PSONM*

1 Ere sa dimoun ki pa ekout* konsey bann move dimoun

Ki pa debout dan semen bann dimoun ki annan en move lavi

E ki pa asiz avek* bann ki boufonn lezot.

 2 Me i pran plezir dan lalwa Zeova

E i lir Son lalwa avwabas* lizour konman aswar.

 3 I pou parey en pye dibwa ki’n ganny plante o bor bann pti larivyer

Ki raport fri dan son sezon

E son fey pa fletri.

 4 Bann move dimoun pa koumsa,

Zot parey lapay dible ki anvole dan divan.

 5 I pour sa rezon ki bann move dimoun pa pou reste debout zour zizman

E bann ki annan en move lavi pa pou reste debout parmi bann ki fer sa ki byen.*

 6 Parski Zeova i konn semen bann ki fer sa ki byen,

Me semen bann move dimoun pou disparet.

2 Akoz bann nasyon i ankoler

E bann pep pe mantoun* lo en keksoz ki pa fer sans?

 2 Bann lerwa lo later i pare pour lager

E bann o zofisye i rasanble ansanm*

Kont Zeova e kont sa enn ki i’n swazir.*

 3 Zot dir: “Annou kas zot lasenn

E tir sa bann lakord ki zot in anmar nou avek!”

 4 Sa Enn ki lo tronn dan lesyel pou riye.

Zeova pou monk zot.

 5 Sa letan, i pou koz avek zot avek lakoler

E dan son gran lakoler, i pou fer zot vreman per.

 6 I pou dir: “Mwan mon’n etabli mon lerwa

Lo Siyon, mon montanny sen.”

 7 Mon pou anons sa ki Zeova in deside.

I ti dir mwan: “Ou mon garson

E ozordi mon’n vin ou papa.

 8 Demann mwan e mon pou donn ou bann nasyon konman ou leritaz

E later antye konman ou propriyete.

 9 Ou pou kas zot avek en baton feray lerwa,

Ou pou kraz zot an morso parey en resipyan anter.”

10 Aprezan, zot bann lerwa, demontre bon zizman

E zot bann ziz lo later, les zot ganny korize.*

11 Servi Zeova avek en gran respe*

E tranble avek lazwa.

12 Onor* son garson pour ki Bondye* pa ankoler

E ki zot pa ganny detrir.*

Parski i fasilman ankoler.

 3 Me ou, O Zeova, ou en boukliye ki protez mwan,*

Ou mon laglwar e sa Enn ki donn mwan konfyans.*

 4 Mon pou kriy Zeova byen for

E i pou reponn mwan lo son montanny sen. (Sela)

 5 Mon pou alonze e dormi

E mon pou leve an sekirite,

Parski Zeova i kontinyen soutenir mwan.

 6 Mon pa per sa plizyer dizenn milye dimoun

Ki’n ralye kont mwan partou kote.

Parski ou pou tap mon bann lennmi lo zot lanmaswar.

Ou pou kas ledan bann move dimoun.

 3 Mazinen ki Zeova pou tret son serviter ki fidel dan en fason spesyal.*

Zeova pou ekoute ler mon kriy li.

 5 Ofer bann sakrifis ladrwatir

E annan konfyans dan Zeova.

 7 Ou’n ranpli mon leker avek plis lazwa

Ki bann ki’n fer en bon rekolt dible ek nouvo diven.

 8 Mon pou alonze e dormi anpe,

Parski zis ou tousel, O Zeova, ki fer mwan viv an sekirite.

5 Ekout mon parol, O Zeova,

Ekout mwan ler mon pe plennyen.

 2 Ekoute ler mon kriy osekour,

O mon Lerwa e mon Bondye, parski avek ou ki mon priye.

 3 O Zeova, dan bomaten ou pou tann mon lavwa.

Dan bomaten mon pou koz avek ou lo mon problenm e esper ou avek enpasyans.

 4 Parski ou pa en Bondye ki pran plezir dan sa ki mal.

Okenn move dimoun pa kapab reste avek ou.

Ou ay tou dimoun ki fer sa ki mal.

 6 Ou pou detri bann ki koz manti.

 7 Me mwan, mon pou vin dan ou lakaz akoz ou gran lanmour fidel.

Mon pou tonm azenou dan direksyon ou tanp sen* akoz mon annan en gran respe pour ou.

 8 O Zeova, gid mwan lo ou semen ladrwatir akoz mon bann lennmi.

Fer ou semen pli kler pour mwan.

 9 Parski mon pa kapab annan konfyans dan tou sa ki zot dir.

Zot lespri i ranpli avek sa ki mal.

Zot lagorz i parey en latonm ouver,

Zot flat lezot avek zot labous.

10 Me Bondye pou kondann zot.

Zot pou tonm dan zot prop pyez.

Zot pou ganny pouse akoz zot kantite pese

E akoz zot in rebel kont ou.

11 Me tou bann ki rod ou proteksyon pou dan lazwa.

Zot pou toultan kriye avek lazwa.

Ou pou anpes bann move dimoun vin kot zot

E tou bann ki kontan ou non pou dan lazwa akoz ou.

12 Parski ou, O Zeova, ou pou beni tou bann ki drwat.

Parey en gran boukliye, ou pou protez* zot avek ou laprouvasyon.

6 O Zeova, pa disiplin mwan dan ou lakoler

E pa koriz mwan dan ou gran lakoler.

 3 Wi, mon vreman enkyet

Dir mwan, O Zeova, ziska kan ou pou espere?

 4 O Zeova, retournen e delivre mwan,

Sov mwan akoz ou lanmour fidel.

 5 Parski bann ki’n mor pa kapab koz* lo ou.

Lekel ki pou loue ou dan Latonm?*

 6 Mon’n fatige plennyen.

Mon lili i mouye avek mon larm lannwit antye.

Mon sofa i tou tranpe akoz mon zis plere.

 7 Mon lizye i fatige akoz mon sagrinasyon.

Mon lizye in vin sonm* akoz tou sa bann ki pe opoz mwan.

 8 Sorti la devan mwan, zot tou ki fer sa ki mal

Parski Zeova pou tande ler mon pe plere.

 9 Zeova pou ekout mon siplikasyon.

Zeova pou reponn mon lapriyer.

10 Tou mon bann lennmi pou onte e etonnen

E en sel kou, zot pou rekile akoz laont.

 2 Si non, zot pou desir mwan an morso parey en lyon.

Zot pou anmenn mwan e personn pa pou kapab delivre mwan.

 3 O Zeova, mon Bondye, si sa i mon lafot,

Si mon’n azir dan en fason enzis,

 4 Si mon’n fer ditor sa enn ki’n fer mwan dibyen

Oubyen si mon’n depouy mon lennmi san okenn rezon,*

 5 Alor, ki mon lennmi i tay deryer mwan e atrap mwan

Ki i zet mwan ater e pil lo mwan*

E ki mon laglwar i fini dan lapousyer. (Sela)

 6 O Zeova, silvouple leve akoz ou lakoler

Opoz mon bann lennmi ki ankoler avek mwan.

Silvouple ed mwan e donn lord pour ki lazistis i ganny fer.

 7 Ki bann nasyon i antour ou

E ki ou pran aksyon kont zot depi dan lesyel.

O Zeova, ziz mwan dapre mon ladrwatir

Ek mon fidelite.

Me protez bann ki fer sa ki byen,

Parski ou en Bondye ki drwat ki egzamin leker ek bann santiman pli profon.*

11 Bondye i en Ziz ki zis

E sak zour, Bondye i anons son bann zizman.*

12 Si en dimoun pa oule repantir, I fit son lepe,

I redi son lark e met li pare pour tir fles.

13 I prepar son bann zarm ki anmenn lanmor.

I met dife lo son bann fles.

14 Get sa enn ki fer konplo pour fer sa ki mal.*

I pe plàn pour fer problenm* e i koz manti.*

15 I fouy en trou ki byen fon,

Me li menm i tonm dan sa trou ki i’n fer.

16 Bann move keksoz ki i’n fer pou refoul lo li.

Son vyolans pou tonm lo son latet.

17 Mon pou loue Zeova pour son lazistis.

Mon pou sant bann kantik* pour loue non Zeova sa Enn Tre O.

8 O Zeova nou Senyer, ou non i vreman merveye partou lo later.

Ou’n fer ou laglwar vin pli o ki lesyel!*

 2 Ou’n servi parol bann zanfan ek pti baba

Pour montre ou lafors devan bann ki opoz ou

E fer ou lennmi ek sa enn ki revanze reste trankil.

 3 Ler mon vwar ou lesyel, sa ki ou’n fer*

Lalin ek zetwal ki ou’n met an plas,

 4 Ki imen* i ete pour ki ou mazin li?

Ki garson zonm i ete pour ki ou pran swen avek li?

 5 Ou’n met li dan en pozisyon en pti pe pli ba ki bann lanz*

E ou’n kouronn li avek laglwar ek loner.

 6 Ou’n donn li pouvwar lo tou sa ki ou’n fer.

Ou’n met tou keksoz anba son lotorite:*

 7 Tou bann mouton, kabri ek bef

E osi bann zannimo sovaz,*

 8 Bann zwazo dan lesyel e bann pwason dan lanmer

E tou sa ki naze dan lanmer.

9 O Zeova, mon pou loue ou avek tou mon leker.

Mon pou koz lo tou bann keksoz merveye ki ou’n fer.

 2 Mon pou dan lazwa e selebre akoz ou.

O Bondye Tre O, mon pou sant bann kantik* pour loue ou non.

 3 Ler mon bann lennmi i sove devan mwan,

Zot pou tonbe e mor devan ou.

 4 Parski ou defann mwan pour ki mon ganny lazistis,

Ou asiz lo ou tronn e ziz avek ladrwatir.

 5 Ou’n koriz bann nasyon e detri bann move dimoun,

Ou’n efas zot non pour touzour e touzour.

 6 Ou lennmi in ganny detrir pour touzour,

Ou’n derasin son bann lavil

E ou lennmi pou ganny oubliye.

 7 Me Zeova pou reste lo son tronn pour touzour.

I’n etabli solidman son tronn kot i ziz avek lazistis.

 8 I pou ziz later antye* avek ladrwatir,

I pou ziz bann nasyon dapre sa ki drwat.

 9 Zeova pou protez* bann ki ganny maltrete,

I pou vin en landrwa proteksyon dan letan difisil.

10 Bann dimoun ki konn ou non pou annan konfyans dan ou.

O Zeova, ou pa pou zanmen abandonn bann ki rod ou.

11 Sant kantik pour loue Zeova ki pe reste Siyon,

Fer bann pep konn bann keksoz ki i’n fer.

12 Parski sa Enn ki revanze pou mazin bann ki pe soufer.

I pa pou oubliy zot ler zot kriy osekour.

13 O Zeova, demontre labonte anver mwan, gete ki mannyer bann ki ay mwan i fer mwan soufer,

Ou ki tir mwan devan baro lanmor,

14 Pour ki mon koz lo ou bann aksyon merveye kot baro lavil* Siyon

E ki mon dan lazwa akoz ou’n azir pour sov mwan.

15 Bann nasyon in tonm dan trou ki zot in fouye.

Zot prop lipye in pri dan lasenn ki zot in kasyet.

17 Bann move dimoun pou al dan Latonm,*

Lanmenm la kot bann nasyon ki’n oubliy Bondye pou ale.

18 Me bann pov pa pou toultan ganny oubliye

E bann ki annan limilite pa pou zanmen perdi lespwar.

20 O Zeova, fer zot per,

Fer bann nasyon konnen ki zot bann senp imen.* (Sela)

 2 Avek larogans, sa enn ki move i tay deryer en malere,

Me i pou ganny atrape dan son prop pyez.

 3 Parski sa enn ki move i fer vantar akoz son dezir egois

E i beni sa enn ki voras.*

נ [Nun]

I napa respe pour Zeova.

 4 Akoz son larogans, en move dimoun pa fer okenn resers.

I toultan mazinen: “Napa Bondye.”

 5 I toultan reisi dan sa ki i fer

Me i pa kapab konpran ou bann zizman.

I monk* tou son lennmi.

 6 I dir dan son leker: “Napa nanryen ki pou fer mwan tonbe,*

Parski zenerasyon apre zenerasyon

Mon pa pou zanmen pas dan maler.”

 7 Son labous i ranpli avek malediksyon, mansonz ek menas.

I servi son lalang pour fer problenm e pour fer ditor lezot.

 8 I kasyet o bor bann vilaz.

I sorti kot i pe kasyet pour touy en dimoun inosan.

10 I kraz li e zet li ater.

Sa malere i tonm dan son lanmen.*

Bann malere i vin rod ou led.

Ou menm ki ed bann orfelen.*

15 Kas lebra sa enn ki move e ki fer sa ki mal,

Koumsa, ler ou rode ou pa pou vwar ankor

Bann move keksoz ki i’n fer.

18 Ou pou fer bann orfelen* ek bann ki ganny abize ganny lazistis,

Pour ki dimoun* i nepli fer zot per.

 2 Gete ki mannyer bann move dimoun i ploy zot lark.*

Dan fernwanr, zot met pare pour tir zot fles

Lo bann ki annan en leker senser.

 3 Ler fondasyon lazistis i ganny demolir,

Ki bann bon dimoun* i kapab fer?”

 5 Zeova i egzamin dimoun bon* konman move.

I ay nenport dimoun ki kontan vyolans.

 6 I pou met bann pyez pour* bann move dimoun.

I pou devid dife, souf ek en divan vreman so dan zot lakoup.*

12 O Zeova, sov mwan, parski sa enn fidel in disparet

E i nepli annan dimoun ki diny konfyans parmi bann imen.

 2 Zot koz manti avek kanmarad.

Zot flat dimoun avek zot labous e zot anbet lezot.*

 3 Zeova pou ferm labous bann ki flat dimoun

E koup lalang bann ki fer vantar.

 4 Bann ki dir: “Avek nou lalang, nou pou ranport laviktwar.

Avek nou labous, nou pou dir sa ki nou anvi.

Lekel ki pou vin nou met?”

 5 Zeova i dir: “Mon pou leve e pran aksyon,

Akoz bann ki soufer i ganny maltrete

E bann pov pe plennyen.

