ZOB

“Mon’n sorti touni dan vant mon manman

E touni mon pou ale.*

Zeova in donnen e Zeova in repran

Ki non Zeova i kontinyen ganny loue.”

 3 “Plito sa zour ki mon ti ne pa ti egziste,

Ni sa lannwit kot dimoun ti dir: ‘En garson in ne!’

Ki Bondye lesyel i oubliy sa zour

E lalimyer pa klere sa zour.

Ki napa lazwa sa zour swar parey lezot zour dan lannen

E ki sa lannwit pa ganny konte parmi bann mwan.

 7 Plito personn pa ti ne pandan sa lannwit

E personn pa ti kriy avek lazwa sa zour swar.

 8 Ki bann ki modi sa zour i modi sa lannwit,

Sa bann ki kapab lev Levyatan.*

 9 Apre soley kouse ki bann zetwal i vin sonm,

Ki lannwit i kontinyen esper lizour anven

E ki i pa vwar bann reyon soley granmaten.

10 Parski i pa ti ferm laport vant mon manman,

Ni anpes mwan vwar maler.

12 Akoz mon manman ti met mwan lo son zenou

E donn mwan tete?

13 Alor si mon ti’n mor, mon ti pou alonz anpe,

Mon ti pou pe dormi e repoze

14 Avek bann lerwa lo later ek zot bann konseye

Ki ti konstri bann landrwa ki aprezan in ganny abandonnen.*

15 Mon ti pou avek bann prens ki ti annan lor

Ki zot lakaz ti ranpli avek larzan.

16 Akoz mon pa ti parey en pti baba ki’n mor dan vant son manman,

Parey bann zanfan ki pa’n zanmen vwar lalimyer?

17 Laba, menm bann move dimoun i reste trankil

E bann ki epwize i repoze.

18 Laba, tou bann prizonnyen i dan trankilite

E zot pa tann lavwa bann ki fors zot pour travay.

19 Laba, dimoun pti konman gran i egal

E lesklav i ganny libere avek son met.

20 Akoz Bondye i fer lalimyer klere lo sa enn ki pe soufer

E donn lavi bann ki soufer en kantite?*

Zot rod lanmor plis ki bann trezor kasyet,

22 Zot ki dan en kantite lazwa

E ki ere ler zot al dan latonm.

23 Akoz Bondye i donn lalimyer en dimoun ki’n perdi son semen

E ki Bondye in bar li partou kote?

24 Parski dan plas manze mon soupire

E parey delo i devide, mon zis plennyen.

25 Parski sa ki mon ti per in arive,

Sa ki ti fer mwan ganny lafreyer sanmenm ki’n ariv mwan.

26 Mon napa ni lape, ni trankilite, ni repo

Akoz maler pe kontinyen ariv lo mwan.”

 3 I vre ki ou’n koriz bokou dimoun

E ou ti abitye ankouraz bann dimoun dekouraze.

 4 Ou parol ti relev moral bann ki tonbe

E ou ti redonn lafors bann ki zot zenou i fay.

 5 Me aprezan, sa in ariv avek ou e ou pa konnen ki ou pou fer,

I’n tap ou e ou’n konpletman dekouraze.

 8 Dapre sa ki mon’n vwar, bann ki plant* sa ki mal

E bann ki senm maler pou rekolte sanmenm.

 9 Bondye i soufle lo zot e zot mor

E akoz son gran lakoler, zot disparet.

10 Lyon i kriye e en zenn lyon i gronnyen,

Me menm ledan bann lyon ki for i ganny kase.

11 Lyon i mor akoz napa zannimo pour li manze

E bann pti lyon i disperse.

12 Apre, mon ti tann en parol an sekre

E i ti ganny dir dousman dan mon zorey.

13 Ler dimoun i tonm dan en profon sonmey,

Mon ti ganny bann vizyon ki ti fatig mwan dan milye lannwit.

14 Mon ti konmans tranble en kantite

E tou mon lezo ti ranpli avek lafreyer.

15 En keksoz* ti pas lo mon figir,

Mon ti ganny laserpoul.

16 Apre sa keksoz ti aret bouze,

Me mon pa ti konnen kwa sa.

Mon ti vwar en laform devan mwan,

I ti annan en silans e apre mon ti tann en lavwa dir:

18 Gete! I napa konfyans dan son bann serviter

E i rod fot dan son bann lanz.*

19 Alor, eski i pou annan konfyans dan dimoun ki reste dan lakaz ki’n ganny fer avek later

Ki son fondasyon i dan lapousyer,

Bann dimoun ki kapab fasilman ganny kraze parey en zensek?*

 2 En lenbesil pou ganny touye akoz i rankinen

E en dimoun bet* pou ganny met amor akoz i groker.

 3 Mon’n vwar en dimoun bet ki pe prospere,

Me en sel kou son lakaz i ganny modi.

 4 Son bann zanfan pa an sekirite,

Zot ganny kraze kot baro lavil e napa personn pou sov zot.

 5 Sa enn ki lafen i manz sa ki en dimoun bet i rekolte,

I menm pran sa ki pous dan pikan

E bann byen sa enn ki bet ek son bann garson i ganny pran pardfors.

 6 Parski problenm pa sorti dan lapousyer

E maler pa pous dan later.

 7 Parski dimoun i ne pour pas dan problenm,

Zis parey bann letensel i anvole dan lezer.

 8 Me si mon ti dan ou plas, mon ti pou demann led Bondye

E mon ti pou dir li mon problenm.

 9 Mon ti pou koz avek sa Enn ki fer bann gran keksoz ki personn pa konpran

E ki fer en kantite keksoz merveye.

10 I fer lapli tonm lo later

E i aroz bann plantasyon.

11 I onor bann senp dimoun,

I relev e sov bann ki’n ganny rezete.

12 I anpes bann dimoun rize akonpli zot plan

Pour ki zot pa reisi dan sa ki zot fer.

13 I atrap bann dimoun saz dan zot prop riz

Pour ki plan bann dimoun malen pa abouti dan nanryen.

14 Zot dan fernwanr pandan lazournen

E midi, zot tatonnen konmsi i aswar.

15 Bondye i sov bann dimoun kont bann ki zot lalang i parey en lepe,

I sov bann pov dan lanmen bann ki for

16 Pour ki bann senp dimoun i annan lespwar

E ki labous bann move dimoun i fermen.

19 I pou sov ou dan sis maler

E menm sa setyenm maler pa pou fer ou ditor.

20 Pandan lafanmin, i pou sov ou dan lanmor

E pandan lager, i pou anpes ou ganny touye avek lepe.

21 Ou pou ganny proteze kont bann parol blesan*

E ou pa pou per ler maler i vini.

22 Ou pou riye ler destriksyon ek lafanmin i vini

E ou pa pou per bann bebet sovaz lo later.

23 Parski bann ros dan plantasyon pa pou fer ou dimal*

E bann bebet sovaz dan lakanpanny pou anpe avek ou.

24 Ou pou santi ou an sekirite* dan ou latant

E ler ou al get ou troupo, ni enn pa pou manke.

25 Ou pou annan bokou zanfan

E ou desandans pou vin bokou parey zerb lo later.

26 Ou pou ankor for ler ou al dan latonm,

Parey bann pake dible pandan sezon rekolt.

 2 “Si selman mon soufrans ti kapab ganny peze

Ansanm avek mon maler dan en balans!

 4 Parski bann fles sa Enn Tou Pwisan in pers mwan

E mon pe bwar zot pwazon.

 5 Eski en bourik maron pou fer tapaz si i annan zerb pour manze

Oubyen eski en toro pou kriye si i annan zerb sek pour manze?

 6 Eski dimoun i manz en manze plat san disel

Oubyen eski zi en plant* ki napa gou i goute?

 8 Ki mon demann i ganny aksepte

E ki Bondye i donn mwan sa ki mon anvi.

 9 Ki Bondye i aksepte pour kraz mwan

E touy mwan avek son lanmen!

Mon ti pou sot anler avek lazwa menm si mon toultan dan douler

Parski mon pa’n rezet parol sa Enn ki Sen.

13 Ki mon kapab fer pour ed mon prop lekor

Ler tou sa ki mon annan pour viv in ganny pran avek mwan?

14 En dimoun ki pa demontre lanmour fidel anver son prosen,

Pou nepli annan en gran respe pour sa Enn Tou Pwisan.

15 Mon bann frer in trai mwan parey larivyer pandan liver,

Parey larivyer ki’n sek.

16 Delo larivyer i sonm akoz ays

E lanez ki pe fonn i kasyet dan larivyer.

17 Me dan sezon lasaler, delo larivyer i aret koule

Ler i so, i konpletman sek.

18 Delo larivyer i sanz direksyon,

I koul dan dezer e evapore.

19 Bann group vwayazer sorti Tema pe rod delo

E bann vwayazer sorti Seba pe esper delo vini.

20 Zot onte akoz zot ti annan konfyans ki zot pou ganny delo,

Zot in vin ziska la e zot dezapwente.

22 Eski mon’n dir zot: ‘Donn mwan en keksoz’

Oubyen eski mon’n demann zot en kado dan zot larises?

23 Eski mon’n demann zot pour delivre mwan dan lanmen mon lennmi

Oubyen pour sov* mwan kont bann ki atak mwan?

26 Eski zot pe fer konplo pour koriz sa ki mon’n dir,

Pour koriz parol en dimoun dezespere ki ganny balye dan divan?

27 Zot ti pou tir osor pour swazir bann orfelen

E vann zot prop zanmi!

28 Aprezan get mwan byen,

Akoz mon pa pou koz manti avek zot.

7 “Pa en imen* i ganny forse pour travay dir tou dilon son lavi

E pa son lavi i parey lavi en labourer?

 2 Parey en lesklav, i pe rod lonbraz

E parey en labourer, i pe esper son lapey.

 3 Alor, mon lavi in anven pour plizyer mwan

E mon’n dan lapenn pour plizyer lannwit.

