Joma Bibliaɗe Dachi Akõre Kobierno ʉ̃rʉbenadu beɗea ɓua. Mau Kobiernoɗeeba, Jeowaba aseburua naeɗeeɗa kʉ̃risiaɗa baɗa iujãa baita. ¿Kãareba mau Kobierno? ¿Saka kuitaa panaa chi mau koberna kuɓuu iɗi? ¿Kãare ase ɓua iɗiiɗaa? ¿Kãare asei ɓua ɓoapeɗa? Nauɗebena nau lesionɗe jaraarua mauɗe chi kaaɗe urubudauɗe biɗa.

1. ¿Kãareba mau Dachi Akõre Kobierno, mauɗe kaiba chi Rey?

Jeowaba kuɓusia ichi Kobierno. Ichi Rey Jesucristobʉ maabea ʉtʉ bajãareeba koberna ɓua (Mateo 4:17; Juan 18:36). Jesús ʉ̃rʉbena jara ɓuuɗe, Bibliaba naka a ɓua: “Ichia waaburu [...] kobernai ɓuu” (Lucas 1:32, 33). Ichidu chi Rey Dachi Akõre Kobiernoɗebena bẽrã, joma iujãaɗe duanuu ua ɓeeburua.

2. ¿Kairã Jesús ome koberna duanaa?

Jesús du aɓauba kobernakaa. “Ẽbẽrarã joma puuruɗebena, beɗea ãyaa kiruree [...] maarã kobernabudaa” (Apocalipsis 5:9, 10). ¿Sãaberãba Cristo ome kobernabudaa? Jesús iujãaɗe nibasiiɗeeɗa, ẽbẽrarã aribiaurãba ichi kaaɗe wãɗai kʉ̃risiasiɗaa, ãchi cristianorã bakuasiɗau. Maamina ãchirãɗebena 144.000du Jesús ome kobernabudaa (Apocalipsis 14:1-4 leas). Chi waarãra nama iujãaɗe duaneeɗayua chi Kobiernoba uaburuu (Salmo 37:29).

3. ¿Sakayua Dachi Akõre Kobiernodu aude biʼia ɓua ẽbẽrarã kobierno kãyabãra?

Bariara kobernante kosa biarã aseɗa kʉ̃ria panumina, ãchia joma kʉ̃risiabudau aseɗakaa. Tiempoɗaa junebenaba adau nee ɓua maabea ãchi chi puuru kakua kʉ̃risiaɗakau. Maamina Jesús, chi Rey Dachi Akõre Kobiernoɗebenamaa, junebenaba ichi aka ɓuu adau neeɗaabayua. Dachi Akõreba kuɓusia “kobierno akabaabai” (Daniel 2:44). Jesusba iujãa joma kobernayua, jomaurã araɓau dauchia ochia ua nibayua. Ichia ẽbẽrarã kʉ̃riapeɗa, ẽbẽra barikia kiɗii, mauɗe joma jipa ase nia, mauɗeeba ẽbẽrarãmaa biɗa jaradeɗekayua ara ichi kĩra nureaɗayua: kʉ̃riaɗapeɗa, ẽbẽra barikia nureapeɗa mauɗe jipa nureaɗayua waabenarã ome (Isaías 11:9 leas).

4. Chi Kobierno poder bara ɓuu iujãa kobernai baita

Jesucristo poder bara ɓua biʼia kobernai baita mauɗe junebena líder kãyabãra biʼia asei kuɓua. Mateo 28:18 leaɗapeɗa, mambea nau ʉ̃rʉbena beɗeasturu:

• ¿Sakayua Jesús ẽbẽra kobierno kãyabãra aude maarã ʉ̃rʉ ɓua?

Chi kobierno ẽbẽrarãɗerã ɓaʼãra ɓuu iujãaɗeburu uaɗaidu panua maamina akabayua jãu. ¿Ara maka pasabaaka Dachi Akõre Kobierno ome biɗa? Daniel 7:14 leaɗapeɗa, mambea nau ʉ̃rʉbena beɗeasturu:

• ¿Sakayua biʼia ɓua Dachi Akõre Kobierno akabaabayu?