 6 Bann parol Zeova i pir,

Zot parey larzan ki’n ganny rafinen dan en four anter* e ki’n ganny pirifye set fwa.

 7 O Zeova, ou pou vey lo zot,

Ou pou protez sakenn parmi zot kont sa zenerasyon pour touzour.

 8 Bann move dimoun i marsaye partou kote

Parski bann imen i promot sa ki mal.

 2 Ziska kan mon pou enkyet

E i annan sagrinasyon dan mon leker tou le zour?

Redonn mwan lafors pour ki mon pa mor,*

 4 Pour ki mon lennmi pa dir: “Mon’n ganny laviktwar lo li!”

 5 Me mwan, mon annan konfyans dan ou lanmour fidel.

Mon leker i kontan akoz ou’n azir pour sov mwan.

Zot fer sa ki mal e zot kondwit i degoutan.

Napa personn ki fer sa ki byen.

 2 Me dan lesyel Zeova i get bann imen

Pour vwar si napa personn ki annan bon zizman e si napa personn ki pe rod Zeova.

 3 Zot tou zot in vir ledo avek sa ki byen

Zot tou zot move.

Personn pa pe fer sa ki byen,

Ni menm enn.

 5 Me en gran lafreyer pou sezi zot

Parski Zeova i avek bann dimoun ki fer sa ki byen.*

 6 Bann move dimoun i esey anpes en malere reisi,

Me Zeova i protez li.

Ki Zakob i dan lazwa, ki Izrael i selebre

Ler Zeova i rasanble son pep ki ti an egzil.

 2 Sa enn ki san defo*

Ki kontinyen fer sa ki byen

E ki dir laverite dan son leker.

 3 I pa servi son lalang pour fer kalonmni.

I pa fer nanryen mal son prosen

E i pa koz an mal lo* son bann zanmi.

 4 I rezet bann move dimoun,*

Me i onor bann ki annan en gran respe pour Zeova.

 5 I pa demann lentere ler i pret larzan

E i pa aksepte gous pour fer ditor en dimoun inosan.

 3 Bann sen ki lo later,

Bann ki merit loner i fer mwan vreman kontan.”

Mon pa pou zanmen ofer disan konman lofrann pour zot,

Ni mansyonn zot non dan mon labous.

Dimoun ki devan ou* i annan bokou lazwa

E sa enn ki dan ou kote drwat i ere pour touzour.

17 O Zeova, ekout mon demann pour mon ganny lazistis,

Ekoute ler mon kriy osekour,

Ekout mon lapriyer ki mon fer avek senserite.

 2 Fer en desizyon ki zis, pour mwan.

Ki ou lizye i vwar sa ki byen.

 3 Ou’n egzamin mon leker, ou’n egzamin mwan dan lannwit.

Ou’n pirifye* mwan.

Ou pou vwar ki mon pa’n plàn okenn keksoz mal

E mon labous pa’n dir nanryen mal.

 4 Mon pa mars lo semen bann voler

Parey bann imen i fer akoz mon ekout ou parol.

 5 Ki mon lipye i reste lo ou bann santye

Pour ki mon pa tonbe.

 7 Montre ou lanmour fidel dan en fason merveye,

Ou ki sov bann ki rod proteksyon kot ou lanmen drwat

Akoz bann ki rebel kont ou.

 8 Protez mwan parey ou kannet lizye,

Kasyet mwan anba ou lezel.*

 9 Protez mwan kont bann move dimoun ki atak mwan,

Kont mon bann lennmi ki antour mwan pour touy mwan.

10 Zot in vin ensansib,*

E zot koz dan en fason arogan.

11 Aprezan zot ser nou dan tou kote,

Zot rod lokazyon pour fer nou tonbe.*

12 Sa lennmi i parey en lyon ki pare pour desir en zannimo an morso,

Parey en zenn lyon ki pe kasyet pare pour atake.

13 O Zeova, silvouple leve, opoz li e zet li ater,

Avek ou lepe, sov mwan kont sa enn ki move.

14 O Zeova, servi ou lanmen for pour sov mwan

Dan lanmen bann dimoun sa lemonn,* ki viv zis pour ozordi,*

Bann ki ou donn en kantite bon keksoz

E ki kit en leritaz pour zot kantite zanfan.

15 Me mwan, mon pou vwar ou figir akoz mon fer sa ki byen,

Mon kontan pour leve akoz mon konnen ki ou avek mwan.*

Mon Bondye i mon ros e mon rod son proteksyon.

I mon boukliye e mon sover pwisan,* mon landrwa kasyet* ki an sekirite.

 3 Mon priy Zeova, sa Enn ki merit ganny loue

E mon pou ganny sove dan lanmen mon bann lennmi.

 4 Bann lakord lanmor ti anserkle mwan.

Bann zonm bon nanryen ti fer mwan vreman per parey linondasyon.

 5 Bann lakord Latonm* ti antour mwan.

Lanmor ti met bann latrap devan mwan.

 6 Dan mon soufrans, mon ti priy Zeova,

Mon ti kontinyen kriy osekour mon Bondye.

Dan son tanp, i ti tann mon lavwa

E son zorey ti tann mwan pe kriy osekour.

 7 Alor later ti konmans tranble e sekwe.

Fondasyon bann montanny ti tranble

E sekwe parski Bondye ti ankoler.

 8 Lafimen ti monte sorti dan son nennen,

En gro dife ti sorti dan son labous

E labrez ti sorti kot li.

 9 Ler i ti desann, i ti fer lesyel bese

E i ti annan en nyaz epe anba son lipye.

11 Alor i ti kouver son lekor avek fernwanr.

Bann nyaz nwanr ranpli avek delo

Ti toultour li parey en latant.

12 Lalimyer ti alimen devan li

E lagrel ek labrez ti tonbe sorti dan nyaz.

13 Apre, Zeova ti konmans fer tapaz parey loraz dan lesyel.

Sa Enn Tre O ti fer tann son lavwa

Avek lagrel ek labrez.

14 I ti tir son fles e fer zot disperse.

I ti anvoy son zekler e fer zot panik.

15 Fon larivyer ti aparet,

Fondasyon later ti aparet akoz ou disiplin, O Zeova

E akoz en gro divan sorti dan ou nennen.

16 Depi anler i ti anvoy son lanmen anba.

I ti tyonbo mwan e tir mwan dan delo profon.

17 I ti sov mwan dan lanmen mon lennmi ki for,

Dan lanmen bann ki ay mwan e ki pli for ki mwan.

18 Zot ti opoz mwan zour mon ti dan maler,

Me Zeova ti soutenir mwan.

19 I ti anmenn mwan dan en landrwa an sekirite.*

I ti sov mwan parski mon ti fer li plezir.

20 Zeova i rekonpans mwan akoz mon fer sa ki byen.

I rekonpans mwan akoz mon inosan.*

21 Parski mon’n toultan obei Zeova

E mon pa’n fer sa ki mal e abandonn mon Bondye.

22 Tou son bann komannman* i devan mwan.

Mon pa pou dezobei son bann lalwa.

23 Mon pou reste san okenn repros devan li

E mon pou evite fer sa ki mal.

24 Ki Zeova i rekonpans mwan akoz mon fer sa ki byen,

Parski mon inosan devan li.

25 Avek dimoun fidel, ou fidel.

Avek dimoun san repros, ou san repros.

26 Avek dimoun pir, ou pir,

Me avek dimoun dezonnet, ou pou pli malen ki zot.

27 Parski ou sov bann senp dimoun,*

Me ou abes bann ki arogan.*

28 Parski ou ki alim mon lalanp, O Zeova.

Mon Bondye i kler mwan dan fernwanr.

29 Mon kapab atak en group bandi avek ou led.

Mon kapab grenp en miray avek lafors Bondye.

30 Semen sa vre Bondye i parfe.

Parol Zeova i pir.*

32 Sa vre Bondye i sa Enn ki donn mwan lafors*

E i pou fer mon semen drwat.

33 I fer mon lipye vin parey pour en serf.

I fer mwan debout lo bann montanny.*

34 I montre mwan ki mannyer pour lager,

Mon kapab ploy en lark* an kwiv.

35 Ou donn mwan ou boukliye pour sov mwan.

Ou lanmen drwat i soutenir mwan

E ou limilite i fer mwan vin enportan.

36 Ou larzi semen kot mon marse.

Mon lipye* pa pou glise.

37 Mon pou tay deryer mon bann lennmi e mon pou atrap zot.

Mon pa pou retournen ziska ki zot konpletman ganny detrir.

38 Mon pou kraz zot pour ki zot pa kapab leve,

Zot pou tonm kot mon lipye.

39 Ou pou donn mwan lafors pour lager.

Ou pou fer mon bann lennmi tonbe devan mwan.

40 Ou pou fer mon bann lennmi sove devan mwan*

E mon pou detri bann ki ay mwan.

41 Zot kriy osekour, me napa personn pour sov zot.

Zot menm kriy Zeova, me i pa reponn zot.

42 Mon pou kraz zot e fer zot vin parey lapousyer dan divan.

Mon pou zet zot parey labou dan lari.

44 Ler zot tann koz lo mwan zot pou obei mwan.

Bann etranze pou imilye zot devan mwan.

45 Bann etranze pou perdi kouraz,*

Zot pou tranble ler zot sorti dan zot landrwa proteksyon.

47 Sa vre Bondye i revanze pour mwan.

I fer bann pep soumet anba mon lotorite.

48 I sov mwan dan lanmen mon bann lennmi ki ankoler.

Ou lev mwan par lao bann ki atak mwan.

Ou sov mwan dan lanmen sa zonm vyolan.

49 O Zeova, sanmenm sa mon pou glorifye ou parmi bann nasyon

E mon pou sant kantik* pour loue ou non.

50 I fer bann gran keksoz pour sov* son lerwa.

I demontre lanmour fidel anver sa enn ki i’n swazir,

Anver David ek son desandans pour touzour.

19 Lesyel pe anons laglwar Bondye.

Bann keksoz ki dan lesyel pe proklanm sa ki Bondye in fer.*

 2 Zour apre zour zot kontinyen koze*

E lannwit apre lannwit zot fer nou konn Bondye.

 3 Zot pa koze e zot pa dir okenn parol,

Zot napa lavwa.

 4 Me zot temwannyaz* in ganny tande partou lo later

E zot mesaz in ariv dan bann landrwa pli lwen lo later.*

Dan lesyel, Bondye in mont en latant pour soley.

 5 Soley i parey en nouvo marye ki sorti dan son lasanm.

I dan lazwa parey en zonm for ki pe taye lo semen.

 6 I sorti lo en kote lesyel

E i fer letour ziska lot kote lesyel.

Napa nanryen ki kapab kasyet son lasaler.

 8 Bann lord Zeova i drwat, zot fer leker kontan.

Bann komannman Zeova i pir, zot fer lizye briye.

10 Zot annan plis valer ki lor,

Ki en kantite bon lor*

E zot pli dou ki dimyel, dimyel ki koule sorti dan gof.

11 Zot in averti ou serviter

E sa enn ki obei zot i ganny en gran rekonpans.

13 Anpes ou serviter azir dan en fason arogan,*

Pa les larogans kontrol mwan.

Koumsa mon pou san defo

E mon pa pou fer bann pese ki sokan.*

14 O Zeova, mon Ros e mon Sover*

Ki parol sorti dan mon labous e meditasyon sorti dan mon leker i fer ou plezir.

 2 Depi son landrwa sen, ki Bondye i ed ou

E depi Siyon, ki i soutenir ou.

 3 Ki i rapel tou ou bann lofrann ki ou’n ofer

E ki i aksepte* e pran plezir dan ou lofrann brile. (Sela)

 4 Ki i donn ou sa ki ou anvi*

E fer tou ou bann plan* reisi.

 5 Nou pou kriy avek lazwa akoz ou’n azir pour sov nou.

Nou pou lev nou bannyer* o non nou Bondye.

Depi son landrwa sen dan lesyel i reponn son lapriyer

E servi son lanmen drwat pour fer bann gran keksoz pour sov li.*

 7 Serten i annan konfyans dan bann saret lager e lezot dan bann seval,

Me nou nou demann led Zeova* nou Bondye.

 8 Zot in tonbe e ganny defet,

Me nou nou’n leve e debout drwat.

21 O Zeova, lerwa i dan lazwa akoz ou lafors.

I vreman kontan akoz ou’n azir pour sov li!

 2 Ou’n donn li sa ki son leker i anvi,

Ou pa’n refiz li sa ki i’n demande.* (Sela)

 3 Parski ou’n vin donn li en kantite benediksyon.

Ou’n met en kouronn lor pir* lo son latet.

 4 I ti demann ou lavi, pour viv lontan

E ou ti donn li lavi, pour touzour e touzour.

 6 Ou’n beni li pour touzour,

Ou’n fer li kontan akoz ou avek li.*

 7 Parski lerwa i annan konfyans dan Zeova.

I pa pou zanmen tonbe* gras a lanmour fidel sa Enn Tre O.

 8 Ou lanmen pou atrap tou ou bann lennmi.

Ou lanmen drwat pou atrap bann ki ay ou.

10 Ou pou fer zot desandans disparet lo later

E zot zanfan parmi bann imen.

11 Parski zot ti anvi fer en move keksoz kont ou.

Zot in fer bann konplo ki pa pou reisi.

12 Parski ou pou fer zot sove

Ler ou viz ou fles* lo zot.*

Akoz ou reste lwen e ou pa vin sov mwan?

Akoz ou reste lwen ler mon pe soufer?

 2 Mon Bondye, mon kontinyen kriy ou pandan lazournen me ou pa reponn.

Pandan lannwit mon pa kapab reste trankil.

 3 Me ou, ou sen,

Pep Izrael antye i loue ou.*

 4 Nou zanset ti annan konfyans dan ou.

Zot ti annan konfyans dan ou e ou ti kontinyen sov zot.

 5 Ver ou, zot ti kriy osekour e zot ti ganny sove.

Zot ti annan konfyans dan ou e zot pa ti dezapwente.*

 6 Me mwan, mon en lever, pa en zonm.

Dimoun i boufonn* e mepriz mwan.

