Maaroni Iriñane Tasorentsi obametee impinkatsaribentero Tasorentsi kipatsi, ari irimonkaratakero ikoakeri. Aka yotaantsika aisati oijatirori piyotakotero sampitaantsipeeka: ¿Paita ojitari ipinkatsaritantari Tasorentsi? ¿Ipinkatsaribenteempa meeka? ¿Paita yantiri Tasorentsi? ¿Paita iranteri koajikani?

1. ¿Paita ojitari ipinkatsaritantari Tasorentsi, jaanika pinkatsaribentantatsiri?

Anta inkiteki Yioba itimakaakero ipinkatsaritantari, ikoyeakeri Jesoshi impinkatsaritantyari (Mateo 4:17; Joa 18:36). Ikantakeri Yioba Jesoshi: “Aviro pincatsariventajeiterineri maaroni, pincantaitatiyempani” (Irocashi 1:32, 33). Tempa Jesoshi irinti ikoyeane Tasorentsi, iriori impinkatsaribenteri maaroni sabikajeitatsiri kipatsiki.

2. ¿Jaanikapee tsipatyarine Jesoshi impinkatsariterika?

Te impinkatsaribentante Jesoshi apaniro. Okanti Bibiria itsipatakari “atiripee, nashiyetarori maaroni irineanepee [...] poneayetachari maaroni nampitsipeequi” (Irantayeteri Jesoquirishito 5:9, 10). ¿Jaoka inkarate tsipatyarine Jesoshi? Peerani irosati meeka osheki katsini atiri yoijajeitiri Jesoshi, iro kantaincha ikarati 144.000 kemisantatsiri intsipatyari Jesoshi inkiteki impinkatsaritantyari (piñanatero Irantayeteri Jesoquirishito 14:1-4). Maaroni itsipapee kemisantiriri Tasorentsi irisaikajeite aka kipatsiki (Salmos 37:29).

3. ¿Paitakea yanaakotantariri Jesoshi pinkatsaripee kipatsisati?

Timatsi pinkatsaripee koabetachari iramitakoteri itsipapee, iro kantaincha te irimateroji irimonkaratero ikoabetari, te osamaniteji ipinkatsaritantari. Irintikea ipinkatsaritantari Jesoshi eiro opeatsi, okantakotiri Bibiria Jesoshi “onkantyani ontime ipinkatsaritantari” (Daniel 2:44, TNM). Ariorika impinkatsaribentero Jesoshi kipatsi iramitakojeiteri maaroni atiripee. Iriotake irinti ikabintsanti, ikameetsashireti, irobamejeiteri Jesoshi atiripee irinintabakaajeitya, iraakameetsatabakaajeitya (piñanatero Isaías 11:9).

4. Impinkatsaribentero Jesoshi maaroni kipatsi

Otimi Jesoquirishito ishintsinka, irinti yanaakotiri maaroni pinkatsaripee. Piñanatero Mateo 28:18 aisati pinkenketsatabakaajeitya:

• ¿Paita yanaakotantariri Jesoshi pinkatsaripee kipatsisati?

Yora pinkatsaripee kipatsisati ipinkatsaribentiro aparopeeni nampitsi, aisati ipinkatsariti opeanaka. Iro kantaincha ¿jaoka okantari ipinkatsaritantari Tasorentsi? Piñanatero Irantayeteri Jesoquirishito 11:15 aisati pinkenketsatabakaajeitya:

• ¿Paita okameetsatantari impinkatsaribentante Jesoshi inkantaitatiyempani?

• ¿Paita okameetsatantari impinkatsaribentero Jesoshi maaroni kipatsi?

5. Ontsonkea ipinkatsaritantari atiri

¿Paita intsonkantyariri Tasorentsi pinkatsaripee kipatsisati? Pamenero SHIAKAANTSI aisati pinkenketsatabakaajeitya:

SHIAKAANTSI: ¿Paita ojitari ipinkatsaritantari Tasorentsi? (bekarachari kapichaji) (1:41)

• ¿Jaoka ikantari pinkatsaripee kipatsisati, paita yantajeitiri?

Piñanatero Éxodo 1:13, 14 aisati pinkenketsatabakaajeitya:

• ¿Kameetsampa intsonkeri Tasorentsi pinkatsaripee kipatsisati? ¿Paita pikantantari oka?

6. Pinkatsaribentajeiteene iyotakojeitiro akematsikayetakari

Isaikabeitani Jesoshi kipatsiki irintini atiri, iriotake “iotitantaqueerori irinti maaroni aquematsicayetari” (Ijorioririnte 4:15). Ikoyeakeri Yioba ikarati 144.000 shirampari aisati tsinane tsipajeityarine Jesoshi impinkatsaritantajeari. Yokapee atiri iriotake “poneayetachari maaroni nampitsipeequi, jaocarica isavicajeitiri” (Irantayeteri Jesoquirishito 5:9).

