Cume era a vita à l’inìziu ?

Ghjehova hà datu assai bone cose à Àdamu è Eva (Gènesi 1:28).

Ghjehova hà fattu a prima donna, Eva, è l’hà maritata cù Àdamu (Gènesi 2:21, 22).

Ghjehova l’avia creati cù un’intelligenza è un corpu perfetti, senza difetti.

Àdamu è Eva campàvanu ind’u giardinu d’Èdene. Era un locu magnìficu cù un fiume, àrburi fruttivi è animali.

Ghjehova parlava è insignava à Àdamu è Eva. S’elli avìanu ascultatu, averìanu campatu per sempre indè stu paradisu.

Diu hà difesu di manghjà i frutti di unu di l’àrburi (Gènesi 2:16, 17).

Ghjehova hà previnutu à Àdamu è Eva di ùn manghjà micca i frutti di un certu àrburu di u giardinu, per ùn more.

Un ànghjulu s’hè rivultatu contr’à Diu. St’ànghjulu gattivu si chjama Satanassu u Diàvule.

Satanassu ùn vulia chì Àdamu è Eva ubbidìscanu à Ghjehova. S’hè sirvutu di un serpu per dì à Eva chè, s’ella manghjava u fruttu di st’àrburu, ùn murerìa micca, ma serebbe cum’è Diu. Di sicuru, era una bugìa (Gènesi 3:1-5).