 7 Tou sa ki vwar mwan i monk mwan.

Zot boufonn mwan. Zot sakouy zot latet e riy mwan:

 9 Ou menm ki ti fer mwan sorti dan vant mon manman,

Sa Enn ki ti fer mwan santi an sekirite ler mon ti pe tete.

10 Ou ki’n pran swen avek mwan* depi mon nesans.

Depi dan vant mon manman, ou ki mon Bondye.

11 Pa reste lwen avek mwan, parski maler pros pour tap mwan

E mon napa en lot dimoun pour ed mwan.

12 En kantite zenn toro i antour mwan.

Bann toro pwisan sorti Basann i anserkle mwan.

13 Zot ouver gran zot labous pour fer mwan ditor,

Parey en lyon ki pe kriye pare pour desir en zannimo an morso.

14 Mon parey delo ki’n ganny vide ater.

Tou mon lezo in dekloke.

Mon leker i parey lasir*

Ki pe fonn anndan mwan.

15 Mon nepli annan lafors, mon parey en bout resipyan anter ki’n kase.

Mon lalang i kol lo mon zansiv.

Ou fer mwan desann dan lapousyer lanmor.

16 Bann lisyen i antour mwan.

Parey en group bandi, zot anserkle mwan.

Parey en lyon, zot atak mon lanmen ek lipye.

18 Zot partaz mon lenz antre zot

E zot tir osor pour ganny mon lenz.

20 Sov mwan pour ki mon pa ganny touye par lepe,

Sov mon lavi presye* kont lapat* bann lisyen.

21 Sov mwan dan lagel lyon e kont korn bann toro maron,

Reponn mwan e sov mwan.

22 Mon pou koz lo ou non avek mon bann frer.

Mon pou loue ou dan kongregasyon.

24 Parski i pa’n mepriz, ni inyor soufrans en malere.

I pa’n kasyet son figir avek sa enn ki pe soufer.

25 Mon pou loue ou dan en gran kongregasyon.

Mon pou akonpli mon bann ve devan bann ki annan en gran respe pour li.

26 Bann ki annan limilite pou manze e zot pou rasazye.

Bann ki pe rod Zeova pou loue li.

28 Parski Zeova i lerwa,

I diriz bann nasyon.

29 Tou sa bann ki ris* lo later pou manze e tonm azenou.

Tou bann ki pe desann dan lapousyer pou tonm azenou devan li.

Napa personn ki pou kapab sov son lavi.

30 Zot desandans pou servi li.

Sa zenerasyon ki pou vini pou tann koz lo Zeova.

 2 I fer mwan alonze dan laplenn zerb.

I anmenn mwan kot i annan bokou delo pour repoze.*

 4 Menm si mon mars dan en vale ki fernwanr,

Mon pa per okenn danze

Akoz ou avek mwan.

Ou baget ek baton i fer mwan santi an sekirite.*

Ou’n pas* delwil lo mon latet.

Mon lakoup i byen plen.

 6 Tou dilon mon lavi, ou pou demontre labonte ek lanmour fidel anver mwan

E tou mon lavi, mon pou reste dan lakaz Zeova.

24 Later e tou sa ki lo la i pour Zeova.

Later e tou son zabitan i pour li.

 2 Parski i’n byen etabli li lo lanmer

E lo bann larivyer.

 3 Lekel ki kapab mont lo montanny Zeova

E lekel ki kapab debout dan son landrwa sen?

 4 Sa enn ki inosan* e ki annan en leker pir.

Sa enn ki pa’n fer en fo serman par Mon lavi,*

Ni fer serman pour anbet lezot.

 5 I pou ganny bann benediksyon sorti kot Zeova

E ladrwatir* sorti kot Bondye son sover.

 6 Sa i sa zenerasyon bann ki pe rod li,

Bann ki pe rod ou laprouvasyon, O Bondye Zakob. (Sela)

 7 Tou bann baro, lev zot latet.

Zot bann larantre ki la depi lontan, ouver*

Pour ki sa Lerwa glorye i kapab antre!

Zeova i for e pwisan,

Zeova i pwisan dan lager.

 9 Tou bann baro, lev zot latet,

Zot bann larantre ki la depi lontan, ouver

Pour ki sa Lerwa glorye i kapab antre!

 2 O mon Bondye, mon annan konfyans dan ou.

Pa les lezot fer mwan onte.

 3 Sirman, tou sa ki annan lespwar dan ou pa pou onte,

Me bann ki trai lezot san rezon pou onte.

 4 O Zeova, fer mwan konn sa ki fer ou plezir.*

Montre mwan ki mannyer ou oule mon viv.*

 5 Fer mwan mars dan ou laverite e ansenny mwan

Parski ou mon Bondye ki sov mwan.

 6 O Zeova, pa bliye ki ou en Bondye ki pran pitye e ki demontre lanmour fidel,

Zis parey ou’n toultan fer.*

Mazin mwan akoz ou lanmour fidel,

Parski ou bon O Zeova.

 9 I pou gid bann ki annan limilite pour fer sa ki byen,*

I pou montre bann ki annan limilite sa bon semen.

10 Pour bann ki gard son lalyans ek son bann rapel,

Tou bann santye Zeova i lanmour* ek fidelite.

11 Akoz ou non, O Zeova,

Pardonn mon fot, menm si i grav.

13 I pou eksperyans sa ki bon

E later pou vin pour son desandans.

14 Bann ki annan en gran respe pour Zeova pou vin son bon zanmi

E i fer zot konn son lalyans.

15 Mon toultan depan lo Zeova,*

Parski i pou tir mon lipye dan lasenn.

16 Get mwan e demontre labonte anver mwan

Parski mon tousel e napa personn pour ed mwan.

17 Traka dan mon leker in ogmante.

Ed mwan pour aret enkyet.

18 Get mon soufrans ek mon maler

E pardonn tou mon pese.

19 Gete ki kantite lennmi mon annan,

Zot vreman ay mwan e anvi fer mwan ditor.

21 Ki mon fidelite ek ladrwatir i protez mwan

Parski mon annan lespwar dan ou.

26 Ziz mwan, O Zeova, parski mon’n reste fidel.*

Mon toultan annan konfyans dan Zeova san doute.

 2 O Zeova, egzamin mwan e teste mwan.

Pirifye mon bann panse* ek mon leker.

 3 Parski ou lanmour fidel i toultan devan mwan

E mon mars dapre ou laverite.

 4 Mon pa frekant* bann ki anbet lezot

E mon reste lwen avek bann ki kasyet sa ki zot ete.*

 5 Mon pa kontan mars avek bann ki fer sa ki mal

E mon refize asosye* avek bann move dimoun.

 6 O Zeova, mon pou lav mon lanmen pour montre ki mon inosan

E mon pou mars otour ou lotel,

 7 Pour ki dimoun i tande ler mon remersye ou

E koz lo tou bann keksoz merveye ki ou’n fer.

 8 Zeova, mon kontan sa lakaz kot ou reste,

Sa landrwa kot ou laglwar i ete.

 9 Pa balye mwan avek bann ki fer sa ki mal,

Ni pran mon lavi ansanm avek bann dimoun vyolan,*

10 Bann ki zot lanmen i fer bann keksoz ki fer onte

E ki zot lanmen drwat i kontan aksepte* gous.

12 Mon pe debout lo en landrwa plat.

Mon pou loue Zeova dan en gran kongregasyon.*

 2 Ler bann move dimoun ti atak mwan pour devor mwan,

Mon bann lennmi ki opoz mwan ti drive e tonbe.

 3 Menm si en larme i etabli zot kan pour atak mwan,

Mon* pa pou per.

Menm si zot lager avek mwan,

Mon pou reste konfidan.

 4 I annan en keksoz ki mon’n demann Zeova

E sanmenm sa ki mon pou rode,

Ki mon reste dan lakaz Zeova tou dilon mon lavi,

Pour admir labote Zeova

E pran plezir pour get son tanp.*

 5 Dan letan maler, i pou kasyet mwan kot li.

I pou kasyet mwan dan en landrwa sekre dan son latant.

I pou met mwan anler lo en ros.

 6 Mon latet i par lao mon bann lennmi ki antour mwan.

Mon pou ofer bann sakrifis kot son latant e mon pou kriye avek lazwa.

Mon pou sant bann kantik* pour loue Zeova.

 7 Ekout mwan, O Zeova, ler mon kriy osekour.

Demontre labonte anver mwan e reponn mwan.

Ou ki mon led,

Pa abandonn mwan e pa kit mwan, mon Bondye ki sov mwan.

10 Menm si mon papa ek mon manman i abandonn mwan,

Zeova pou anmas mwan.

11 O Zeova, montre mwan ki mannyer ou oule mon viv,*

Gid mwan lo santye ladrwatir akoz mon bann lennmi.

12 Pa livre mwan dan lanmen mon bann lennmi

Parski bann fo temwen in vir kont mwan

E zot menas mwan avek vyolans.

13 Kot mon ti pou ete si mon ti napa lafwa

Ki mon pou vwar labonte Zeova ler mon ankor vivan?*

14 Annan lespwar dan Zeova.

Pran kouraz e reste for.*

28 O Zeova mon Ros, mon kontinyen demann ou led.

Pa fer konmsi ou pa tann mwan.

Si ou pa reponn mwan,

Mon pou vin parey bann ki pe desann dan trou.*

 2 Ekout mwan ler mon sipliy ou pour ed mwan

Ler mon lev mon lanmen dan direksyon ou landrwa sen.*

 3 Pa bezwen trenn mwan ansanm avek bann move dimoun, avek bann ki fer sa ki mal,

Bann ki koz lo lape avek zot prosen me ki annan move lentansyon dan zot leker.

 4 Fer zot peye pour zot bann aksyon

Dapre bann move keksoz ki zot in fer.

Fer zot peye pour zot aksyon

Dapre sa ki zot in fer.

 5 Parski zot pa fatig zot avek sa ki Zeova in fer,

Ni travay son lanmen.

 6 Ki Zeova i ganny loue,

Akoz i’n tann mwan ler mon pe sipliy li pour ed mwan.

 7 Zeova i mon lafors e mon boukliye.

Mon annan konfyans dan li avek tou mon leker.

Mon’n ganny son led e mon leker i dan lazwa,

Alor mon pou sant en kantik pour loue li.

 8 Zeova i sa Enn ki donn lafors son pep.

I en landrwa proteksyon ki anmenn en gran delivrans pour sa enn ki i’n swazir.

29 Donn Zeova sa ki i merite, zot, zanfan bann ki for.

Donn Zeova sa ki i merite pour son laglwar ek son lafors.

 3 Lavwa Zeova i ganny tande par lao delo.*

Sa Bondye glorye i fer tapaz parey loraz.

 4 Lavwa Zeova i pwisan.

Lavwa Zeova i ekstraordiner.

 5 Lavwa Zeova i kas bann pye sed.

Wi, Zeova i kraz bann pye sed Liban.

 6 I fer Liban* sote parey en pti bef

E Sirionn parey en zenn toro maron.

 7 Lavwa Zeova i fer zekler* tape.

 8 Lavwa Zeova i fer dezer tranble.

Zeova i fer dezer Kades tranble.

 9 Lavwa Zeova i fer bann serf tranble e met ba.

I fer fey bann pye dibwa dan lafore tonbe

10 Zeova i asiz lo son tronn par lao bokou delo.*

Zeova i asiz lo son tronn konman Lerwa pour touzour.

30 O Zeova, mon pou glorifye ou parski ou’n delivre mwan.*

Ou pa’n les mon bann lennmi selebre akoz mwan.

 4 Zot son bann fidel, sant kantik* pour loue Zeova.

Glorifye son non* sen.

 5 Parski i ankoler avek en dimoun, zis pour en pti moman,

Me i demontre son labonte tou dilon lavi en dimoun.

 8 O Zeova mon ti kontinyen priy ou

E mon ti kontinyen sipliy Zeova pour son benediksyon.

11 Ou’n tir mwan dan dey e fer mwan danse avek lazwa.

Ou’n tir latwal goni* lo mwan e abiy mwan avek lazwa,

12 Pour ki mon* sant kantik pour loue ou e pa reste trankil.

Vin parey en montanny pour protez mwan,

En landrwa proteksyon pour sov mwan.

 3 Parski ou mon ros e mon landrwa proteksyon.

Akoz ou non, ou pou diriz e gid mwan.

 4 Ou pou tir mwan dan lasenn ki zot in met pour mwan an sekre

Parski ou mon landrwa proteksyon.

 6 Mon ay bann dimoun ki ador bann zidol ki pa vo nanryen e ki initil.

Me mwan, mon annan konfyans dan Zeova.

 7 Mon vreman dan lazwa akoz ou demontre lanmour fidel

Parski ou’n vwar mon problenm.

Ou konnen ki mon soufer en kantite.

 8 Ou pa’n livre mwan dan lanmen mon lennmi,

Me ou fer mwan debout dan en landrwa an sekirite.*

10 Mon lavi i ranpli avek sagrinasyon

E tou dilon mon lavi mon’n zis plennyen.

Mon lafors pe fini akoz mon fot.

Mon lezo pe afebli.

11 Tou mon lennmi i boufonn mwan,

Sirtou mon bann vwazen.

Dimoun ki mon konnen i per mwan.

Ler zot vwar mwan an piblik, zot tay lwen avek mwan.

12 Mon nepli dan zot leker* e mon’n ganny oubliye, konmsi mon’n mor.

Mon parey en resipyan ki’n kase.

13 Mon’n tann en kantite dimoun pe koz an mal lo mwan.

Lafreyer i antour mwan.

Ler zot rasanble ansanm kont mwan,

Zot fer konplo pour pran mon lavi.

Me ki bann move dimoun i onte,

Ki zot al dan Latonm* e reste trankil.

18 Ki bann ki koz kont dimoun drwat avek larogans, lorgey ek mepri

E ki koz manti i vin kozpa.

Ou annan en kantite bon keksoz pour donn bann ki annan en gran respe pour ou

E devan tou dimoun, ou’n demontre labonte anver bann ki rod ou proteksyon.

20 Ou pou kasyet zot dan sa landrwa sekre kot ou ete

Pour protez zot kont konplo bann zonm.

Ou pou kasyet zot dan ou latant

Pour protez zot kont bann ki pe atak zot anba anba.*

21 Ki Zeova i ganny loue,

Parski dan en fason merveye, i’n demontre son lanmour fidel anver mwan ler mon ti dan en lavil ki’n ganny anserkle par lennmi.