 5 Mon lekor i kouver avek moutouk ek lapousyer,

Mon lapo i kouver avek boubou ek dipi.

 6 Mon lavi i pas pli vit ki zegwir sa enn ki fer latwal

E i disparet san okenn lespwar.

 7 Mazinen ki mon lavi i parey divan,

Ki mon lizye pa pou zanmen vwar lazwa* ankor.

 9 Parey en nyaz ki ptitapti disparet,

Sa enn ki desann dan Latonm* pa pou remonte.

10 I pa pou revin kot son lakaz

E dimoun kot son lakaz pou bliy li.

12 Eski mon parey lanmer oubyen en gro bebet dan lanmer

Pour ki ou met en gard pour vey mwan?

13 Ler mon dir, ‘Mon sofa pou konsol mwan,

Mon lili pou soulaz mwan dan mon sagrinasyon,’

14 Ou fer mwan ganny bann rev ki fer mwan per

E bann vizyon efreyan.

15 Dan sa ka, plito mon toufe

E mor ki viv avek sa lekor.*

17 Ki en imen i ete pour ki ou enterese avek li

E ki ou pran swen avek li?*

18 Akoz ou’n vin egzamin li tou le bomaten

E teste li tou lazournen?

19 Silvouple, aret get mwan

E les mwan trankil pour ki mon anval mon lakras.

21 Akoz ou pa pardonn mon lofans

Ek mon fot?

Parski byento mon pou alonze dan lapousyer

E ou pou rod mwan, me mon pou nepli la.”

 3 Eski Bondye pou azir dan en fason enzis

Oubyen eski sa Enn Tou Pwisan pou fer sa ki drwat vin mal?

 4 Si ou bann garson in fer pese kont li,

I’n les zot ganny pini akoz zot rebelyon.

 5 Me si ou rod Bondye

E sipliy sa Enn Tou Pwisan pour ganny son laprouvasyon,

 6 Si ou ti vreman pir e ou ti fer sa ki byen,

I ti pou vey lo ou*

E ou ti pou reganny ou plas ki ou merite.

 7 Menm si ou’n konmans ptipti,

Ou pou prospere a lavenir.

 8 Silvouple, demann sa zenerasyon avan ou

E reflesi lo bann keksoz ki ou bann zanset in aprann.

 9 Parski nou fek ne yer e nou pa konn nanryen,

Akoz nou lavi lo later i kourt.*

10 Eski zot pa pou ansenny ou

E dir ou sa ki zot konnen?*

12 Ler i ankor pe bourzonnen e pa ankor ganny koupe,

I pou fletri avan lezot plant.

13 Sanmenm sa ki arive* avek tou bann ki oubliy Bondye

Akoz sa enn ki napa respe pour Bondye* pou perdi lespwar.

14 I annan konfyans dan bann keksoz ki anven

E ki frazil parey lakaz bib.

16 I parey en plant ver ki dan soley

E son bann pti brans pe pouse partou dan zarden.

17 Son rasin in anpaye dan bann ros,

I pe rod en lakaz dan bann ros.*

18 Me ler i pou ganny derasinen* kot i’n pouse,

Sa landrwa pou rezet li e dir: ‘Mon pa’n zanmen vwar ou.’

20 Vreman, Bondye pa pou rezet bann dimoun ki san repros*

E i pa pou ed* bann move dimoun,

21 Akoz i pou fer ou riye ankor

E ou pou kriye avek lazwa.

22 Bann ki ay ou pou onte*

E latant bann move dimoun pou nepli la.”

 3 Si en dimoun i anvi argimant avek Li,*

Sa dimoun pa pou kapab reponn ni menm en kestyon dan mil ki Bondye i demann li.

 6 I sekwe later e fer li sorti dan son plas

Pour ki son bann fondasyon i tranble.

 7 I donn lord soley pour pa klere

E i bar lalimyer bann zetwal.

 8 I tal lesyel li tousel

E i mars lo bann gro laroul dan lanmer.

 9 I ti fer bann group zetwal As,* Kesil* ek Kima*

E sa bann group zetwal ki dan sid lesyel.*

10 I fer bann gran keksoz ki personn pa konpran,

Bann keksoz merveye ki pa kapab ganny konte.

Mon pa krwar ki i pou ekout mon lavwa

17 Parski i kraz mwan avek en tanpet

E i fer mwan ganny plis boubou san okenn rezon.

18 I pa donn mwan letan pour respire

I kontinyen fer mwan ganny plis problenm.

21 Menm si mon reste fidel,* mon napa konfyans dan mon lekor

Mon’n degout* mon lavi.

22 Tousala i menm zafer. Sanmenm sa mon dir,

‘I detri sa enn ki inosan* ek sa enn ki move.’

23 Si en linondasyon i touy dimoun en sel kou,

I pou boufonn bann inosan ki dezespere.

26 I glise parey bann bato ki’n ganny fer avek zon,*

Parey bann leg ki desann vit pour atrap en zannimo.

27 Si mon dir, ‘Mon pou oubliye ki mon ti pe plennyen,’

Mon pou aret tris e mon pou zwaye,’

28 Mon pou kontinyen per akoz tou mon douler,

Me mon konnen ki ou pa pou konsider mwan inosan.

30 Si mon benny dan delo lanez ki’n fonn

E mon lav mon lanmen avek savon,*

31 Alor, ou ti pou plonz mwan dan en trou labou,

Pour ki menm mon prop lenz ti pou ay mwan.

32 Parski i pa en zonm parey mwan pour mwan reponn li,

Pour ki nou al ankour ansanm.

33 Napa personn ki pou kapab dir lekel ki annan rezon

Ki ti pou kapab vin nou ziz.*

34 Si i aret bat mwan

E pa fer mwan per li,

35 Alor, mon pou koz avek li san okenn lafreyer,

Parski mon napa okenn rezon pour per pour koz avek li.

 3 Ki byenfe ou gannyen ler ou fer mwan soufer,

Ler ou rezet sa ki ou’n fer

E ekout konsey bann move dimoun?

 5 Eski ou lavi i kourt parey bann imen,

Oubyen eski ou pou viv menm kantite lannen ki en dimoun

 6 Pour ki ou rod fot avek mwan

E ki ou kontinyen vey mon pese?

 7 Ou konnen ki mon pa koupab

E personn pa kapab sov mwan dan ou lanmen.

 8 Ou lanmen ki’n form mwan e ki’n fer mwan,

Me la ou anvi detri mwan konpletman.

 9 Silvouple pa bliye ki ou’n fer mwan avek larzil,

Me aprezan ou pe fer mwan retourn dan lapousyer.

10 Pa ou’n devid mwan parey dile

E ou’n fer mwan kaye parey fromaz?

11 Ou’n met laser ek lapo lo mwan

E ou’n fer mwan avek lezo ek tandon.*

12 Ou’n donn mwan lavi ek lanmour fidel,

Ou’n protez e pran swen avek mwan.*

14 Si mon ti fer pese, ou ti pou vwar mwan

E ou pa ti pou pardonn mwan mon fot.

E menm si mon inosan, mon pa kapab lev mon latet,

Akoz mon pe soufer e mon vreman onte.

16 Si mon lev mon latet, ou tay deryer mwan parey en lyon

E ankor enn fwa ou servi ou lafors pour fer mwan ditor.

Mon pas dan maler enn deryer lot

E ou deplizanpli ankoler avek mwan

18 Alor akoz ou’n fer mwan sorti dan vant mon manman?

20 Pa mon lavi i kourt? Ki Bondye i les mwan trankil

E aret get mwan pour ki mon ganny soulazman*

21 Avan ki mon al dan sa landrwa kot mon pa pou retournen,

Dan sa pei kot i vreman fernwanr,*

22 Dan sa pei ki konpletman sonm,

Sa pei lonbraz ek dezord,

Kot menm lalimyer i parey fernwanr.”

 2 “Eski tou sa bann parol pa pou ganny reponn

Oubyen eski sa enn ki koz bokou ki annan rezon?*

 4 Parski ou dir, ‘Mon lansennyman i pir

E mon inosan devan Bondye.’

 5 Me si Bondye ti koze

E ouver son labous pour reponn ou!

 6 Alor i ti pou fer ou konn sekre son lasazes,

Parski i annan en kantite keksoz pour aprann konsernan lasazes.

 7 Eski ou kapab konn bann keksoz profon konsernan Bondye

Oubyen konpran tou keksoz lo* sa Enn Tou Pwisan?

 9 I pli long ki later

E pli gran ki lanmer.

10 Si Bondye i pase, tyonbo en dimoun e anmenn li ankour,

Lekel ki kapab reziste li?

12 Me en dimoun bet pou ganny en konpran

Zour ki en bourik maron i donn nesans en zonm.

13 Si selman ou ti prepar ou leker

E priy Bondye.*

14 Si ou lanmen pe fer sa ki mal, met li lwen avek ou

E pa les sa ki move reste dan ou bann latant.

17 Ou lavi pou pli briye ki soley midi

Menm fernwanr dan ou lavi pou parey lalimyer bomaten.

Zot pa pou annan okenn landrwa pour zot sove

E zot sel lespwar pou lanmor.”

 2 “Vreman zot menm ki konnen*

E ler zot mor, lasazes pou fini avek zot!

 4 Mon bann zanmi pe boufonn mwan,

Mon demann Bondye pour ganny en larepons.

 5 Sa enn ki napa problenm i mepriz bann ki pas dan maler,

I krwar ki maler i tap zis bann ki lipye i fay fay.*

 6 Latant bann voler i anpe

E bann ki provok Bondye i an sekirite,

Bann ki anmenn zot bondye dan zot lanmen.

 7 Par kont, silvouple demann bann zannimo e zot pou ansenny ou,

Demann bann zwazo dan lesyel e zot pou dir ou.

 8 Oubyen get byen* later e i pou ansenny ou

E bann pwason dan lanmer pou fer ou konnen.

 9 Lekel parmi tou sa bann keksoz ki pa konnen

Ki lanmen Zeova ki’n fer tousala?

