Psonm
137 Nou ti asize o bor bann larivyer Babilonn,
Nou ti plere ler nou ti mazin Siyon.
3 Laba, bann ki ti pran nou konman prizonnyen ti demann nou pour sante,
Bann ki monk nou ti anvi anmize, zot ti dir:
“Sant enn bann sanson Siyon pour nou.”
4 Ki mannyer nou kapab sant en sanson pour Zeova
Dan en pei etranze?
5 O Zerizalenm, si mon oubliy ou,
Ki mon lanmen drwat i nepli kapab fer nanryen.*
6 Si mon aret mazin ou,
Si mon pa fer Zerizalenm pli enportan
Ki tou lezot keksoz ki fer mwan zwaye,
Ki mon lalang i kol lo mon pale.
7 O Zeova, rapel
Sa ki bann Edonmit ti dir ler Zerizalenm ti tonbe:
“Kraz li! Kraz li ziska son fondasyon!”
8 O fiy Babilonn, ki pros pour ganny detrir,
Ere sa enn ki pou fer ou peye
Parey ou, ou ti fer nou soufer.
9 Ere sa enn ki pou pran ou bann zanfan
E kraz zot lo ros.