• Tempa piyotabakeri Jesoshi aisati tsipajeitariri iyotakotiro akematsikayetakari, ¿jaoka pikantanentari abirori?

7. Ikantakantiri Tasorentsi anaakotiro ikantayetiri atiri

Ikoakairi pinkatsari kipatsisati iratiritepee irimonkaratero ikantayetiriri. Aisati ikoake Tasorentsi kemisantajeitiriri irimonkaratero ikantakantiri iriori. Piñanatero 1 Corintosati 6:9-11 aisati pinkenketsatabakaajeitya:

• Irimonkaraterorika atiripee ikantakantiri Tasorentsi, ¿jaoka inkantajeityari iriojei?a

• ¿Amaterompa amonkaratero ikantakantiri Tasorentsi? ¿Paita ikoantari Tasorentsi amonkaratero ikantakantiri?

• ¿Irimaterompa piatsatinkari impeanajea kemisantatsiri? ¿Jaoka onkantyari impeantajeari? (Pamenero orijaniki 11).

EIRO PIPEAKOTAROTSI

Anta inkiteki Yioba itimakaakero ipinkatsaritantari, ikoyeakeri Jesoshi impinkatsaribentantyarori maaroni kipatsi.

Paita piyotabakeri

• ¿Jaanika ikoyeakeri Tasorentsi impinkatsaribentantajearori kipatsi?

• ¿Paitakea yanaakotantariri Jesoshi pinkatsaripee kipatsisati?

• ¿Paita ikoakaakeriri Yioba kemisantiriri?

PAMENERO PASHINIPEE

¿Jaoka otimiri ipinkatsaritantari Tasorentsi? ¿Paita ikantakeri Jesoshi? Piñanatero.

“¿Es el Reino de Dios algo que se lleva en el corazón?” (Oka sankenarentsi otimi jw.org)

¿Paita ikoantari kemisantaperotatsiri inkemisanteri Yioba?

Nopinkatsatiri ipinkatsaritantari Tasorentsi (1:43)

Piyotero okantakotiriri Bibiria karatatsiri 144.000 kemisantatsiri, intsipajeityari Jesoshi impinkatsaritantajeari.

“¿Quiénes van al cielo?” (Oka sankenarentsi otimi jw.org)

Yashitakoyeetakero tsinane karabosoki oyotakero apatiro Tasorentsi iramitakojeitee maaroni.

“Aprendí cómo se solucionarán las injusticias” (¡Despertad!, noviembre de 2011)

Osarentsiki 1914, anta inkiteki intanakaro ipinkatsaribentanti Jesoshi. Kapichanibaniji eiro itimitsi pinkatsaripee kipatsisati. Piyotero okamantakotirori Bibiria abisayetaintsiri osarentsiki 1914 irosati meeka.

1. ¿Paita okamantakeri Bibiria?

Okamantake Bibiria intyaro Jesoshi impinkatsaribentante abisanakerika osarentsipee ikanteetiri “siete tiempos” (Daniel 4:16, 17, TNM). Ikamantake Jesoshi tekera omonkaratyaji oka kamantantsika irosati inkantantyari Tasorentsi: “Moncarataca” (Irocashi 21:24). Ari ayotero omonkarataka oka siete tiempos osaretsiki 1914.

2. Intantanakarori osarentsi 1914, ¿paita abisaintsiri? ¿Jaoka ikantajeitari atiripee meeka?

Isampijeitakeri iroamerepeeni Jesoshi: “¿Paita iotacayenane jaoca oncarate pimpocantajeari? ¿Jaoca oncarate omoncaratantajeari maaroni picantaquenari?” (Mateo 24:3). Yakanakeri Jesoshi paita abisatsineri kipatsiki ariorika impinkatsaribentante iriori anta inkiteki. Ikantajeitakeri Jesoshi: Inkisabakaajeitya atiri, ayeri itashe aisati onikapinitya kipatsi (piñanatero Mateo 24:7). Okamantakotakero Bibiria jaoka inkantajeityari atiripee “ariorica omoncarataquea impocantajeari Jesoshi, oshequi ompomerentsitimoteari” (2 Timoteo 3:1-5). Maaroni oka intanakaro omonkarataka osarentsiki 1914.

