Labib i reponn

Eski Bondye i ekout tou lapriyer?

Bondye i ekout dimoun sorti dan tou nasyon. (Psonm 145:18, 19) Son Parol Labib i ankouraz nou pour koz konsernan nenport ki keksoz ki fatig nou. (Filipyen 4:6, 7) Me, pourtan i annan serten lapriyer ki Bondye i deteste. Par egzanp, i pa kontan ler dimoun i aprann lapriyer par ker epi repete.​—Lir Matye 6:7.

Zeova i osi pa kontan lapriyer bann dimoun ki dezobeir son lalwa volonterman. (Proverb 28:9) Par egzanp, dan letan lontan Bondye ti refize ekout bann Izraelit ki ti koupab pour mert. I kler alor, ki nou bezwen swiv serten laranzman pour ki Bondye i ekout nou lapriyer.​—Lir Izai 1:15.

Ki nou devret fer pour ki Bondye i ekout nou lapriyer?

Nou pa kapab apros Bondye dan lapriyer si nou napa lafwa. (Zak 1:5, 6) Nou devret krwar ki i egziste e ki i enterese avek nou. Nou kapab ranforsi nou lafwa par etidye Labib, akoz vre lafwa i baze lo laprev ek lasirans ki trouve dan Parol Bondye.​—Lir Ebre 11:1, 6.

Nou lapriyer i devret senser e nou devret priy avek limilite. Menm Zezi, Garson Bondye ti demontre limilite ler i ti priye. (Lik 22:41, 42) Alor, olye dir avek Bondye ki pour fer, nou devret esey konpran sa ki i ekspekte avek nou par lir Labib. Apre nou kapab priy an armoni avek lavolonte Bondye.​—Lir 1 Zan 5:14.

Pour plis lenformasyon, vwar sapit 17 dan liv Ki Labib i vreman dir? pibliye par Temwen Zeova

Ou kapab download li lo www.jw.org

[Portre lo paz 16]

Akoz serten lapriyer pa fer plezir Bondye?