10 Lavi tou sa ki vivan i dan son lanmen,

Osi lafors* ki dan tou bann imen.

11 Pa zorey i kapab teste bann parol

Parey lalang* i gout manze?

12 Pa dimoun aze ki annan lasazes

E pa dimoun ki viv lontan ki annan lentelizans?

13 Me Bondye i saz e pwisan,

I annan lentelizans ek konsey.

14 Ler i detri en keksoz, personn pa kapab rekonstri li,

Sa ki i’n fermen, personn pa kapab ouver.

17 I fer bann konseye mars nipye*

E i fer bann ziz vin bet.

18 I delarg lasenn ki’n ganny mete par bann lerwa

E i met en sang dan leren bann lerwa.

19 I fer bann pret mars nipye

E i tir bann ki annan lotorite o pouvwar.

20 I anpes bann bon konseye koze

E bann dimoun aze* annan bon zizman.

21 I fer bann dimoun enportan ganny meprize

E bann dimoun pwisan vin fay.*

22 I revel bann keksoz profon ki dan fernwanr

E i met o kler sa ki dan fernwanr.

23 I fer bann nasyon vin pwisan pour detri zot,

I fer bann nasyon vin gran pour anmenn zot an egzil.

24 I fer bann sef lepep ki entelizan vin bet

E i fer zot ale vini dan dezer kot napa semen.

13 “Wi, mon lizye in vwar tousala,

Mon zorey in tande e mon’n konpran.

 5 Si selman zot ti reste trankil,

Sa ti pou montre ki zot saz.

 6 Silvouple ekout mon defans

E ekout byen mon siplikasyon.

10 I ti pou sirman koriz zot

Si zot esey fer lapreferans an sekre.

14 Akoz mon bezwen met mon lekor an danze*

E riske mon prop lavi?

16 Alor i ti pou vin mon sover,

Parski en dimoun ki napa respe pour Bondye* pa kapab vin devan li.

17 Ekout byen mon parol,

Port atansyon lo sa ki mon pe dir.

18 Gete, la mon’n prepar mon defans

E mon konnen ki mon annan rezon.

20 O Bondye, donn mwan zis de keksoz*

Pour ki mon pa kasyet devan ou:

21 Tir ou lanmen lo mwan* akoz i vreman lour

E aret fer mwan per ou.

22 Koze e mon pou reponn

Oubyen les mwan koze e ou reponn mwan.

24 Akoz ou kasyet ou figir

E konsider mwan konman ou lennmi?

25 Eski ou pou esey fer per en fey ki’n anvol dan divan

Oubyen tay deryer lapay sek?

26 Parski ou pe kontinyen fer bann lakizasyon kont mwan

E ou fer mwan pey pour pese ki mon ti fer ler mon ti zenn.

27 Ou’n met mon lipye dan blok dibwa,

Ou egzamin tou mon bann santye

E ou vey tou mon lepa.

28 Alor en dimoun i dekonpoze parey en keksoz pouri,

Parey en lenz ki’n ganny manze par lever.*

14 “Lavi en imen ki en madanm in donn nesans

I kourt e ranpli avek problenm.

 3 Wi, ou lizye i lo li

E ou anmenn li* pour ganny zize.

 5 Si lakantite zour ki i pou viv in fini ganny deside,

Lakantite mwan ki i pou viv i depan lo ou.

 6 Aret get li pour ki i kapab repoze,

Ziska ki i fini son zournen parey en labourer.

Si i ganny koupe, i pou rebourzonnen

E son bann pti brans pou kontinyen pouse.

 8 Si son rasin in vye,

E son siko in mor dan later,

 9 Ler i ganny en ptigin delo, i pou bourzonnen

E i pou refer bann brans parey en nouvo plant.

11 Delo dan lanmer i disparet

E delo larivyer i evapore e i sek.

Osi lontan ki lesyel i egziste, i pa pou leve,

Ni sote dan son sonmey.

Kasyet mwan ziska ki ou lakoler i pase

E fikse en letan pour mwan e mazin mwan!

Mon pou esper tou sa letan ziska ki mon servis obligatwar i fini

E ki mon delivrans i arive.

16 Me la, ou pe kontinyen kont tou mon lepa,

Ou zis get mon pese.

17 Mon lofans i dan en sak ki’n byen fermen*

E ou’n kol mon fot avek lakol.

18 Parey en montanny i tonbe e grennen

E en ros i deboule,

19 Parey delo i poli bann ros

E delo i balye later,

Pareyman ou’n detri lespwar en dimoun.

20 Ou kontinyelman domin li ziska ki i mor,

Ou defigir li e fer li ale.

22 I santi douler e i dan dey

Selman ler i ankor vivan.”

 3 Koriz en dimoun avek zis parol i initil

E zis koze pa anmenn okenn byenfe.

 4 Ou fer dimoun perdi respe pour Bondye

E ou fer lezot pa enterese avek Bondye.

 5 Ou fot ki fer ou koz koumsa

E ou servi bann parol ki anbet lezot.

 7 Eski ou sa premye zonm ki’n ne

Oubyen eski ou ti ne avan bann montanny?

 8 Eski ou tande ler Bondye i koz an sekre

Oubyen eski zis ou ki annan lasazes?

10 Parmi nou i annan dimoun ki annan seve blan e ki aze,

Bann zonm ki bokou pli aze ki ou papa.

11 Eski bann parol rekonfortan sorti kot Bondye

Oubyen bann parol dous pa ase pour ou?

12 Akoz ou les ou leker kontrol ou

E akoz ou lizye i ranpli avek lakoler?

13 Parski ou ankoler avek Bondye

E sanmenm sa ou koz dan sa fason.

14 Ki mannyer en imen i kapab pir

Oubyen ki mannyer en dimoun* i kapab drwat?

15 Gete! Bondye napa konfyans dan son bann lanz*

E i pa ni menm konsider lesyel pir.

16 Alor ki mannyer i pou annan konfyans dan en dimoun ki degoutan e move,

En dimoun ki fer sa ki mal parey i bwar delo!

Mon pou rakont ou sa ki mon’n vwar,

18 Sa ki dimoun saz in rakonte san kasyet nanryen,

Bann keksoz ki zot in aprann avek zot zanset.

19 Sa pei ti ganny donnen zis avek zot zanset

E i ti napa okenn etranze ki ti pas dan sa landrwa.

20 En move dimoun i soufer tou son lavi

E en diktater i pas dan problenm tou dilon son lavi.

25 Parski i’n lev son lanmen kont Bondye li menm

E i’n esey opoz* sa Enn Tou Pwisan.

26 I antete e i atak Li

Avek son gro boukliye ki solid.

27 Son figir i kouver avek lagres

E son vant* i gro.

28 I reste dan bann lavil ki pou ganny detrir,

Dan bann lakaz kot personn pa pou reste

Ki pou vin en ta ros.

Dife pou fer son pti brans sek*

E en gro divan sorti dan labous Bondye pou fer li disparet.

31 I pa devret les li ganny anbete e met son konfyans dan keksoz ki napa valer,

Parski sa ki i pou gannyen an retour pou napa valer.

32 Sa pou ariv li avan son zour

E son bann brans pa pou zanmen fleri.

33 I pou parey en pye rezen ki son rezen i grennen ler i ankor ver,

Parey en pye zoliv ki tou son fler i grennen.

34 Parski ler dimoun ki napa respe pour Bondye* i zwenn ansanm, sa pa abouti dan nanryen

E dife pou bril latant dimoun ki aksepte gous.

Si zot ti dan mon plas,

Mon ti kapab dir bann zoli parol kont zot

E sakouy mon latet.

 6 Si mon koze, mon douler i ankor la

E menm si mon aret koze, mon pou soufer menm.

 8 Tou dimoun i kapab vwar ki ou’n tyonbo mwan,

Mon’n sitan meg ki dimoun i krwar mon koupab.

10 Zot in ouver zot labous gran pour koz kont mwan

E zot in kalot mwan lo mon lazou pour monk mwan.

11 Bondye in livre mwan dan lanmen bann zenn garson

E i’n les bann move dimoun fer mwan ditor.

I ti tyonbo mwan par deryer likou e kas mwan an morso

E i’n fer mwan vin son target.

14 I atak mwan ankor e ankor parey en miray ki ganny kraze

Parey en gerye, i fons lo mwan.

15 Mon’n koud en latwal goni pour kouver mwan

Mon’n perdi mon dinyite* e mon pe asiz dan lapousyer.

16 Mon figir in rouz akoz mon’n plere

E mon lizye in anfle,

17 Menm si mon pa’n fer okenn vyolans

E mon lapriyer i senser.

20 Mon bann zanmi pe boufonn mwan

Anmezir ki mon larm i koule* devan Bondye.

21 Ki en dimoun i ziz ant mwan ek Bondye

Parey de dimoun i ganny zize.

22 Parski i pa reste mwan bokou letan pour viv

E mon pou ale e mon pa pou retournen.

 2 Bann moker i antour mwan

E mon oblize get* zot kondwit rebel.

 4 Parski ou’n tir lentelizans dan zot lespri,

Sanmenm sa ou pa donn zot loner.

 5 Zot pe ofer pour partaz sa ki zot annan avek zot zanmi,

Menm si lizye zot zanfan i fatige.

 6 Bondye in fer mwan ganny meprize* parmi bann pep

Pour ki dimoun i kras dan mon figir.

 7 Akoz mon soufrans, mon lizye i fatige

E mon lipye ek mon lanmen in vin zis en lonbraz.

 8 Bann dimoun drwat i etonnen ler zot vwar sa

E en dimoun inosan i mekontan akoz sa enn ki napa respe pour Bondye.*

 9 En dimoun drwat i kontinyen fer sa ki drwat

E sa enn ki son lanmen i prop i vin pli for.

10 Me zot tou zot kapab vini e kontinyen argimant avek mwan,

Parski mon pa’n trouv okenn dimoun saz parmi zot.