Zeova i protez bann ki fidel,

Me i fer bann ki arogan pey ser.

24 Zot tou ki pe esper Zeova

Pran kouraz e reste for.*

 2 Ere sa dimoun ki Zeova pa vwar li koupab

E ki pa mazin pour anbet lezot.

 5 Finalman mon ti konfes mon pese avek ou.

Mon pa ti kasyet mon fot.

 6 Sanmenm sa tou dimoun fidel pou priy ou

Ler i ankor posib pour trouv ou.

 7 Ou en landrwa kasyet pour mwan.

Ou pou protez mwan ler mon dan problenm.

 9 Pa vin parey en seval oubyen en bourik* ki napa lentelizans,

Ki bezwen ganny kontrole avek en labrid* oubyen en lakord

Avan ki i vin o bor ou.”

10 Bann move dimoun i soufer en kantite,

Me sa enn ki annan konfyans dan Zeova i ganny antoure avek Son lanmour fidel.

11 Bann ki fer sa ki byen i devret selebre e dan lazwa akoz Zeova.

Bann ki annan en leker senser i devret kriye avek lazwa.

 2 Remersi Zeova avek larp,

Sant kantik* pour loue li avek en lenstriman dis lakord.

 3 Sant en nouvo sanson pour li.

Zwe byen lenstriman lakord e kriye avek lazwa.

 4 Parski parol Zeova i laverite

E ou kapab annan konfyans dan tou sa ki i fer.

 6 Par parol Zeova, lesyel ti ganny fer

E par lespri sen,* i ti fer tou keksoz dan lesyel.*

 7 I bar delo lanmer konmsi i’n met en miray

E i met delo lanmer konmsi dan bann rezervwar.

 9 Parski ler i ti koze, bann keksoz ti vin an egzistans.

I ti donn lord e keksoz ti vin an plas.

10 Zeova in anpes konplo* bann nasyon reisi.

I’n kas plan* bann pep.

11 Me bann desizyon* Zeova i dire pour touzour,

Son bann panse i dire pour zenerasyon apre zenerasyon.

12 Ere sa nasyon ki son Bondye i Zeova,

Sa pep ki i’n swazir zis pour li.

13 Dan lesyel, Zeova i get anba lo later

E i vwar tou bann imen.*

14 Kot i reste,

I get bann zabitan later.

15 I sa Enn ki form leker tou dimoun.

I egzamin tou sa ki zot fer.

16 En lerwa pa ganny sove akoz i annan en gran larme,

En zonm pa ganny sove akoz i vreman for.

17 Pa bezwen krwar ki seval pou sov ou.*

Son gran lafors pa en garanti ki ou pou sape.

18 Gete! Zeova i vey lo bann ki annan en gran respe pour li

E bann ki annan lespwar dan son lanmour fidel.

19 Koumsa, i delivre zot dan lanmor

E gard zot vivan pandan lafanmin.

21 Nou leker i dan lazwa akoz li,

Parski nou annan konfyans dan son non sen.

22 O Zeova, kontinyen demontre ou lanmour fidel anver nou

Parski nou pe kontinyen esper ou.

34 Mon pou toultan loue Zeova.

Mon pou toultan loue li avek mon labous.

 2 Mon pou fyer akoz Zeova.

Bann ki annan limilite pou tande e zot pou dan lazwa.

 3 Glorifye Zeova avek mwan,

Annou loue son non ansanm.

 5 Bann ki annan konfyans dan li in vin zwaye,

Zot pa pou zanmen onte.

 7 Lanz Zeova pe kanpe toultour bann ki annan en gran respe pour Li

E i delivre zot.

 8 Goute* e vwar ki Zeova i bon.

Ere sa dimoun ki rod son proteksyon.

 9 Zot son bann sen, annan en gran respe pour Zeova

Parski bann ki annan en gran respe pour li pa mank nanryen.

10 Bann zenn lyon for i lafen akoz napa bokou manze,

Me bann ki pe rod Zeova pa pou mank okenn keksoz ki bon.

11 Mon bann garson, vin ekout mwan.

Mon pou ansenny zot pour annan en gran respe pour Zeova.

12 Lekel sa dimoun ki kontan lavi

E ki ti pou kontan viv en lavi ere pour bokou letan?

13 Alor ou devret veye ki ou lalang pa dir sa ki mal

E ki ou labous pa koz manti.

14 Aret fer sa ki mal e fer sa ki byen.

Rod lape e kontinyen viv anpe.

15 Lizye Zeova i vey lo bann dimoun ki fer sa ki byen

E son zorey i ekout zot ler zot demann li led.

16 Me Zeova i vir ledo avek bann ki fer sa ki mal,

Pour ki personn pa rapel zot ankor lo later.

17 Bann ki fer sa ki byen ti priye e Zeova ti tande.

I ti sov zot dan tou zot soufrans.

18 Zeova i pros avek bann ki annan en leker brize,

I sov bann ki dekouraze.*

19 En dimoun ki fer sa ki byen i pas dan bokou problenm,*

Me Zeova i delivre li dan tou son problenm.

20 I pe protez tou son bann lezo,

Ni enn pa’n ganny kase.

21 Maler pou touy bann move dimoun.

Bann dimoun ki ay bann ki fer sa ki byen pou ganny trouve koupab.

22 Zeova i sov lavi son bann serviter,

Ni enn parmi bann ki rod son proteksyon pa pou ganny trouve koupab.

35 O Zeova, defann mwan kont mon lennmi

E lager avek bann ki lager avek mwan.

 2 Pran ou pti boukliye* ek ou gran boukliye

E leve pour defann mwan.

 5 Ki zot vin parey lapay dible ki anvole dan divan

Ki lanz Zeova i pous zot.

 6 Ki zot santye i glise e dan fernwanr

Ler lanz Zeova i tay deryer zot.

 7 Parski san okenn rezon, zot in kasyet en lasenn pour atrap mwan

E san okenn rezon, zot in fouy en trou pour mwan.

 8 Ki maler i tap li par sirpriz.

Ki i pri dan sa lasenn ki i ti’n kasyet.

Ki i tonm ladan e i ganny detrir.

 9 Me mwan mon pou dan lazwa akoz Zeova,

Mon pou zwaye akoz i’n azir pour sov mwan.

Ou delivre bann malere dan lanmen bann ki pli for ki zot.

Ou delivre bann malere ek bann pov dan lanmen bann ki vol zot.”

11 Bann fo temwen ki anvi fer mwan ditor i vin devan,

Zot demann mwan bann keksoz ki mon pa konn nanryen lo la.

12 Zot rann mal pour byen

E zot fer mwan vreman tris.

13 Me ler zot ti malad, mon ti met latwal goni lo mwan.

Mon ti zennen pour montre ki mon dan lapenn

E ler mon lapriyer pa ti ganny reponn,*

14 Mon ti mars parey dimoun ki dan dey pour en zanmi oubyen en frer.

Mon ti bes latet dan sagrinasyon, parey en dimoun ki dan dey pour son manman.

15 Me ler mon ti dan problenm, zot ti rasanble e selebre.

Zot ti rasanble e kasyet pour atak mwan.

Zot ti desir mwan an morso e zot pa ti reste trankil.

16 Bann ki napa respe pour Bondye i monk mwan,*

Ler zot vwar mwan, zot grens zot ledan.

Delivre mwan kont zot latak

E sov mon lavi presye* kont bann zenn lyon.

18 Mon pou remersye ou dan en gran kongregasyon.*

Mon pou loue ou parmi en lafoul dimoun.

19 Pa les mon lennmi pran plezir dan mon maler san okenn rezon.

Pa les bann ki ay mwan bat lizye avek kanmarad pour fer mwan ditor san okenn rezon.

20 Parski zot pa koz lo lape,

Me zot fer konplo kont bann dimoun ki viv anpe dan sa pei.

21 Zot ouver gran zot labous pour akiz mwan,

Par dir: “Lala! Nou prop lizye in vwar sa.”

23 Mon Bondye, Zeova, leve e vin defann mwan.

Pled dan mon faver.

24 O Zeova mon Bondye, ziz mwan dapre ou ladrwatir,*

Pa les zot pran plezir dan mon maler.

26 Ki tou bann ki pran plezir dan mon maler

I kanmi e onte.

27 Me les bann ki pran plezir dan mon ladrwatir kriy avek lazwa.

Ki zot toultan dir:

28 Alor mon labous pou koz* lo ou ladrwatir

E mon pou loue ou tou dilon lazournen.

36 Dan fon son leker, pese i koz avek en move dimoun pour fer li fer sa ki mal.

I napa respe* pour Bondye.

 2 I telman krwar ki i enportan

Ki i pa arive vwar e ay son prop fot.

 3 Son parol i blesan e i anbet lezot.

I pa konpran ki mannyer pour fer sa ki byen.

I determinen pour swiv en move semen.

I pa rezet sa ki mal.

 5 O Zeova, ou lanmour fidel i ariv ziska dan lesyel

E ou fidelite ziska dan nyaz.

 6 Ou ladrwatir i parey bann zoli montanny.*

Ou bann zizman i parey lanmer ki gran e fon.

 8 Zot bwar bann pli bon keksoz* dan ou lakaz ziska ki zot rasazye.

Ou donn zot en kantite bon keksoz pour bwar parey delo larivyer.

 9 Ou sa Enn ki donn lavi.

Gras a ou lalimyer, nou kapab vwar kler.

10 Kontinyen demontre ou lanmour fidel avek bann ki konn ou

E ou ladrwatir avek bann ki annan en leker senser.

11 Pa les lipye sa enn ki arogan kraz mwan

Ni lanmen en move dimoun pous mwan.

12 Laba bann ki fer sa ki mal in tonbe.

Zot in ganny zet ater e zot pa kapab leve.

37 Pa bezwen ankoler* akoz bann move dimoun

Ni zalou bann ki fer sa ki mal.

 2 Zot pou fletri vitman parey zerb

E sek parey bann pti zerb ver.

 3 Annan konfyans dan Zeova e fer sa ki byen.

Viv anpe dan sa pei* e azir avek fidelite.

 4 Annan bokou lazwa akoz Zeova*

E i pou donn ou tou sa ki ou anvi.*

 5 Kit tou keksoz dan lanmen Zeova.*

Depan lo li e i pou ed ou.

 6 I pou fer ou bann bon aksyon briye parey soley leve

E ou lazistis parey soley midi.

 7 Reste trankil devan Zeova

E esper li avek pasyans.

Pa bezwen ankoler avek en dimoun

Ki reisi dan son bann konplo.

 8 Aret ankoler e rezet lakoler.

Pa bezwen mekontan e fer sa ki mal.*

 9 Parski bann move dimoun pou ganny detrir,

Me bann ki annan lespwar dan Zeova pou ganny donnen later.

10 Dan ankor en pti pe letan, bann move dimoun pou nepli la,

Ou pou al gete kot zot ti ete

E zot pou nepli la.

11 Me bann ki annan limilite pou ganny donnen later

E zot pou vreman dan lazwa akoz lape pou annabondans.

12 En move dimoun i fer konplo kont sa enn ki fer sa ki byen.

I grens son ledan avek li.

13 Me Zeova pou riy li

Parski I konnen ki en zour i pou mor.

14 Bann move dimoun i tir zot lepe e ploy zot lark*

Pour touy bann pov ek bann ki ganny maltrete

E detri bann ki fer sa ki byen.*

15 Me zot lepe pou pers zot prop leker

E zot lark pou kase.

16 Vo mye sa ptigin ki bann bon dimoun i annan

Ki sa kantite larises ki bokou move dimoun i annan.

17 Parski lebra bann move dimoun pou ganny kase,

Me Zeova pou soutenir bann ki fer sa ki byen.

18 Zeova i konn byen sa ki bann bon dimoun* i pas atraver

E zot leritaz pou dire pour touzour.

19 Zot pa pou onte ler i annan dezas,

Zot pou annan dekwa manze dan letan lafanmin.

20 Me bann move dimoun pou ganny detrir.

Bann lennmi Zeova pou disparet parey bann zoli laplenn zerb.

Zot pou disparet parey lafimen.

21 En move dimoun i demann prete e i pa rann,

Me en bon dimoun i zenere* e i kontan donnen.

22 Bann dimoun ki Bondye i beni pou ganny donnen later,

Me bann ki I modi pou ganny detrir.

23 Zeova i gid lepa en dimoun*

Ler I pran plezir dan son fason viv.

24 Menm si i tonbe, i pa pou ganny zet ater,

Parski Zeova i tyonbo son lanmen* pour soutenir li.

25 Mon ti zenn e aprezan mon’n vin vye,

Me mon pa’n zanmen vwar okenn dimoun ki fer sa ki byen* ganny abandonnen,

Ni son zanfan pe rod dipen.*

26 I touzour pare pour prete

E son bann zanfan pou ganny beni.

27 Aret fer sa ki mal e fer sa ki byen

E ou pou viv pour touzour.

28 Parski Zeova i kontan lazistis,

I pa pou abandonn son bann fidel.

I pou toultan protez zot.

Me desandans bann move dimoun pou ganny detrir.

29 Bann dimoun ki fer sa ki byen* pou ganny donnen later

E zot pou viv lo la pour touzour.

30 Parol saz i sorti dan labous sa enn ki fer sa ki byen*

E son lalang i koz lo lazistis.

31 Lalwa son Bondye i dan son leker.

Son lipye pa pou glise.

32 Sa enn move i get sa enn ki fer sa ki byen,

I rod fason pour touy li.

33 Me Zeova pa pou les li dan lanmen sa enn move

Ni kondann li ler i ganny zize.

34 Met ou lespwar dan Zeova e swiv son semen,

I pou onor ou e donn ou later.

35 Mon’n vwar ler en move dimoun ki sovaz

Pe prospere parey en zoli pye dibwa ki pouse dan son later.

36 Me deswit i ti disparet e i ti nepli la,

Mon ti kontinyen rod li, me mon pa ti trouv li.

37 Get byen sa enn ki san repros*

E vey sa enn ki fer sa ki byen,

Parski a lavenir sa dimoun pou viv anpe.

38 Me tou bann ki fer pese pou ganny detrir,

Bann move dimoun pou napa en lavenir.