3. Intantanakarori Jesoshi ipinkatsaribentanti, ¿paitakea oshekiasanotantakari pomerentsi?

Intantanakarori Jesoshi ipinkatsaribentanti, ikisajeitabakeri Satanashi aisati inampirepee, imanatabakaajeitaka anta inkiteki. Okanti Bibiria yanaakotakeri Jesoshi Satanashi, “yojocasanojeitaqueri quipatsiqui, aisati maaroni inampirepee” (Irantayeteri Jesoquirishito 12:9, 10, 12). Osheki ikisa Satanashi, iyoti eiro osamanititsi irisabike kipatsiki. Iriori yoashinonkaajeitiri atiripee. ¡Irotake oshekiasanotantari pomerentsi! Iro kantaincha intsonkajero pinkatsari Jesoshi maaroni okapee.

PIYOTASANOTERO YOTAANTSIKA

4. Okamantakotiro Bibiria osarentsi 1914

SHIAKAANTSI: Intanakaro ipinkatsaribentanti Jesoshi osarentsiki 1914 (5:02)

Imishitakaakari Tasorentsi Nabucodonosor, irintini pinkatsaritatsiri nampitsiki Babilonia. Impoiji Iranieri ikantakeri pinkatsari oshiakantaka imishitakari: Oshiakantiro ipinkatsaritantari Nabucodonosor, aisati oshiakantiro ipinkatsaritantari Tasorentsi (piñanatero Daniel 4:17).a

Piñanatero Daniel 4:20-26. Impoiji pamenero shiakaantsipee kaari shebatacha pankantyarori oka sampitaantsipeeka:

• A) ¿Paita imishitakari Nabucodonosor? (Pamenero orijaniki 20 aisati 21).

• B) ¿Paita abishimoterone inchato? (Pamenero orijaniki 23).

• C) Ariorika abisanake “siete tiempos”, ¿paita abisatsineri? (Pamenero orijaniki 26).

Ora inchato imishitakari Nabucodonosor aisati ipinkatsaritantari Tasorentsi

IMISHITAKARI NABUCODONOSOR (Daniel 4:20-36)

Ipinkatsaribentanti

A) Antyarotsantsa inchato

Te añeroji ipinkatsaritantari

B) ‘Pintotero inchato’ irosati ‘abisanake siete tiempos’

Intanajaro impinkatsaribentanti

C) ‘Iroimpiajempiro pipinkatsaritantari’

Omonkarataka ipinkatsaritinta Nabucodonosor:

• D) ¿Paita oshiakantiri inchato? (Pamenero orijaniki 22).

• E) ¿Jaoka okaratiri otsonkantakari ipinkatsaritantari Nabucodonosor? (Piñanatero Daniel 4:29-33).

• F) Omonkaratantakari “siete tiempos”, ¿paita abishimotakeriri Nabucodonosor? (Piñanatero Daniel 4:34-36).

OMONKARATAKA IPINKATSARITINTA NABUCODONOSOR

Ipinkatsaribentanti

D) Yora Nabucodonosor, pinkatsaritatsiri Babiloniaki

Te añeroji ipinkatsaritantari

E) Ipeanaja Nabucodonosor tsabiyari osarentsiki 606 t.i.J.;b okarati siete osarentsi te irimateroji impinkatsaritaje

Intanajaro impinkatsaribentanti

F) Yabisakotaji Nabucodonosor, intanajaro ipinkatsiribentanti

Omonkarataka ipinkatsaritinta Tasorentsi:

• G) ¿Jaanika shiakantachari kempe inchato? (Piñanatero 1 Crónicas 29:23).

• H) ¿Jaoka okaratiri otsonkantakari ipinkatsaritantari israeritapee? Itimabeitani Jesoshi kipatsiki, ¿ainirompa pinkatsari israerita? (Piñanatero Irocashi 21:24).

• I) ¿Jaoka intanakarori ipinkatsaribentanti Jesoshi? ¿Jaoka okaratiri intantanakarori ipinkatsaribentanti Jesoshi?

OMONKARATAKA IPINKATSARITINTA TASORENTSI

Ipinkatsaribentanti

• G) Yora pinkatsaripee israerita iriojeitini ikoyeane Tasorentsi

Te añeroji ipinkatsaritantari

• H) Itsonkeetakero nampitsi Jerosareni osarentsiki 607 t.i.J.; te impinkatsaribentanteji pinkatsaripee israerita irosati abisanake 2.520 osarentsi

Intanajaro impinkatsaribentanti

• I) Osarentsiki 1914 intanakaro Jesoshi ipinkatsaribentanti inkiteki

5. Opashinitanaja kipatsi osarentsiki 1914

Pamenero SHIAKAANTSI.