12 Zot toultan fer aswar vin lizour,

Zot dir, ‘Lizour i pros pour fer parski i fernwanr.’

16 I* pou desann kot baro Latonm*

Ler nou tou nou desann ansanm dan lapousyer.”

 3 Akoz nou devret ganny konsidere konman bann zannimo

E konman bann dimoun bet* devan zot?

 4 Menm si ou fer ou lekor ditor akoz ou ankoler,

Eski later pou ganny abandonnen

Oubyen eski en ros pou sorti dan son plas akoz ou?

 5 Wi, lalimyer en move dimoun pou tennyen

E laflanm son dife pa pou klere.

 6 Lalimyer dan son latant pou sirman vin sonm

E lalanp ki par lao li pou tennyen.

 7 I pou nepli kapab fer bann gran lepa

E son prop konsey pou fer li tonbe.

 8 Son lipye pou anmenn li dan en lasenn

E i pou ale vini ladan.

 9 Son talon pou pri dan en latrap

E i pou tonm dan en pyez.

10 En lakord in ganny kasyet pour li ater

E i annan en latrap dan son semen.

11 I pou per tou sa ki otour li

E i pou dan lafreyer partou kot i ale.

12 I pou nepli annan lafors

E i pou drive* akoz maler.

13 En maladi fatal* pe manz manz son lapo

E osi son lanmen ek son lipye.

14 I’n ganny tire dan son latant kot i ti an sekirite

E i pou ganny anmennen kot lerwa lafreyer.*

16 Anba li, son bann rasin pou sek

E par lao li, son bann brans pou fletri.

17 I pou ganny oubliye lo later

E dan semen, personn pa pou konn son non.*

18 I pou ganny tire dan lalimyer e ganny mete dan fernwanr

E i pou ganny pouse lo later.

19 I pou napa zanfan, ni desandans parmi son pep

E i pou napa personn ki pou reste vivan la kot i reste.*

20 Ler son zour i arive, bann dimoun dan Was pou soke

E bann dimoun dan Les pou vreman per.

21 Sanmenm ki arive avek latant en move dimoun

Ek landrwa reste en dimoun ki pa’n konn Bondye.”

 2 “Ziska kan zot pou kontinyen irit mwan

E dekouraz mwan avek zot parol?

 4 Si vreman mon’n fer en fot,

Sa i mon problenm.

 5 Si zot kontinyen abes mwan

E dir ki zot annan rezon pour kritik mwan,

 6 Alor, mon dir zot ki Bondye ki’n anbet mwan

E i’n tyonbo mwan dan son lasenn ki i servi pour lasas.

 7 Gete! Mon kontinyen kriy, ‘Vyolans!’ me mon pa ganny okenn larepons

Mon kontinyen kriy osekour, me napa lazistis.

 9 I’n fer mwan perdi mon laglwar

E i’n tir mon kouronn lo mon latet

10 I kas kas mwan partou kote ziska ki mon disparet.

11 I vreman ankoler avek mwan

E i konsider mwan konman son lennmi.

13 I’n fer mon bann frer al lwen avek mwan

E bann ki konn mwan in vir ledo avek mwan.

14 Mon bann zanmi pros* in abandonn mwan

E bann ki mon ti konn byen in oubliy mwan.

15 Bann envite dan mon lakaz ek mon bann servant i konsider mwan konman en etranze,

Pour zot, mon en etranze.

17 Mon lalenn i donn mon madanm repinyans

E mon bann frer* i reste lwen avek mwan akoz mon pi.

19 Tou mon bann zanmi pros i ay mwan

E bann ki mon ti kontan in vir kont mwan.

20 Mon’n vin zis lapo ek lezo,*

Mon ti pros pour mor.*

21 Pran pitye pour mwan mon bann zanmi, pran pitye,

Akoz lanmen Bondye ki’n tous mwan.

22 Akoz zot kontinyen persekit mwan parey Bondye

E atak mwan zanmen fini?*

23 Si selman mon parol ti ganny ekrir,

Si selman zot ti kapab ganny ekrir dan en liv!

24 Si zot ti ganny grave pour touzour lo en ros,

Avek en sizo* ek diplon!

26 Apre ki mon lapo pou’n fini ganny detrir,

Ler mon ankor vivan, mon pou vwar Bondye.

27 Mwan menm mon pou vwar Bondye

Avek mon prop lizye, pa en lot dimoun ki pou vwar li.

29 Zot menm ki devret per sa lepe

Parski si zot fer fot, zot pou ganny pini avek lepe.

 2 “Mon lespri i fatige e mon pe perdi pasyans

Sanmenm mon bezwen reponn.

 3 Sa ki ou’n dir in ensilte mwan

Me mon lentelizans i obliz mwan pour reponn.

 4 Sirman ou’n toultan konn sa

Parski i’n toultan koumsa depi ki zonm* i lo later

 5 Ki en move dimoun i kriye avek lazwa pour zis en ptigin letan

E lazwa sa enn ki napa respe pour Bondye* i zis pour en pti moman.

 6 Menm si son larogans i ariv ziska dan lesyel

E son latet i ariv ziska dan nyaz,

 9 Lizye ki ti vwar li pa pou vwar li ankor

E son landrwa reste pa pou vwar li ankor.

10 Son zanfan pou rod led bann pov

E sa ki i’n pran avek lezot, i pou bezwen rann.

11 Son lezo ti for parey ler i ti zenn,

Me ler i ankor for, i pou alonze dan lapousyer.

12 Si sa ki mal i dou dan son labous,

Si i kasyet li anba son lalang,

13 Si sa ki mal i byen goute pour li e i pa anvale,

Me i gard li dan son labous,

14 Son manze pou vin anmer dan son vant.

17 I pa pou zanmen vwar dimyel ek diber

Ki koule parey delo dan larivyer.

23 Ler i pe ranpli son vant,

Bondye pou vreman ankoler avek li.

24 I pou sove akoz bann zarm an feray,

Me bann fles* sorti dan en lark an kwiv pou pik li.

25 I tir sa fles ki’n pik li dan son ledo,

En fles klate ki’n pers son fyel

E en gran lafreyer i sezi li.

27 Lesyel pou devwal son fot

E later pou vir kont li.

28 Zour lakoler Bondye, linondasyon pou balye son lakaz

E i pou annan en gro lavalas.

29 Sa i rekonpans ki Bondye pou donn en move dimoun,

Sa i leritaz ki Bondye in rezerve pour li.”

 2 “Ekout byen sa ki mon annan pour dir,

Koumsa, sa pou konsol mwan.

 3 Silvouple les mwan koze,

Ler mon’n fini koze, zot pou kapab monk mwan.

 6 Ler mon mazin sa, mon lespri i fatige

E mon lekor antye i tranble.

 7 Akoz bann move dimoun i kontinyen viv,

Vin vye e vin ris?*

 8 Zot zanfan i toultan avek zot

E zot vwar zot desandans.

 9 Zot lakaz i an sekirite, zot pa per nanryen

E Bondye pa pini zot avek son baton.

11 Zot bann garson i tay deor zis parey en troupo zannimo

E zot zanfan i sotaye partou.

12 Zot sante avek tanbourin* ek larp

E zot dan lazwa ler zot tann laflit pe zwe.

13 Tou dilon zot lavi zot dan lakontantman

E zot desann anpe* dan Latonm.*

18 Eski zot vin parey lapay dan divan,

Parey lapay dible ki anvole dan en tanpet divan?

20 Ki son prop lizye i vwar son maler

E ki li menm i bwar lakoler sa Enn Tou Pwisan.

21 Si son lavi i akoursi,*

Eski i pou fatig li avek sa ki pou arive avek son lakaz?

22 Eski en dimoun i kapab ansenny Bondye*

Ler Li menm ki ziz bann dimoun ki pli enportan?

23 En dimoun i mor ler i ankor for

Ler i anpe e i pa enkyet nanryen.

24 Ler son kwis in kouver avek lagres

E son lezo i for.*

25 Me en lot dimoun i mor dan son soufrans

San ki i’n apresye bann bon keksoz.

26 Tou le de pou alonze dan lapousyer

E zot pou ganny kouver avek moutouk.

27 Gete! Mon konn tre byen sa ki zot pe panse

E sa ki zot pe plàn pour fer mwan ditor.*

28 Parski zot dir, ‘Oli lakaz sa dimoun enportan

E latant kot sa move dimoun ti reste?’

Eski zot pa’n etidye o profon sa ki zot in dir*

30 Ki en move dimoun i ganny sove zour dezas

E i ganny delivre zour lakoler Bondye?

31 Lekel ki pou dir li sa ki i’n fer i mal

E lekel ki pou fer li peye pour sa ki i’n fer?

32 Ler i ganny anmennen kot simityer,

En dimoun pou vey son latonm.

33 Later dan vale* kot i ganny antere pou dou pour li

E tou bann imen pou swiv par deryer li*

Parey sa kantite ki’n al avan li.

 4 Eski i pou pini ou

E anmenn ou ankour akoz ou annan en gran respe pour li?

 5 Pa i akoz ou pe fer en kantite keksoz mal

E ou pe kontinyen fer pese?

 6 Parski san okenn rezon ou’n sezi garanti ou frer

E ou’n pran lenz bann dimoun e kit zot touni.*

 7 Ou pa donn delo sa enn ki fatige

E ou pa donn manze sa enn ki lafen.

 8 Dimoun pwisan i pran sa pei

E dimoun enportan i reste ladan.

 9 Me ou fer bann vev al lanmen vid

E ou kas lebra bann orfelen.*

10 Sanmenm sa ou ganny antoure avek bann pyez*

E en sel kou bann danze i fer ou per.

11 Sanmenm ou pa vwar nanryen akoz i sitan fernwanr

E en kantite delo i kouver ou.

14 Ler i mars lo serk lesyel

Bann nyaz i bar li e i pa kapab vwar nanryen.’