39 Zeova i sov bann ki fer sa ki byen

I protez zot dan letan difisil.

I pou delivre zot dan lanmen bann move dimoun e sov zot,

Akoz zot in rod son proteksyon.

38 O Zeova, pa disiplin mwan dan ou lakoler

Ni koriz mwan dan ou gran lakoler.

 2 Parski ou fles in pers mwan byen dan fon

E ou lanmen i lour lo mwan.

 4 Parski mon bann fot in ariv pli o ki mon latet.

Zot parey en fardo ki tro bokou pour mwan siporte.

 5 Mon bann blesir in ganny enfekte e i pi

Akoz bann keksoz bet ki’n mon’n fer.

 6 Mon lespri i fatige e mon vreman dekouraze.

Tou dilon lazournen mon dan lapenn.

 7 I annan en keksoz ki pe brile dan mwan.*

Mon lekor antye i malad.

 8 Mon lekor i angourdi e i konpletman kraze.

Mon pe plennyen* akoz mon soufrans.

 9 O Zeova, ou konn tou sa ki mon anvi

E ou tann mwan ler mon pe plennyen.

10 Mon leker i bat for, mon’n perdi mon lafors

E mon* vwar sonm.

11 Bann ki mon kontan ek mon bann zanmi i evit mwan akoz mon maladi,

Mon bann zanmi pros i reste lwen avek mwan.

12 Bann dimoun ki oule touy mwan i met latrap pour mwan.

Bann ki esey fer mwan ditor i koz kont mwan.

Tou dilon lazournen zot fer konplo pour tronp mwan.

13 Me parey en dimoun sourd, mon pa ekoute.

Parey en kozpa, mon pa ouver mon labous.

14 Mon’n vin parey en dimoun ki pa kapab tande,

Ki pa konnen ki pour dir pour defann son lekor.

15 Parski ou ki mon ti espere, O Zeova

E ou ti reponn mwan, O Zeova mon Bondye.

16 Parski mon ti dir: “Si mon lipye i glise,

Ki zot pa pran plezir dan mon maler, ni tret mwan avek larogans.”

17 Parski mon ti pros pour tonbe

E mon ti toultan dan douler.

18 Mon ti konfes mon fot

E mon pese ti fatig mwan.

19 Me mon bann lennmi i for e pwisan,

Bann ki ay mwan san okenn rezon in vin en kantite.

20 Zot ti rann mwan mal pour byen.

Zot ti opoz mwan akoz mon kontinyen fer sa ki byen.

22 Silvouple, depese pour ed mwan.

O Zeova, ou ki mon sover.

39 Mon ti dir: “Mon pou fer atansyon

Ki mon pa fer pese dan sa ki mon dir.*

Mon pou fer sir ki mon reste trankil*

Osi lontan ki i annan en move dimoun devan mwan.”

 2 Mon pa ti dir nanryen e mon ti reste trankil.

Menm lo sa ki byen, mon pa ti dir nanryen,

Me mon ti dan en kantite douler.

 4 “O Zeova, fer mwan konnen kan mon lafen pou vini

E ki kantite letan i reste mwan,

Pour ki mon konnen ki kantite kourt mon lavi i ete.

 5 Anfet, ou’n donn mwan zis detrwa zour* pour viv.

Kantite letan ki mon annan pour viv pa nanryen devan ou.

 9 Mon ti reste trankil,

Mon pa ti kapab ouver mon labous

Akoz ou ki’n fer tousala arive.

11 Ou koriz e pini en dimoun pour son pese.

Ou detri son bann keksoz valer zis parey en lever* i fer.

12 O Zeova, ekout mon lapriyer,

Ekout mwan ler mon demann ou led.

Parski pour ou, mon en senp etranze,

En vwayazer ki pe pase, zis parey mon bann zanset.

13 Pa get mwan dan lakoler pour ki mon kapab zwaye ankor

Avan ki mon mor e mon nepli la.”

40 Mon’n met tou mon lespwar* dan Zeova,

E i’n ekout* mwan ler mon ti demann led.

 2 I ti fer mwan sorti dan en trou kot delo i azite,

Dan en trou labou.

I ti fer mwan debout lo en ros*

E i ti fer mwan mars lo en landrwa ferm.

 3 Apre i ti fer mwan sant en nouvo sanson

Pour loue nou Bondye.

Bokou dimoun pou admir sa ki Zeova in fer

E annan konfyans dan li.

 4 Ere sa dimoun ki annan konfyans dan Zeova

E ki pa rod led avek bann ki rebel ouswa ki koz manti.

 5 O Zeova mon Bondye

Ou’n fer en kantite keksoz,

Ou’n fer bann keksoz merveye e ou toultan mazin nou.

Napa personn ki kapab ganny konpare avek ou.

Si mon ti esey rakont e koz lo tou sa bann keksoz,

I ti pou tro bokou pour rakonte!

 6 Ou pa ti oule sakrifis ek lofrann,

Me ou ti ed mwan pour ekout sa ki ou dir.

 8 O mon Bondye, mon kontan pour fer ou lavolonte

E ou lalwa i dan fon mon leker.

Wi! Mon pa reste trankil,

O Zeova, parey ou konn byen.

Mon bann fot i telman bokou ki mon nepli kapab siporte e mon pa konnen ki pour fer.

Zot pli bokou ki bann bren seve lo mon latet

E mon’n perdi kouraz.

14 Ki tou bann ki pe sey pran mon lavi

I kanmi e onte.

Ki bann ki pran plezir dan mon maler

I sove e ganny imilye.

16 Me ki bann ki pe rod ou

I selebre e dan lazwa akoz ou.

17 Me mwan mon pov e san defans.

Silvouple Zeova, vey lo mwan.

Ou mon led e mon sover,

Mon Bondye, pa tarde.

41 Ere sa enn ki pran swen avek en malere.

Zeova pou delivre li zour maler.

Dimoun lo later pou dir ki i ere.

Ou pa pou zanmen livre li dan lanmen son bann lennmi.*

 3 Zeova pou soutenir li ler i malad lo son lili.

Ler i malad ou pou pran swen avek li.*

I rod en keksoz mal pour dir lo mwan

E apre i al dir sa avek tou dimoun.

 7 Tou bann ki ay mwan i koz dousman avek kanmarad.

Zot fer konplo pour fer mwan ditor. Zot dir:

 8 “En maler in ariv li.

Aprezan ki i’n tonm ater, i pa pou lev ankor.”

 9 Menm sa dimoun ki ti anpe avek mwan, ki mon ti annan konfyans dan li,

Ki ti pe manz mon dipen in vir kont mwan.*

10 Me ou, O Zeova, demontre labonte anver mwan e geri mwan

Pour ki mon fer zot peye.

12 Me mwan, ou soutenir mwan akoz mon fidelite,

Ou pou fer mwan toultan reste avek ou.

13 Ki Zeova, Bondye Izrael i ganny loue

Pour touzour.*

42 O Bondye, mon vreman pe rod ou

Parey en serf ki anvi bwar delo larivyer.

 3 Mon larm i mon manze lizour konman aswar.

Tou dilon lazournen dimoun i provok mwan e dir: “Oli ou Bondye?”

 4 La sa ki mon rapel e mon devid mon leker avek ou,

Mon ti abitye mars avek en gran lafoul.

Avek respe,* mon ti mars devan zot pour al kot lakaz Bondye.

Lafoul ti pe selebre,

Nou ti remersye ou e kriye avek lazwa.

Mon pou esper Bondye,

Parski mon pou loue li konman mon Gran Sover.

Sanmenm sa mon mazin ou,

Depi dan rezyon Zourden, bann montanny Ermonn

Ek Montanny Mizar.*

 7 Mon tann tapaz kaskad delo.

Laroul* i swiv en lot laroul*

 8 Pandan lazournen, Zeova pou demontre son lanmour fidel anver mwan

E pandan lannwit, mon pou sant en sanson lo li, en lapriyer avek Bondye ki donn mwan lavi.

10 Mon bann lennmi i ay* mwan e monk mwan.

Tou dilon lazournen zot provok mwan: “Oli ou Bondye?”

Mon pou esper Bondye,

Parski mon pou loue li konman mon Gran Sover e mon Bondye.

43 O Bondye, ziz mwan,

Pled dan mon faver kont en nasyon enfidel.

Ki zot gid mwan

E anmenn mwan kot ou montanny sen e ou gran tabernak.*

 4 Alor mon pou vin kot lotel Bondye,

Kot Bondye, mon gran lazwa.

Mon pou esper Bondye,

Parski mon pou loue li konman mon Gran Sover e mon Bondye.

44 O Bondye, nou menm nou’n tande avek nou prop zorey,

Nou zanset in rakont nou

Bann keksoz ki ou’n fer dan zot lepok,

Dan letan lontan.

 2 Avek ou lanmen ou ti pous bann nasyon

E fer nou zanset reste laba.

 3 Zot pa ti pran pei avek zot prop lepe

E zot pa ti ganny laviktwar avek zot prop lafors.*

Me ou ti fer li avek ou lanmen drwat, ou lebra ek lalimyer ou figir

Akoz ou ti pran plezir dan zot.

 4 O Bondye, ou mon Lerwa.

Donn lord pour ki Zakob i ganny en laviktwar konplet.*

 5 Gras a ou pwisans nou pou pous nou lennmi.

Gras a ou non, nou pou pil lo bann ki atak nou.

 6 Parski mon napa konfyans dan mon lark*

E mon lepe pa kapab sov mwan.

 7 Ou menm ki ti sov nou dan lanmen nou bann lennmi

E ki ti imilye bann ki ay nou.

 8 Nou pou loue Bondye tou dilon lazournen

E nou pou glorifye ou non pour touzour. (Sela)

 9 Me aprezan ou’n rezet nou e imilye nou

E ou pa diriz nou bann larme.

10 Ou kontinyen fer nou sove devan nou lennmi.

Bann ki ay nou i pran tou sa ki zot oule.

11 Ou livre nou pour ki nou ganny devore parey mouton.

Ou’n dispers nou parmi bann nasyon.

12 Ou vann ou pep pour preski nanryen ditou.

Ou pa fer okenn profi avek sa lavant.*

13 Ou sali nou repitasyon devan nou vwazen

E bann ki otour nou i imilye e monk nou.

14 Ou fer nou ganny meprize parmi bann nasyon

E bann dimoun i sakouy zot latet pour monk nou.

15 Mon ganny imilye tou dilon lazournen

E mon vreman onte

16 Ler mon tann zot pe sifok nou e ensilte nou

Parski nou lennmi pe revanze kont nou.

17 Tousala in ariv nou, me nou pa’n oubliy ou

E nou pa’n kas ou lalyans.

18 Nou pa’n vin enfidel

E nou pa’n kit ou santye.

19 Me ou’n kraz nou kot bann sakal* i reste.

Ou’n kouver nou avek fernwanr.

20 Si nou’n oubliy non nou Bondye

Oubyen si nou lev nou lanmen pour priy en bondye etranze,*

21 Pa Bondye pou konnen?

22 Akoz ou, nou pe fer fas avek lanmor tou dilon lazournen.

Nou parey bann mouton ki pe al ganny touye.

25 Parski nou’n ganny zete dan lapousyer,

Nou’n tonm plat ater.

 3 Ou zonm for, anmar ou lepe dan ou kote

Avek dinyite ek laglwar.

 4 Avek laglwar, al ranport laviktwar.

Mont lo ou seval pour defann laverite, limilite ek ladrwatir

E ou lanmen drwat pou fer* bann keksoz ki enpresyonan.

 5 Ou bann fles i byen fite, i fer bann pep tonbe devan ou.

Zot pers leker bann lennmi lerwa.

 6 Bondye i ou tronn pour touzour e touzour.

Avek ou baton lerwa, ou pou diriz avek ladrwatir.*

 8 Tou ou bann lenz i santi loder lamir,* dibwa lalwes* ek kasya,*

Dan sa zoli pale ivwar,* bann lenstriman lakord i fer ou zwaye.

10 Mon fiy, ouver ou zorey e ekout mwan byen.

Oubliy ou pep ek fanmir ou papa.

11 Lerwa pou anvi vwar ou akoz ou labote,

Parski i ou senyer,

Alor tonm azenou devan li.

12 Fiy Tir pou vin avek en kado,

Bann zonm pli ris pou rod ou laprouvasyon.

13 Dan pale,* fiy lerwa i vreman zoli,

Son lenz i ganny dekore avek lor.*

15 Zot pou ganny anmennen dan lazwa ek lakontantman.

Zot pou antre dan pale lerwa.

46 Bondye i nou landrwa kasyet ek nou lafors.

I fasilman ed nou ler nou dan problenm.

 2 Sanmenm sa nou pa pou per, menm si later i sanze,

Menm si bann montanny i tonm dan fon lanmer,

 3 Menm si delo lanmer i fer tapaz e i kimen,

Menm si bann montanny i sekwe akoz lanmer i azite. (Sela)

 4 I annan en larivyer ki separ an diferan pti larivyer ki anmenn lazwa dan lavil Bondye,

Setadir sa gran tabernak* sen ki pour sa Enn Tre O.

 6 Bann nasyon ti ankoler, bann rwayonm ti tonbe,

Bondye ti koz for e later ti fonn.

 7 Zeova Sef larme i avek nou.

Bondye Zakob i nou landrwa kasyet* ki an sekirite. (Sela)

 8 Vin vwar sa ki Zeova in fer.

Pa i’n fer bann keksoz ekstraordiner lo later!

I kas lark* ek lans an morso,

I bril bann saret lager.*

Mon pou ganny glorifye parmi bann nasyon.

Mon pou ganny glorifye lo later.”

11 Zeova Sef larme i avek nou.

Bondye Zakob i nou landrwa kasyet ki an sekirite. (Sela)

 2 Parski Zeova sa Enn Tre O i enpresyonan.*

I sa gran Lerwa lo later antye.

 3 I fer bann pep soumet anba nou lotorite.

I met bann nasyon anba nou lipye.

 4 I swazir en leritaz pour nou,

Setadir, laglwar Zakob sa enn ki i kontan. (Selah)

 5 Bondye in monte ler dimoun pe kriye avek lazwa,

Zeova in monte ler i annan tapaz tronpet.*

 7 Parski Bondye i Lerwa lo later antye.

Sant bann kantik e demontre bon zizman.

