Psonm

48 Zeova i gran e i vreman merit ganny loue

Dan lavil nou Bondye, lo son montanny sen.

 2 Montanny Siyon ki lwen dan nor

I vreman gran e zoli. I fer later antye zwaye

E i lavil sa Gran Lerwa.

 3 Bondye in montre ki i en landrwa kasyet* ki an sekirite,

Dan sa lavil avek son bann gran latour.

 4 Parski gete! Bann lerwa in rasanble,*

Zot in zwenn ansanm pour atak sa lavil.

 6 Laba, zot ti konmans tranble

E soufer parey en madanm ki pe ganny pti baba.

 8 Sa ki nou ti tande, aprezan nou’n vwar pour nou menm

Dan lavil Zeova Sef larme, dan lavil nou Bondye.

 9 O Bondye, dan ou tanp,

Nou medit lo ou lanmour fidel.

10 Parey ou non, O Bondye, ou laglwar

I ariv dan bann landrwa pli lwen lo later.

11 Ki Montanny Siyon i dan lazwa,

Ki bann lavil* Zida i zwaye akoz ou bann zizman.

12 Mars otour Siyon. Fer letour sa lavil.

Kont son bann latour.

Enspekte son bann lavil for,

Koumsa ou pou kapab koz lo la avek bann zenerasyon ki pe vini.