Psonm
Lanmizik ek sanson bann garson Kora. Pour direkter lanmizik. Dapre stil Maalat.* Sa sanson pour ganny sante sakenn son tour. Maskil.* En Psonm Emann en Ezrait.
88 O Zeova, mon Bondye ki sov mwan,
Lizour mon priy ou
E aswar mon vin devan ou.
2 Ekout mon lapriyer,
Ouver ou zorey e ekoute* ler mon demann ou led.
4 Dimoun i krwar ki mon pros pour desann dan trou,*
Mon’n vin en zonm ki san defans,*
5 Ki’n ganny abandonnen parmi bann ki’n mor
Parey bann ki’n ganny touye ki dan en latonm
Bann ki ou’n oubliye
E ki ou nepli pran swen avek.
6 Ou’n met mwan dan en trou vreman fon,
Dan en landrwa fernwanr, dan en gran labim.*
7 Ou lakoler i lour lo mwan
E ou kouver mwan avek ou bann gro laroul. (Sela)
8 Ou’n fer bann dimoun ki mon konnen reste lwen avek mwan.
Ou’n fer zot deteste mwan.
Mon’n tonm dan en pyez e mon pa kapab sove.
9 Mon lizye i fatige akoz mon pe soufer.
O Zeova, mon lev mon lanmen
Pour priy ou tou dilon lazournen.
10 Eski ou pou fer mirak pour bann dimoun mor?
Eski bann ki’n mor i kapab leve pour loue ou? (Sela)
11 Eski dimoun ki dan latonm i kapab koz lo ou lanmour fidel?
Eski dimoun ki dan landrwa destriksyon* i kapab koz lo ou fidelite?
12 Eski dimoun ki dan fernwanr pou konn ou bann mirak?
Eski dimoun ki dan pei ki’n ganny oubliye pou konn ou ladrwatir?
13 Me mwan O Zeova, mon ankor pe demann ou pour ed mwan,
Tou le bomaten mon priy ou.
14 O Zeova, akoz ou rezet mwan?
Akoz ou kasyet ou figir avek mwan?
15 Depi mon zenes,
Mon’n soufer e mon pros pour mor.
Mon fatige* akoz sa bann keksoz terib ki ou les mwan sibir.
16 Ou gran lakoler i tro bokou pour mwan.
Ou fer mwan vreman per e akoz sa mon pros pour mor.
17 Tou dilon lazournen, zot antour mwan parey delo.
Zot anserkle mwan partou kote.*
18 Ou’n fer bann ki mon kontan ek mon bann zanmi reste lwen avek mwan.
Fernwanr in vin mon zanmi.