 9 Bann sef lepep in zwenn ansanm

Avek pep Bondye Abraam.

48 Zeova i gran e i vreman merit ganny loue

Dan lavil nou Bondye, lo son montanny sen.

 2 Montanny Siyon ki lwen dan nor

I vreman gran e zoli. I fer later antye zwaye

E i lavil sa Gran Lerwa.

 3 Bondye in montre ki i en landrwa kasyet* ki an sekirite,

Dan sa lavil avek son bann gran latour.

 4 Parski gete! Bann lerwa in rasanble,*

Zot in zwenn ansanm pour atak sa lavil.

 6 Laba, zot ti konmans tranble

E soufer parey en madanm ki pe ganny pti baba.

 8 Sa ki nou ti tande, aprezan nou’n vwar pour nou menm

Dan lavil Zeova Sef larme, dan lavil nou Bondye.

 9 O Bondye, dan ou tanp,

Nou medit lo ou lanmour fidel.

10 Parey ou non, O Bondye, ou laglwar

I ariv dan bann landrwa pli lwen lo later.

11 Ki Montanny Siyon i dan lazwa,

Ki bann lavil* Zida i zwaye akoz ou bann zizman.

12 Mars otour Siyon. Fer letour sa lavil.

Kont son bann latour.

Enspekte son bann lavil for,

Koumsa ou pou kapab koz lo la avek bann zenerasyon ki pe vini.

Ekout byen, tou bann zabitan later,*

 2 Pti konman gran,

Ris konman pov.

 3 Mon labous pou dir bann parol saz

E sa ki mon leker i medit lo la pou montre ki mon annan lentelizans.

 4 Mon pou ekout en proverb.

Mon pou eksplik en parabol* ler mon zwe larp.

 5 Akoz mon bezwen per dan letan difisil

Ler mon bann lennmi ki anvi fer mwan ditor i antour mwan?

 6 Bann ki annan konfyans dan zot larises

E ki pe fer vantar akoz zot gran larises,

 7 Ni menm enn pa pou zanmen kapab delivre* en frer

Oubyen donn Bondye en ranson* pour li,

 8 (Personn pa pou zanmen kapab pey sa ranson

Parski pri pour zot lavi i tro ser),

 9 Pour ki i viv pour touzour e pa zanmen vwar latonm.*

10 I vwar ki menm bann dimoun saz i mor

Parey bann enbesil ek dimoun bet i mor

E zot bezwen kit deryer zot larises pour lezot.

11 Dan zot leker, zot swete ki zot lakaz i reste pour touzour

E zot latant, zenerasyon apre zenerasyon.

12 Menm si en dimoun i ganny onore, i pa pou reste vivan

I pa pli meyer ki bann zannimo ki mor.

13 La sa ki arive avek dimoun bet

Ek bann ki swiv zot, ki pran plezir dan bann parol ki pa fer sans. (Sela)

Parey en berze, lanmor pou gid zot.

Dan bomaten, bann dimoun ki fer sa ki byen pou diriz zot.

Zot pou konpletman disparet,

Olye viv dan en pale, Latonm* pou vin zot lakaz.

15 Me Bondye pou delivre mwan dan pouvwar* Latonm,*

Parski i pou tyonbo mwan. (Sela)

16 Pa bezwen per si en dimoun i vin ris

E si son lakaz i vin pli zoli,

17 Parski ler i mor, i pa kapab anmenn nanryen avek li,

Son larises pa pou al avek li.

20 En dimoun ki pa konpran sa, menm si i ganny onore,

I pa pli meyer ki bann zannimo ki mor.

50 Zeova, Bondye bann bondye in koze.

I kriy tou bann zabitan later,

Depi soley leve ziska soley kouse.*

Devan li i annan en gro dife ki pe brile

E otour li, i annan en gro tanpet.

 4 I kriy lesyel ek later,

Pour li ziz son pep:

 5 “Rasanble devan mwan, mon bann serviter fidel,

Bann ki pe fer en lalyans avek mwan par ofer en sakrifis.”

 6 Lesyel i anons son ladrwatir,

Parski Bondye li menm i Ziz. (Sela)

 7 “Mon pep, ekoute e mon pou koze,

Izrael, mon pou temwanny kont ou.

 8 Mon pa koriz ou akoz ou bann sakrifis,

Ni akoz ou bann lofrann brile ki ou toultan ofer mwan.

 9 Mon pa bezwen pran en toro kot ou lakaz,

Ni bann kabri* dan ou berkay.

10 Parski tou bann zannimo sovaz dan lafore i pour mwan

E menm bann bebet ki lo mil montanny.

11 Mon konn tou zwazo ki reste dan bann montanny

E tou bann zannimo ki dan lakanpanny i pour mwan.

12 Si mon ti lafen, mon pa ti pou dir ou,

Parski later e tou sa ki lo la i pour mwan.

13 Eski mon pou manz lavyann toro

E bwar disan kabri?

14 Ofer Bondye ou rekonesans konman ou sakrifis.

Akonpli bann ve ki ou’n fer avek sa Enn Tre O.

15 Demann mwan led ler ou dan problenm.

“Ki drwa ou annan pour koz lo mon bann lalwa

Oubyen mon lalyans?

17 Parski ou ay disiplin*

E ou kontinyen vir ledo avek mon parol.*

18 Ler ou vwar en voler, ou dakor avek sa ki i pe fer*

E ou frekant bann ki komet adilter.

19 Ou servi ou labous pour kontinyen dir sa ki mal

E ou lalang pour koz manti.

20 Ou asize e koz an mal lo ou prop frer.

Ou fann rimer lo garson* ou prop manman.

21 Ler ou ti fer sa bann keksoz, mon ti reste trankil,

Alor ou ti panse ki mon pou vin parey ou.

Me la mon pou koriz ou

E dir ou sa ki mon annan kont ou.

22 Silvouple, ou ki oubliy Bondye, reflesi lo sa

Pour ki mon pa desir ou an morso e ki personn pa pou sov ou.

23 Sa enn ki ofer mwan rekonesans konman son sakrifis i glorifye mwan

E sa enn ki kontinyen mars lo sa bon semen

Pou vwar ler Bondye pou sov li.”

 2 Lav mwan konpletman e tir mon fot.

Pirifye mwan akoz mon pese.

 3 Parski mon konn byen mon bann fot

E mon pese i toultan la devan mwan.*

 4 Mon’n fer pese kont ou, sirtou kont ou.*

Mon’n fer sa ki mal dan ou lizye.

Alor, ou annan rezon ler ou kondann mwan

E ou zizman i zis.

 5 Gete! Depi ki mon’n ne, mon koupab akoz mon fot.

Depi zour ki mon egziste dan vant mon manman, mon dan pese.

 6 Ou kontan ler en dimoun i annan en leker senser.

Ansenny mwan pour ki dan fon mon leker, mon annan vre lasazes.

 7 Servi lizop* pour pirifye mwan akoz mon pese pour ki mon vin prop.

Lav mwan pour ki mon vin pli blan ki lanez.

 8 Fer mwan tann bann dimoun ki dan lazwa e ki pe selebre,

Pour ki mon kapab dan lazwa menm si ou’n kraz mon bann lezo.

 9 Kasyet* ou figir pour ki ou pa vwar mon bann pese

E efas tou mon bann fot.

10 O Bondye, donn mwan en leker pir

E sanz mon fason panse pour ki mon reste fidel.

11 Pa rezet mwan

E pa tir ou lespri sen lo mwan.

12 Redonn mwan lazwa akoz ou mon sover,

Fer mwan annan sa dezir pour obei ou.

13 Mon pou ansenny bann ki fer pese sa ki fer ou plezir

Pour ki zot retourn kot ou.

14 O Bondye, Bondye ki sov mwan, pardonn mwan akoz mon’n touy en dimoun,

Pour ki mon kapab koz lo ou ladrwatir avek lazwa.

15 O Zeova, ouver mon labous,

Pour ki mon kapab loue ou.

16 Parski pa sakrifis ki ou oule, si non mon ti pou’n donn ou.

Ou pa pran plezir dan lofrann brile.

17 Sakrifis ki Bondye i kontan i en lespri fatige.

O Bondye, ou pa pou rezet* en dimoun ki annan en leker kase e ki dan lapenn.

18 Akoz ou labonte, fer sa ki bon pour Siyon.

Konstri bann miray Zerizalenm.

19 Alor ou pou pran plezir dan bann sakrifis ladrwatir,

Bann lofrann brile ek sakrifis ki ganny brile konpletman

E bann toro pou ganny ofer lo ou lotel.

 2 Ou lalang i koupe parey en razwar,

I fer konplo pour fer sa ki mal e anbet lezot.

 3 Ou pli kontan sa ki mal ki sa ki byen

E ou koz manti plis ki ou dir laverite. (Sela)

 4 Ou ki annan en lalang ki anbet lezot,

Ou kontan tou parol ki fer ditor!

 5 Sanmenm sa Bondye pou detri ou enn fwa pour tou.

I pou tyonbo ou e tir ou dan ou latant.

I pou derasin ou dan pei bann dimoun vivan. (Sela)

 6 Bann dimoun ki fer sa ki byen pou vwar sa e zot pou vreman etonnen.

Zot pou riy sa enn ki fer sa ki mal e dir:

 7 “La en dimoun ki pa’n rod proteksyon Bondye,

Me i ti annan konfyans dan son gran larises

E i ti depan lo bann konplo ki i’n fer.”*

 8 Me mwan mon pou parey en zoli pye zoliv dan lakaz Bondye.

Mon annan konfyans dan lanmour fidel Bondye pour touzour e touzour.

 9 Mon pou loue ou pour touzour akoz sa ki ou’n fer.

Devan bann dimoun ki fidel avek ou,

Mon pou annan lespwar dan ou non, parski sa i byen.

Sa ki zot fer i vreman mal e degoutan,

Napa personn ki fer sa ki byen.

 2 Me dan lesyel Bondye i get bann imen

Pour vwar si napa personn ki annan bon zizman e si napa personn ki pe rod Zeova.

 3 Zot tou zot in vir ledo avek sa ki byen,

Zot tou zot move.

Personn pa pe fer sa ki byen,

Ni menm enn.

 5 Me en gran lafreyer pou sezi zot,

En lafreyer ki zot pa’n deza gannyen avan,*

Parski Bondye pou fann lezo bann ki pe atak ou.*

Ki Zakob i dan lazwa, ki Izrael i selebre

Ler Zeova i rasanble son pep ki ti an egzil.

54 O Bondye, sov mwan akoz ou non,

Servi ou lafors pour defann mwan.*

 2 O Bondye, ekout mon lapriyer.

Ekout byen bann parol ki sorti dan mon labous.

 3 Parski bann etranze i atak mwan,

Bann dimoun sovaz pe rod touy mwan.

 4 Gete! Bondye i mon led,

Zeova i avek bann ki soutenir mwan.

 5 I pou fer bann move keksoz ki mon lennmi in fer refoul lo zot.

Akoz ou fidelite, detri zot.

 7 Parski i sov mwan dan tou mon problenm

E mon pou get mon bann lennmi ler zot ganny defet.

55 O Bondye, ekout mon lapriyer

E pa inyor mwan ler mon demann ou pour pran pitye pour mwan.*

Mon latet i fatige akoz mon problenm.

Mon sitan trakase

 3 Akoz sa ki mon lennmi pe dir

E sa presyon ki bann move dimoun i met lo mwan.

Parski zot met mwan dan en kantite problenm,

Zot gard rankin e ankoler avek mwan.

 4 Mon leker i sere*

E mon vreman per lanmor.

 5 Mon pe tranble avek lafreyer

E mon ganny frison.

 8 Mon ti pou tay kot en landrwa kasyet

Lwen avek sa gro divan, lwen avek sa tanpet.”

 9 O Zeova, fer zot panik e anpes zot plan reisi,

Parski mon’n vwar vyolans ek konfli dan lavil.

10 Lizour konman aswar, zot mars lo bann miray lavil.

Dan sa lavil, i annan problenm ek lemal.

11 Maler i partou kote dan sa lavil.

I toultan annan labi ek koripsyon dan landrwa piblik sa lavil.

12 Si mon lennmi ti ensilte mwan,

Mon ti pou kapab siporte.

Si en dimoun ki ay mwan ti atak mwan,

Mon ti pou kapab kasyet li.

13 Me i ou, en dimoun parey mwan,

Mon prop zanmi ki mon konn byen.

14 Nou ti de bon zanmi,

Nou ti abitye al dan lakaz Bondye ansanm avek en gran lafoul.

Ki zot desann vivan dan Latonm*

Parski lemal i reste kot zot e dan zot leker.

16 Me mwan, mon pou priy Bondye

E Zeova pou sov mwan.

17 Aswar, bomaten ek midi, mon latet i fatige e mon plennyen

E Bondye i tann mon lavwa.

18 Menm si zot lager avek mwan e lafoul i atak mwan,

I pou delivre mwan e donn mwan lape.

19 Bondye, sa enn ki asiz lo tronn depi lontan

Pou tande e i pou reponn zot. (Sela)

Bann ki napa respe pour Bondye

Pou refize sanze.

20 I* ti atak sa bann ki ti anpe avek li,

I ti kas son lalyans.

21 Son bann parol i pli bon ki diber,

Me dan son leker, i annan laenn.

Son bann parol i pli dous ki delwil,

Me zot koupe parey lepe.

22 Zet* ou fardo lo Zeova

E i pou soutenir ou.

 2 Tou dilon lazournen, mon lennmi i esey atrap mwan.

Avek larogans, bokou i lager avek mwan.

 4 Mon annan konfyans dan Bondye e mon loue son parol.

Mon annan konfyans dan Bondye, mon pa per.

 5 Tou dilon lazournen zot fer problenm avek mwan,

Zot zis mazin fer mwan ditor.

 6 Zot kasyet pour atak mwan,

Zot vey tou sa ki mon fer,

Akoz zot oule touy mwan.

10 Mon annan konfyans dan Bondye e mon loue son parol

Mon annan konfyans dan Zeova e mon loue son parol.

