Labib i reponn

Akoz i enposib pour imen anmenn lape?

Labib i donn de rezon prensipal. Premyerman, menm si imen in kapab fer bokou keksoz enkrwayab, zot napa sa abilite pour diriz zot lepa. Dezyenmman, plan bann imen in fel akoz “lemonn antye i dan pouvwar” Dyab. Alor, malgre zot zefor, imen pa’n kapab anmenn lape lo later antye.​—Lir Zeremi 10:23; 1 Zan 5:19.

Lanbisyon egois bann imen in fer li difisil pour annan lape. Zis en gouvernman ki ansenny dimoun pour kontan kanmarad e fer sa ki byen ki pou kapab anmenn lape lo later antye.​—Lir Izai 32:17; 48:18, 22.

Lekel ki pou etabli lape lo later?

Bondye Tou Pwisan in promet pour etablir en sel gouvernman pour diriz limanite. I pou ranplas bann gouvernman imen. (Danyel 2:44) Garson Bondye, Zezi pou rennyen konman Prens Lape. I pou elimin mesanste lo later e ansenny dimoun semen lape.​—Lir Izai 9:6, 7; 11:4, 9.

La konmela, anba direksyon Zezi, plizyer milyon dimoun pe servi Labib pour ansenny dimoun konman pour anpe avek kanmarad. Byento, lape lo later antye pou vin en realite.​—Lir Izai 2:3, 4; 54:13.

Pour plis lenformasyon, vwar sapit 3 dan liv Ki Labib i vreman dir? pibliye par Temwen Zeova

[Portre lo paz 15]

Zis en gouvernman ki kapab sanz leker dimoun ki pou anmenn lape lo later antye

[Sorti kot]

Fatmir Boshnjaku