LO KOUVERTIR | SA KI BONDYE IN FER POUR OU

En lokazyon ki ou pa devret manke

Sa zour swar avan i ti donn son lavi, Zezi ti donn lord son bann disip fidel pour rapel oubyen komemor son sakrifis. An servan dipen san lelven ek diven rouz, i ti entrodwir sa ki ganny apele Repa Senyer e donn sa lord: “Fer sa an mon memwar.”​—Lik 22:19.

Sak lannen Temwen Zeova dan lemonn antye i zwenn ansanm pour komemor lanmor Zezi. An 2014, Memoryal pou tonm Lendi le 14 Avril apre soley kouse.

Ou ganny envite pour vin asiste sa renyon, ki pou prezant plis lenformasyon lo sinifikasyon lanmor Zezi. Sa levennman i gratwit. Pour napa okenn laket. Sa dimoun ki donn ou sa magazin pou kapab dir ou ler ek landrwa kot Memoryal pou ganny fer dan ou rezyon oubyen ou kapab al lo nou sit, jw.org. Silvouple not sa lokazyon, ki nou espere ou pa pou manke.