¿Paita otimantakari ashinonkantsi aisati pomerentsi?

Osheki atiripee ashinonkachari isampita: “¿Paita otimantakari ashinonkantsi aisati pomerentsi?”. Ora Bibiria akiro sampitaantsika.

1. ¿Jaoka okantakari intanakaro Satanashi yoashinonkairo kipatsi?

Ikoake kamaari (Satanashi) impinkatsaribentajeiteri maaroni timayetatsiri, irotake ipiatsatantakariri Tasorentsi. Ikoakaakeri Aran jero Eva impiatsatyari Tasorentsi aisati, irotake yamatabitantakarori tsinane Eva (Génesis 3:1-5). Kamaari ikenkeshireakaakaro tsinane irinti Yioba imanapitsatiro kameetsatatsiri. Yamatabitantakarori Satanashi Eva irotake jibatatsiri tseeyantsi. Okantakotiri Bibiria: “Yashi yoiro itseeya. Iriotaque tseeyacaayetariri atiri” (Joa 8:44).

2. ¿Paita ikoanakeri Aran aisati Eva?

Ipayetakeri Yioba Aran aisati Eva maaroni chochokipee irobantyarori, iro kantaincha ikantajeitakeri aparoni inchato katiachari niyanki eiro poarotsi (Génesis 2:15-17). ¿Paita ikoanakeri iriorijei? “Irosati ojireantacaro oacaro [Eva] aisati opaqueri iriori ojime, yoacaro” (Génesis 3:6). Apiteroite te inkemisanteriji Tasorentsi. Yora Aran jero Eva irintini ikameetsajeitini, irimaterome irantajeiterome ikoakaabetakariri Tasorentsi, iro kantaincha yojokanajiro ikemisanti, te impinkatsateriji Yioba. Yantantakarori oka otimanake osheki pomerentsi (Génesis 3:16-19).

3. ¿Paita ipajenkakeeri Aran aisati Eva?

Yora Aran jero Eva te inkemisanteriji Tasorentsi, irotake ipeajeitantanajari kaari kameetsajeitatsi, aisati ipajenkakeri oka icharineitepee. Okanti Bibiria: “Peerani intanacaro caari cameetsatatsi aparoni shirampari, yora Aran […]. Irootaque meeca acamanejeitantari arori maaroni: ashi airo acamajeiti maaroni” (Oromasati 5:12).

¿Paita ashinonkantari? Ashinonka tempa antakero kaari kameetsatatsi, aparopee kitaiteri yoashinonkajeitee atiripee, aisati ashinonka omapokee pomerentsi.

PIYOTASANOTERO YOTAANTSIKA

4. Yora kantakaakarori ashinonka

Osheki atiri ikenkeshirea iri Tasorentsi pinkatsaribentirori kipatsi. ¿Keariompa oka? Pamenero SHIAKAANTSI.

SHIAKAANTSI: ¿Jaanika pinkatsaribentirori kipatsi? (1:24)

Piñanatero Santiaco 1:13 aisati 1 Joa 5:19. Impoiji pinkenketsatabakaajeitya:

• ¿Irimpa Tasorentsi kantakaakarori otimi pomerentsi aisati ashinonkantsi?

5. Jaoka ikantirori Satanashi kipatsi

SHIAKAANTSI: ¿Paita ishinetanteeri Tasorentsi abashinonkempa? (bekarachari kapichaji) (3:07)

Piñanatero Génesis 3:1-6 aisati pinkenketsatabakaajeitya:

• ¿Paita tseeyantsi ikantanakeri kamaari? (Pamenero 4 aisati 5).

• ¿Jaoka ikantakari itseeyakotakari kamaari Yioba?

• ¿Irimpa Yioba kameetsari pinkatsari, paita itseeyakotakariri kamaari?

Piñanatero Éxodo 1:13, 14 aisati pinkenketsatabakaajeitya:

• Te impinkatsaribenteroji Tasorentsi kipatsi, ¿jaoka ikantajeitari atiripee?

1. Isaikabeitani Aran aisati Eva pankirentsimashiki Edén, irintini ikameetsajeitini, iro kantaincha iriorijei ikemisantakeri kamaari aisati ipiatsajeitakari Yioba.

2. Ipiatsatantakariri Aran Tasorentsi otimanake antane arori, ashinonka aisati akamajeiti.

3. Intsonkero Yioba antane, eiro ashinonkajatsi aisati eiro akamajeitaji. Koajika ampeanajea ankameetsataje, antimaje kameetsaiteriki kipatsi.

6. Okatsitimotiri Yioba ashinonka

Ariorika iñee Yioba ashinonka, ¿okatsitimotirimpa? Piñanatakotero ikantakeri pinkatsari Iravirini aisati kemisantatsiniri Petero. Piñanatero Salmos 31:7 aisati 1 Petero 5:7. Impoiji pinkenketsatabakaajeitya:

• Tempa okatsitimotiri Yioba ashinonka, ¿jaoka pikantashirenentari abiro?

EIRO PIPEAKOTAROTSI

Kantakaakarori ashinonkajeita iriotake Satanashi, aisati Aran jero Eva yamakero ashinonka. Ariorika iñee Yioba ashinonka okatsitimotiri, koajikani intsonkajero oka ashinonkajeita.

Paita piyotabakeri

• ¿Paita yamatabitakerori kamaari Eva?

• ¿Paita ipajenkakeeri Aran aisati Eva?

• ¿Paitakea piyotantari okatsitimotiri Yioba ashinonka?

PAMENERO PASHINIPEE

Piyotero paita okantakotirori Bibiria antane.

“¿Qué es el pecado?” (Oka sankenarentsi otimi jw.org)

Piñanatakotero paita amatabitaantsi ikantakeri kamaari pankirentsimashiki Edén.

“¿Por qué permite Dios el sufrimiento?” (La Atalaya, 1 de enero de 2014)

Pinkoyeero yotaantsi oimoshirenkempine aisati ankerone pisampitari komitachari.

“¿Por qué permitió Dios que millones de judios fueran asesinados? ¿Por qué Dios no lo impidió?” (Oka sankenarentsi otimi jw.org)

Piyotakotero paita iyotabakeri shirampari timimotakeriri pomerentsi.

Te nampanirontajea (5:09)