• ¿Sakayua biʼia ɓua joma iujãa kobernayua?

5. Kobierno ẽbẽraɗerã junebenaba waya adau nee kuɓua

¿Sakayua nesita ɓua Dachi Akõre Kobiernoba ẽbẽrarã kobierno adau neeyua? BIDEO ochiaɗapeɗa, mambea nau ʉ̃rʉbena beɗeasturu:

BIDEO: ¿Kãareba mau Dachi Akõre Kobierno? (Bideo ɓaʼãra) (1:41)

• ¿Kãare problema ase duanaa ẽbẽrarã kobiernoba?

Eclesiastés 8:9 leaɗapeɗa, mambea nau ʉ̃rʉbena beɗeasturu:

• ¿Bichia kerea ɓue Dachi Akõre Kobiernoba ẽbẽrarã kobierno adau neeyua? ¿Sakayua?

6. Chi kobernante Dachi Akõre Kobiernoɗebenarãba dachi kãare senti panuu kuitaa panua

Dachi Rey, Jesús, ẽbẽra bapeɗa iujãaɗe nibaɗa bẽrã, ichia “chi chuburia unubibarii dachirã sũreebari nureeka duanuu bẽrã” (Hebreos 4:15). Jeowaba jʉrʉɗa basia 144.000 mukĩrarã wẽrarã baare jipa duanuu Jesús ome kobernaɗayua. Naarã ẽbẽrarã “joma puuruɗebenarã, junebena druaɗebenarã, diwara beɗea nureerãɗebena” (Apocalipsis 5:9).

• ¿Kĩrajʉʉbi ɓue Jesús mauɗe ichi baare koberna duanuuba kuitaa duanuu dachi ẽbẽra kĩra duanaɗayu? ¿Sakayua?

7. Ley Kobierno Dachi Akõreɗe aude biʼia ɓea ẽbẽrarãɗe kãyabãra

Chi kobierno ẽbẽrarãɗeba leyrã asebadaa ãchia bereka ãchi puuru biʼia ɓua ira panaɗayua. Dachi Akõre Kobierno siɗa ley bara ɓua, mauɗe ichi puuruɗebenarãba mau kumplibaraaɗai. 1 Corintios 6:​9-11 leaɗapeɗa, mambea nau ʉ̃rʉbena beɗeasturu:

• ¿Saka ɓooi kʉ̃risia baraa bichia iujãa jomaurãba Dachi Akõre beɗea ũribudauɗe?a

• ¿Bichi baita ariɗe ɓue Jeowaba wiɗiyua chi leyrã ichi Kobiernoɗe ẽbẽrarãba respetaɗayua? ¿Sakayua jãka panau ɓua?

• ¿Saka kuitaa panaa ẽbẽrarãba nau leyrã ũriɗawẽe kambiaɗai ɓuu? (Versículo 11 ochiábaɗa).

NAU KAWASIƊAA

Kobierno Dachi Akõreɗe ʉtʉ bajãaɗe ɓua maabea ichia joma iujãa kobernayua.

Waya berreaɗaika

• ¿Kairãba chi kobernanterã Dachi Akõre Kobiernoɗebena?

• ¿Sakayua Dachi Akõre Kobierno ẽbẽra kobierno kãyabãra aude biʼia ɓua?

• ¿Kãare kʉ̃ria ɓua Jeowaba ẽbẽrarãba chi iujãa kĩrawãreaɗe aseɗayua?

NAU OCHIAS MAUCHABURU KAWAYUA

Leas chi Jesusba jaraɗa baɗa sama ɓooyu Dachi Akõre Kobierno.

“¿Jãu Dachi Akõre Kobierno dachi corazonɗe ira panabaree?” (Artículo jw.org ɗebena)

¿Sakayua Jeowa ɗebena Jaranũrẽrã jipa duanaa chi Dachi Akõre Kobierno ome ẽbẽrarã ome duanaɗai kãyabãra?