15 Eski ou pou swiv sa semen

Ki bann move dimoun ti mars lo la depi lontan,

16 Sa bann move dimoun ki ti mor* avan ler,

Ki linondasyon ti balye zot fondasyon?*

19 En dimoun drwat pou vwar sa e i pou kontan

E en dimoun inosan pou monk zot e dir:

20 ‘Nou bann lennmi in ganny detrir

E dife pou bril tou sa ki reste.’

22 Aksepte lalwa ki sorti dan son labous

E gard son parol dan ou leker.

Si ou tir lemal dan ou latant,

24 Si ou zet ou lor dan lapousyer

E lor sorti Ofir dan bann ranpar,*

25 Alor sa Enn Tou Pwisan pou vin ou lor

E i pou vin ou larzan pli presye.

26 Parski ou pou pran plezir dan sa Enn Tou Pwisan

E ou pou get anler ver Bondye.

28 Nenport kwa ki ou deside fer, ou pou reisi

E lalimyer pou kler ou semen.

29 Parski ou pou ganny imilye ler ou koz dan en fason arogan,

Me i pou sov bann ki annan limilite.*

30 I pou delivre bann ki inosan,

Alor si ou lanmen i prop, sirman ou pou ganny delivre.”

 4 Mon ti pou eksplik li mon sityasyon

E defann mon lekor avek bann levidans.

 5 Mon ti pou gete ki mannyer i ti pou reponn mwan

E mon ti pou ekout sa ki i annan pour dir mwan.

 7 Laba en dimoun ki fer sa ki byen ti pou met keksoz annord avek li

E mon Ziz ti pou dir ki mon inosan enn fwa pour tou.

 8 Me si mon al dan Les, i pa la

E ler mon retournen, mon pa vwar li.

14 Parski i pou akonpli tou sa ki i’n deside pour mwan

E i annan en kantite keksoz koumsa ki i anvi fer.

15 Sanmenm mon enkyet akoz li

Ler mon mazin li, sa i fer mwan pli per ankor.

16 Bondye in fer mwan perdi kouraz

E sa Enn Tou Pwisan in fer mwan per.

17 Me fernwanr pa’n fer mwan reste trankil

Menm si fernwanr in kouver mon figir.

 3 Zot pran bourik bann orfelen*

E zot pran toro en vev konman garanti pour en lón.

 6 Zot bezwen rekolte dan plantasyon* en lot dimoun

E anmas sa ki bann move dimoun in kit deryer dan zot plantasyon rezen.

 9 En orfelen i ganny pran pardfors ler i ankor pe tete

E zot pran lenz bann pov konman garanti pour en lón.

10 Zot ganny forse pour mars touni, san okenn lenz

E zot lafen menm si zot pe anmenn bann pake dible.

12 Bann ki pe mor i kontinyen plennyen dan lavil,

Bann ki’n ganny bann blesir grav i kriy osekour,

Me Bondye pa fatig li avek sa.*

Zot pa oule konn son bann semen

E zot pa swiv son bann santye.

14 En mertriye i lev granmaten,

I touy bann malere ek bann pov

E aswar i al vole.

19 Zis parey lasesres ek lasaler i fer lanez ki’n fonn disparet,

Latonm* i pran bann ki’n fer pese!

Personn pa pou rapel li ankor

E bann move dimoun pou tonbe parey en pye dibwa.

21 I fer ditor en madanm steril

E i maltret en vev.

23 Bondye* i les zot vin konfidan e an sekirite,

Me son lizye i vwar tou sa ki zot fer.*

25 Prezan, lekel ki kapab dir ki mon en manter

Oubyen kontredir mon parol?”

 4 Alor ki mannyer en imen* i kapab fer sa ki byen devan Bondye

Oubyen ki mannyer en dimoun* i kapab inosan?*

 5 Pour Bondye, menm lalin pa klere

E pour li, bann zetwal pa pir.

 6 Alor ki mannyer i pou konsider en imen ki parey en moutouk

E garson zonm ki parey en lever?”

 4 Avek lekel ou pe esey koze

E lekel ki’n fer ou koz koumsa?*

 6 Latonm* i touni devan Bondye*

E Bondye vwar tou sa ki annan dan landrwa destriksyon.*

 7 Bondye i tal lesyel* dan vid,

I met later anpandan lo nanryen.

 8 I anvlop delo dan son bann nyaz

Pour ki bann nyaz pa kase akoz zot lour.

 9 I tal son nyaz pour kasyet son tronn

Pour ki personn pa trouve.

11 Bann pilye lesyel i sekwe,

Zot etonnen ler i koriz zot.

12 Avek son lafors, i fer lanmer azite

E avek son lentelizans, i kraz sa gro bebet ki dan lanmer.*

 2 “Mon fer serman lo non Bondye, sa Enn ki’n tret mwan dan en fason enzis,

Mon fer serman lo non sa Enn Tou Pwisan, sa Enn ki’n fer mon lavi malere,

 3 Osi lontan ki mon respire

E ki souf Bondye i dan mon nennen,

 4 Mon labous pa pou dir nanryen mal

E mon lalang pa pou koz mansonz!

 6 Mon pou kontinyen fer sa ki drwat e mon pa pou zanmen arete,

Mon konsyans* pa pou kondann* mwan tan ki mon ankor vivan.*

 7 Ki mon lennmi i vin parey bann move dimoun

E bann ki pe atak mwan parey bann ki fer sa ki mal.

 8 Eski i annan lespwar pour en dimoun ki napa respe pour Bondye* ler i ganny detrir,

Ler Bondye i pran son lavi?

 9 Ler maler pou tap li,

Eski Bondye pou tann li ler i kriy osekour?

12 Gete! Si zot tou zot in ganny bann vizyon,

Akoz zot dir bann parol ki pa fer sans?

13 Sa i rekonpans ki Bondye pou donn en move dimoun,

Sa i leritaz ki sa Enn Tou Pwisan i donn bann diktater.

14 Si i ganny bokou zanfan, zot pou ganny touye avek lepe

E son bann desandans pa pou ganny dekwa manze.

15 Son bann desandans ki ankor vivan pou ganny antere akoz lepidemi

E zot bann vev pa pou plere akoz zot.

16 Menm si i anmas en kantite larzan parey lapousyer

E bann zoli lenz parey later,*

17 Menm si i anmas tousala,

En dimoun ki fer sa ki byen ki pou met sa lenz

E en dimoun inosan ki pou partaz son larzan.

18 I pou konstri en lakaz ki fay parey lakaz zensek,*

Parey en pti payot ki en gardyen in fer.

22 Menm si i esey sove,

San okenn pitye, i pou vin lo li avek tou son lafors.

23 I pou bat lanmen pour monk li

E i pou soufle avek li depi kot i reste.*

 2 Fer i ganny tire dan later

E kwiv ki’n ganny fonn i sorti dan ros.

Zot fouy partou dan bann landrwa vreman fernwanr

Pour ganny bann metal.*

 4 Zot fouy anba later lwen avek kot dimoun i reste,

Dan bann landrwa abandonnen, lwen avek kot dimoun i pase.

 5 Manze i pouse lo later,

Me anba later, i’n ganny detrir konmsi par dife.*

 6 I annan safir* dan bann ros

E dan lapousyer, i annan lor.

 7 Leg pa konnen kot sa semen i ete

E papang* nwanr pa’n vwar kot i ete.

 8 Napa okenn gro bebet ki’n pas par la

E en zenn lyon pa’n al lasas laba.

11 I bous bann sours larivyer

E i met o kler sa ki ti dan kasyet.

12 Me kote lasazes i kapab ganny trouve

E kote lentelizans i sorti?

13 Napa personn ki konn son valer

E i pa kapab ganny trouve okenn par lo later.

15 I pa kapab ganny aste avek lor pir

Ni avek larzan ki’n ganny peze.

16 I pa kapab ganny aste avek lor sorti Ofir

Ni avek Oniks* ek Safir ki rar!

17 Lasazes i annan plis valer ki lor ek ver

E ou pa kapab donn en vesel annor* pour ganny lasazes.

18 Lasazes i pli presye ki koray ek kristal

Akoz en sak ranpli avek lasazes i annan plis valer ki en sak perl.

20 Me kote lasazes

Ek lentelizans i sorti?

21 I’n ganny kasyet avek tou sa ki vivan

E avek bann zwazo dan lesyel.

22 Destriksyon ek lanmor i dir,

‘Nou’n zis tann koz lo lasazes.’

24 Parski i get ziska lo bout later

E i vwar tou keksoz lo later.

25 Ler i’n donn divan son lafors*

E i’n mezir lanmer,

26 Ler i’n fer en lalwa pour lapli

E i’n prepar semen pour tanpet avek son nyaz ek loraz,

27 Alor i’n vwar lasazes dan sa ki i’n fer e i’n eksplik li,

I’n etabli li e teste li.

‘Gete! Annan en gran respe pour Zeova, sanmenm sa lasazes

E rezet sa ki mal, sanmenm sa lentelizans.’”

 2 “Si selman mon ti kapab viv parey avan,

Ler Bondye ti pe vey lo mwan,

 3 Ler son lalanp ti klere par lao mon latet,

Ler son lalimyer ti ed mwan mars dan fernwanr,

 4 Ler mon ti ankor zenn e for,

Ler Bondye ti mon zanmi dan mon latant,

 5 Ler sa Enn Tou Pwisan ti ankor avek mwan,

Ler mon bann zanfan* ti ankor la avek mwan,

 6 Ler mon lipye ti tranpe dan diber

E ler delwil ti koule sorti dan ros pour mwan.

 7 Ler mon ti abitye al kot baro lavil

E asiz dan landrwa piblik,

 8 Ler bann garson ti vwar mwan e les mwan pase*

E menm bann zonm aze ti leve e reste debout.

 9 Bann prens pa ti koze,

Zot ti met zot lanmen devan zot labous.

10 Bann dimoun enportan ti reste trankil,

Zot lalang ti kole lo zot pale.

11 Tou sa ki ti tann mwan ti koz an byen lo mwan

E bann ki ti vwar mwan ti defann mwan.

