YOTAANTSI 36
Eiro amatabitantitsi
Maaroni atiri ikoake intsipatyari antirori kameetsatatsiri, aisati ikempeta Yioba ikoakaakeri ishaninka irantero kameetsatatsiri. Iro kantaincha ainiro osheki atiri amatabitantatsiri, irotake opomerentsitimotanteeri antero kameetsatatsiri. ¿Jaoka onkantyari eiro amatabitiritsi atiripee?
1. ¿Paita kaari okameetsatanta amatabitante?
Arori anintasanotiri Yioba aisati apinkatsatiri, irotake kaari amatabitantari atiri. Iyotakotiro Tasorentsi maaroni antayetiri aisati akenkeshireyetiri (Ijorioririnte 4:13). Eirorika amatabitantitsi ari inkimoshirete Yioba. Okanti Iriñane Tasorentsi: “Te irineacameetsateriji Tasorentsi ishanincapee caari cameetsajeitatsi; irintiquea ineacameetsatiri cameetsajeitatsiri” (Proverbios 3:32).
2. ¿Jaokatya onkantyari eiro amatabitantitsi?
Ikantee Yioba “tampatica pineanateri pishaninca” (Ejesosati 4:25). Eiro amatabitiritsi ashaninkasanori, atsipatari atsameeti, ayemisantaririnte, aisati eiro amatabitiritsi pinkatsari anampipeeki. Yora atiri tampatikatatsiri te inkoshite aisati te iramatabitante (piñanatero Corosashisati 3:9 aisati Ejesosati 4:28). Tampatikatatsiri atiri ipayetiri ikanteetiri impuestos (Oromasati 13:5-7). Okameetsati paitapeerika antayeteri, jaokapeerika asaikeri eiro amatabitiritsi atiripee katsini (Tito 2:10).
3. Terika amatabitante, ¿paita abishimoteene?
Terika amatabitanteji, ari iriñakameetsajeitakee itsipapee atiri. Aisati aakameetsatabakaajeitya, ashiretabakaajeitya jeri ayemisantaririntepee kempe ashaninkasanori. Terika amatabitanteji ankameetsashiretanake. “Impoiji incoasanojeite atiri inquemisanteri yora oavisacojeitaqueeri” (Tito 2:10).
PIYOTASANOTERO YOTAANTSIKA
Tsame ayotakotero eirorika amatabitantitsi ari amatakero ashaninkatajeari Yioba, aisati pashini ayotero eiro amatabitantitsi jaokarika asaikeri.
4. Iñakameetsatiri Yioba kaari tseeyacha
Piñanatero Salmos 44:21 aisati Ijorioririnte 4:13. Impoiji pinkenketsatabakaajeitya:
¿Paitakea eiro amatantarotsi amanapitsateri Yioba antayetiri?
Ariorika añanatapinitero keariotatsiri, ¿jaoka inkantanentyari Yioba?
Eirorika otseeyatsi jananeki, onkimoshiretakayeri iri. Aisati eirorika atseeyatsi, ankimoshiretakayeri Yioba.
5. Eiro amatabitantitsi katsini
Osheki atiri ikantashita okameetsati añabeetero tseeyantsi kapichaji. Iro kantaincha yobametakee Tasorentsi eiro amatabitantitsi katsini. Pamenero SHIAKAANTSI.
Piñanatero Tito 2:10 aisati pinkenketsatabakaajeitya, ¿jaoka onkantyari eiro pamatabitantitsi...
... pibankoki?
... pantabeereki aisati yotaantsipankoki?
... jaokarika pisaikeri?
6. Okameetsatasanoti eiro amatabitantitsi
Ompomerentsitimobetee añabeetero keariotatsiri, irointikea ashintsiperote eiro atseeyatsi antimantyari kameetsa. Piñanatero Salmos 34:12-16 aisati pinkenketsatabakaajeitya:
Añabeeterorika keariotatsiri, ¿jaoka ankantyari?
Iriñabeeterorika keariotatsiri shirampari aisati ijina, onkantyani irinintabakaajeitya.
Yora antabeetatsiri eirorika itseeyatsi, onkantyani iriñakameetsateri nampitariri.
Terika intseeyaji atiri, iriñakameetsateri pinkatsaripee.
APAROPEE ATIRI IKANTI: “Okameetsati antseeya kapichaji”.
¿Ininatirompa Yioba maaroni tseeyantsipee? ¿Paitakea piyotantari oka?
EIRO PIPEAKOTAROTSI
Ikoakaakeri Yioba eiro yamatabitantitsi ishaninkapee jaokapeerika irisaikeri aisati paitapeerika iranteri.
Paita piyotabakeri
¿Jaokatya onkantyari eiro amatabitantitsi?
¿Paitakea kaari amatantaro amanero antayetiri?
¿Paitakea abiro eiro pamatabitantaritsi atiripee?
PAMENERO PASHINIPEE
¿Jaoka onkantyari apapee irobameteri itomi eiro itseeyatsi?
Piyotakotero paita oyerine atiri kaari tseeyacha.
Piyotero okameetsatirika amperi airekite pinkatsari iriobetaka kaari kameetsatatsi.
“¿Debe usted pagar impuestos?” (La Atalaya, 1 de septiembre de 2011)
Piyotakotero paita ipashinitantakari aparoni koshitantatsiri.
“Aprendí que Jehová es bueno y nos perdona” (La Atalaya, 1 de mayo de 2015)