¿Jaoka okantari ainijairi aijatasanotiri Tasorentsi?

Ikantakeri Jesoshi iroamereni: “Te pinquempejeitajeari [tseenkantatsiri]” (Joa 15:19). Aisati arori te ankempejeitajeari, irointikea aijatasanotiri Tasorentsi Yioba. Te añanatakoteroji poritica aisati te anteroji manataantsi. Iro kantaincha atiripee ishirontimentee, oka opomerentsitimotee aijatasanoteri Tasorentsi. ¿Jaoka onkantyari aijatasanoteri?

1. ¿Jaoka ankanteriri pinkatsaripee kipatsisati?

Yora kemisantajeitatsiri ipinkatsatiri pinkatsaripee. Ikantini Jesoshi: “Panteneri pincatsari icoacaimpiri”. Arori amonkaratakero oka: akemisantiro ikantakantiri pinkatsaripee, irotake apantariri airekite (Maricoshi 12:17). Okanti Bibiria ishinetiri Tasorentsi pinkatsaripee ipinkatsaribentajeitiri atiripee (Oromasati 13:1). Okameetsati ampinkatsateri pinkatsaripee, iro kantaincha okameetsatasanoti ampinkatsatasanoteri Tasorentsi anaakotantatsiri. Ayotasanoti Tasorentsi intsonkajero pomerentsitimotariri atiripee.

2. ¿Jaoka okantari ainijairi aijatasanotiri Tasorentsi?

Akempetari Jesoshi, te anteroji poritica. Iñantakarori atiri itasonkane Jesoshi ikoabeta impeajerime pinkatsari aka kipatsiki, iro kantaincha yora Jesoshi te inkoyeji (Joa 6:15). ¿Paita kaari ikoanta? Ikantake Jesoshi: “Te nompincatsariventante aca quipatsiqui” (Joa 18:36). Arori akempetari Jesoshi, ainijairi aijatasanotiri Tasorentsi paitapeerika antayetiri. Kemperi, eiro ajatitsi manataantsiki (piñanatero Salmos 46:9). Onabeta apinkatsatiro bantera aisati pashinipee, iro kantaincha te ampampoyeakobenteroji bantera, tempa apinti apinkatsatasanotiri Yioba (1 Joa 5:21). Te aijateriji poriticopee aisati te amitakoteriji iriorijei. Amonkaratirorika oka ainijanta aijatasanotiri Atasorentsite Yioba, pinkatsaritasanotatsiri.

PIYOTASANOTERO YOTAANTSIKA

3. Yora kemisantaperotatsiri te iranteroji yantayetiri tseenkantatsiri

Yora Jesoshi aisati oijajeitiriri yantakero kameetsatatsiri. Piñanatero Oromasati 13:1, 5-7 aisati 1 Petero 2:13, 14. Impoiji pamenero SHIAKAANTSI aisati pinkenketsatabakaajeitya:

SHIAKAANTSI: Kemisantaperotatsiri yoijatasanotiri Tasorentsi (shiakaantsi 1) (4:28)

• ¿Paitakea ampinkatsatantyariri pinkatsaripee?

• ¿Jaoka onkantyari ampinkatsateri pinkatsaripee?

Aparopee pinkatsari ikantashita te iriñakameetsateroji manataantsi, iro kantaincha otimirika manataantsi yamitakojeitiri itsipapee pinkatsari irimanatabakaajeitantyari. ¿Okameetsatimpa? Piñanatero Joa 17:16. Impoiji pamenero SHIAKAANTSI aisati pinkenketsatabakaajeitya:

SHIAKAANTSI: Kemisantaperotatsiri yoijatasanotiri Tasorentsi (shiakaantsi 2) (3:11)

• ¿Jaoka ikantari kemisantajeitatsiri kaari oijatiri pinkatsari?

Ariorika ishintsinatempi pinkatsaripee pimpiatsatantyarori ikantakantiri Tasorentsi, ¿paita panteri abiro? Piñanatero Itiancaneni Jesoshi 5:28, 29. Impoiji pamenero SHIAKAANTSI aisati pinkenketsatabakaajeitya:

SHIAKAANTSI: Kemisantaperotatsiri yoijatasanotiri Tasorentsi (shiakaantsi 3) (1:18)

• Onashitarika ikantakantiri pibinkatsarite aisati ikantakantiri Tasorentsi, ¿jaanika pinkemisanteri abiro?

• Yora kemisantajeitatsiri, ¿jaoka onkantyari eiro ikemisantantaritsi pinkatsaripee?

4. Akenkeshireyetiri aisati antayetiri oinijanta aijatasanotiri Tasorentsi

Piñanatero 1 Joa 5:21. Impoiji pamenero SHIAKAANTSI aisati pinkenketsatabakaajeitya:

SHIAKAANTSI: Paitakea eiro atsaroantatsi: Aijatasanotiri Tasorentsi (2:49)

• Yora kemisantatsiri pajitachari Ayenge, ¿paita kaari yantantaro poritica? Aisati, ¿paita kaari yobetsatantaro bantera?

• ¿Yantakerompa Ayenge kameetsatatsiri? ¿Paita pikantiri abirori?

¿Paita pashini komitakayeene aijatasanoteri Tasorentsi? Pamenero SHIAKAANTSI aisati pinkenketsatabakaajeitya:

SHIAKAANTSI: Obameteeri “La Atalaya”: Tsame aijatasanoteri Tasorentsi (5:16)

• Timatsirika campeonato, ¿jaoka onkantyari ainijero apinti aijatasanotiri Tasorentsi?

• Piñirorika yantiro poritico kameetsatatsiri orampa kaari kameetsatatsi, ¿jaoka onkantyari poijatasanoteri apinti Tasorentsi?

• Pinkemisantasanoterorika noticia kamantakotirori poritica aisati iñanatakotirori atiri poritica, ¿paita abishimotempine?

EIRO PIPEAKOTAROTSI

Ishintsiperoti kemisantatsiri yoijatasanotantariri Tasorentsi, te inkenkeshireteroji poritica, te iriñanatakoteroji aisati te iranteroji.

Paita piyotabakeri

• ¿Jaoka ankanteriri pinkatsaripee kipatsisati?

• ¿Paitakea kaari aijatantari pinkatsari kipatsisati?

• ¿Paita komitakayeene aijatasanoteri apinti Tasorentsi?

PAMENERO PASHINIPEE

Eirorika aijatiritsi pinkatsari kipatsisati, ¿paita abishimoteene?

Te irojokenaji Yioba (3:14)

¿Jaoka onkantyari pamitakoteri pishaninka impinkatsatasanoteri apinti Yioba?

Eiro akempejeitaritsi tseenkantatsiri jaokarika asabikeri (4:25)

Osheki atiri ikanti: “Nojokaakobentero nonampi iro kameetsatatsiri”, ¿keariompa oka?

Tekatsi pomerentsitimotyarine Tasorentsi (5:19)

Ariorika amene antabeere, ¿jaoka ankantyari ainijero te ankempetyariji tseenkantatsiri?

“Cada uno llevará su propia carga de responsabilidad” (La Atalaya, 15 de marzo de 2006)