Dơi Ðŏng Phung Khĭt Lŏ Dâk Rêh Tay?

MOH NAU BRAH NDU NGƠI LAH

“Phung khĭt may mra ăn plơ̆ rêh.”​—Êsai 26:19, Nau Brah Ndu Ngơi Bunong.

MÂM NAU AƠ DƠI KƠL BĂL

Bonh leng dôl rnăk sa geh nau khĭt.​—2 Kôrintô 1:3, 4.

Mâu hôm klach bơh nau khĭt.​—Hêbrơ 2:15.

Kâp gân ngăn ma phung khĭt mra lŏ dâk rêh.​—Yôhan 5:28, 29.

DƠI ÐŎNG HE RNƠM NSING ÐAH NAU BRAH NDU NGƠI LAH?

Ơ, Tâm pe ntil nau geh:

• Kôranh Brah jêng nơm rhăk njêng nau rêh. Nau Brah Ndu Ngơi lah Yêhôva “jêng tơm nau rêh.” (Nau Mprơ Ơm 36:9; Kan Phung Oh Mon 17:24, 25) Brah Ndu jêng nơm rhăk njêng lĕ rngôch mpô mpa. Păng dơi ăn nau rêh tay ma phung lĕ khĭt.

• Kôranh Brah hŏ ƀư jêh bunuyh rnôk kăl e dâk rêh. Nau Brah Ndu Ngơi nkoch ăn he gĭt geh pham ntil nau tât. Druh ndăm, bu ranh, bu ur, bu klâu hŏ dâk rêh. Geh bunuyh khĭt djê̆ nar, jêh ri geh đŏng bunuyh khĭt tâm puăn nar.​—Yôhan 11:39-44.

• Kôranh Brah dŭt ŭch ƀư tay. Yêhôva ji nuih đah nau khĭt; păng uănh nau khĭt nâm bu nơm rlăng. (1 Kôrintô 15:26) Păng geh nuih n’hâm dŭt ŭch rdŭt nơm rlăng. Păng ŭch mplơ̆ tay bunuyh păng kah gĭt, ăn khân păng rêh tay ta neh ueh.​—Yop 14:14, 15.