Vennak Innsang ONLINE LIBRARY
Vennak Innsang
ONLINE LIBRARY
Chin (Hakha)
  • BAIBAL
  • CAUK
  • PUMHNAK
  • Lamkaltu 9
  • Vawlei Thar Lehnak Baibal

Video a um lo.

Sorry, video awn khawh a si lo.

Lamkaltu A Chung Ummi

      • Damaskas khua kalnak lam ah Saul (1-9)

      • Ananias cu Saul bawmh awkah thlah a si (10-19a)

      • Saul nih Damaskas khua ah Jesuh kong a chim (19b-25)

      • Saul cu Jerusalem ah a tlawng (26-31)

      • Peter nih Ainias a damter (32-35)

      • A siangmi Dorkas a tho ṭhan (36-43)

Lamkaltu 9:15

Index

  • Baibal Hlathlainak

    12/2018, ca. 1

Lamkaltu 9:21

Index

  • Baibal Hlathlainak

    Tuahchunhnak Cauk caah Cherhchanmi, 12/2018, cc. 1-2

Lamkaltu 9:22

Index

  • Baibal Hlathlainak

    Tuahchunhnak Cauk caah Cherhchanmi, 12/2018, cc. 1-2

Lamkaltu 9:31

A Tanglei Fianternak

  • *

    Thlaihhlei A5 ah zoh.

Index

  • Baibal Hlathlainak

    Vennak Innsang (Cawn Awk Cauk),

    7/2017, ca. 10

    Vennak Innsang,

    5/15/2008, ca. 31

    4/15/2007, ca. 17

Lamkaltu 9:36

A Tanglei Fianternak

  • *

    Aramaic holh in ‘Tabitha,’ a sullam “Sazuk.”

Lamkaltu 9:43

Index

  • Baibal Hlathlainak

    Vennak Innsang,

    3/1/2002, cc. 12-13

  • Vawlei Thar Lehnak Baibal
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
Vawlei Thar Lehnak Baibal
Lamkaltu 9:1-43

Lamkaltu

9 Saul cu Bawipa zultu pawl tlerhkhonh awk le thah awkah a lung a tho tuk i tlangbawi ngan sinah a kal. 2 Cun Damaskas khua i pumhnak inn hna ah cakuat ṭialpiak ding in a nawl. Cucu Bawipa Lam a zulmi nu he, pa he tlaih in Jerusalem khua ah a ratpi khawh hna nakhnga caah a si.

3 Cun a kal i Damaskas khua pawng a phanh tikah ruahlopi in a velchum cu van in ceunak nih a run ceuh. 4 Vawlei ah a tlu i “Saul, Saul, zeicah na ka hrem?” timi aw kha a theih. 5 Saul nih “Bawipa, ahodah na si?” tiah a hal tikah “Keimah cu na hremmi Jesuh ka si. 6 Atu tho law khua chung ah va lut, zeidah na tuah awk a si ti kha an in chimh lai” tiah a ti. 7 Saul he khual a tlawngṭimi hna nih aw cu an theih nain a chimtu kha an hmuh lo caah bia kaakhat hmanh chim kho loin ar ko in an dir. 8 Saul cu vawlei cun a tho i a mit a hun au tikah zeihmanh a hmu kho ti lo. Cucaah a kut in an hruai i Damaskas khua ah an luhpi. 9 Nithum chung khua a hmu kho lo i zeihmanh a ei, a ding lo.

10 Damaskas khua ah Ananias tiah auhmi zultu pakhat a um. Langhnak a hmuhmi ah Bawipa nih “Ananias!” tiah a auh tikah “Ka um ko, Bawipa” tiah a leh. 11 Bawipa nih “Tho law Lam Ding timi lam ah va kal, Tarsas khuami Saul timi pa kha Judas inn ah va kawl. Atu thla a cam lio. 12 Ananias timi pa a ra i a mit khua a hmuh ṭhan nakhnga a cung ah a kut a chuanmi kha langhnak ah a hmuh” tiah a ti. 13 Asinain Ananias nih “Bawipa, hi pa nih Jerusalem khua i na mithiang pawl harnak a pek hnanak kong vialte kha mi tampi sinin ka theih. 14 Cun na min a aumi paoh tlaihnak nawl kha tlangbawi upa hna sinin a hmuh caah hika ah a rak phanhmi a si” tiah a leh. 15 Asinain Bawipa nih “Va kal ko! Amah cu miphun dang hna lawng si loin siangpahrang hna le Israel mi hna sinah ka kong tehte khangtu ding ah ka thimmi a si. 16 Ka min ruang ah zeitluk in dah a temhin lai ti kha fiang tein ka hmuhsak lai” tiah a ti.

17 Cucaah Ananias cu a kal i Saul aa ṭhumhnak inn ah a lut. A cung ah a kut a chuan i “Ka unau Saul, hika na rat lio i lam ah na sinah a langmi Bawipa Jesuh nih a ka thlah. Na mit khua a hmuh ṭhan nakhnga le Thiang Thlarau in na khah nakhnga bawmh awkah a si” tiah a ti. 18 Chikkhat te ah a mit in phokphawher bantuk kha an tla i khua a hmu ṭhan. Cun a tho i tipil a ing. 19 Rawl a ei i a thazaang a um ṭhan.