11 Mon annan konfyans dan Bondye, mon pa per.

12 O Bondye, mon santi mwan oblize pour gard bann ve ki mon’n fer avek ou,

Mon pou montre ou ki mon rekonesan.

13 Parski ou’n delivre mwan dan lanmor

E ou’n anpes mwan tonbe,

Pour ki mon kontinyen viv e mars devan Bondye.*

57 Demontre labonte anver mwan, O Bondye, demontre labonte anver mwan,

Parski mon rod ou proteksyon

E mon kasyet anba ou lezel ziska ki maler i pase.

 2 Mon priy Bondye sa Enn Tre O,

Sa vre Bondye ki rezourd mon problenm.

 4 Mon’n ganny antoure avek bann lyon.

Mon bezwen dormi parmi bann zonm ki anvi devor mwan,

Bann ki zot ledan i parey lans ek fles

E ki zot lalang i koupe parey lepe.

 5 O Bondye, montre ki ou pli gran ki lesyel.

Ki ou ganny glorifye partou lo later.

 6 Zot in met en lasenn pour ki mon tonm dan pyez.

Mon’n kourbe akoz problenm.

Zot in fouy en trou devan mwan,

Me zot menm ki’n tonm ladan. (Sela)

 7 Mon fidel,* O Bondye,

Mon fidel.

 9 O Zeova, mon pou loue ou parmi bann pep.

Mon pou sante* pour loue ou parmi bann nasyon.

10 Parski ou lanmour fidel i gran i ariv ziska dan lesyel

E ou fidelite i ariv ziska dan lesyel.

11 O Bondye, montre ki ou pli gran ki lesyel.

Ki ou ganny glorifye partou lo later.

 2 O kontrer, zot fer plan pour fer sa ki mal dan zot leker

E zot fer vyolans dan pei.

 3 Bann move dimoun i kit sa bon semen depi zot nesans,*

Zot rebele e koz manti depi ler zot in ne.

 4 Zot parol i parey pwazon bann serpan,

Zot sourd parey en kobra ki bous son zorey.

 5 Sa kobra pa pou ekout lavwa son met,

Menm si son met i konn fer byen mazik.

 8 Ki zot parey en kourpa ki fonn anmezir ki i deplase.

Parey en pti baba ki ne mor ki pa’n zanmen vwar soley.

 9 Avan ki zot bann kastrol i santi lasaler pye pikan,

Bondye pou balye bann pti brans mouye e osi bann ki pe brile, konmsi dan en tanpet divan.

10 Sa enn ki fer sa ki byen pou dan lazwa akoz i’n vwar vanzans Bondye.

Son lipye pou benny dan disan bann move dimoun.

59 O Bondye, delivre mwan dan lanmen mon bann lennmi.

Protez mwan kont bann ki pe atak mwan.

 2 Delivre mwan dan lanmen bann ki fer sa ki mal

E sov mwan dan lanmen bann dimoun vyolan.*

 3 Gete! Zot kasyet pour atak mwan.

O Zeova, bann zonm for i atak mwan

Me pa akoz mon’n rebele e fer pese.

 6 Tou le swar zot retournen.

Zot zape* parey lisyen e fer letour lavil.

 7 Ekout sa bann parol ki sorti dan zot labous,

Zot lalev i parey bann lepe,

Parski zot dir: “Lekel ki pe ekoute?”

 8 Me ou, O Zeova, ou pou riy zot.

Ou pou monk tou bann nasyon.

 9 O mon Bondye, ou mon Lafors, mon pou kontinyen esper ou,

Parski Bondye i mon landrwa kasyet* ki an sekirite.

10 Sa Bondye ki demontre lanmour fidel pou vin ed mwan.

Bondye pou fer mwan get mon bann lennmi ler zot ganny defet.

Servi ou lafors pour fer zot ale vini.

O Zeova, nou boukliye, fer zot tonbe.

12 Ki zot lorgey i fer zot tonm dan latrap

Akoz pese ek parol ki sorti dan zot labous

E akoz zot koz manti e donn malediksyon.

13 Detri zot dan ou gran lakoler.

Detri zot, pour ki zot nepli la,

Fer zot konnen ki Bondye pe diriz dan pei Zakob e lo later antye. (Sela)

14 Fer zot retournen aswar,

Fer zot zape* e fer letour lavil parey lisyen.

15 Fer zot ale vini pour rod keksoz pour manze.

Pa les zot rasazye oubyen ganny en landrwa reste.

16 Me mwan, mon pou sant konsernan ou lafors.

Dan bomaten, avek lazwa mon pou koz lo ou lanmour fidel.

Parski ou mon landrwa kasyet ki an sekirite

E en landrwa kot mon kapab sove dan letan difisil.

17 O mon Bondye, ou mon Lafors, mon pou sant kantik* pour loue ou,

Parski Bondye i mon landrwa kasyet ki an sekirite, sa Bondye ki demontre lanmour fidel anver mwan.

 4 Donn* en sinyal bann ki annan en gran respe pour ou

Pour ki zot sove e say bann fles. (Sela)

 5 Sov nou avek ou lanmen drwat e reponn nou,

Pour ki dimoun ki ou kontan i ganny delivre.

“Mon pou dan lazwa, mon pou donn Sekenm konman en leritaz

E mon pou mezir Vale* Soukot.

 7 Gilead i pour mwan e Manase osi.

Efraim i en kask* pour mon latet.

Zida i mon baton komandan.

10 O Bondye, ou nepli diriz nou larme.

Nou Bondye, pa ou ki’n rezet nou?

11 Ed nou ler nou dan problenm,

Parski i pa vo lapenn esper bann imen sov nou.

12 Bondye pou redonn nou lafors

E i pou pil lo nou bann lennmi.

 2 Ler mon dezespere,* mon pou priy ou

Depi dan bann landrwa pli lwen lo later.

 3 Parski ou mon landrwa kasyet,

En latour for ki protez mwan kont mon lennmi.

 4 Mon pou ganny envite dan ou latant pour touzour.

Mon pou pran refiz anba ou lezel. (Sela)

 6 Ou pou fer lerwa viv pli lontan*

E i pou viv bokou letan, zenerasyon apre zenerasyon.

 7 I pou asiz lo tronn* devan Bondye pour touzour.

Donn li lanmour* ek fidelite pour ki zot protez li.

 8 Alor mon pou sant kantik* pour loue ou non pour touzour

E mon pou gard mon bann ve zour apre zour.

 2 Wi, i mon ros e sa enn ki sov mwan, mon landrwa kasyet ki an sekirite,*

Mon pa pou zanmen tonbe.

 4 Zot koz ansanm pour tir li dan son o pozisyon,*

Zot kontan koz manti.

 5 Wi, mon reste trankil e mon esper Bondye

Parski mon annan lespwar dan li.

 6 Wi, i mon ros e sa enn ki sov mwan, mon landrwa kasyet ki an sekirite.

Mon pa pou zanmen tonbe.

 9 Bann zonm i parey lavaper,*

Bann imen i zis parey en mansonz.

10 Pa bezwen krwar ki si ou malonnet

Oubyen si ou vole ou pou vin ris.

12 O Zeova, lanmour fidel osi i pour ou,

Parski ou rekonpans sakenn dapre sa ki i’n fer.

Mon feb akoz mon mank ou

Isi dan sa landrwa sek kot napa delo.

 2 Alor mon’n get ou dan landrwa sen.

Mon’n vwar ou lafors ek ou laglwar.

 3 Mon pou glorifye ou

Parski ou lanmour fidel i pli bon ki lavi.

 4 Alor tou mon lavi, mon pou loue ou.

Mon pou lev mon lanmen o non Bondye.

 5 Mon satisfe avek sa pli bon porsyon ki pli ris,*

Sanmenm mon pou dan lazwa e mon pou loue ou avek mon labous.

 6 Mon mazin ou ler mon lo mon lili,

Mon medit lo ou tou lannwit.

 7 Parski ou mon led

E mon kriy avek lazwa anba ou lezel.

 8 Mon reste atase avek ou,

Ou lanmen drwat i tyonbo mwan byen for.

 9 Me bann ki pe esey touy mwan

Pou desann anba later.

10 Zot pou ganny touye par lepe

E bann sakal* pour manz zot.

Tou dimoun ki fer serman par Bondye pou selebre,*

Parski bann ki koz manti pou reste trankil.

 2 Protez mwan kont konplo bann move dimoun ki ganny fer an sekre,

Protez mwan kont lafoul dimoun ki fer sa ki mal.

 3 Zot fit zot lalang parey en lepe

E zot servi bann parol kriyel parey en dimoun ki viz son fles

 4 Dan en landrwa kasyet e ki tir son fles lo en inosan.

San okenn lafreyer, en sel kou zot tir fles lo li.

 5 Zot persiste pour fer sa ki mal.*

Zot fer plan pour konnen kote zot pou kasyet zot latrap.

 6 Zot rod bann nouvo fason pour fer sa ki mal.

An sekre, zot fer plan pour fer bann move keksoz.

Bann panse dan leker en dimoun i difisil pour konpran.

 7 Me Bondye pou tir fles lo zot.

En sel kou, en fles pou bles zot.

 8 Sa ki zot dir* pou fer zot tonbe.

Tou bann ki pe gete pou sakouy zot latet.

 9 Alor tou dimoun pou per,

Zot pou koz lo sa ki Bondye in fer

E zot pou konpran sa ki i’n fer.

10 Dimoun ki fer sa ki byen pou dan lazwa akoz Zeova e zot pou pran refiz dan li.

Tou bann ki annan en leker senser pou selebre.*

65 O Bondye, ou pou ganny loue lo Montanny Siyon.

Nou pou gard bann ve ki nou’n fer avek ou.

 3 Mon pese i tro bokou pour mwan siporte,

Me ou pardonn nou lofans.

 4 Ere sa enn ki ou swazir e ki ou fer vin

Reste dan bann lakour ou tanp.

Nou pou satisfe avek tou bon keksoz ki dan ou lakaz,

Ou tanp sen.*

 5 O Bondye nou sover,

Ou pou reponn nou par fer bann keksoz ki enpresyonan e ki annakor avek ou ladrwatir.

Dimoun dan bann landrwa pli lwen lo later

E bann ki reste lot kote lanmer pou annan konfyans dan ou.

 6 Ou’n* solidman etabli bann montanny par ou lafors.

Ou vreman pwisan.*

 7 Ou kalmi lanmer azite,

Bann laroul ki kraze ek bann nasyon ki boulverse.

 8 Bann zabitan ki reste byen lwen pou vreman etonnen par ou bann siny.

Ou pou fer dimoun ki reste depi soley leve ziska soley kouse kriy avek lazwa.

 9 Ou pran swen avek later,

Ou fer li vin fertil e raport en kantite fri.*

Larivyer Bondye i ranpli avek delo.

Ou donn manze bann imen,

Parski koumsa ki ou ti prepar later.

10 Ou ranpli son bann transe avek delo e ou fer son later* ki’n ganny pyose vin plat.

Ou fer sa later vin mou avek lapli e ou beni sa ki pous lo la.

11 Ou beni* sa lannen avek bann bon keksoz,

Semen kot ou marse i ranpli avek en kantite bon keksoz.

12 I annan en kantite zerb dan dezer*

E bann pti montanny i dan lazwa.

13 I annan en kantite zannimo dan bann laplenn zerb

E bann vale* i kouver avek lagrenn.

Akoz ou gran pwisans,

Ou bann lennmi pou tranble devan ou.

 4 Tou dimoun lo later pou azenou devan ou.

Zot pou sant kantik pour loue ou.

Zot pou sant kantik pour loue ou non.” (Sela)

 6 I ti fer lanmer vin later sek.

Zot ti travers larivyer apye.

 8 Zot lepep, loue nou Bondye

E ki dimoun i tande ler nou loue li.

 9 I gard nou vivan

E i pa les nou tonbe.*

10 Parski ou’n egzamin nou, O Bondye.

Ou’n rafin nou, parey larzan i ganny rafinen.

11 Ou’n atrap nou dan en lasenn.

Ou’n met en fardo ki lour lo nou.*

12 Ou’n les dimoun pil lo nou.

Nou’n pas dan dife ek delo

E apre ou’n anmenn nou dan en landrwa repo.

13 Mon pou vin kot ou lakaz avek bann lofrann brile.

Mon pou gard bann ve ki mon’n fer avek ou,

14 Sa ki mon’n promet

E ki mon labous ti dir ler mon ti dan problenm.

15 Mon pou ofer ou lofrann brile bann zannimo ki’n ganny angrese

E osi fer lafimen bann sakrifis mal mouton monte.

16 Vin ekoute, zot tou ki annan en gran respe pour Bondye

E mon pou dir zot sa ki i’n fer pour mwan.

17 Mon ti kriy li avek mon labous

E glorifye li avek mon lalang.

18 Si mon ti annan okenn move lentansyon dan mon leker,

Zeova pa ti pou ekout mwan.

19 Me Bondye ti ekout mwan.

Wi, i ti ekout mon lapriyer.

20 Loue Bondye ki pa’n rezet mon lapriyer

E ki pa’n refize demontre lanmour fidel anver mwan.

67 Bondye pou demontre son labonte anver nou e i pou beni nou.

I pou fer son figir briye lo nou. (Sela)

 2 Pour ki tou dimoun lo later i konn sa ki ou’n fer

E ki tou bann nasyon lo later i konnen ki ou’n azir pour sov nou.

 3 Ki bann pep i loue ou, O Bondye.

Ki tou pep i loue ou.

 4 Ki bann nasyon i dan lazwa e ki zot kriye avek lazwa,

Parski ou pou ziz lepep avek lazistis.

 5 Ki bann pep i loue ou, O Bondye.

Ki tou pep i loue ou.

 6 Later pou raport fri.

Bondye, nou Bondye, pou beni nou.

 7 Bondye pou beni nou

E dimoun partou lo later pou annan en gran respe* pour li.

68 Ki Bondye i leve, ki son bann lennmi i disperse

E ki bann ki ay li i sove devan li.

 2 Pous zot parey lafimen.

Parey lasir* ki fonn dan dife,

Koumsanmenm ki bann move dimoun i ganny detrir devan Bondye.

 3 Me ki bann dimoun ki fer sa ki byen i dan lazwa.

Ki zot vreman kontan devan Bondye,

Ki zot selebre e zwaye.

