Servi Liv Ador Bondye pour kondwir bann Letid Labib
Sa liv Ador sa sel vre Bondye in ganny prepare pour ed bann nouvo pour progrese dan laverite e ogmant zot lapresyasyon pour Zeova ek son lorganizasyon. I kapab ganny servi avek bann etidyan Labib konman en dezyenm liv letid. Nou Minister Rwayonm, Zen 2000, paz 4, ti eksplike: “Si i evidan ki sa dimoun pe fer progre, menm dousman, e ki i pe devlop lapresyasyon pour sa ki i pe aprann, alor kontinyen letid Labib dan en dezyenm liv apre ki brosir Ekspekte ek liv Konnesans in ganny konplete. . . . Antouka, brosir Ekspekte ek liv Konnesans i bezwen ganny etidye an premye. Letid Labib, retourn vizit ek letan ki ganny servi pour kontinyen sa letid i devret ganny konte e raporte, menm si sa etidyan i batize avan ki sa dezyenm liv i ganny konplete.”
Lekel ankor ki kapab benefisye avek en letid Labib dan sa liv Ador Bondye? Sa menm lartik i kontinyen: “Si ou konn serten ki ti etidye [brosir Ekspekte ek] liv Konnesans dan lepase me ki pa’n zanmen progres ziska dedikasyon ek batenm, petet ou ti a swete pran linisyativ pour vwar si zot ti a kontan rekonmans zot Letid Labib.” Annou fer en zefor spesyal pour konmans bann letid dan sa liv Ador Bondye avek sa bann tel dimoun pandan mwan Mars ek Avril.