Akawaraburu Dachi Akõre Kobierno baare (1:44)

Ochias saka a ɓuu Bibliaba 144.000 ẽbẽrarã ʉ̃rʉbena Jeowaba jʉrʉkuaɗa baɗa Jesús ome kobernaɗayua.

“¿Kairã ʉtʉ bajãaɗaa wãɗaiba?” (Artículo jw.org ɗebena)

¿Kãareba biʼia kʉ̃risiabisaa wẽra carcelɗe ɓuumaa nau iujãaɗe Dachi Akõreburu jipa duanaɗayu dea ɓuu?

“Kawasii saka solucionaɗayu jipawẽe ase duanuu ʉ̃rʉbena” (¡Despertad!, noviembre 2011ɗebena)

Chi Dachi Akõre Kobierno ẽpesa koberna koɓeesii 1914ɗeeɗa. Mau añoɗeeɗa chi kobierno ẽbẽraɗe akabaiɗaa koɓeesia. ¿Saka kuitaa panaa? Jãabea unubudaa Bibliaba jaraɗa baɗa, maabea beɗeabudaa dachia iujãaɗe miadaa ɓee unu panuu mauɗe ẽbẽrarã 1914ɗeeɗa saka ase duanuu ʉ̃rʉbena.

1. ¿Kãare jaraɗa basaa Bibliaba?

Bibliaɗe libro Danielɗeɗe jaraɗa basia chi Dachi Akõre Kobierno koberna koɓeeyu “siete tiempos” abadau akabaɗakare (Daniel 4:16, 17). Mau kaaɗe, Jesusba jaraɗa basia maarã años “judiowãe nureerãba Jerusalén ãchi juaɗe uru panaɗai”, maabea jaradeɗekasia chi maarã años ara maka akabawẽa ɓuu (Lucas 21:24). Dachia unuuduu kĩra, chi siete tiempos 1914ɗe akabaɗa basia.

2. ¿Kãare saka unumaa panaa dachia iujãaɗe mauɗe ẽbẽrarã kãare saka ase duanaa 1914ɗeeɗa?

Jesús kaaɗe ãda nureabariirãba wiɗisiɗaa: “¿Daiba saka kawaɗayuba bichi neeburuu mauɗe saka kuitaa panaa chi ne kachirua nau iujãaɗebena akabayu?” (Mateo 24:3). Jesusba jaraɗa basia, kosarã ãrĩã neeɗayua ichi ʉtʉ bajãaɗe koberna koɓeeɗakare, chi Rey Dachi Akõre Kobiernoɗebena kĩra. Ichia jaraɗa basia dachia unuɗayu puurucha pelea duanaɗai, jarrba mauɗe uremia (Mateo 24:7 leas). Bibliaba ẽbẽrarã ãrĩãdu ne ũriɗawẽa ase duanaɗayuɗebena jaraɗa basia “chi último diarãɗe” mauburu ãrĩãdu “chaarea ɓooyu choroaɗai baita” (2 Timoteo 3:1-5). 1914ɗeeɗa jãu ãrĩãdu unu panua.

3. ¿Sakayua aude chaarea ɓeesaa nau iujãaɗe chi Dachi Akõre Kobierno koberna koɓeeɗakare?

Jesús Rey chi Dachi Akõre Kobiernoɗebena baɗakaɗe, ʉtʉ bajãaɗe, ichi Satanás demoniorã ome pelea paneesia. Satanás perdeɗa basii mauɗe chi Bibliaba jara ɓuu kĩra, “iujãaɗaa ɓatatasiɗaa, mauɗe ichi angelerã araa ãbua ɓataɗakasiɗaa” (Apocalipsis 12:9, 10, 12). Satanás ãrĩãdu kĩru ɓua ichia kawa ɓuuɗeeba ichi akababiɗaiɗea kuɓuu. ¡Maumae dachirã iujãaɗe ãrĩãdu kachirua unu duanuu! Maka ɓumina Dachi Akõre Kobiernoɗeeba joma jãu akabayua.

