À u Dilùviu : quale hà ascultatu ?

À i tempi di Noè, a maiò parte di a ghjente facìa u male (Gènesi 6:5).

Àdamu è Eva anu avutu figlioli. Ci hè statu assai abitanti nant’à a terra. Pò, certi ànghjuli si sò rivultati cù Satanassu.

Sò vinuti nant’à a terra è si sò fatti corpi d’omi per maritassi cù donne. I so figlioli sò diventati umoni viulenti.

U mondu s’hè impiutu di ghjente chì facìanu gattive cose. A Bìbbia dice chì l’omi èranu assai gattivi è chì pensàvanu sempre à fà u male.

Noè hà ascultatu à Diu è hà custruttu un battellone : un arca (Gènesi 6:13, 14, 18, 19, 22).

Noè era un omu bonu. Ghjehova li hà dettu ch’ellu avìa da distrughje i gattivi per un dilùviu. L’acqua avìa da ricopre a terra.

Diu hà dumandatu à Noè di custruisce un battellone, un arca, è di fà entre a so famìglia è animali d’ogni spèzia.

Noè hà avertitu a ghjente chì u dilùviu s’avvicinava. Ma ùn anu micca ascultatu. Certi u si ghjucàvanu à a risa, d’altri ùn lu pudìanu pate.

L’arca finita, Noè hà fattu entre l’animali.