Lanons

◼ Piblikasyon pour ofer an Mars: Konnesans Ki Anmenn ver Lavi Eternel. En zefor spesyal pou ganny fer pour konmans letid Labib kot lakour. Avril ek Me: Latour Veyer ek Réveillez-vous! Bann proklanmater i devret enform bann dimoun ki zot kapab kontribye pour sa travay ki pe ganny fer partou dan lemonn si zot anvi. Si bann dimoun i enterese, ofer brosir Ekspekte, e fer en zefor spesyal pour konmans bann letid Labib. Zen: Sa ki Bondye i ekspekte nou fer oubyen Konnesans Ki Anmenn ver Lavi Eternel. Si bann dimoun i deza annan sa bann piblikasyon, ofer en brosir apropriye ki kongregasyon i annan dan stok.

◼ Bann proklanmater ki anvi servi konman pionye asistan an Avril i devret fer zot desizyon la konmela e donn zot laplikasyon boner. Sa pou ed bann ansyen pour fer bann laranzman neseser pour predikasyon e ki sifizaman magazin ek lezot piblikasyon i disponib. Non bann ki ganny aprouve pour fer pionye asistan i devret ganny anonse dan kongregasyon.

◼ Memoryal pou fer Zedi le 28 Mars, 2002. Si ou kongregasyon i annan renyon sa zour, sa renyon i devret ganny fer en lot zour pandan lasemenn si Lasal Rwayonm i disponib. Si i pa posib e ou Renyon Servis i ganny afekte, bann parti ki partikilyerman aplikab pour ou kongregasyon i kapab ganny enkli dan en lot Renyon Servis.

◼ Lasosyete pa aksepte bann demann endividyel pour piblikasyon. Sirveyan prezidan i devret aranze ki en lanons i ganny fer dan kongregasyon sak mwan avan ki komann kongregasyon i ganny anvoye Lasosyete. Sa pou permet bann ki bezwen serten lartik pour enform sa frer ki okip piblikasyon. Silvouple gard antet bann lartik ki ou bezwen rekomande spesifikman.

◼ Lenformasyon legal i disponib an Angle, pour ed bann ki enplike dan bann ka divors kot zot rankontre serten problenm ki relye avek drwa pour gard oubyen vizit zot zanfan, dan ka ki nou larelizyon pe ganny atake. Sa dokiman i devret ganny demande selman par bann ansyen si i kler ki nou pozisyon relizye pou vin en problenm. Pour bann ki enplike dan bann lezot ka ki konsern drwa pour gard oubyen vizit zot zanfan, ti a vreman itil si zot refer avek bann lenformasyon dan Réveillez-vous! le 8 Desanm, 1997, paz 3-12; Réveillez-vous! le 22 Oktob, 1988, paz 2-14; ek tablo dan Réveillez-vous! le 22 Avril, 1991, paz 9.

◼ Latour Veyer i aprezan disponib konman en gran forma dan langaz Efik, Igbo, e Yoruba.

◼ Dan lavenir, tou piblikasyon dan langaz Azerbaijani pou ganny pibliye an servan lekritir Romen (oubyen, Laten.) Pour enpe letan, serten pou kontinyen disponib an Cyrillic.