Jehovah Tlang ah Ra U

1. Nan lu tung in zoh u,

A sang bikmi tlangpar khi.

Jehovah tlang sang a si,

Nihin ah hlorh a si.

Lam hlat in mi an ra,

Rili khattalei ral in,

Pakhat le khat an i sawm,

‘Ra law Pathian kha bia.’

Atu a caan phan cang,

A hme bik, a ṭhawng bik ah thlen caan.

Kan ṭhangcho i kan karh,

A lamhruainak le thluachuah kan hmu.

Nuai tampi an ra i

A nawlngeihnak an cohlan.

Lampial loin a sinah

Zumhtlak te’n kan um lai.

2. Jesuh nih a kan fial,

Kal u law thawngṭha chim u.

Tuchan ah Pennak thawngṭha

Mikip sin a phan cang.

Atu Khrih nih uk cang,

Amah lei ṭan a kan forh.

A aw a theimi hna,

Pathian Bia nih lamhruai seh.

Mibupi an ṭhangcho,

Kan hmuhmi cu lunglawmh awk a si!

Mikip nih Jehovah

An hngalh nakhnga bawmh ding rian kan ngei.

Kan aw thangpi kan chuah,

Mikip nih an theih nakhnga

‘Jehovah tlang ah ra u,

Zungzal in um u sih.’