturu:

BIDEO: ¡Mipitaa aude nibayua! (5:10)

• ¿Saka ochiai ɓua chi biʼia ɓuu dachi ãbarãɗebena?

Jeowaba kauwa ochiabaria dachia biʼia ɓee ase niiɗebena. 2 Crónicas 16:9a leaɗapeɗa, mambea nau ʉ̃rʉbena beɗeasturu:

• ¿Saka sentibaraa bichi kawaburuuɗe Jeowaba kauwa ochia nii chi bichia biʼia ase niiɗebena?

NAU KAWASIƊAA

Bichia bichi ãba perdonapeɗa maabea joma kʉ̃ria niibʉrã, jãuba aiɗayua chi konkrekasion ãbua duanaɗai baita.

Waya berreaɗaika

• ¿Kãare aseyu ɓua bichia kachirua kʉ̃risiamaaba bichichaa nureewẽeɗebena?

• ¿Kãare aseyuba bichi problema baraa ɓuubʉrã junebena cristiano ome?

• ¿Bustai ɓue waabenarã siɗa perdonai baita Jeowaba asebarii kĩra? ¿Sakayua?

NAU OCHIAS MAUCHABURU KAWAYUA

Jesusba ejemplo baara kawabiaɗa basia waabenarã ʉ̃rʉbena atua jara nibaamaaba. Kawaba kãareɗebena jara ɓuu.

¡Bakuru waiɓʉa ɓuu dauɗe kuɓuu awara ertayu! (7:01)

“Mʉ perdonaba”, ¿a wiɗii ɓue bariara miadaa aseɗawẽe ɓuu siɗa?

“Perdón wiɗi nibayu, biʼia ɓua problema arreglayu baita” (Chi Kartaba, 1 noviembreɗe 2002ɗebena)

Ochiaba chi nuree kãareba aiɗa ɓoosii jomaurã araɓaukʉ̃riaɗayua.

Dachia unu niiba kachirua jaraabayua (5:06)

Kawaba saka arreglabadau chi problemarã chi konkrekasion ãbua duanaɗayua.

“Problema arregla nureaɗayu kʉ̃ria ãrĩã” (Chi Kartaba, mayo 2016ɗebena)