Damaskas khua ah zultu pawl sinah ni tlawmpal a caam. 20 Pumhnak inn hna ah a kal colh i Jesuh cu Pathian Fapa a si timi kong kha a chim. 21 A bia a theimi paoh cu an khuaruah a har tuk i, “Hi pa hi Jerusalem khua i Jesuh min a aumi paoh fakpi in a hremtu kha a si lo maw? Hika i a ratmi zong hi annih kha tlaih in tlangbawi upa hna sinah kalpi awkah a si lo maw?” tiah an ti. 22 Saul a phungchimnak cu hmual a ngeih chin leng ah Jesuh cu Khrih a si ti kha fiang tein a langhter caah Damaskas khua i Judah mi cu an khuaruah a har tuk.

23 Ni tam nawn a rauh hnuah Judah mi hna cu Saul thah awkah a thli tein khua an khang. 24 Asinain an khuakhannak kha Saul nih a hun hngalh. Judah mi nih Saul thah awkah khua kutka in chun he, zan he an bawh. 25 Cucaah zan ah a zultu hna nih Saul kha bawm ah an khumh i khua kulhnak vanpang thlalang awng in an ṭhumh.

26 Saul cu Jerusalem a phanh tikah zultu hna sinah i tel ding in aa zuam nain Jesuh zultu a si ve cang ti kha an zumh lo caah an ṭih. 27 Cucaah Barnabas nih a bawmh i lamkaltu hna sinah a kalpi. Lampi ah Saul nih Bawipa a hmuhnak kong, Bawipa nih a chawnhnak kong le Damaskas khua ah Jesuh min in ralṭha tein phung a chimnak kong kha a dikthliar in a chimh hna. 28 Saul cu lamkaltu hna sinah a um, Jerusalem khua kha a cul dih i Bawipa min in ralṭha tein phung a chim. 29 Greek holh a hmangmi Judah mi hna he bia an i ruah i a al zong an i al, cucaah annih nih thah an timh. 30 Mah kong kha unau pawl nih an theih tikah Sisaria khua ah an kalpi i Tarsas khua ah an thlah.

31 Mah lio caan ah Judea ram le Galili ram le Samaria ram i Khrihfabu dihlak cu daihnak an hmu i an zumhnak a fek chin. Jehovah* kha an ṭih i Thiang Thlarau pekmi hnemhnak ning in an nun caah an karh chin lengmang.

32 Peter cu khuazakip ah khual a tlawn pah in Lidda khua ah a ummi mithiang mi hna sinah a rak phan. 33 Cuka ah Ainias timi pa kha a va hmuh, anih cu a zengmi a si i ihnak cung i a rilhnak hi kum 8 a si cang. 34 Peter nih “Ainias, Jesuh Khrih nih aan damter cang. Tho law na ihnak kha fim” tiah a ti tikah a tho colh. 35 Lidda khua le Sharon Nelrawn i a ummi vialte nih Ainias kha an hmuh tikah Bawipa kha an hun zumh.

36 Joppa khua ah Tabitha timi zultu pakhat a um, Greek holh in cun “Dorkas”* ti a si. Anih cu thilṭha tampi a tuah i misifak bawmh a hmang ngaimi a si. 37 Cu caan ah Dorkas cu a zaw i a thi. Zultu hna nih a ruak kha ti an kholh i cungdot khaan ah an suan. 38 Lidda khua cu Joppa he aa naih i cuka khua ah Peter a um ti kha zultu pawl nih an theih tikah mi pahnih an hei thlah hna i, “Khulrang in kan sinah rak ra” tiah an ti. 39 Peter cu a tho i an sinah a kal. A phanh tikah cungdot khaan ah an kaipi. A ṭapmi nuhmei pawl cu Peter sinah an ra i Dorkas nih a nun lioah a ṭhitpiakmi hna angki le puan hna kha an hmuhsak. 40 Peter nih an dihlak in leng ah a chuahter hna, a khuk aa bil i thla a cam. Cun a ruak lei ah aa mer i, “Tabitha, tho tuah!” tiah a ti. A mit kha a hun au i Peter kha a hmuh tikah a hung ṭhu. 41 Peter nih a kut a chanh i a thawh. Cun mithiang mi le nuhmei hna kha a auh hna i a nung ṭhanmi Tabitha kha a hmuhsak hna. 42 Cu thawng cu Joppa khua dihlak ah a thang i mi tampi nih Bawipa kha an hun zumh. 43 Peter cu Joppa khua i saphaw sertu Simon sinah sau nawn a caam.

Hakha Vennakinnsang Cauk Hna (1987-2025)
Log Out
Log In
  • Chin (Hakha)
  • Share
  • Duhmi Kha Thim
  • Copyright © 2025 Watch Tower Bible and Tract Society of Pennsylvania
  • Zulh Awk Phunglam Hna
  • Pumpak Kong Policy
  • Privacy Setting
  • JW.ORG
  • Log In
Share