AUDE KAWABA

4. Chi Bibliaba jara ɓuuɗe dachia jusiasiɗarã 1914ɗaa odoe ɓua

BIDEO: Chi Dachi Akõre Kobierno 1914ɗe koberna koɓeesia (5:02)

Nabucodonosor jãu basii chi rey puuru Babilonia nabẽraeɗeeɗabena, ichimaa Dachi Akõreba komakaraabisia. Jãu komakaraaɗa baɗa mauɗe Danielba kawabiaɗa baɗa kumplisiɗaa chi kobierno Nabucodonosorɗe mauɗe Dachi Akõre Kobiernoɗe biɗa (Daniel 4:17 leábaɗa).a

Daniel 4:20-26 leábaɗa. Mambea nau panáusturu chi recuadroɗe unu panuu baare:

• A) ¿Kãare unusaa Nabucodonosorba ichi komakaraaɗe? (Versiculorã 20 mauɗe 21 ochiábaɗa).

• B) ¿Kãare pasaiba chi bakuru ome? (Versículo 23 ochiábaɗa).

• C) ¿Kãare pasaiba chi “siete tiempos” pasaɗakare? (Versículo 26 ochiábaɗa).

Chi bakuru komakaraaɗebena Dachi Akõre Kobierno baare

CHI DACHI AKÕREBA JARAƊA BAƊA (Daniel 4:20-36)

Koberna koɓeesii

A) Bakuru mechibena nuɓuu

Koberna ɓooɗa ɓuisia

B) “Bakuru tõtásturu” maabea “siete tiempos” ida pasabíbaɗa

Chi Kobierno waya adausia

C) “Chi Kobierno waya adauyua”

Chi nabena kumpliɗa baɗa:

• D) ¿Kai jãu bakuru kĩra nibasaa? (Versículo 22 ochiábaɗa).

• E) ¿Sakaeɗe koberna ɓooɗa ɓuisaa? (Daniel 4:29-33 leábaɗa).

• F) ¿Kãare pasasaa chi “siete tiempos” pasaɗakare? (Daniel 4:34-36 leábaɗa).

CHI NABENA KUMPLIƊA BAƊA

Koberna koɓeesii

D) Nabucodonosor, rey Babiloniaɗebena

Koberna ɓooɗa ɓuisia

E) Nabucodonosor kawayuswẽa koɓeesii año 606 J.N.b dauchia, mauɗeeba ichia poyaa kobernaabasii siete añosɗe

Chi Kobierno waya adausia

F) Chi Nabucodonosor waya biʼia ɓeesii maabea waya koberna koɓoosia

Chi ome kumpliɗa baɗa:

• G) ¿Kairã jãu bakuru kĩra duanasaa? (1 Crónicas 29:23 leábaɗa).

• H) ¿Sakaeɗe koberna panaɗa ɓuisiɗaa? ¿Saka kuitaa panaa ãchia kobernaɗawẽa panaɗa baɗa Jesús iujãaɗe nibasiiɗe? (Lucas 21:24 leábaɗa).

• I) ¿Sama mauɗe sakaeɗe jãu Kobierno waya adausiɗaa?

CHI OME KUMPLIƊA BAƊA

Koberna koɓeesii

G) Reyrã israelita nuree chi Dachi Akõre Kobiernoɗebena unubi duanasia

Koberna ɓooɗa ɓuisia

H) Jerusalén ɓuaduatapeɗaaɗa baɗa año 607ɗe J.N.; 2.520 años chi rey israelitaɗebenarãba poyaa kobernaɗaabasia

Chi Kobierno waya adausia

I) Jesús Rey kĩra Dachi Akõre Kobiernoɗebena koberna koɓeesia bajãaɗe 1914ɗe

5. 1914ɗe nau iujãa o ãi wãsia

BIDEO ochiábaɗa.

