Psonm
Pour direkter lanmizik. Dapre stil Maalat.* Maskil.* En sanson David.
53 Bann dimoun bet i dir dan zot leker:
“Zeova pa egziste.”
Sa ki zot fer i vreman mal e degoutan,
Napa personn ki fer sa ki byen.
2 Me dan lesyel Bondye i get bann imen
Pour vwar si napa personn ki annan bon zizman e si napa personn ki pe rod Zeova.
3 Zot tou zot in vir ledo avek sa ki byen,
Zot tou zot move.
Personn pa pe fer sa ki byen,
Ni menm enn.
4 Eski napa en move dimoun ki konpran?
Zot devor mon pep konmsi zot pe manz dipen.
Zot pa priy Zeova.
5 Me en gran lafreyer pou sezi zot,
En lafreyer ki zot pa’n deza gannyen avan,*
Parski Bondye pou fann lezo bann ki pe atak ou.*
Ou pou fer zot onte, parski Zeova in rezet zot.
6 Ki delivrans Izrael i sorti Siyon!
Ki Zakob i dan lazwa, ki Izrael i selebre
Ler Zeova i rasanble son pep ki ti an egzil.