 5 Bondye ki dan son landrwa sen

I papa bann orfelen* e i protez* bann vev.

 6 Bondye i donn bann ki tousel en lakour.

I liber bann prizonnyen e fer zot prospere.

 7 O Bondye, ler ou ti gid* ou pep,

Ler ou ti mars dan dezer, (Sela)

 8 Later ti tranble.

Lapli ti tonbe sorti dan lesyel akoz Bondye ti la.

Montanny Sinai ti tranble akoz Bondye ti la, Bondye Izrael.

 9 O Bondye, ou ti fer en kantite lapli tonbe.

Ou ti redonn lafors ou pep* ki ti epwize.

10 O Bondye, zot ti reste dan ou bann latant,

Akoz ou labonte, ou ti donn bann pov sa ki zot ti bezwen.

11 Zeova i donn lord.

Bann madanm ki anons sa bon nouvel i en gran larme.

13 Menm si bann zonm ti pe dormi o bor dife dan kan,*

Zot pou ganny en kolonm* ki son lezel in kouver avek larzan

E ki son bout lezel in kouver avek lor pir.*

14 Ler sa Enn Tou Pwisan ti dispers bann lerwa dan sa pei,

Lanez ti tonbe Zalmonn.*

15 Montanny Basann i en montanny Bondye.*

Montanny Basann i annan en kantite latet montanny.

16 Ou montanny ki annan en kantite latet, akoz ou zalou

Ler ou get sa montanny ki Bondye in swazir pour reste lo la?

18 Ou ti mont anler,

Ou ti anmenn bann prizonnyen avek ou.

Ou ti pran bann zonm konman kado,

Wi, menm bann ki antete, pou reste parmi zot, O Ya Bondye.

19 Ki Zeova i ganny loue, sa Enn ki anmenn nou fardo sak zour,

Sa vre Bondye ki nou Sover. (Sela)

20 Sa vre Bondye i en Bondye ki sov nou.

Zeova Souvren Senyer i sov nou dan lanmor.

21 Bondye pou kraz latet son bann lennmi,

Wi, i pou kraz latet tou bann ki kontinyen fer sa ki mal.*

22 Zeova in dir: “Mon pou fer zot retournen sorti Basann.

Mon pou fer zot retournen sorti dan fon lanmer,

23 Pour ki ou lipye i benny dan disan ou bann lennmi

E ki lalang ou bann lisyen i lis zot disan.”

24 Zot vwar ou laprosesyon, O Bondye,

Laprosesyon mon Bondye, mon Lerwa, ki pe al kot landrwa sen.

25 Bann santer i mars devan e bann zenn madanm i zwe tanbourin par deryer.

Bann mizisyen ki zwe bann lenstriman lakord i swiv zot.

26 Loue Bondye parmi bann lafoul ki’n rasanble.

Loue Zeova, zot ki’n ganny lavi avek Papa* Izrael.

27 Laba, Benzamen, sa enn ki pli zenn pe diriz zot.

Bann prens Zida avek bann lafoul ki pe kriye,

Bann prens Zeboulonn ek bann prens Naftali pe diriz zot osi.

29 Bann lerwa pou anmenn bann kado

Pour ou tanp ki Zerizalenm.

30 Koriz bann zannimo sovaz ki reste parmi bann zon,*

Bann toro ek zot pti bef,

Ziska ki lepep i azenou e anmenn* bann pyes larzan.

31 Bann keksoz an bronz sorti Lezip pou ganny anmennen.*

Kous pou depese pour ofer bann kado Bondye.

32 Bann rwayonm lo later, sant pour Bondye,

Sant bann kantik* pour loue Zeova, (Sela)

I diriz Izrael

E son lafors i dan lesyel.

I Bondye Izrael,

Ki donn lafors ek pwisans lepep.

Mon pe koule dan delo profon

E kouran larivyer pe trenn mwan.

 3 Mon fatige telman mon’n kriye,

Mon lavwa i anrwe.

 4 Bann dimoun ki ay mwan san okenn rezon

I pli bokou ki seve lo mon latet.

Bann ki anvi touy mwan,

Mon bann lennmi* in vin en kantite.

 5 O Bondye, ou konn byen bann keksoz bet

Ek bann move keksoz ki mon’n fer.

 6 O Souvren Senyer, Zeova Sef larme,

Ki bann dimoun ki annan lespwar dan ou pa onte akoz mwan.

O Bondye Izrael,

Ki bann ki pe rod ou pa ganny imilye akoz mwan.

 7 Akoz ou menm ki mon pe ganny ensilte

E mon zis ganny imilye.

 8 Mon’n vin en etranze pour mon bann frer

E pour bann zanfan mon manman.

 9 Devouman pour ou lakaz pe brile dan mwan parey en dife.

Sa ki dimoun in dir pour ensilte ou, zot in servi pour ensilte mwan.

10 Ler mon ti zennen,*

Mon ti ganny ensilte pour imilye mon lekor.

11 Ler mon ti met latwal goni lo mwan,

Zot ti mepriz mwan.*

12 Bann dimoun ki asiz kot baro lavil i koz lo mwan

E bann soular i fer sanson lo mwan.

13 Me ekout mon lapriyer,

O Zeova, dan sa moman ki bon pour ou.

O Bondye, akoz ou gran lanmour fidel,

Reponn mwan e azir pour sov mwan.

14 Tir mwan dan labou,

Pa les mwan anfonse.

Delivre mwan dan lanmen bann ki ay mwan

E dan delo profon.

15 Pa les lavalas trenn mwan

Oubyen pa les mwan koule dan delo profon

Oubyen pa les sa pwi* anval mwan.

Get mwan, akoz ou gran konpasyon

17 E pa kasyet ou figir avek ou serviter.

18 Vin o bor mwan e sov mwan,

Delivre mwan dan lanmen mon bann lennmi.

Mon ti krwar ki dimoun ti pou senpatiz avek mwan, me i ti napa personn.

Mon ti krwar ki dimoun ti pou rekonfort mwan, me mon pa ti vwar personn.

21 Dan plas manze, zot ti donn mwan pwazon*

E ler mon ti swaf, zot ti donn mwan vineg pour bwar.

22 Ki zot festen i vin en pyez pour zot

E zot larises, en latrap.

23 Ki zot lizye i vin sonm pour ki zot pa kapab vwar kler

E ki zot laans i toultan tranble.

24 Vid ou lakoler lo zot

E ki ou gran lakoler i vin lo zot.

25 Ki zot kan i dezerte

E ki napa zabitan dan zot latant.

26 Parski zot tay deryer sa enn ki ou’n tape

E zot kontinyen koz lo soufrans bann ki ou’n blese.

27 Fer zot vin pli koupab ankor

E pa konsider zot inosan.

28 Ki zot non i ganny efase dan liv lavi*

E ki zot non pa ganny ekrir parmi bann dimoun ki fer sa ki byen.

30 Mon pou sant kantik pour loue non Bondye

E mon pou glorifye li e remersye li.

31 Sa pou fer Zeova plezir plis ki en toro,

Plis ki en zenn toro ki annan korn ek sabo.*

33 Parski Zeova i ekout bann pov

E i pa pou mepriz son pep ki an egzil.

34 Ki lesyel ek later i loue li,

Lanmer e tou sa ki bouze ladan.

35 Parski Bondye pou sov Siyon

E i pou rekonstri bann lavil Zida

E dimoun pou reste laba e i* pou vin pour zot.

36 Bann desandans son bann serviter pou ganny donnen sa pei

E bann ki kontan son non pou reste laba.

70 O Bondye, sov mwan.

O Zeova, depese, vin ed mwan.

 2 Ki bann ki pe sey pran mon lavi

I kanmi e onte.

Ki bann ki pran plezir dan mon maler

I sove e ganny imilye.

 4 Me ki bann ki pe rod ou

I selebre e dan lazwa akoz ou.

 5 Me mwan mon pov e san defans.

O Bondye, pa tarde pour ed mwan.

Ou mon led e mon sover.

O Zeova, pa tarde.

 3 Vin pour mwan en landrwa kasyet lo en ros

Kot mon toultan kapab ale.

Donn lord pour sov mwan,

Parski ou mon ros e mon landrwa proteksyon.

 4 O mon Bondye, sov mwan dan lanmen bann move dimoun,

Dan lanmen bann ki atak mwan dan en fason enzis.

 5 Parski ou mon lespwar, O Souvren Senyer Zeova.

Depi mon zenes, mon’n annan konfyans dan ou.

 6 Depi mon nesans, mon’n toultan depan lo ou.

Ou ki ti fer mwan sorti dan vant mon manman.

 7 Bokou dimoun i etonnen ler zot vwar sa ki’n ariv mwan,

Me ou mon landrwa proteksyon ki an sekirite.

 8 Mon loue ou avek mon labous.

Tou dilon lazournen, mon koz lo ou laglwar.

 9 Pa rezet mwan ler mon’n vye.

Pa abandonn mwan ler mon nepli annan lafors.

10 Mon bann lennmi i koz kont mwan.

Bann ki pe rod touy mwan pe fer konplo

11 E zot dir: “Bondye in abandonn li.

13 Ki bann ki opoz mwan

I onte e ganny detrir.

Ki bann ki pe rod mon maler

I ganny imilye e onte.

14 Me mwan, mon pou kontinyen espere.

Mon pou loue ou plis ankor.

15 Tou dilon lazournen, mon labous pou koz lo ou ladrwatir

E lo sa ki ou’n fer pour sov nou,

Menm si i tro bokou pour mwan konpran.*

16 O Souvren Senyer Zeova,

Mon pou vin koz lo ou bann aksyon pwisan.

Mon pou koz lo ou ladrwatir, zis lo ou ladrwatir.

17 O Bondye, ou’n ansenny mwan depi mon zenes

E ziska prezan mon kontinyen koz lo bann keksoz merveye ki ou’n fer.

Les mwan koz lo ou lafors avek sa lot zenerasyon

E lo ou pwisans* avek tou bann ki pou vini.

19 O Bondye, ou ladrwatir i sitan gran.

Ou’n fer bann keksoz ekstraordiner.

O Bondye, lekel ki parey ou?

20 Menm si ou’n fer mwan pas dan bokou problenm ek maler,

Redonn mwan lafors.

Fer mwan sorti anba* later.

21 Fer mwan ganny plis loner,

Protez e konsol mwan.

22 O mon Bondye, mon pou loue ou avek en lenstriman lakord

Akoz ou fidelite.

Ou sa Enn ki Sen Izrael,

Mon pou sant kantik pour loue ou* avek larp.

23 Mon pou kriy avek lazwa e sant kantik pour loue ou

Parski ou’n sov mon lavi.

24 Tou dilon lazournen, mon pou koz lo ou ladrwatir,

Parski bann ki oule touy mwan pou kanmi e onte.

72 O Bondye, fer lerwa konn ou bann zizman

E fer garson lerwa konn ou ladrwatir.

 2 Ki i defann ou pep avek ladrwatir

E bann ki malere avek lazistis.

 3 Ki bann montanny i anmenn lape pour lepep

E bann pti montanny i anmenn ladrwatir.

 4 Ki i defann* bann malere parmi lepep,

Ki i sov zanfan bann pov

E ki i detri bann voler.

 5 Zot pou annan en gran respe pour ou, osi lontan ki i annan soley

E osi lontan ki i annan lalin,

Zenerasyon apre zenerasyon.

 6 I pou parey lapli ki tonm lo zerb ki’n ganny koupe,

Parey lapli ki aroz later.

 7 Ler i pe dirize, bann ki fer sa ki byen pou fleri*

E lape pou partou kote ziska ki lalin i nepli.

 8 I pou dirize* depi en lanmer ziska en lot lanmer

E depi Larivyer* ziska partou lo later.

 9 Bann ki reste dan dezer pou tonm azenou devan li

E lerwa pou defet son bann lennmi.*

11 Tou bann lerwa pou tonm azenou devan li

E tou bann nasyon pou servi li.

12 Parski i pou sov bann pov ki pe demann led,

Bann malere e bann ki napa personn pour ed zot.

13 I pou pran pitye pour bann malere ek bann pov

E i pou sov lavi bann pov.

14 I pou sov bann ki soufer akoz vyolans ek labi

E zot lavi* pou presye pour li.

Ki dimoun i toultan priy pour li

E ki i ganny beni tou dilon lazournen.

16 Manze* pou annabondans lo later

E lo latet bann montanny.

Rekolt dan bann plantasyon lerwa pou raport en kantite parey Liban

E dan bann lavil, dimoun pou vin en kantite parey zerb lo later.

17 Ki son non i reste pour touzour

E ki son non pa zanmen ganny oubliye osi lontan ki soley i la.

Ki dimoun i ganny beni gras a li.

Ki tou bann nasyon i dir ki i ere.

18 Ki Bondye Zeova i ganny loue, Bondye Izrael,

Zis li ki fer bann keksoz merveye.

19 Ki son non i ganny glorifye e loue pour touzour

E ki son laglwar i ranpli later antye.

 2 Me mwan, mon lipye ti pros pour kit sa bon semen,

Mon lipye ti pros pour glise.

 3 Parski mon ti zalou bann dimoun arogan*

Ler mon ti vwar lape bann move dimoun.

 4 Parski zot pa soufer ler zot mor,

Zot an bonn sante.*

 5 Zot pa ganny problenm parey lezot dimoun,

Ni soufer parey lezot.

 6 Sanmenm lorgey i parey en kolye dan zot likou

E vyolans parey en lenz lo zot.

 7 Zot larises* i fer zot lizye sorti,

Zot in ganny plis ki sa ki zot ti pe mazinen.

 9 Zot fer vantar konmsi zot dan lesyel

E zot dir nenport kwa partou lo later.

10 Alor pep Bondye i vir kont li e al kot zot

E bwar zot delo ki annabondans.

13 Vreman i pa vo lapenn ki mon’n gard mon leker pir

E ki mon’n lav mon lanmen akoz mon inosan.

14 Tou dilon lazournen mon ti enkyet

E tou le bomaten mon ti ganny disiplinen.

15 Me si mon ti’n dir sa bann keksoz,

Mon ti pou’n trai ou pep.*

16 Ler mon ti esey konpran sa,

Sa ti fatig mwan