BIDEO: 1914ɗe nau iujãa o ãi wãsia (1:10)

Jesusba jaraɗa basia chi iujãa saka ɓooyu ichia koberna koɓeeɗakare. Lucas 21:9-11 leaɗapeɗa, mambea nau ʉ̃rʉbena beɗeasturu:

• Chi Bibliaba jara ɓuu pasaiɗebena, ¿bichia kãare unupeɗa mauɗe kãare ũri ɓua?

Apóstol Pabloba jaraɗa basia saka panayu ẽbẽrarã chi último diarãɗebenarãɗe. 2 Timoteo 3:1-5 leaɗapeɗa, mambea nau ʉ̃rʉbena beɗeasturu:

• Nau textoɗe jara ɓuuɗebena, ¿kãare unu ɓua bichia?

6. Dachirãba chi Dachi Akõre Kobierno kobernamaa ɓuu kuitaa panuu bẽrã, dachirã apii duaneeɗaabayua

Mateo 24:3, 14 leaɗapeɗa, mambea nau ʉ̃rʉbena beɗeasturu:

• ¿Kãare trajo biʼia ãrĩã ɓuu unubi ɓua chi Dachi Akõre Kobierno jãabera kobernamaa ɓuu?

• ¿Bichi saka nau trajoɗe ɓeei ɓua?

Chi Dachi Akõre Kobierno jãabera kobernamaa ɓua, maabea ara ɓaʼãraburu kuɓuu ichia chi iujãa koberna neeyua. Hebreos 10:24, 25 leaɗapeɗa, mambea nau ʉ̃rʉbena beɗeasturu:

• ¿Kãare aseɗaiba jomaurãba “chi jãu día neemaa ɓuu bẽrã”?

NAU KAWASIƊAA

Chi Dachi Akõreba jaraɗa baɗa mauɗe chi iujãaɗe miadaa ɓee barau unu kopanuuba kuitaa panua jãabera Dachi Akõre Kobierno kobernamaa ɓuu. Mauɗeeba dachirã biɗa unubi kʉ̃ria panua jãu kobiernoɗebena beɗeabudauba. Maubapeɗa chi reunión konkrekasionɗebenaɗaa wãuri panuuba.

Waya berreaɗaika

• ¿Kãare sakasaa maabea chi siete tiempos Daniel libroɗebena pasaɗakare?

• ¿Kãareba bichimaa kereabi ɓua chi Dachi Akõre Kobiernoɗebena 1914ɗe koberna koɓeesii?

• ¿Saka unubii ɓua bichia kuitaa ɓuu Dachi Akõre Kobierno jãabera kobernamaa ɓuu?

NAU OCHIAS MAUCHABURU KAWAYUA

Leas chi kuitaa nureerãba jara duanuu nau iujãa ãrĩãdu kambiasii 1914ɗeeɗa.

“Chi añoɗe ẽbẽrarãba miadaa ɓeedu ase kopeneesiɗau” (¡Despertad!, abril 2007ɗebena)

Ochias saka mukĩra nii kambiaɗa baɗa Mateo 24:14ɗe jara ɓuuɗeeba.

“Beisboldu mʉa chi awa ɓoosia” (Chi Kartaba, 2017ɗebena chi 3)

¿Saka kuitaa panaa chi Daniel capítulo 4ɗe jara ɓuu Dachi Akõre Kobiernoɗebena jara ɓuu?

“¿Sakaeɗe koberna koɓeesaa chi Dachi Akõre Kobierno? (Parte aɓa)” (Chi Kartaba, 1 octubreɗe 2014ɗebena)

¿Saka kuitaa panaa chi “siete tiempos” capítulo 4 Danielɗe 1914ɗe terminasiɗaa?

“¿Sakaeɗe koberna koɓeesaa chi Dachi Akõre Kobierno? (Parte ome)” (Chi Kartaba, 1 noviembreɗe 2014ɗebena)

Chi Dachi Akõre Kobierno jãabera kobernamaa ɓuu. Nau iujãaɗe kobernaiɗea koɓeeyua maabea ẽbẽrarã aude biʼia duanabiyua. Ochiaɗaika bia ɓee chi Dachi Akõre Kobiernoɗeeba eneeburuuɗebena mauɗe jãu bichia kĩrajʉʉ esperai ɓua.

