IDAARABIYU DAWARAURÃBA DACHI WARRARÃMAA BIʼIA KAWABIAYU BAITA

¿KAIBA NAUƊEBURU WÃƊAYUA AARUUKA UNIBAIBA?

Warrarãba nesita panuu dawara niiba consejo deayu baita, chi akõrerãturu aude biʼia nuree maka asei baita. Jãturua ãchia aseɗayu maka ɓumina junebena dawaraurã biɗa ãrĩã kawabiɗai ɓua.

¿SAKÃERA MAU IMPORTANTE ƁUA?

Paisna ãrĩãɗe, chi kũudrãa chekerã awẽra chekerã baara ãrĩãra duanaɗakaa dawaraurã baara. Nauɗe kʉ̃risiachãu:

• Warrarã día entero escuelaɗe nureabaria, estudiante ãrĩã chuburi nuréturu profesorna maebʉrã dawaraurã audeara.

• Deeɗaa wãbudauɗe claseɗebena, akawa deɗe wãʼãe chi akõrerã traja nuree baerã.

• Wiɗikasiɗauɗe Estados Unidosɗe, kawasiɗau chi warrarã 8 12 año nureerã 6 hora paneebadau celularɗe maebʉrã joma jãka ɓeeɗe.a

Chi libro Hold On to Your Kids (Aférrese a sus hijos) jãuɗe naka jara ɓuu: “Chi kũudrãarã, chi akõrerã, chi nawerã maebʉrã profesorna kĩra nureewẽma, maebʉrã consejo dea wiɗiɗakaa, jãabaera jʉrʉbadau consejo ara ãchi dauchia nureemaaburu”.

¿SAKABURU NAKA NIBAYUA AIBA CHI WARRARÃMAA?

Warrarã baara aribia nibaɗayua

CHI BIBLIABA JARA KUƁUU: “Chi warrmaa ariɗe jaradeaba chi sãu oɗe wãi baita, mauɗe ichi chõra baaruu siɗa idaarabiibayua” (Proverbios 22:6).

Chi warra chekerãba akõreba jaraburuudu ũri kʉ̃riaɗayua. Chi kuitaa nureerãba jarabadau jãabaera kũudrãa bapeɗaaɗakare, warrarãba aude bustabadau akõrerãba consejo deaɗayu chi ãchi amikorã aude. Chi profesor Psicologiaɗebena Laurence Steinbergba jara ɓuu ichi libroɗe You and Your Adolescent (Su hijo adolescente y usted): “Kũudrãa cheke baɗapeɗa mauɗe dawara kopaneeruuɗaa chi akõrerãba ãrĩã jaradeaɗai ɓua chi warrarã ẽbẽra bia nureaɗai baita”. Chi nau libro ɓʉɗa baɗaba naka maucha jara ɓuu: “Bichi warrba ãrĩã bustabaria bichia kʉ̃risia niiɗebena, bariara bichimaa jarawẽe siɗa, ichia ũribarii bichia jaraburuu bariara ichia jomaurã bustawẽe siɗa”.

Warrarãba kawa ochiabadaa chi akõrerãɗebena, jãuɗeeburu ãrĩã nibaɗai ɓua ãchi baara. Jaraba bichia kʉ̃risiaburuu, jaradeayua chi biʼia ɓúturu mauɗe nebʉrʉba chi pasaɗaɗebena.

Mʉ aiɗas aɓa ẽbẽra dawarau responsable niimaa

CHI BIBLIABA JARA KUƁUU: “Chi biʼia kʉ̃risiabadau baare ãda ɓuubʉrã makarã mau siɗa biʼia kʉ̃risia kerai” (Proverbios 13:20).

¿Chi dawaraurã biɗa biʼia nuree unubi nureaɗayua bichi warrarãmaa? ¿Ãchi baara nibabii baita ariɗe ɓuẽ? Bichi chi akõre bẽrã aude autoridad bara ɓua. Maka ɓumina bichi aiɗabudaubʉrã dawarau biʼia nureerãba, ẽbẽraba akawa bichi warr daño aseebai niiba, bichia kawabi niiɗe biɗa aude kawabiɗai ɓua. Bibliaba jara ɓuu kũudrãa Timoteo ichi baita biʼia ãrĩã ɓoosii nibayu apóstol Pablo ome, mauɗe ichi akawa dawara basiiɗe, chi apóstol Pablo baita biɗa biʼia ɓoosii Timoteo baara nibayu (Filipenses 2:​20, 22).

Iɗibea deɗabenarã ãrĩã ãbua nureewẽma mau chi papitorã, o chi mamitarã, chi tiorã junebena deɗabenarã siɗa ãchi baara nureewẽe bẽrã. Jãka nureebʉrã chi deɗabena, berekaba bichi warrarã dawaraurã baara nibabiyu ãchiɗebena kawai baita, bichia kʉ̃ria ɓuu kĩraka nibai baita.