Perchè Diu hà un’organizazione ?

1. Perchè, tempi fà, Diu hà urganizatu l’Israèliti ?

Diu hà urganizatu discendenti di u patriarca Abràhamu in nazione è li hà dati legge. Hà chjamatu sta nazione « Israele ». Li tuccava à mette in pràtica è custudì u veru cultu è a parolla di Diu (Salmu 147:19, 20). Cusì, per mezu di a nazione d’Israele, a ghjente di tutte e nazione pudìa riceve benedizione. — Leghje Gènesi 22:18.

Diu hà sceltu à l’Israèliti per esse i so testimoni. A so stòria face vede chì, quandu si ubbidisce à e legge di Diu, si ne tira prufittu (Deuterònumu 4:6). Per mezu di l’Israèliti, a ghjente di tutte e nazione pudìa amparà à cunnosce u veru Diu. — Leghje Esàia 43:10, 12.

2. Perchè i veri cristiani sò urganizati ?

Cù u tempu, Israele hà persu u cunsentu di Diu. Ghjehova hà dunque rimpiazzatu sta nazione da l’accolta cristiana (Matteu 21:43 ; 23:37, 38). Oghje, ùn sò più l’Israèliti i so testimoni, ma i veri cristiani. — Leghje Atti 15:14, 17.

Ghjesù hà urganizatu i so discìpuli per ch’elli predichèssinu è per ch’elli fèssinu anch’elli discìpuli indè tutte e nazione (Matteu 10:7, 11 ; 24:14 ; 28:19, 20). Allora chì campemu oghje u tempu di a cumpienda di u mondu, ss’òpera si face cume mai nanzu. Pè a prima volta, Ghjehova unisce in u veru cultu milioni di persone di tutte e nazione (Apocàlisi 7:9, 10). I veri cristiani sò urganizati per incuraghjiscesi è fraiutassi. In lu mondu sanu, à e so adunite, apprufìttanu di u listessu prugramma d’insignamentu di a Bìbbia. — Leghje Ebrei 10:24, 25.

3. Cume hè nata l’organizazione oghjinca di i Testimoni di Ghjehova ?

Indè l’anni 1870, una manata di studienti di a Bìbbia hà turnatu à scopre verità tralasciate dapoi un bellu pezzu. Anu capitu chì Ghjesù avìa urganizatu l’accolta cristiana per ch’ella predichessi. Si sò messi à predicà u Reame nant’à a terra sana. In u 1931, anu fattu sòiu u nome di Testimoni di Ghjehova. — Leghje Atti 1:8 ; 2:1, 4 ; 5:42.

4. Cume sò urganizati i Testimoni di Ghjehova ?

À u sèculu unu, ci eranu accultine cristiane indè parechji paesi. Eranu instradate da una cuncultina centrale (un gruppu d’omi cù sperienza) chì ricunnuscìa chì Ghjesù era u Capu di l’accolta (Atti 16:4). Oghje torna, i Testimoni di Ghjehova apprufìttanu di a direzzione d’una Cuncultina centrale. Stu gruppu d’anziani cù sperienza sopravede filiale chì tradùcenu, stàmpanu è diffòndenu publicazione chì s’appòghjanu nant’à a Bìbbia, in più di 850 lingue. Dà cusì incuraghjimenti è una direzzione à più di 120 000 accultine in u mondu. In ognuna di ss’accultine, omi chì suddisfàcenu à certe cundizione sò anziani, o rispunsèvuli. Pìglianu cura cù amore di a « banda » di Diu. — Leghje 1 Petru 5:2, 3.

I Testimoni di Ghjehova sò urganizati per predicà a bona nova è fà discìpuli. Cum’è l’apòstuli, predichemu di casa in casa (Atti 20:20). À a ghjente chì li piace di core a verità, li femu a pruposta di studià a Bìbbia. Ma ùn simu micca solu un’organizazione. Simu una famìglia è avemu un Babbu chì ci tene caru. Simu fratelli è surelle chì si primurèghjanu l’uni di l’altri (2 Tessaluninchi 1:3). L’aduratori di Ghjehova cèrcanu à aggarballu è à aiutà l’altri, è sò urganizati per quessa. Eccu perchè sò a famìglia a più felice di a terra ! — Leghje Salmu 33:12 ; Atti 20:35.