PAMPOYEANTSI 111
Nokimoshiretasanoti
1. Nokimoshiretasanoti,
nantiniri Tasorentsi,
aisati osheki atiri
ikoi inkemisanteri.
Yioba ipajeitakenaro
kameetsa obametaantsi
noyotasanotantyariri,
kameetsa nosaikantyari.
Ontimerika pomerentsi
nonkoyero iriñane,
noshiretyari Tasorentsi,
nonkimoshiretanake.
(CORO)
Nokobakeri narori
nantabeeteneri Yioba.
Nanterorika ikantakeri,
iribeshireakayena.
2. Ankimoshirejeitanake,
Yioba yobetsikakero
kipatsi, inkite, otishi,
inchato, nija, maaroni.
Ankamanteri maarojeini
osheki nampitsipeeki
anta inkiteki Jesoshi
iritake Pinkatsari.
Yioba ikantasanojeitee
arori asaikantyari
kameetsa aka kipatsiki
ankantaitatiyempani.
(CORO)
Nokobakeri narori
nantabeeteneri Yioba.
Nanterorika ikantakeri,
iribeshireakayena.
(Pamenero aisati Deuteronomio 16:15; Isaías 12:6; Joa 15:11).