SHIAKAANTSI: Opashinitanaja kipatsi osarentsiki 1914 (1:10)

Ikamantakotakero Jesoshi onkantyari kipatsi ariorika intanakearo impinkatsaribentero inkite. Piñanatero Irocashi 21:9-11 aisati pinkenketsatabakaajeitya:

• ¿Monkaratakampa ikantakeri Jesoshi, paita piñiri meeka?

Yora kamantantatsiniri Paboro ikantake jaoka inkantyari atiripee oberantapemparori kitaiteripeeki. Piñanatero 2 Timoteo 3:1-5 aisati pinkenketsatabakaajeitya:

• ¿Monkaratakampa okantiri sankenarentsika? ¿Jaoka ikantari atiripee?

6. Piyotirorika ipinkatsaribentanti Jesoshi, ¿paita panteri?

Piñanatero Mateo 24:3, 14 aisati pinkenketsatabakaajeitya:

• ¿Keariompa ipinkatsaribentanti Jesoshi? ¿Paita imonkaratiri kemisantajeitatsiri?

• ¿Jaoka onkantyari pimonkaratero ikantakeri Jesoshi?

Aitake ipinkatsaribentanti Jesoshi inkiteki, kapichanibaniji impinkatsaribentero kipatsi aisati. Piñanatero Ijorioririnte 10:24, 25 aisati pinkenketsatabakaajeitya:

• Tempa ‘ayojeiti eiro osamanititsi impokantajeari Quirishito’, ¿paita kameetsatatsiri anteri?

EIRO PIPEAKOTAROTSI

Maaroni okamantiri Bibiria aisati abisaintsiri kipatsiki oinijanta ipinkatsaribentiro Jesoshi inkite, irotake akamantakotantarori ipinkatsaritantari Tasorentsi, aisati apatotapinijeita ibankoki Tasorentsi.

Paita piyotabakeri

• Omonkaratantakari siete tiempos, ¿paita abishimotakeriri Jesoshi?

• ¿Keariompa intanakaro ipinkatsaribentanti Jesoshi osarentsiki 1914? ¿Jaoka okantari piyotabakero oka?

• Tempa piyotabakero ipinkatsaribentiro Jesoshi inkite, ¿paita kameetsatatsiri panteri?

PAMENERO PASHINIPEE

Piñanatero jaoka okantakari opashinitanaja kipatsi osarentsiki 1914.

“La era en que los valores decayeron radicalmente” (¡Despertad!, abril de 2007)

Piyotero jaoka okantakari sankenarentsi Mateo 24:14 amitakotakeri shirampari.

“El béisbol era mi pasión” (La Atalaya, núm. 3 2017)

Isankenare Daniel antyaro 4 okamantakotiro jaoka onkarate impinkatsaritantyari Jesoshi.

“¿Cuándo comenzó a gobernar el Reino de Dios? (Primera parte)” (La Atalaya, 1 de octubre de 2014)

Isankenare Daniel antyaro 4 okamantakotiro otsonkapaaka siete tiempos osarentsiki 1914.

“¿Cuándo comenzó a gobernar el Reino de Dios? (Segunda parte)” (La Atalaya, 1 de noviembre de 2014)

Ipinkatsaribentiro Jesoshi inkite, kapichanibaniji aisati impinkatsaribentero kipatsi. Tsame ayotero irantayeteri Jesoshi iramitakojeitanteeri.

1. ¿Jaoka onkantyari Jesoshi iramitakoteri atiripee kameetsa irisaikantyari kipatsiki?

Manataantsiki pajitachari Aramaqueroni, intsonkajeiteri Jesoshi maaroni pinkatsaripee kipatsisati aisati atiripee kaari kameetsatatsi (Irantayeteri Jesoquirishito 16:14, 16). Ari omonkaratakea okamantiri Bibiria: “Eiro osamanititsi intime caari cameetsajeitatsi” (Salmos 37:10). Ariorika impinkatsaribentero Jesoshi kipatsi irobabisakojeiteri maaroni atiripee irisabikajeitantyari kameetsa (piñanatero Salmos 72:12-14).

2. Ariorika impinkatsaribentero Jesoshi kipatsi, ¿jaoka onkantyari irisabikajeite atiri?

Okamanti Bibiria: “Yora cameetsajeitatsari, irashitasanotearo quipatsi, aisati incanteani irisavicantearo” (Salmos 37:29). Pinkenkeshirea ariorika maaroni atiripee inintajeiteri Yioba, inintabakaajeitya, iraakameetsatabakaajeitya. ¿Añajerorika oka jaoka ankantanentyari? Kimoshire ankantya, ¿tempa? Eiro ajokiitajatsi, aintikea maaroni antime kameetsa ankantaitatiyempani.