1. ¿Kãare aseerua chi Dachi Akõre Kobiernoba nau iujãaɗe waaburu peleaɗaamaaba maabea chi jipa ɓuudu aseɗayua?

Chi Armagedonɗe, Jesús chi Rey Dachi Akõre Kobiernoɗebena, ichia ẽbẽrarã kachiruarã baraurã kenakuapeɗa ara chi kobierno ẽbẽraɗe baare akabayua (Apocalipsis 16:​14, 16). Bibliaba jaraɗa baɗa kumpli koɓooyua: “Ara ɓaʼãraburu maucha, maabea chi ẽbẽra kachiruarã wãʼãe bayua waa” (Salmo 37:10). Chi nau kobiernoɗeeba, ẽbẽrarã pelea panuu Jesusba idaarabiibayua maabea jomaurãmaa jipa ɓuudu asebiayua joma iujãaɗe (Isaías 11:4 leas).

2. ¿Saka duanaɗaiba Dachi Akõreba ichia kʉ̃ria ɓuuka asebiburuuɗe nama iujãaɗe?

Chi Dachi Akõre Kobiernoɗeeba nama iujãaɗe koberna koɓeeruuɗe, “ẽbẽrarã biarãdu nau iujãaɗe waaburu biuɗawẽa duanaɗayua” (Salmo 37:29). ¡Kʉ̃risiachãu saka duanaɗai dachirã joma ẽbẽrarã biʼia nureaɗapeɗa, jomaurãba Jeowadu kʉ̃riaɗapeɗa mauɗe ãchi chiya kʉ̃ria duaneebudauɗe! ¿Kĩrawãrea ãrĩã ɓooime? Ni aɓa biɗa ẽpermaabayua maabea jomaurã biuɗawẽa nureaɗai.

3. ¿Kãare aseiba chi Dachi Akõre Kobiernoba ichia joma ẽbẽra kachiruarã akabakuaɗakare?

Chi ẽbẽra kachiruarã akabakuaɗakare, Jesús Rey bayua 1.000 años. Maarã añosɗe, Jesús mauɗe chi 144.000 ichi baare koberna duanabudaurãba ẽbẽrarã aiɗakuaɗayua waaburu pekaoswẽa duanaɗayua maabea jipa duanaɗai baita. Chi maarã años terminabudauɗe, chi iujãa kĩrawãrea ãrĩã kiruuɗe bayua, aria ẽbẽrarã kĩrajʉʉ ãrĩã duanaɗayua, ãchirãba Jeowa beɗeadu ũri duanuu bẽrã. Maabeaburu Jesusba deayua chi kobierno ichi Akõre, Jeowamaa. Maabea Dachi Akõre trʉ̃ ʉ̃rʉbena waya miadaa jaraɗaabai (Mateo 6:​9, 10). Jomaurãba kawaɗai Jeowadu biʼia koberna nii maabea ichia chi puuru ochia ua ɓuu. Mau kaaɗe Jeowaba akabayua Satanás ichi demoniorã baare, mauɗe ichi beɗea ũriɗawẽerã siɗa (Apocalipsis 20:​7-10). Chi Kobiernoba joma biʼia ɓee eneeburuurã waaburu akabawẽa duaneeɗayua.

AUDE KAWABA

4. Chi Dachi Akõre Kobiernoba akabayua chi kobiernorã ẽbẽrarãɗe

“Ẽbẽrarãba waabenarã ãchi juaɗeburu ua duanua ara ãsdu miadaa aseɗayua” (Eclesiastés 8:9). Ichi Kobiernoɗeeba, Jeowaba solucionayua chi joma miadaa ase duanuuɗebena.

Daniel 2:44 mauɗe 2 Tesalonicenses 1:6-8 leaɗapeɗa, mambea nau ʉ̃rʉbena beɗeasturu:

• ¿Kãare aseɗaiba Jeowa Jesús omeerãba, chi kobierno ẽbẽrarãɗe mauɗe maarã kobiernorã ome duanuu baare?

