¿Arimpa intinaanaje kamayetaintsiri?

OKANTIRI IRIÑANE TASORENTSI

“Irointinaajeitajeri Tasorentsi maaroni camajeivetainchari” (Itiancaneni Jesoshi 24:15, Irineane Tasorentsi).

¿PAITA OJITARI OKA?

Timatsirika pishaninka kamaintsiri, iribeshireakayempi Tasorentsi (2 Corintosati 1:3, 4).

Eiro atsaroakairotsi ankame (Ijorioririnte 2:15).

Ikantimpi Tasorentsi, ari piñaborotajeri pishaninka kamaintsiri (Joa 5:28, 29).

¿KEARIOMPA OKANTIRI IRIÑANE TASORENTSI?

Jee, ¿paitakea?

• Iritake Tasorentsi Betsikirori maaroni. Tempa okanti Iriñane Tasorentsi, “avirotaque oaneantasanotatsiri” (Salmos 36:9; Itiancaneni Jesoshi 17:24, 25). Yoañajeitakeri Tasorentsi atiri aisati ari imatakero irointinaajeri kamaintsiripee.

• Peerani yoitinaajiri Tasorentsi kamayetaintsiri. ¿Jaanikani yoitinaajiri Tasorentsi? Okantiri Bibiria, okarati 8 atiripee, shirampari, tsinane, jananeki aisati antari, kemperi shirampari Irasaro kamake okarati 4 kitaiteri, iro kantaincha itinaanaka (Joa 11:39-44).

• Ikoasanoti Tasorentsi irointinaajeri kamaintsiripee. Te ininteji iriori ankame (1 Corintosati 15:26). Inkamakerika atiri antaroite yobashireta, irootake ikoantari iriori irointinaajeri kamaintsiripee kameetsa irisaikantyarori kipatsiki (Salmos 71:20).