Pathian He Kalṭi U!

1. Toidor in Pathian he kalṭi;

Dinnak le dawtnak langhter.

Jehovah kha i bochan zungzal law,

A ṭhawnnak in thazaang la.

A biatak mansung na zulh ahcun,

Lam na pial bal lai lo.

Na kut in Pathian i hruaiter,

A nawlbia kha ngai law zul.

2. Thiang tein Pathian he kalṭi;

A thiangmi thil kha ruat hna.

Zei bantuk tukforhnak na ton hmanhah,

Inkhawh awk Pathian nih bawmh.

Thangṭhat awk a tlakmi thil vialte,

A hmaanmi thil vialte,

Ṭha tein na ruah zungzal cun,

Pathian na sinah um lai.

3. Lunglawm in Pathian he kalṭi;

Na Hawi a si ca’h i lawm.

A dong lomi thluachuah a kan pek ca’h

Pathian sin lawmhnak bia chim.

Pathian he kalṭi law lawm zungzal;

Lunglawm tein hla sa.

Naa lawmhnak mikip nih hmuh khawh,

Jehovah ta na si ca’h.