12 Parski mon ti sov bann pov ki ti kriy osekour

Bann orfelen* e nenport dimoun ki ti napa personn pour ed li.

13 Sa enn ki ti pros pour mor ti beni mwan

E mon ti fer leker bann vev kontan.

14 Mon ti met ladrwatir lo mwan parey en lenz,

Mon lazistis ti parey en rob* ek en tirban.*

15 Mon ti vin lizye bann aveg

E lipye bann ki bwete.

17 Mon ti kas lanmaswar en move dimoun

E mon ti sov sa viktim dan son labous.

18 Mon ti abitye dir, ‘Mon pou mor dan mon prop lakaz*

E mon pou viv en kantite zour parey bann gren disab o bor lanmer.

19 Mon rasin pou ariv ziska kot i annan delo

E laroze pou reste lo mon brans tou lannwit.

20 Mon pou toultan ganny onore

E mon pou kontinyelman tir fles.’

21 Dimoun ti ekout mwan atantivman

E zot ti esper mwan konsey zot.

25 Parey en sef, mon ti gid zot

E mon ti parey en lerwa devan son larme,

Parey sa enn ki rekonfort bann ki dan dey.

30 “Aprezan bann zonm ki pli zenn ki mwan

I riy mwan,

Bann zonm ki mon pa ti pou’n les zot papa

Vey mon troupo ansanm avek mon lisyen.

Zot manz sa ki zot gannyen lo later sek

Ki’n ganny detrir e abandonnen.

 6 Zot reste dan bann ranpar,*

Dan bann trou dan later e dan bann trou ros.

 7 Zot kriye dan bann brousay

E zot koste avek kanmarad dan touf pikan.

 8 Zot in ganny pouse* dan pei,

Parey bann dimoun bet e bon nanryen.

 9 Me aprezan zot boufonn mwan menm dan zot bann sanson

E zot mepriz* mwan.

11 Vi ki Bondye in imilye mwan e i’n fer mwan san defans,*

Zot fer tou sa ki zot oule* devan mwan.

Zot fer mwan taye

E zot bar mon semen pour fer mwan ditor.

13 Zot kas mon semen,

Zot fer mon maler vin pli pir

E personn pa anpes zot.*

Mon dinyite in anvole dan divan

E mon delivrans in disparet parey nyaz.

16 Aprezan, mon pros pour mor

E tou le zour mon pe soufer.

17 Aswar mon lezo i vreman fermal*

E mon toultan dan douler.

18 Avek bokou lafors, mon lenz* in diformen,*

I trangle mwan parey kol en lenz ki sere.

19 Bondye in zet mwan dan labou,

Mon’n vin parey lapousyer ek lasann.

22 Ou lev mwan e anmenn mwan dan divan,

Apre ou zet mwan dan en tanpet.*

23 Parski mon konnen ki ou pou fer mwan desann dan lanmor,

Dan lakaz kot tou dimoun pou zwenn.

24 Me personn pa pou tap en zonm ki pe soufer*

Ler i pe kriy osekour dan letan maler.

27 Mon pa kapab aret enkyet,

Tou le zour mon pe soufer.

29 Mon’n vin en frer pour bann sakal*

E zanmi bann fiy lotris.*

31 Mon larp i ganny servi zis pour kantik dey

E mon laflit ler dimoun i plere.

31 “Mon’n fer en promes*

Pour pa get en zenn fiy* avek en move dezir.

 3 Pa dezas i esper bann move dimoun

E maler bann ki fer sa ki mal?

 4 Pa i vwar sa ki mon pe fer

E kont tou mon lepa?

 6 Si Bondye i pez mwan dan en balans ki egzakt,

Alor i pou vwar ki mon san repros.*

 7 Si mon lipye i kit sa semen

Oubyen mon leker in swiv mon lizye

Oubyen mon’n sali mon lanmen,

 8 Alor ki en lot dimoun i manz sa ki mon’n senmen

E ki sa ki mon’n plante i ganny derasinen.*

 9 Si mon leker in ganny atire par en lot madanm

E mon’n kasyet kot laport mon vwazen,

10 Alor ki mon madanm i kraz dible pour en lot zonm

E lezot zonm i dormi avek li.*

11 Parski sa ti pou en kondwit ki fer onte,

En pese ki merit ganny pini par bann ziz.

12 Sa ti pou parey en dife ki brile e detri

Menm rasin* tou sa ki dan mon plantasyon.

13 Si mon’n anpes mon serviter oubyen mon servant ganny lazistis

Ler zot ti annan en konplent* kont mwan,

14 Ki mon pou fer ler Bondye i ziz mwan?*

16 Si mon’n refize pour donn bann pov sa ki zot anvi

Oubyen mon’n fer en vev plere,*

17 Si mon’n manz mon manze mon tousel

San partaz avek bann orfelen,

18 (Parski depi mon zenes, bann orfelen in grandi avek mwan konmsi mon ti zot papa

E depi mon lanfans,* mon’n gid bann vev.)

19 Si mon ti vwar en dimoun pe mor dan lafreser akoz i napa lenz

Oubyen en dimoun pov ki napa nanryen pour kouver li,

20 Si i pa ti beni mwan

Ler i ti pe sofe avek lalenn mon bann mouton,

21 Si mon ti montre koudpwen en orfelen

Ler i ti bezwen mon led kot baro lavil,*

22 Alor ki mon lebra i dekloke avek mon zepol

E ki mon lebra i kase kot mon koud.

23 Parski mon ti per pour pas dan en maler sorti kot Bondye

E mon pa ti pou kapab tenir devan son laglwar.

24 Si mon ti met mon konfyans dan lor

Oubyen si mon ti’n dir avek lor pir, ‘Ou menm mon garanti!’

25 Si mon ti dan lazwa akoz mon gran larises

Oubyen sa kantite byen ki mon’n anmase,

26 Si mon ti vwar soley* pe briye

Oubyen sa zoli lalin pe bouze dan lesyel

27 E an sekre, mon leker ti’n ganny anbete

E mon labous ti anbras mon lanmen pour ador zot,

28 Alor sa ti pou en pese ki merit ganny pini par bann ziz

Akoz mon ti pou’n rezet sa vre Bondye ki dan lesyel.

29 Eski mon’n kontan akoz mon lennmi in ganny detrir

Oubyen eski mon’n selebre akoz maler in tap li?

30 Mon pa’n zanmen les mon labous fer pese

Par fer serman ki mon lennmi i mor.

31 Pa bann zonm ki dan mon latant in dir,

‘Eski i annan en dimoun ki pa’n deza manz vant plen kot li?’*

32 Napa en etranze ki ti bezwen pas lannwit deor,

Mon ti ouver mon laport avek bann vwayazer.

33 Eski mon’n deza esey kasyet mon fot parey lezot,

Par kasyet mon fot dan pos mon lenz?

34 Eski mon’n deza per lafason ki en lafoul i reazir

Oubyen eski mon’n deza per pangar lezot fanmir i mepriz mwan

Ki zot fer mwan reste trankil e per pour al deor?

36 Mon ti pou anmenn sa dokiman lo mon zepol

E mon ti pou anmar li lo mon latet parey en kouronn.

37 Mon ti pou rann kont avek Bondye pour sak lepa ki mon’n fer,

Mon ti pou vin devan li avek konfyans, parey en prens.

38 Si mon plantasyon ti pe kriye akoz mwan

E tou bann transe dan plantasyon ti plere akoz mwan,

39 Si mon’n manz fri dan plantasyon san peye

Oubyen si dimoun i plennyen akoz mon’n pran zot later

40 Alor ki pikan i pouse dan plas dible,

E ki bann zerb pi i pouse dan plas lorz.”

“Mon zenn*

E zot, zot aze.

Sanmenm mon’n espere avan mon koze

E mon pa’n oze dir sa ki mon konnen.

 7 Mon’n dir dan mwan menm, ‘Les dimoun aze koz premye*

E bann ki’n viv bokou lannen koz avek lasazes.’

 8 Me i lespri sen ki Bondye i donn bann imen,

Souf sa Enn Tou Pwisan ki donn lentelizans.

 9 Pa zis laz* ki fer en dimoun vin saz

E pa zis bann dimoun aze ki konpran sa ki byen.

10 Alor mon dir zot, ‘Ekout mwan

E mwan osi mon pou dir zot sa ki mon konnen.’

Mon’n kontinyen ekout zot bann rezonnman

Anmezir zot ti pe rode ki zot pou dir.

12 Mon’n byen ekout zot

Me ni enn ant zot pa’n kapab montre Zob ki i annan tor*

Oubyen ki ti kapab reponn li.

14 I pa ti pe koz an mal lo mwan,

Alor mon pa pou reponn li parey zot.

17 Alor mwan osi mon pou reponn,

Mwan osi mon pou dir sa ki mon konnen.

18 Akoz mon annan en kantite pour dir,

Lespri sen i pous mwan pour koze.

21 Mon pa pou fer lapreferans pour personn

E mon pa pou flat* personn,

22 Akoz mon pa konnen ki mannyer pour flat dimoun,

Si mon ti fer li, sa Enn ki’n fer mwan ti pou detri mwan deswit.

 2 Silvouple ekout mwan! Mon bezwen ouver mon labous,

Mon* bezwen koze.

 3 Mon parol i montre ki mon leker i drwat

E mon dir sa ki mon konnen avek senserite.

 4 Lespri sen Bondye ki’n fer mwan

E souf sa Enn Tou Pwisan ki’n donn mwan lavi.

 7 Alor pa bezwen per mwan

Akoz mon pa pou met presyon lo ou.

 8 Me ou’n dir devan mwan

Wi, mon’n tann ou pe kontinyelman dir,

 9 ‘Mon pir, mon pa’n fer okenn pese.

14 Parski Bondye i koz en premye fwa e en dezyenm fwa,

Me personn pa ekoute.

15 I fer sa dan en rev, dan en vizyon pandan lannwit,

Ler dimoun i tonm dan en profon sonmey,

Ler zot pe dormi lo lili.

