¿Paita yantiri “nampirentsi cameetsari, yora iotasanotatsiri”?

Yora Jesoshi “ipincatsariventajeitiri quemisantajeitiriri” (Ejesosati 5:23). Ikoyeakeri Jesoshi “nampirentsi cameetsari, yora iotasanotatsiri” irijibatakantyariri kemisantajeitatsiri kipatsiki (piñanatero Mateo 24:45). Tempa Jesoshi ikoyeakeri yoka “nampirentsi”, ontime impinkatsarite kempe Jesoshi, iro kantaincha aikero ijatati ikemisantiri jibatakairiri, yora Quirishito, aisati yamitakojeitiri irirentipee Quirishito. ¿Jaanika yoka nampirentsi? ¿Jaoka okantari yamenakobentanteeri?

1. ¿Jaanika ‘nampirentsi kameetsari, yora iotasanotatsiri’?

Ikantani Yioba ikoyeakeri aparopee shirampari irijibatakantyariri kemisantajeitiriri (Malaquías 2:7; Ijorioririnte 1:1). Ari abisanake ikamantakari Jesoshi, yora iroamerepeeni aisati jibatakantatsiri Jerosareki ijibatakantakeri itsipapee kemisantajeitatsiniri (Itiancaneni Jesoshi 15:2). Aisati meeka aparopee jibatakantirori apatotaantsi yobamejeitee aisati ijibatakantiro kamantaantsi, ipajiyeetiri jibatakaajeitiriri maaroni kemisantiriri Yioba (Cuerpo Gobernante de los Testigos de Jehová). Yokapee iriojeitake “nampirentsi cameetsari, yora iotasanotatsiri” (Mateo 24:45). Yora jibatakaajeitiriri maaroni kemisantiriri Yioba iriojeitake ikoyeane Tasorentsi, ariorika inkamake intsipajeityari Quirishito anta inkiteki impinkatsaritantyari.

2. ¿Paita ipeeri nampirentsi kameetsari irobametanteeri?

Ikantakeri Jesoshi inampire: “Aviro vetsicapiniteroneri iroajeiteari notomi, pimpapiniteri cameetsa” (Mateo 24:45). Ariorika ayearo obanarontsi ari ashintsitanaje eiro ajokiitajatsi. Aisati ariorika añanatapinitero Iriñane Tasorentsi ari amatakero ankemisanteri Yioba aisati amonkaratero ikantakeeri Jesoshi (1 Timoteo 4:6). Yoka nampirentsi kameetsari yobametee okantiri Bibiria, irotake ipajeitanteeri osheki sankenarentsi, shiakaantsi, apatotaantsi aisati antyaro apatotaantsi, okapee okempetaka ipajeitee abajeityari. Maaroni okapee amitakotee ankemantyarori ikoakaakeeri Yioba aisati amitakotee antsipabintsatasanotyari.

PIYOTASANOTERO YOTAANTSIKA

3. Kemisantajeitiriri Yioba ikaratabakaajeita irantabeetantyari

Ikoakaakeri Jesoshi yora jibatakaajeitiriri maaroni kemisantiriri Yioba irijibatakantero irantabeere kemisantajeitatsiri. Itimabeitani iroamereni Jesoshi aisati ijibatakantini jibatakantiriniri oijajeitiriniri Jesoshi. Pamenero SHIAKAANTSI.

SHIAKAANTSI: Yapatojeitiri Yioba maaroni kemisantajeitiriri (6:18)

Piñanatero 1 Corintosati 14:33, 40 aisati pinkenketsatabakaajeitya:

• Piñanatakero sankenarentsika, ¿ikoakempa Yioba kemisantajeitiriri intsipatabakaajeitya irantabeetantyari? ¿Paita piyotantari oka?

4. Nampirentsi kameetsari ijibatakantiro kamantaantsi

Yora jibatatsiri kemisantatsiniri ijibati ikamantanti. Piñanatero Itiancaneni Jesoshi 8:14, 25 aisati pinkenketsatabakaajeitya:

• Peerani, ¿jaanika intarori ijibatakantiro kamantaantsi?

• ¿Paita yantakeri Petero aisati Joa?