• ¿Bichia Jeowa Jesús omeɗebena kuitaa ɓuuba saka biʼia kʉ̃risiabi ɓua ãchia joma jipa biʼia ɓuu asebudau?

5. Jesús chi Rey arikʉɗe ɓuu

Jesús chi Rey Dachi Akõre Kobiernoɗebena nama iujãaɗe baburuuɗe, joma biʼia ãrĩã keɗee wauyua ẽbẽrarã iujãaɗe duanuu baita. BIDEO ochiábaɗa waya kawaɗayua saka unubiɗa basaa Jesusba ichia ẽbẽrarã aiɗa kʉ̃ria ɓuu maabea Dachi Akõreba poder deaɗa basii mau asei baita.

BIDEO: Jesusba unubisia Dachi Akõre Kobiernoba aseburuuɗebena (1:13)

Jesusba aseɗa baɗa nama iujãaɗe ɓoosiiɗe, jãuba unubi ɓua Dachi Akõre Kobiernoba mechibena aseburuu. Jãarãɗebena, ¿kãare unui bustai ɓua bichia? Chi textorã joma leábaɗa, aria unu ɓuu Dachi Akõreba eneei jara ɓuuɗebena.

6. Dachi Akõre Kobiernoɗeeba, iujãa kĩrawãrea ãrĩã kiruuɗe duanaɗayua

BIDEO: Problema taẽɗe duanuuɗe, Jesusdu kʉ̃risianibaɗai (Chi mipitaaɓee neeburuu Dachi Akõre Kobiernoɗeeba) (4:38)

Salmo 145:16 leaɗapeɗa, mambea nau ʉ̃rʉbena beɗeasturu:

• ¿Bichi saka senti baraa kuitaaruuba Jeowaba “ẽbẽrarãba kʉ̃ria panuu” ichia deai a ɓuuɗebena?

NAU KAWASIƊAA

Dachi Akõre Kobiernoba joma biʼia keɗee ua neeburua. Iujãa kĩrawãrea kiruuɗe babiyua maabea aria ẽbẽrarã biarãdu duanaɗai Jeowa kʉ̃riaɗapeɗa ũri duaneeɗayua waaburu biuɗawẽa.

Waya berreaɗaika

• ¿Kãare aseiba Dachi Akõre Kobiernoba Jeowa trʉ̃ɗebena miadaa jarabiimaaba?

• ¿Saka ariɗe kuitaa panaa chi Dachi Akõre Kobiernoba ariɗe eneeyu Bibliaɗe jara ɓuu ʉ̃rʉbena?

• Dachi Akõre Kobiernoba eneeburuuɗebena, ¿kãare unui bustai ɓua bichia?

NAU OCHIAS MAUCHABURU KAWAYUA

Kawas kãareba mau Armagedón.

“¿Kãareba mau Armagedón?” (Artículo jw.org ɗebena)

Jesusba jaraɗa “ẽbẽrarã ãrĩã mia mechibena sufriɗayu” (Mateo 24:21), ara makaburuuɗe, ¿kãare pasaɗaiba? Nauɗebena kawaba.

“¿Kãareba mau ẽbẽrarã ãrĩã mia mechibena sufriɗayu?” (Artículo jw.org ɗebena)

¿Saka kʉ̃risiaɗai ɓua chi deɗabenarãba Dachi Akõre Kobiernoɗeeba eneeburu ʉ̃rʉbena?

Kʉ̃risiáse bichi Iujãa Kĩrawãrea kiruuɗe (1:50)

Leas chi ẽbẽra niiba jara ɓuuɗebena “Ãrĩãdu wiɗi bara ɓoosia” saka unusaa politicoba chi ichia problema barau saka solucionayu ʉ̃rʉbena jʉrʉ nibaɗa.

“Ãchi nibapeɗaaɗabaɗa kambiasia Bibliaɗeeba” (Chi Kartaba, 1 eneroɗe 2012ɗebena)