NAU NTI 3

Mâm Nau Rêh Jêng Ntơm Dak Bôk ta Ðang Trau Êđen?

Brah Yêhôva ăn ma Ađam ndrel Êva geh âk nau ueh. Nau Ntơm 1:28

Jêh Yêhôva njêng Êva, păng njŭn Êva ma Ađam

Yêhôva mon bu ur dak bôk jêng, Êva, jêh ri njŭn ma Ađam jêng ur păng.—Nau Ntơm 2:21, 22.

Yêhôva njêng khân păng geh nau mĭn jêh ri săk jăn ueh n’hêl ngăn, mâu geh du ntil nau mhĭk.

Ađam ndrel Êva khân păng uănh nklân ta neh ueh

Ðang Trau Êđen jêng ngih khân păng. Ta nĕ jêng ntŭk dŭt ueh geh n’hor dak, tơm play, jêh ri mpô mpa.

Yêhôva ngơi đah khân păng; jêh ri nti khân păng. Lah khân păng iăt bâr păng, khân păng mra rêh n’ho ro tâm Ðang Trau Êđen ta neh.

Brah Ndu lah lơi dĭng sa tă bơh du tơm play. Nau Ntơm 2:16, 17

Geh du tơm si ta đang trau nây Yêhôva lah ma Ađam ndrel Êva mâu dơi sa

Brah Yêhôva ăn ma Ađam jêh ri Êva saơ du nđơm tơm play ta nklang đang trau jêh ri mbơh ăn ma khân păng gĭt lah khân păng sa play aơ, khân păng mra khĭt.

Tông păr mhĭk, Brah Mhĭk Satan, dŏng du mlâm bih ngơi đah Êva

Geh du huê tông păr tâm rdâng đah Brah Ndu. Tông păr mhĭk aơ jêng Brah Mhĭk Satan.

Satan mâu ŭch ăn Ađam n’hanh Êva tông bâr ma Brah Yêhôva. Yor ri păng dŏng du mlâm bih ngơi dah Êva. Lah păng sa play bơh tơm si nĕ, păng mâu mra khĭt, ƀiă lah păng mra jêng tâm ban Brah Ndu. Ngăn đŏng, nau nây jêng nau mƀruh.—Nau Ntơm 3:1-5.