BIBLIUTECA IN LIGNA Watchtower
Watchtower
BIBLIUTECA IN LIGNA
Corsu
  • BÌBBIA
  • PUBLICAZIONE
  • ADUNITE
  • fg lezziò 5 quist. 1-5
  • Chì hè u prughjettu di Diu pè a terra ?

Nisuna vìdeo dispunìbule per sta scelta.

Scusate, ci hè statu un prublema mentre u scaricamentu di a vìdeo.

  • Chì hè u prughjettu di Diu pè a terra ?
  • Diu hà bone nutìzie per noi !
Diu hà bone nutìzie per noi !
fg lezziò 5 quist. 1-5

LEZZIÒ 5

Chì hè u prughjettu di Diu pè a terra ?

1. Perchè Diu hà creatu a terra ?

Àdamu è Eva indè u giardinu d’Èdene, eppò messi fora di u giardinu

Ghjehova hà datu a terra à l’umani. Ghjè a nostra « casa ». U primu còppiu, Àdamu è Eva, ùn hè micca statu creatu per pupulà u celu. Diu avìa dighjà creatu l’ànghjuli per campà in celu (Ghjobbe 38:4, 7). Hà messu u primu omu in un paradisu magnìficu chjamatu u giardinu d’Èdene (Gènesi 2:15-17). È hà rigalatu, à Àdamu è à a so discendenza, a pussibilità di campà per sempre nant’à a terra. — Leghje Salmu 37:29 ; 115:16.

À u princìpiu, solu u giardinu d’Èdene era un paradisu. Àdamu è Eva duvìanu avè figlioli per riempie a terra. Duvìanu dinù piglià cura di a pianeta sana è trasfurmalla in paradisu (Gènesi 1:28). A terra ùn serà mai distrutta. Serà sempre a « casa » di l’umani. — Leghje Ecclesiasta 1:4.

Fighjà a vìdeo Perchè Diu hà creatu a terra ?

2. Perchè a terra ùn hè micca un paradisu ?

Àdamu è Eva anu disubbiditu à Ghjehova. Face chì l’hà messi fora di u giardinu d’Èdene. U paradisu hè smaritu è manc’un omu hà riisciutu à creallu torna. A Bìbbia dice : « a terra hè data in manu à l’impietosi » (Ghjobbe 9:24). — Leghje Gènesi 3:23, 24.

Persone custruiscendu case nant’à a terra trasfurmata in paradisu

Serà chì Ghjehova hà lasciatu cascà u so prughjettu per l’umani ? Innò ! Ghjè onniputente è a so vuluntà si compie sempre (Esàia 45:18). Hà da mette tuttu in ballu di manera chì tuttu ciò ch’ellu avìa privistu per l’umani si fessi. — Leghje Salmu 37:11, 34.

3. Cume a terra diventerà torna un paradisu ?

A terra diventerà torna un paradisu à u longu di u regnu di Ghjesù, u Rè sceltu da Diu. Ghjesù, cù l’ànghjuli, hà da sterpà tutti i nimichi di Diu mentre una guerra chì a Bìbbia chjama Armaguedon. Poi, hà da imprigiunà à Satanassu per 1 000 anni. Ghjesù hà da instradà è custudì l’aduratori di Diu, è ghjè cusì ch’elli seranu salvi di ssa destruzzione. Puderanu gode di a vita eterna in u paradisu nant’à a terra. — Leghje Apocàlisi 20:1-3 ; 21:3, 4.

4. Quandu e suffrenze smarisceranu ?

Quandu Diu hà da caccià a gattivera ? Ghjesù hà datu un « segnu » chì ferìa sapè chì a fine hè vicina vicina. Oghje, e cundizione mundiale mèttenu in perìculu a sopravivenza di l’umanità. Fàcenu sapè chè no campemu « a fine di u mondu » gattivu. — Leghje Matteu 24:3, 7-14, 21, 22.

Ghjesù hà da guvernà a terra da u celu mentre 1 000 anni. À u longu di u so regnu, hà da fà smarì tutte e suffrenze (Esàia 9:5, 6 ; 11:9). Serà Rè, ma serà dinù Prete Maiò : sguasserà i peccati di quelli chì tènenu caru à Diu. Diu aduprerà à Ghjesù per sterpà a malatìa, a vechjàia è a morte. — Leghje Esàia 25:8 ; 33:24.

5. Quale hà da campà in u paradisu ?

Persone indè una Sala di u Reame chì ricèvenu un insignamentu bìblicu

À a Sala di u Reame, scuntrarete ghjente chì tènenu caru à Diu è chì vòlenu amparà ciò chì li tocca à fà per piaceli.

L’umani chì ubbidìscenu à Diu camperanu in u paradisu (1 Ghjuvanni 2:17). Ghjesù hà dumandatu à i so discìpuli di ricercà e persone ùmile è d’amparalli ciò ch’elle dèvenu fà per esse appruvate da Diu. Oghje, Ghjehova appronta milione di persone à campà in u paradisu nant’à a terra (Sofònia 2:3). Indè i lochi di cultu di i Testimoni di Ghjehova, chjamati Sale di u Reame, s’ampara à esse un migliò maritu, un migliò babbu, una migliò mòglia o una migliò mamma. Parenti è zitelli ci adòranu à Diu inseme. Gràzia à l’insignamenti di a Bìbbia ampàranu cum’elli ponu avè una vita più bella. — Leghje Michea 4:1-4.

Per sapenne di più, vede u libru Que nous enseigne la Bible ?, capìtulu 3.

    Publicazione corse (2016-2022)
    Scunnettesi
    Cunnettesi
    • Corsu
    • Sparte
    • Prifirenze
    • Copyright © 2025 Watch Tower Bible and Tract Society of Pennsylvania
    • Cundizione d'usu
    • Règule nant'à i dati cunfidenziali
    • Paramètres de confidentialité
    • JW.ORG
    • Cunnettesi
    Sparte