¿Paita kameetsayetatsiri ikantimpiri Tasorentsi?

1. ¿Paita iranteri Tasorentsi?

Yobetsikakero Tasorentsi kipatsi aisati atiri tempa inintakee. Aisati ikoiri kameetsa asaike maaroni. Irootake ikantantimpiri: “Eiro piñajirotsi ashinonkainkari”. Piñanatero Salmos 37:37.

Yora ashaninka te irimateroji intsonkero yantabakaaka, imantsiatake aisati inkame atiri. Iro kantaincha ikanti Tasorentsi kapichanibaniji intsonkero maaroni pinkatsariyetatsiri aka kipatsikika, impoiji impinkatsaribentajeitena kameetsa asaikantyari. Piñanatero Irantayeteri Jesoquirishito 11:15; 21:4.

2. ¿Paita okameetsaperotantari piyotero ikantimpiri Tasorentsi?

Yora Tasorentsi intsonkeri antayetirori kaari kameetsatatsi kameetsa pisaikantyari (Salmos 37:10). Eiro osamanititsi Tasorentsi intsonkero maaroni kaari kameetsatatsi. ¿Paita akantantari oka? Okantiri Iriñane Tasorentsi. Piñanatero 2 Timoteo 3:1-5.

3. ¿Paita panteri?

Ipakempiro Tasorentsi iriñane, irootake okameetsatantari piñanatero Bibiria piyotantyariri Tasorentsi, aisati kameetsa pintimantyari pinkantaitatiyempani. Ariorika inkisakempirika ashaninka piñanayetaitiro Iriñane Tasorentsi, ¿paita panteri abirori? Eiro pikemisantiritsi, eiro patsipetashitarotsi piñanatero Bibiria, impoiji ari impinatakempi Tasorentsi. Piñanatero Proverbios 29:25; Irantayeteri Jesoquirishito 14:6, 7.