YOTAANTSI 03
¿Arimpa ashiretakearo Bibiria?
Ora Bibiria okamantee pokatsine aisati obametee. ¿Pikoimpa piyotero okantakeri Bibiria, irompa pitseenkiro? ¿Paita ashiretantyarori Bibiria jampa irointini peesatoni? ¿Keariompa okantakeri Bibiria asaike kameetsa meeka aisati koajika? Osheki atiri ishiretaro Bibiria, piñanatero paitakea ishiretantarori aisati piyotero pishiretyarorika abirori.
1. ¿Keariompa okantakeri Bibiria?
Okanti Bibiria “ora pineane, irootaque queariotasanotatsiri” (Joa 17:17). Okamantee abisayetaintsiri peerani aisati jaanikani timatsirini (piñanatero Irocashi 1:3 aisati 3:1, 2). Osheki iyoyebetachari kipatsiki ikanti te ontseeyaji Bibiria, maaroni okantayetiri omonkarataka.
2. ¿Paita ashiretantyarori Bibiria jampa irointini peesatoni?
Peerani irosati meeka ora Bibiria okamantee abisatsine koajika. Kemperi, tekera omonkaratyaji ikantakeri iyoyebetachari kipatsiki, ari okamantitakari Bibiria. Aisati ikanti iriorijei irotake Bibiria kearioperotatsiri. Iriñane Tasorentsi “oncantaitatiyempani ontime, oqueariotasanotaque aisati otampaticataque” (Salmos 111:8).
3. ¿Paita ashiretantyarori okantirika Bibiria koraketaintsini impoiji?
Okamantakee peerani Bibiria paita abisatsine “tekerarika omonkaratyaji” (Isaías 46:10, TNM). Okamantakee paita abishimoterine atiri aisati nampitsi tekerarika omonkaratyaji. Aisati okamantakee peerani paita abisatsiri meeka. Oka yotaantsikika ayotero okamantiri Bibiria irotake tampatikatasanotatsiri.
PIYOTASANOTERO YOTAANTSIKA
Ayotero ikanti aparopee iyoyebetachari ora Bibiria te ontseeyaji, aisati ayotero omonkarataka okantakeri.
4. Ikanti iyoyebetachari kipatsiki te ontseeyaji Bibiria
Peerani ikantini osheki atiri ora kipatsi chora ajirikirori. Pamenero SHIAKAANTSI.
Abisanake 3.500 osarentsi ora sankenarentsi Job okantakeri. Piñanatero Job 26:7 aisati pinkenketsatabakaajeitya:
¿Paita pinkanteri okantakotiri Bibiria ora kipatsi tekatsi ajirikerone?
Abisanake osarentsi 200, meeka irobakera ayotakero nija ojati jenokiki aisati opiyataja. Iro kantaincha okamantakee Bibiria peerani katsini. Piñanatero Job 36:27, 28 aisati pinkenketsatabakaajeitya:
Okantakotiro Bibiria ojati nija jenokiki aisati opiyataja, ¿paita obametimpiri oka?
Piñanatakerorika Bibiria, ¿amitakotimpimpa pishiretantyarori?
5. Okantakeri Bibiria korake pokatsine
Piñanatero Isaías 44:27–45:2 aisati pinkenketsatabakaajeitya:
Okarati 200 osarentsi tekerani ontsonkeaji Babilonia, ¿paita okantakeri Bibiria?
Ora kenkitsarentsipee okanti osarentsiki 539 tekerani impoke Jesoshi, yora pinkatsari nampitsi Persia pajitachari Ciro jeri isorarotepee yashitapaakaro nampitsi Babilonia. Intakaro ishenareajatakero nija jokaakotirori nampitsi, aisati ashitareanaka ashitakoro Babilonia, irotake ikeantanakari isaikajeitapaake, iporokeetajiro nampitsi. Abisanake 2.500 osarentsi, tekatsi obetsikajerone irosati okanta oporoki. Pamenero okantakeri Bibiria.
Piñanatero Isaías 13:19, 20 aisati pinkenketsatabakaajeitya:
Oka sankenatachari, ¿jaoka okantakari omonkaratantakari?
Porokaintsiri Babilonia otimi nampitsiki Irak
6. Okantakeri Bibiria paita timatsine meeka
Okanti Bibiria ariorika “omoncarataquea impocantajeari Jesoshi” ontime osheki pomerentsi (2 Timoteo 3:1).
Piñanatero Mateo 24:6, 7 aisati pinkenketsatabakaajeitya:
¿Paita timatsine ariorika omonkaratya impokantajeari Jesoshi?
Piñanatero 2 Timoteo 3:1-5 aisati pinkenketsatabakaajeitya:
Okantiri Bibiria, ¿jaoka ikantajeitari atiripee meeka?
¿Paita pinkanteri abirori, omonkarataka okantakeri Bibiria? Pinkante.
APAROPEE ATIRI IKANTI: “Irotake Bibiria kenkitsarentsibetachari”.
Abiro, ¿pishiretyarompa Bibiria? ¿Paitakea pishiretantyarori?
EIRO PIPEAKOTAROTSI
Ikantakeri iyoyebetachari kipatsiki, kenkitsarentsipee, aisati okamantakeeri Bibiria amitakotee ashiretyaro Iriñane Tasorentsi.
Paita piyotabakeri
¿Timatsimpa Bibiriaki kenkitsarentsi kearioperori irompa kaariperori?
¿Paita ikantakotirori iyoyebetachari kipatsiki okantayetiri Bibiria?
¿Okamantimpimpa Bibiria abisatsine koajika? ¿Paitakea?
PAMENERO PASHINIPEE
Yora iyoyebetachari, ¿paita ikantakotirori Bibiria?
“¿Concuerda la Biblia con lo que ha descubierto la ciencia?” (Oka sankenarentsi otimi jw.org)
¿Keariompa asaike oberantapaakarori kitaiteripeeki?
“Seis profecías bíblicas en pleno cumplimiento” (La Atalaya, 1 de mayo de 2011)
Pamenero jaoka okantari omonkarataka okantakotirori Bibiria imperio Griego.
Oshintsitakaajeitee ‘isankenajeitiniri yora kamantantatsiniri peerani’ (5:22)
Yoka shirampari, paita ishiretantarori Bibiria, pamenero.