LABIB I REPONN

Ki lavenir i rezerve pour imen?

Byensir imen pou kontinyen fer progre dan domenn lasyans. Me eski zot tousel zot pou reisi etablir en lasosyete kot dimoun i senserman enterese pour pran swen avek kanmarad? Non. Ozordi, sa lemonn i ganny kontrole par legoizm ek vorasite. Par kont, Bondye in plàn en pli meyer lavenir pour lafanmir imen.​—Lir 2 Pyer 3:13.

Parol Bondye i dekrir en lavenir kot dimoun dan lemonn antye pou kontan kanmarad. Dimoun pou viv an sekirite e pou napa personn ki pou fer zot ditor.​—Lir Mika 4:3, 4.

Ki mannyer legoizm pou ganny eliminen?

O konmansman Bondye ti kree imen san okenn tandans egois. Me par swazir pour dezobei Bondye, sa premye imen ti perdi perfeksyon. Nou’n erit sa tandans pour vin egois avek sa premye imen. Malgre sa, atraver Zezi, Bondye pou redonn bann imen sa perfeksyon.​—Lir Romen 7: 21, 24, 25.

Annakor avek lavolonte Bondye, Zezi ti mor konman en sakrifis e i ti efas lefe dezobeisans sa premye imen. (Romen 5:19) Alor Zezi ti ouver semen pour en lavenir merveye kot dimoun pou nepli annan sa tandans egois pour fer sa ki mal.​—Lir Psonm 37:9-11.

Pour plis lenformasyon vwar sapit 5 dan sa liv Ki Labib i vreman dir? pibliye par Temwen Zeova

I osi disponib lo www.jw.org

[Portre lo paz 16]

Ki mannyer lanmor Zezi i fer li posib pour annan en lasosyete kot dimoun i pran swen avek kanmarad?