16 Alor i ouver zot zorey

E i donn* zot son lansennyman,

17 Pour ki en dimoun i aret fer sa ki mal

E anpes li vin orgeye.

18 Bondye i sov li dan lanmor,*

Pour ki i pa mor avek lepe.*

19 En dimoun i osi ganny korize par son douler lo lili

E ler son lezo i toultan fermal.

20 Alor sa i fer li* degout son dipen

E pa anvi manz menm bann bon manze.

21 I’n vin sitan meg

Ki dimoun i kapab vwar son lezo.

22 I pros pour al dan trou*

E son lavi i dan lanmen bann ki anmenn lanmor

23 Me si en mesaze* i vin kot li,

En mesaze dan mil i vin defann li

E montre li sa ki byen,

24 Alor Bondye pou demontre konpasyon pour li e dir,

‘Anpes li desann dan trou!*

26 I pou sipliy Bondye e Bondye pou beni li,

I pou kriye avek lazwa ler i pou vwar figir Bondye

E Bondye pou konsider li konman en bon dimoun ankor.

27 Sa dimoun pou dir* lezot,

‘Mon’n fer pese e mon’n fer sa ki drwat vin tord,

Me mon pa’n ganny sa ki mon merite.*

28 I’n delivre mwan pour ki mon pa desann dan trou*

E mon pou kontinyen vwar* lalimyer.’

29 Vreman, Bondye i fer tou sa bann keksoz,

I fer sa de fwa, menm trwa fwa pour en dimoun

30 Pour fer li retournen sorti dan trou,*

Koumsa lalimyer lavi pou kler li.

33 Si ou napa nanryen pour dir, ou devret ekout mwan

Reste trankil e mon pou ansenny ou lasazes.”

 3 Parski zorey i teste bann parol

Parey lalang* i gout manze.

 5 Parski Zob in dir, ‘Mon annan rezon,

Me Bondye pa’n ziz mwan dan en fason zis.

 7 Lekel ki parey Zob,

Ki ekout bann moker parey i bwar delo?

 8 I avek bann ki fer sa ki mal

E i frekant bann move dimoun.

 9 Parski i’n dir, ‘Napa okenn byenfe

Pour en dimoun ki esey fer plezir Bondye.’

I enposib pour sa vre Bondye fer sa ki mal

E pour sa Enn Tou Pwisan fer sa ki move!

11 Parski i pou rekonpans en dimoun dapre sa ki i fer

E i pou fer li peye pour son aksyon.

13 Lekel ki’n met li ansarz later

E lekel ki’n apwent li pour diriz lemonn antye?*

14 Si i port latansyon lo zot,

E pran zot lavi* ek zot souf,

15 Tou bann imen pou mor ansanm

E zot pou retourn dan lapousyer.

16 Alor si ou annan lentelizans, pran sa aker

E ekout byen sa ki mon annan pour dir.

17 Eski en dimoun ki ay lazistis ki pou dirize

Oubyen eski ou pou kondann en dimoun pwisan ki drwat?

18 Eski ou pou dir en lerwa, ‘Ou en bon nanryen’

Oubyen avek bann dimoun enportan, ‘Zot bann move dimoun’?

19 Bondye pa fer lapreferans avek bann prens

E i pa tret bann ris pli byen ki bann pov,*

Akoz li ki’n fer zot tou.

21 Parski Bondye i vwar tou sa ki en dimoun i fer

E partou kot i ale.

22 Napa fernwanr oubyen okenn lonbraz

Kot bann move dimoun i kapab kasyet.

23 Parski Bondye pa’n fikse en letan pour ki en dimoun

I vin devan li pour ganny zize.

24 I detri bann dimoun pwisan san ki i bezwen fer lanket

E i met lezot dimoun dan zot plas.

26 Parski zot fer sa ki mal, I frap zot

Devan tou dimoun,

27 Akoz zot in aret swiv li

E zot napa respe pour sa ki i fer.

28 Zot fer bann dimoun pov demann led Bondye

E i tande ler bann malere i kriy osekour.

Ki swa i kasyet son figir avek en nasyon oubyen en dimoun, rezilta i parey,

30 Parski Bondye pa pou les en dimoun ki napa respe pour li* dirize

Oubyen met en pyez pour lepep.

31 Eski en dimoun i kapab dir Bondye,

‘Mon’n ganny pini, menm si mon pa’n fer nanryen mal?

32 Ansenny mwan sa ki mon pa konnen,

Koumsa si mon’n fer en keksoz mal, mon pa pou fer li ankor.’

34 Bann ki entelizan pou dir mwan,

Nenport dimoun saz ki tann mwan pou dir,

35 ‘Zob pa konnen ki i pe dir

E son parol i montre ki i napa bon zizman.’

36 Ki Zob i ganny teste* konpletman

Akoz i reponn parey bann move dimoun!

I bat lanmen pour monk nou

E i’n dir en kantite keksoz kont sa vre Bondye!”

 2 “Eski ou sitan konvenki ki ou annan rezon, ki ou dir,

‘Mon pli drwat ki Bondye’?

 4 Mon pou reponn ou

Ek ou bann zanmi ki la avek ou.

 5 Lev latet e get dan lesyel,

Get bann nyaz ki par lao ou latet.

 8 Ler ou fer sa ki mal, sa i zis afekte en imen parey ou menm

E ler ou fer sa ki byen, sa i zis benefisye bann imen.

11 I ansenny nou plis keksoz ki bann zannimo lo later

E i fer nou vin pli saz ki bann zwazo dan lesyel.

12 Dimoun i kriy osekour, me i pa reponn

Akoz bann move dimoun i orgeye.

13 Sirman Bondye pa ekout bann mansonz*

E sa Enn Tou Pwisan pa pou port latansyon lo la.

15 Parski i pa’n pran lakoler e demann ou pour rann kont

E i pa’n pran kont ou larogans.

 2 “Annan ankor en pe pasyans pandan ki mon pe eksplike,

Akoz mon ankor annan keksoz pour dir pour Bondye.

 3 Mon pou koz lo tou sa ki mon konnen

E mon pou fer konnen ki sa Enn ki’n fer mwan i drwat.

 6 I pa pou protez lavi bann move dimoun

Me i demontre lazistis anver bann ki pe soufer.

 8 Me si bann dimoun drwat i ganny anmare avek lasenn

E zot ganny atrape avek lakord soufrans,

 9 Bondye i fer zot konn sa ki zot in fer mal

E fot ki zot in fer akoz zot lorgey.

10 I ouver zot zorey pour ki zot aksepte koreksyon

E i demann zot pour rezet sa ki mal.

11 Si zot obei e servi li,

Zot pou prospere tou dilon zot lavi

E zot lavi pou gou.

12 Me si zot pa obei, zot pou ganny touye avek lepe*

E zot pou mor san ki zot in ganny lasazes.

14 Zot viv* zot lavi avek bann zonm ki fer prostitisyon dan tanp

E zot mor ler zot ankor zenn.

16 I tir ou dan maler

E anmenn ou dan en landrwa an sekirite kot napa nanryen ki fer ou soufer,

Kot i annan bann bon manze pour konsol ou.

17 Alor ou pou kontan ler bann move dimoun i ganny zize,

Ler zizman i ganny fer e lazistis i ganny respekte.

18 Me veye ki ou gran lakoler pa fer ou fer ditor lezot

E pa les ou ganny antrennen pour fer sa ki mal akoz gous.

19 Lefet ki ou kriy osekour oubyen ou fer en kantite zefor,

Eski sa pou anpes ou tonm dan maler?

20 Pa swete ki lannwit i vini

Ler dimoun i mor en sel kou.

21 Veye ki ou pa konmans fer sa ki mal,

Swazir pour andir soufrans olye fer sa ki mal.

23 Lekel ki kapab dir* li ki pour fer

Oubyen dir li, ‘Sa ki ou’n fer i mal’?

24 Pa bliye pour glorifye sa ki Bondye in fer,

Sa ki dimoun in sant lo la.

25 Tou dimoun in vwar sa ki i’n fer

Bann imen i get sa dan lwen.

27 I fer bann gout delo mont dan lesyel,

Nyaz i formen e ranpli avek delo

28 Apre bann nyaz i fer lapli tonbe

E zot aroz limanite.

29 Lekel ki kapab konpran ki mannyer bann nyaz i formen

E ki mannyer loraz i sorti dan son latant?*

30 Gete ki mannyer i anvoy son zekler* lo nyaz

E ki mannyer i kouver fon* lanmer avek delo.

32 Avek son lanmen, i kouver zekler

E i anvoy li kot i oule.

33 Loraz i fer konnen ki i pe vini

Menm troupo i fer konnen ki* i pe vini.

37 “Akoz sa, mon leker i bate,

Konmsi i anvi sorti dan son plas.

 2 Ekout byen lavwa Bondye ki pwisan

E loraz ki sorti dan son labous.

 3 I fer loraz ganny tande partou dan lesyel

E i anvoy son zekler partou lo later.

 4 Apre sa, i annan en gro tapaz,

Lavwa Bondye ki pwisan i parey loraz

E ler i koze, i pa anpes zekler tape.

 6 Parski i dir avek lanez, ‘Tonm lo later,’

E avek gro lapli, ‘Tonm for lo later.’

 7 Alor Bondye i fer bann imen aret tou zot travay*

Pour ki tou dimoun i konn sa ki Bondye in fer.

 8 Bann zannimo sovaz i al dan zot trou

E zot reste ladan.

 9 Tanpet divan i soufle sorti dan son lasanm

E vandnor i anmenn lafreser.

10 Souf Bondye i fer delo vin ays

E i fer bann gran sirfas delo kaye.

11 Wi, i fer nyaz vin lour avek bann gout delo

E i anvoy zekler dan nyaz.

12 Zot vir vire kot i anvoy zot

E zot fer tou sa ki i demann zot pour fer lo later.*

13 I fer sa arive pour anmenn pinisyon* oubyen pour aroz later

Oubyen pour montre son lanmour fidel.

