¿Jaoka ankantyari ankeariobenteneri Tasorentsi?

Ayotakeroranki te iriñakameetsateroji Tasorentsi osheki rerigionipee. Iro kantaincha ari amatakero ankeariobenteneri Tasorentsi ankimoshiretakantyariri. ¿Jaoka okantari rerigioni iñakameetsatiri Tasorentsi? (Santiaco 1:27). Tsame ayotakotero okantakotirori Bibiria.

1. ¿Jaoka onkantyari ayotantyarori ankeariobenteneri Tasorentsi?

Ora Bibiria obametee jaoka onkantyari ankeariobenteneri Tasorentsi. Ikantakeri Jesoshi Tasorentsi: “Ora pineane, irootaque queariotasanotatsiri” (Joa 17:17). Osheki kemisantashiyetachari te inkemisanteroji okantakantiri Iriñane Tasorentsi, irointi ikemisantiro yameyetari atiri. Te inkoakayempiji Yioba pojokero iriñane (piñanatero Maricoshi 7:9). Pimonkaratero okantakantiri Bibiria pinkimoshiretakantyariri Tasorentsi.

2. ¿Jaoka onkantyari ankeariobenteneri Yioba?

Tempa Yioba irinti Betsikanakeeri ikoake ampinkatsateri apinti iriori (Irantayeteri Jesoquirishito 4:11). Aninteri aisati ankeariobenteneri Tasorentsi, eiro ajitasorentsitashiyetatsi pashini (piñanatero Deuteronomio 5:8, 9).

Pikoakerika pinkeariobenteneri Tasorentsi “cameetsa pisavique iriveshireimentantempiri” (Oromasati 12:1). Panteneri Tasorentsi ikoakaimpiri. Yora nintajeitiriri Tasorentsi Yioba ikemisantiro okantakotirori Bibiria te irantashityaroji kaari yai, te iranteroji kaari kameetsatatsi, te irishinkityaji, te impobatyaroji pocharo aisati droga.a

3. Ankeariobenteneririka Yioba, ¿paita ankarajeitantyariri kemisantatsiri?

Anta apatotaantsipeeki amatero ankantashiretasanote: “Icameetsati Tasorentsi, yapatojeitanta atiripee cameetsajeitatsiri” (Salmos 111:1, 2). Ankantakoteri Tasorentsi ariorika ampampoyeabenteri (piñanatero Salmos 104:33). Inintasanojeitee Yioba, irotake ikoantakari ampatotapinitya. Ariorika ampatotya aimoshirenkabakaajeitya, aisati apatotaantsipee amitakotee antimaje onkantaitatiyempani.

PIYOTASANOTERO YOTAANTSIKA

4. Te onkameetsateji amanakoteri ijitasorentsitashiyeetari

SHIAKAANTSI: ¿Ikoakempa Tasorentsi amanakoteri ijitasorentsitashiyeetari? (3:26)

• Aparopee israerita yajirikakero ijitasorentsitashiyeetari iramanakotantyariri Yioba, ¿onimotakerimpa Yioba oka?

Ikenkeshireashita atiri ariorika yamanakotiri ijitasorentsitashiyeetari inkemisantero Tasorentsi yamanakotiriri, ¿keariompa oka, ikemisantirompa Tasorentsi yamanakotiriri? Piñanatero Éxodo 20:4-6 aisati Salmos 106:35, 36. Impoiji pinkenketsatabakaajeitya:

• ¿Paita ijitasorentsitashiyeetari yajirikiri atiri yamanakotantariri Tasorentsi?

• ¿Jaoka ikantanentari Yioba iñirorika okapee?

• ¿Jaoka pikantanentari abiro piñirorika okapee?

5. Akeariobentiniririka Yioba, eiro akemisantiritsi kemisantashiyetachari

SHIAKAANTSI: Ora keariotatsiri oipakaakobentakena (5:16)

Piñanatero Salmos 91:14 aisati pinkenketsatabakaajeitya:

• Ariorika aninteri Yioba aisati ankeariobenteneri, ¿jaoka inkanteeri Yioba?

6. Akeariobentiniri Tasorentsi apatotaantsiki

Ariorika ampampoye aisati ankantakotero ayotabakeri apatotaantsiki ankeariobenteneri Yioba aisati aimoshirenkabakaajeitya. Piñanatero Salmos 22:22 aisati pinkenketsatabakaajeitya:

• Aparopee ayemisantaririnte ikenketsatiro iyotabakeri apatotaantsiki, ¿pinebetakarompa oka?

• ¿Pikoimpa abiro pinkenketsatero piyotabakeri?

7. Ikoasanotake Yioba pinkamanteri atiripee

Jaokarika asabikeri okameetsati ankamanteri atiripee ayotabakeri Bibiriaki. Piñanatero Salmos 34:1 aisati Ijorioririnte 13:15. Impoiji pinkenketsatabakaajeitya:

• Maaroni piyotabakeri Bibiriaki, ¿paita pikoiri pinkamanteri itsipapee?

EIRO PIPEAKOTAROTSI

Ankimoshiretakayeri Tasorentsi ariorika ankeariobenteneri apinti iriori, ariorika ampampoyeakobenteri apatotaantsipeeki, aisati ariorika ankamanteri itsipapee ayotabakeri.

Paita piyotabakeri

• ¿Jaoka onkantyari ayotantyarori ankeariobenteneri Tasorentsi?

• ¿Paitakea ankeariobentantyanariri apinti Yioba?

• ¿Paitakea ankeariobentantyanariri Yioba jeri kemisantajeitiriri?

PAMENERO PASHINIPEE

Piñanatero oyenkitsare tsinane jokanajirori ijitasorentsitashiyeetari.

“La Biblia les cambió la vida” (La Atalaya, 1 de julio de 2011)

Piyotero paita amitakotempine pinkenketsate apatotaantsiki.

“Alabemos a Jehová en la congregación” (La Atalaya, enero de 2019)

Piyotero jaoka okantakari amitakotakeri apatotaantsipee ebankari, opomerentsitimobetakari irampatotya.

Ikenkeshireakotana Yioba (3:07)

Ikanti osheki atiri koroshi irashi Tasorentsi, ¿okameetsatimpa ajirikero koroshi amanakotantyariri Yioba?

“¿Por qué no usan la cruz los testigos de Jehová?” (Oka sankenarentsi otimi jw.org)