LEZZIÒ 15
Perchè vi tocca à cuntinuà ?
1. Chì benfatti per voi sè cuntinuate à studià a Bìbbia ?
L’insignamenti primarii di a Bìbbia chì sò prisentati indè stu librettu anu di sicuru fattu ingrandà u vostru amore per Ghjehova. Vi tocca à intrattene ss’amore sempre sempre (1 Petru 2:2). Cuntinuate à avvicinavvi da Diu cù u stùdiu di a so Parolla. Ghjè solu cusì chì puderete sperà campà per sempre. — Leghje Ghjuvanni 17:3 ; Ghjude 21.
Più cunnuscerete à Diu, più a vostra fede si rinfurzerà. A vostra fede vi permetterà di piaceli (Ebrei 11:1, 6). V’inciterà à pentevi è à fà i scambiamenti chì ci vole, è què hà da imbellì a vostra vita. — Leghje Atti 3:19, 20.
2. Cume fà prufittà l’altri di a vostra cunniscenza di Diu ?
Vi pudete dedicà à Ghjehova cù una preghera è avè un ligame fort’è strettu cun ellu.
Ci piace à tutti à parlà di bone nutìzie. Vulerete dunque parlà à altri di ciò chè vo scuprite, è ghjè nurmale. Cuntinuendu à studià a Bìbbia, amparerete à ghjuvavvine per spiegà à altri a vostra fede in Ghjehova è per parlalli di e bone nutìzie ch’ellu hà per noi. — Leghje Rumani 10:13-15.
Parechji cumèncianu à parlà di ste bone nutìzie à i so amichi è à a so famìglia. Sìate bravu è rispettosu. Invece di dì à i vostri chì a so religione ghjè farza, parlateli piuttostu di e prumesse di Diu. Ricurdatevi chì, spessu, a ghjente serà più cummossa da a vostra bravezza cà da e vostre parolle. — Leghje 2 Timuteu 2:24, 25.
3. Chì ghjenaru di ligame pudete avè cù Diu ?
U vostru stùdiu di a Bìbbia v’aiuterà à fà prugressi. Cù u tempu, averete un ligame fort’è strettu cù Ghjehova. Puderete esse di a so famìglia ! — Leghje 2 Curintini 6:18.
4. Cume pudete cuntinuà i vostri prugressi ?
Sè vo cuntinuate à studià a Parolla di Diu, ferete sempre prugressi (Ebrei 5:13, 14). Dumandate à un Testimone di Ghjehova di studià a Bìbbia cun voi cù u libru Que nous enseigne la Bible ? Più studierete a Parolla di Diu, più a vostra vita serà felice. — Leghje Salmu 1:1-3 ; 73:27, 28.
E bone nutìzie chì parla ssu librettu vènenu da Ghjehova, u Diu felice. Vi pudete avvicinà da ellu avvicinenduvi da i so aduratori (Ebrei 10:24, 25). À cuntinuà i vostri sforzi per piaceli, caminerete versu a vera vita, a vita eterna. V’avvicinà da Diu ghjè pròpiu ciò ch’avete di megliu à fà. — Leghje 1 Timuteu 1:11 ; 6:19.