14 Zob, ekout sa,

Aret en kou e reflesi byen lo bann keksoz merveye ki Bondye in fer.

15 Eski ou konnen ki mannyer Bondye i kontrol* bann nyaz

E ki mannyer i fer zekler sorti dan nyaz?

17 Akoz ou lenz i vin so

Ler later i kalm akoz vandsid?

18 Eski ou kapab ed Bondye pour tal* lesyel

E fer li vin solid parey en laglas metal?

21 Bann imen pa ni kapab vwar lalimyer*

Menm si i pe klere dan lesyel

Ziska ki divan i soufle e pous bann nyaz.

Son lafors i sitan gran

E i pa zanmen azir dan en fason enzis e i toultan fer sa ki drwat.

 5 Si ou konnen, dir mwan lekel ki ti deside ki groser later pou ete

Oubyen lekel ki ti tir laliny pour mezir li?

 6 Dan kwa son pilye ti ganny anfonse

E lekel ki ti met ros kwen son fondasyon,

 7 Ler bann zetwal bomaten ti kriy ansanm dan lazwa

E ler tou bann garson Bondye* ti konmans kriye dan lazwa?

 8 Lekel ki ti barikad lanmer avek bann laport

Ler i ti sorti en sel kou dan vant son manman

 9 Ler mon ti abiy lanmer avek nyaz

E anvlop li dan fernwanr?

10 Lekel ki ti met en limit pour li

E met son bann bar ek laport

11 Ler mon ti dir, ‘Ou kapab vin ziska la me pa pli lwen ki sa,

Lanmenm la kot ou bann gro laroul* pou arete’?

12 Eski ou’n deza donn lord pour ki lizour i fer

Oubyen dir kote granmaten pou fer,

13 Pour tyonbo sa kat kwen later

E sekwe bann move dimoun?

14 Later i ganny transformen parey larzil i ganny grave avek en sele

E son bann detay i aparet parey bann ki lo en lenz.*

15 Me bann move dimoun pa ganny lalimyer

E zot lebra ki ti’n lev anler in ganny kase.

16 Eski ou’n deza desann kot bann sours delo dan lanmer

Oubyen eski ou’n deza al get dan fon lanmer?

17 Eski en dimoun in deza montre ou bann baro lanmor

Oubyen eski ou’n deza vwar bann baro fernwanr?*

19 Kote lalimyer i reste

E kote fernwanr i reste

20 Pour ki ou anmenn li dan son teritwar?

21 Eski ou konn sa akoz ou ti deza egziste

E ou’n viv en kantite letan?*

22 Eski ou’n deza antre dan bann stor lanez

Oubyen eski ou’n deza vwar bann stor lagrel

23 Ki mon’n anmase pour letan ladetres

Pour zour batay ek lager?

24 Kote lalimyer* i sorti pour li klere

E kote divan les i sorti pour li soufle lo later?

25 Lekel ki’n fouy rigol pour ki gro lapli i tonbe

E fer semen pour tanpet avek son nyaz ek loraz,

26 Pour fer lapli tonbe kot personn pa reste

Dan dezer kot napa dimoun,

27 Pour aroz later dan bann landrwa dezerte

Pour fer zerb pouse?

28 Eski lapli i annan en papa

Oubyen lekel papa laroze?

30 Lekel ki fer sirfas delo vin dir parey ros

E sirfas delo profon vin ays?

31 Eski ou kapab anmar lakord group zetwal Kima*

Oubyen delarg lakord group zetwal Kesil?*

32 Eski ou kapab fer aparet en group zetwal* dan son letan apropriye

Oubyen gid bann zetwal As* avek son bann garson?

33 Eski ou konn bann lalwa ki diriz lesyel

Oubyen eski ou kapab enpoz sa* bann lalwa lo later?

34 Eski ou kapab donn lord nyaz

Pour ki gro lapli i tonbe ziska ki i kouver ou?

36 Lekel ki’n donn bann nyaz* lasazes

Oubyen lekel ki’n donn bann fenomenn dan lesyel lentelizans?*

37 Lekel ki ase saz pour kont bann nyaz

Oubyen lekel ki kapab devid bann resipyan delo ki dan lesyel?

38 Lekel ki fer lapousyer vin en kantite labou

E later kol ansanm?

39 Eski ou kapab al lasas dan plas en lyon

Oubyen satisfer lapeti bann zenn lyon

40 Ler zot pe kasyet

Oubyen tranpe dan zot trou?

41 Lekel ki prepar manze pour korbo

Ler son piti i kriy Bondye osekour

E ler zot pe ale vini akoz napa nanryen pour manze?

 3 Zot bese ler zot ganny zot piti

E zot nepli dan douler.

 5 Lekel ki’n fer bourik maron* lib

E lekel ki’n delarg lakord bourik maron?

 6 Mon’n fer li reste dan dezer

E bann laplenn sale in vin son landrwa reste.

 8 I al partou lo montanny pour rod zerb,

I rod nenport plant ver pour li manze.

10 Eski ou pou kapab anmar en toro maron pour li fouy en transe

Oubyen eski i pou swiv ou pour labour* later dan vale?

11 Vi ki i vreman for, eski ou pou kapab fye li

E les li fer bann travay dir pour ou?

12 Eski i pou ed ou pour fer rekolt*

E anmenn dible kot i ganny bate?

13 Lezel lotris* i bate dan lazwa,

Me eski son lezel ek son plim i parey pour en sigonny?*

14 I kit son dizef ater

E i sof zot dan later.

15 I bliye ki lipye en dimoun i kapab kraz son dizef

Oubyen ki en zannimo sovaz i kapab kraz zot.

17 Parski Bondye pa’n fer li ganny* lasazes

E i pa’n donn li lentelizans.

18 Me ler i leve e bat son lezel,

I riy seval ek son kavalye.

23 Fles dan fouro i sonnen o bor li

E bann lans i klate.

24 I tranble avek leksitasyon e i lanse,*

I pa kapab reste trankil* ler i tann tapaz tronpet.*

I santi loder lager depi dan lwen

E i tann bann komandan kriye e tapaz lager.

26 Eski i gras a ou lentelizans ki katiti* i anvole

E ouver son lezel pour al dan direksyon sid?

27 Eski ou ki donn lord leg pour anvole

E pour li fer son nik anler lo oter,

28 Pour li pas lannwit anler lo en ranpar

E reste dan son landrwa an sekirite lo en kap ros?

29 Depi laba anler, son lizye i get byen lwen

Pour rod son manze.

30 Son bann piti i sis disan

E la kot i annan en kadav, i pou la.”

10 Silvouple, met laglwar ek loner lo ou

E abiy ou avek labote ek dinyite.

12 Get tou bann ki arogan e imilye zot

E kraz bann move dimoun la kot zot ete.

Anmar zot* dan en landrwa kasyet,

14 Alor mwan osi mon pou aksepte*

Ki ou lanmen drwat i kapab sov ou.

16 Get lafors dan son leren*

E bann misk son vant i vreman for!

20 Parski manze i pouse dan bann montanny pour li

Kot tou bann zannimo sovaz i zwe.

21 I alonze anba pye pikan,*

Dan lonbraz bann zon* lanmar.

22 Bann pye pikan* i donn li lonbraz

E bann pye dibwa* ki pous dan vale* i antour li.

24 Eski dimoun i kapab tyonbo li ler i lo son gard

Oubyen pers son nennen avek en krose?*

41 “Eski ou kapab atrap Levyatan* avek en lanmson

Oubyen eski ou kapab anmar son lalang avek en lakord?

 2 Eski ou kapab pas en lakord* dan son nennen

Oubyen pers son lanmaswar avek en krose?*

 3 Eski i pou kontinyen sipliy ou

Oubyen koz avek ou dan en fason zantiy?

 4 Eski i pou fer en lalyans avek ou

Pour li vin ou lesklav pour lavi?

 5 Eski ou pou zwe avek li parey avek en zwazo

Oubyen anmar li avek en lakord pour ou bann pti fiy?

 7 Eski ou pou pers son lapo avek en larpon

Oubyen son latet avek en lans?

 8 Esey tyonbo li,

Ou pa pou oubliy sa lager e ou pa pou zanmen fer li ankor!

12 Mon pa pou aret koze konsernan son lapat,

Son lafors ek son lekor ki’n ganny fer dan en fason merveye.

15 I annan bann ranze lekay lo son ledo*

Ki byen kole avek kanmarad.

16 Sa bann lekay i sitan koste avek kanmarad

Ki menm divan pa kapab pase.

17 Zot kol ansanm,

Zot atase avek kanmarad e nanryen pa kapab separ zot.

18 Ler i eternen, lalimyer i sorti dan son nennen

E son lizye i parey bann reyon lalimyer dan granmaten.

20 Lafimen i sorti dan son nennen,

Parey dan en four ki pe bril zerb.

21 Son souf i alim labrez

E dife i sorti dan son lagel.

22 I annan en gran lafors dan son likou

E bann ki zwenn li i per li.

23 Bann pli lo son lapo i koste avek kanmarad,

Bann pli lo son lapo i ferm, parey en plak feray ki pa kapab ganny tire.

24 Son leker i dir parey ros,

Wi, i dir parey en ros moulen.*

26 Menm en koud lepe pa pou touy li,

Ni menm en lans, dart oubyen fles.

27 Pour li, feray i parey lapay

E kwiv i parey dibwa pouri.

29 Pour li, en mayos i parey lapay

E i riye ler i tann tapaz en lans.

33 Napa nanryen ki parey li lo later,

Bondye in fer li pour ki i pa per nanryen.

Alor mon’n koze me san konpran

Bann keksoz ki tro merveye pour mwan, bann keksoz ki mon pa konnen.

 5 Mon’n tann koz lo ou,

Me la mon vwar ou avek mon prop lizye.

 6 Sanmenm mon regrete sa ki mon’n dir*

E mon repantir dan lapousyer ek lasann.”