RESPONSABLE NIBAYU

¿MAU KÃAREBA?

Ẽbẽra responsable niibʉrã ichiɗe confiaɗai ɓua, makarã ase ɓua chi trajo jarapeɗaaɗakare aseyu, acabatabadau chi tiempo kãare horaɗe acabai apeɗaaɗa dauchia.

Ɓiɗĩika niiɗeeɗa, warra chekerã kawa nureaɗayua ãchi responsable nureaɗayu. Chi libro Parenting Without Borders (Padres sin fronteras) jãuba jara ɓuu: “Quince mes aude ɓuuɗe, chi warra chekeba deɗabena nejarr barre nibayu, dieciocho mes aude baaruuɗe, ichia ase kʉ̃ria nibaɗe wãyua. Ẽbẽra ãrĩãba kawabibadau chi warrarãmaa nejarr barre nibai baita, traste jeraakua nibai baita, mauɗe jãka ɓeeɗe ase kawabiyu deɗabena chi warra cheke cinco mauɗe siete año niiɗeeɗa”.

¿SAKÃERA MAU IMPORTANTE ƁUA?

Chi nuree kũudrãa deɗabena wãbadau maamina waya neebadaa kawabadauɗeeba du aɓa poyaabai nii, chi nuree akawa jaradeaɗai baɗa baerã saka adau nibayu biʼia chi nejarra, trajayua ara deeɗa mauɗe noremaacha ase nibayu ase kawayua.

Mauɗeeba, biʼia ɓua bichi warrarãmaa jaradeayu ichi dawara baaruuɗe aseyua chi asei kuɓuu. Chi libro How to Raise an Adult (Cómo preparar a su hijo para la edad adulta) jãuba jara ɓuu: “Bichia kʉ̃riawẽebʉrã joma aseyu baita ichi warr baara 18 baburuuɗaa maabae ichi du aɓa asei baita adua niiɗe”.

¿SAKA CHI WARRMAA JARADEAIBA RESPONSABLE NIBAYU?

Chi ɓee trajo deɗabena ase kawabiba

CHI BIBLIABA JARA KUƁUU: “Chi chaarea ãrĩã traja nii biʼia ãrĩã wãbaria” (Proverbios 14: 23).

Chi warra ɓiɗĩi nii joma ase kʉ̃ria nibabaria ãchi akõre baara. Ãchi jãka ase kʉ̃ria nuree baerã ase kawabiba chi ãchia asei ɓeedu.

Chi nuree akõreba naka kʉ̃risiabadaa mʉ warr escuelaɗe nii baerã tarea ãrĩã baraa nii, mauɗeeba maucha deaabayua abadaa.

Mauɗe, warrarã deɗabena aiɗabadau baerã biʼia wãbadaa escuelaɗe, ãchimaa jarabudau ãchia ase kuitaa nuree baerã, chi libro Parenting With out Borders jãuba jara ɓuu: “Chi warra ɓiɗĩika niiba aiɗa kʉ̃ria niibʉrã, idaarabiɗawẽebʉrã, kawabadaa importantewẽe ɓuu junebena aiɗayu [...]. Mauɗe Kawabadau joma deabadau ãchia deeɗa asewẽa niiɗe”.

Ara jari libroba jara ɓuu kĩraka, chi warra deeɗa aiɗa nureebʉrã, kawabadau deayu baita, adauyuduwẽe, mauɗe kʉ̃risiaabayu ãchiɗeburu. Mauɗe kawabadau ãchi siɗa deɗabena nii mauɗe bara nii trajo aseyu baita.

Kawabise kãare asei ɓua ichi error aseɗakare

CHI BIBLIABA JARA KUƁUU: “Consejo deaduu ũriba, [...] kuitaa ɓuu nibai baita” (Proverbios 19:20).

Ichi warr error aseburuuɗe, chũpea ɓeerã́ba. Ichia jʉrʉi baraa ichi du kãare aseyu error aseɗakare. Ãritaaruubʉrã algo ichiɗiwẽe ɓuu, mʉ perdona keraaba ai ɓua maabea arreglayua chi daño aseɗa baɗa.

● Ichi warrba jaraaruubʉrã mʉ culpa ɓoosia aaruuɗe chi error aseɗa kakua, jãka kawayua:

• Setaa jaraamaaba.

• Junebenamaa bichi basii a jaraabayua.

• Setaa jarakau trajaamaaba.

• Mʉ perdona ayu.