Jehovah Le Jesuh Cung Zumhnak Fehter Awkah Nunnak Kha Zungzal In I Nuamhpi! Kha Hmang

Pathian lunglawmhter awkah Baibal a cawngmi nih a fekmi zumhnak an ngeih a hau. (Heb. 11:6) Nunnak Kha Zungzal In I Nuamhpi! timi cauk hmangin a fekmi zumhnak ngeih awkah kan bawmh khawh hna. Mah cauk ah a biapimi Baibal caang, a fiangmi fianternak, hmualngeimi biahalnak le lungthawh awk a simi video le aa dawh tukmi hmanthlak hna aa tel. Baibal a cawngmi kha Khrihfa sining ṭha le Pathian he pehtlaihnak ṭha ngeih awkah mei nih a kangh khawh lomi thilri hna hmangin kan bawmh.—1 Kor. 3:12-15.

Mi cheukhat nih hmuh khawh lomi Pathian he zeitikhmanh ah hawikom kan si kho lai lo tiah an ruah. Cucaah Jehovah kong hngalh awk le zumh awkah kan bawmh hna a hau.

“NUNNAK KHA ZUNGZAL IN I NUAMHPI!” KHA HMANG LAW JEHOVAH ZUMHNAK FEHTER TIMI VIDEO KHA ZOH LAW MAH BIAHALNAK HI PHI:

• Unaunu cu Baibal cawnpiaknak caah ṭha tein aa timtuah ti kha zeitindah kan hngalh khawh?

• Baibal a cawngmi nih Isaiah 41:10, 13 he aa tlaiin a ruahnak a chim nakhnga unaunu nih ṭha tein a thimmi biahalnak hna kha zeitindah a hman?

• Video le Baibal caang hna cu Baibal a cawngmi cungah zeitindah huham a ngeih?

Mi tampi nih tlanhnak man kong kha an hngalthiam lo asiloah Pathian nih a pekmi hna laksawng in an hmu lo. (Gal. 2:20) Cucaah Jesuh tlanhnak man kha zumh awkah kan bawmh hna a hau.

“NUNNAK KHA ZUNGZAL IN I NUAMHPI!” KHA HMANG LAW JESUH ZUMHNAK FEHTER TIMI VIDEO KHA ZOH LAW MAH BIAHALNAK HI PHI:

• Unaupa cu Baibal cawnpiaknak caah ṭha tein aa timtuah ti kha zeitindah kan hngalh khawh?

• Baibal a cawngmi bawmh awkah “Hlathlai Chap” timi ṭhen kha unaupa nih zeitindah ṭha tein a hman?

• Baibal a cawngmi caah thlacampiak cu zeicah a biapit?