Psonm
Pour direkter lanmizik. En sanson David.
13 O Zeova, ziska ki tan ou pou oubliy mwan? Pour touzour?
Ziska kan ou pou kasyet ou figir avek mwan?
2 Ziska kan mon pou enkyet
E i annan sagrinasyon dan mon leker tou le zour?
Ziska kan mon lennmi pou ganny laviktwar lo mwan?
3 O Zeova mon Bondye, get mwan e reponn mwan.
Redonn mwan lafors pour ki mon pa mor,*
4 Pour ki mon lennmi pa dir: “Mon’n ganny laviktwar lo li!”
Pa les mon bann lennmi selebre akoz mon’n ganny defet.
5 Me mwan, mon annan konfyans dan ou lanmour fidel.
Mon leker i kontan akoz ou’n azir pour sov mwan.
6 Mon pou sant pour Zeova parski i’n donn mwan en gran rekonpans.