3. Ariorika impoyereajeri Jesoshi maaroni piatsatinkari, ¿paita abisatsineri?

Yora Jesoshi jeri 144.000 kemisantatsiri impoyereajeri maaroni piatsatinkari, impoiji impinkatsaribentero kipatsi onkarate 1.000 osarentsi, irobameetsashirejeiteri atiripee intekatsitantanajeari. Ariorika ontsonkapaakea okapee osarentsi, irisabisakajeite kimoshire kemisantajeitiriri Tasorentsi kameetsaiteriki kipatsi. Impoiji Jesoshi iroimpiajeneri iriri ipinkatsaritantari, yora sabikajeitatsineri kipatsiki ‘impinkatsatasanoteri Tasorentsi’ (Mateo 6:9, 10). Maaroni iriyotero apinti Yioba irinti pinkatsari kameetsatasanotatsiri, irio Tasorentsi tsonkajeiterineri Satanashi jeri inampirepee aisati yora piatsajeityarine (Irantayeteri Jesoquirishito 20:7-10). Ontime onkantyani maaroni irantayeteri Tasorentsi, eiro opeatsi.

PIYOTASANOTERO YOTAANTSIKA

4. Intsonkeeteri pinkatsaripee kipatsisati

Yora pinkatsaripee yoashinonkajeitiri atiri (Eclesiastés 8:9). Ariorika impinkatsaribentajeitee Jesoshi, intsonkajero Tasorentsi Yioba maaroni pomerentsitantsi.

Piñanatero Salmos 110:5, 6 aisati 2 Tesaronicasati 1:6-8. Impoiji pinkenketsatabakaajeitya:

• Yora Yioba aisati Jesoshi, ¿jaoka inkanteriri pinkatsaripee aisati oijajeitiriri?

• Yora Yioba aisati Jesoshi, ¿jaoka inkanteriri atiripee? ¿Onimotimpimpa irantajeiteri?

5. Irinti Jesoshi kameetsari pinkatsari

Ariorika impinkatsaribentero Jesoshi kipatsi iraakameetsajeiteri maaroni atiripee. Pamenero SHIAKAANTSI piyotantyarori ikoake Jesoshi iramitakoteri atiripee, aisati jaoka okantakari ishintsitakaakeri Yioba Jesoshi irimonkaratantyarori oka.

SHIAKAANTSI: Yoinijantaka Jesoshi jaoka onkantyari impinkatsaribentee (1:13)

Maaroni yantayetakeri Jesoshi isaikabeitani kipatsiki yoinijantaka paita iranteri ariorika impinkatsaribentee, koajikani iriori irantero kameetsayetatsiri, ¿paita pikoayetiri irimonkaratero? Piñanatero maaroni oka sankenarentsipee:

6. Impinkatsaribentee Jesoshi antimantajeari kameetsa

SHIAKAANTSI: Korake saikaantsi kameetsa (4:38)

Piñanatero Salmos 37:4 aisati pinkenketsatabakaajeitya:

• Tempa piyotabakero irimonkaratempiro Yioba pikoasanotiri, ¿jaoka pikantanentari?

EIRO PIPEAKOTAROTSI

Ariorika impinkatsaribentero Jesoshi kipatsi irimonkaratero Tasorentsi ikoakeri, irobameetsatajero kipatsi aisati irisabikakaajeiteri pinkatsajeitiriri onkantaitatiyempani.

Paita piyotabakeri

• ¿Paita iranteri Jesoshi impinkatsatasanotantyariri atiripee apinti Yioba?

• ¿Jaoka okantari piyotiro irimonkaratero Jesoshi ikantayetakeri Tasorentsi?

• Maaroni irantayeteri Jesoquirishito, ¿paita pikoasanotiri piñero?

PAMENERO PASHINIPEE

Piyotero paita kantachari Aramaqueroni.

“¿Qué es el Armagedón?” (Oka sankenarentsi otimi jw.org)

Piyotasanotero ikantakotanakeri Jesoshi jaoka inkantyari atiri omapokajeiteri “antyaroite obashinonkantsi” (Mateo 24:21, TNM).

“¿Qué es la gran tribulación? (Oka sankenarentsi otimi jw.org)

Pinkenkeshirea jaoka pinkantanentyari ariorika impinkatsaribentempi Jesoshi.

Pinkenkeshirea jaoka pinkantyari kameetsaiteriki kipatsi (1:50)

Piyotero jaoka ikantarini poritico ipashinitantanajari.

“La Biblia les cambió la vida” (La Atalaya, 1 de enero de 2012)