Gay ma Brah Ndu Maak Moh Ndơ He Mra Ƀư?

Der đah nau mhĭk. 1 Kôrintô 6:9, 10

Lah he rŏng Yêhôva, he mâu dơi ƀư ndơ păng ji nuih.

Yêhôva mâu ŭch he ntŭng, nhŭl ndrănh, mâu lah dŏng dak si, si-ke.

Brah Ndu ji nuih phung nkhĭt bunuyh, lên kon, jêh ri phung bu ur tâm dŏng đah bu ur, phung bu klâu tâm dŏng đah bu klâu. Păng mâu ŭch he krêp mbeh mâu lah tâm lơh đah bu êng.

He mâu dơi yơk mbah ma rup mâu lah nti ƀư bu n’hŭm.

Tâm neh ueh mra tât, ta nê̆ mâu hôm mra geh ntŭk ma phung ƀư nau mhĭk.

Ƀư moh nau ueh. Mathiơ 7:12

Gay ƀư maak nuih n’hâm Brah Ndu, ăn he nsrôih tê̆ng kơt păng.

Tâm mpơl nau rŏng đah bu êng ma nau rah rơch jêh ri nau lŏng.

Ăn nanê̆.

Ăn gĭt nau yô̆ jêh ri yô̆ an.

Nkoch ăn bu êng gĭt ma Yêhôva jêh ri tâm trŏng păng.​—Êsai 43:10.