Lasanble Distrik ek Lasanble Enternasyonal i pous nou pour donn Bondye Laglwar!

Lasanble Distrik ek Lasanble Enternasyonal “Donn Bondye Laglwar” ki’n ganny fer ziska prezan, in donn en temwannyaz ekselan. Sa bann levennman teokratik tre enportan in ganny fer pour glorifye non Zeova e pour amelyor nou abilite pour “donn Zeova sa laglwar ki pour son non.” (Ps. 96:8) Vreman, i merit ganny glorifye akoz son bann travay kreasyon merveye, ki reflekte son bann kalite ekstraordiner.—Zob 37:14; Rev. 4:11.

Par servi sa bann kestyon swivan ansanm avek ou bann not personnel, prepar e partisip dan revizyon progranm lasanble ki pou ganny fer pandan semenn le 20 Oktob.

1. Ki mannyer bann keksoz ki Zeova in fer i anmenn laglwar pour li, e konman ki sa i diferan avek lafason ki imen i loue li? (Ps. 19:1-3; “Kreasyon i demontre Laglwar Bondye”)

2. Ki realite sa sanzman laparans ki ti arive avek Zezi i endike, e dan ki fason bann Kretyen ozordi i ganny motive par sa realite? (Diskour tenm, “Vizyon profetik glorye i motiv nou!”)

3. Ki mannyer nou kapab devlop sa kalite limilite ki profet Danyel ti demontre, e konman nou pou benefisye si nou fer sa? (Dan. 9:2, 5; 10:11, 12; “Laglwar Zeova i ganny revele avek bann ki annan Limilite”)

4. (a) Ki sa trwa keksoz ki nou kapab aprann lo zizman Bondye dan profesi Amos? (Amos 1:3, 11, 13; 9:2-4, 8, 14) (b) Ki leson pratik bann Temwen Zeova ozordi i kapab aprann atraver sa legzanp dan Amos 2:12, ki servi konman en lavertisman? (“Profesi Amos—Son Mesaz pour nou Letan”)

5. (a) Ki danze servi tro bokou lalkol i annan, menm si en dimoun pa sou? (b) Ki mannyer sa problenm pour servi tro bokou lalkol i kapab ganny rezourd? (Mark 9:43; Efe. 5:18; “Evit sa Pyez pour bwar Lalkol an ekse”)

6. Konman ou pe benefisye avek sa nouvo piblikasyon “See the Good Land”? (“ ‘The Good Land’—Foregleam of Paradise”)

7. Ki sa trwa fason ki nou kapab ‘reflekte laglwar Senyer’? (2 Kor. 3:18; “Reflekte Laglwar Zeova parey en Laglas”)

8. Kote sa laenn ki pa zistifye i sorti, e kwa ki kapab ed nou pour gard nou fidelite menm si nou pe ganny en tel laenn? (Ps. 109:1-3; “Zot ay nou san okenn Rezon”)

9. Ki pwennvi Zezi lo lenportans, e konman en dimoun i kapab rekonnet ki i bezwen li osi devlop sa menm pwennvi? (Mat. 20:20-26; “Kiltiv Pwennvi Zezi lo Lenportans”)

10. Kwa ki kapab ed nou pour reste for spirityelman malgre lafatig fizik? (“Nou fatige, me nou pa arete”)

11. Nonm serten mwayen atraver ki Satan i promot mansonz. Ki mannyer Labib i ankouraz nou pour reazir anver bann ki oule detrir nou lafwa? (Zan 10:5; “Fer atansyon ‘Lavwa bann ki ou pa konnen’ ”)

12. (a) Ki mannyer bann paran i kapab swiv legzanp Zezi parey i ganny rikorde dan Mark 10:14, 16? (b) Ki ou kontan avek sa nouvo liv Learn From the Great Teacher? (“Our Children—A Precious Inheritance”)

13. Ki mannyer bann zenn pe loue Zeova? (1 Tim. 4:12; “Konman bann Zenn pe loue Zeova”)

14. Ki bann senn dan sa dram “Pres avek Lardyes malgre Lopozisyon” ki’n pli mark ou?

15. Ki mannyer nou kapab imit legzanp (a) Pyer ek Zan? (Akt 4:10) (b) Etyenn? (Akt 7:2, 52, 53) (c) kongregasyon Kretyen dan premye syek? (Akt 9:31; Dram ek diskour “Anons sa bon Nouvel ‘san arete’ ”)

16. (a) Dan ki fason nou determinen pour donn Bondye laglwar? (b) Ki lasirans nou kapab annan ler nou aplik sa ki nou’n aprann dan sa Lasanble “Donn Bondye Laglwar”? (Zan 15:9, 10, 16; “ ‘Kontinyen raport bokou Fri’ pour Laglwar Zeova”)

Par medit lo sa bon lenstriksyon spirityel ki nou’n gannyen dan lasanble, nou pou ganny motive pour met an pratik bann keksoz ki nou’n aprann. (Fili. 4:8, 9) Sa pou fer nou pli determinen pour “fer tou pour laglwar Bondye.”—1 Kor. 10:31.