Ora kamantaantsi irotake antabeerentsi iroperori, jibatakaajeitiriri maaroni kemisantiriri Yioba ijibatakantiro oka. Pamenero SHIAKAANTSI.

SHIAKAANTSI: Ikenkeshiriro kamantaantsi (1:24)

Ikanti Jesoshi okameetsatasanoti katsini ankamantante. Piñanatero Maricoshi 13:10 aisati pinkenketsatabakaajeitya:

• Yora jibatakaajeitiriri maaroni kemisantiriri Yioba, ¿paita ikoantari ankamantante?

• ¿Paita akantantari “nampirentsi cameetsari” irijibatakantero oka kamantaantsi maaroni nampitsipeeki?

5. Yora nampirentsi kameetsari ijibatee

Yora jibatakaajeitiriri maaroni kemisantiriri Yioba ijibatakanti maaroni kemisantaperotatsiri nampitsipeeki. ¿Paitakea iyojeitantari yobametanti kameetsa? Pamenero jaoka ikantarini yoametantini kemisantatsiniri peerani. Piñanatero Itiancaneni Jesoshi 15:1, 2 aisati pinkenketsatabakaajeitya:

• ¿Paita pomerentsitimotakariri kemisantatsiniri peerani?

• Yora Paboro, Bernabé aisati kemisantatsiniri, ¿jaanika ikoyeakeri irobetsikantyarori pomerentsitimotariri?

Piñanatero Itiancaneni Jesoshi 15:12-18 aisati 23-29. Impoiji pinkenketsatabakaajeitya:

• Yora jibatakantiriri kemisantajeitatsiniri tekera irobetsikero pomerentsi, ¿paita yantakeri iramitakotantyariri Tasorentsi? (Pamenero orijanikipee 12, 15 aisati 28).

Piñanatero Itiancaneni Jesoshi 15:30, 31 aisati 16:4, 5. Impoiji pinkenketsatabakaajeitya:

• Iñanajeitantakarori kemisantajeitatsiniri isankenare jibatakantiriri, ¿jaoka ikantaniri?

• Tempa kemisantajeitatsiniri ikemisantajeitake, ¿jaoka okantakari itasonkakobentantakariri Yioba?

Piñanatero 2 Timoteo 3:16 aisati Santiaco 1:5. Impoiji pinkenketsatabakaajeitya:

• Meeka jibatakaajeitiriri maaroni kemisantiriri Yioba, ¿paita yantiri iramitakojeitantyariri Yioba iriorijei?

EIRO PIPEAKOTAROTSI

Yora jibatakaajeitiriri maaroni kemisantiriri Yioba iriojeitake “nampirentsi cameetsari, yora iotasanotatsiri”. Yoka nampirentsi yobametiri maaroni kemisantaperotatsiri maaroni nampitsipeeki.

Paita piyotabakeri

• ¿Jaanika koyeakeriri “nampirentsi cameetsari, yora iotasanotatsiri”?

• Yora jibatakaajeitiriri maaroni kemisantiriri Yioba, ¿jaoka okantari yamenakobentanteeri?

• Yora jibatakaajeitiriri maaroni kemisantiriri Yioba, ¿irintimpa aisati “nampirentsi cameetsari, yora iotasanotatsiri”?

PAMENERO PASHINIPEE

Piyoteri jaoka okantari jibatakaajeitiriri maaroni kemisantiriri Yioba imonkaratiro ikantakeri Jesoshi.

“¿Qué es el Cuerpo Gobernante de los Testigos de Jehová?” (Oka sankenarentsi otimi jw.org)

Piyoteri jaoka okantari jibatakaajeitiriri maaroni kemisantiriri Yioba ishintsiperoti irobamejeitanteeri kameetsa.

Asankenatakeri irointi tampatikasanotatsiri (17:18)

Yora jibatakaajeitiriri maaroni kemisantiriri Yioba, ¿paita ikantakotirori ikantanakeriri Jesoshi?

Nokimoshireti nantiniri Yioba (7:04)

¿Jaoka okantari oinijee apatotaantsipee ijibatakantiri Yioba jibatakaajeitiriri maaroni kemisantiriri?

Yobametiri Yioba ishaninkapee (9:39)