Revizyon Pour Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 26 Avril, 2004. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 1 Mars ziska le 26 Avril, 2004. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ler nou pe prezant en diskour, akoz i pli bon pour servi en plan plito ki lir tou sa ki nou’n ekrir lo en papye? [be p. 166 par. 3]

2. Ler nou pe prepar pour predikasyon, konman nou kapab organiz nou bann lide konman en plan dan nou lespri? [be p. 167 par. 3]

3. Par servi Akt 13:16-41 ek Akt 17:2, 3, eksplike konman Pol ‘ti prouve lozikman ki Zezi ti Mesi.’ (Akt 9:22) [be p. 170 par. 2]

4. Ki serten lavantaz en prezantasyon enprovize i annan? [be p. 175 par. 2-5]

5. Ki bann pyez ki en ekspoze enprovize i kapab anmennen, e kwa ki kapab ed nou evit zot? [be p. 176 par.1-4]

EKSPOZE NO. 1

6. Dapre sa resi dan Zenez 32:24-32, ki Zakob, ki ti annan 97 an, ti fer pour ganny benediksyon Zeova, e ki sa i ansenny nou? [w02 1/8 p. 29-31 (Angle/Franse)]

7. Kwa ki enplike dan “abilite pour reflesir,” e konman i kapab anpes nou perdi nou lekilib e tonm dan problenm ki pa neseser? (Prov. 1:4) [w02 15/8 p. 21-2, (Angle/Franse)]

8. Konman bann orater ki fer diskour piblik i fer Labib vin baz zot diskour? [be p. 52 par. 6–p. 53 par. 5]

9. Ki desizyon en orater i devret fer ler i pe transform en plan diskour an en leksplikasyon nourisan? [be p. 54 par. 2-4]

10. Akoz Zeova ti nouri bann Izraelit avek lamann semenn apre semenn, mwan apre mwan dan dezer, e ki nou kapab aprann atraver sa? (Det. 8:16) [w02 1/9 p. 30 par. 3-4 (Angle/Franse)]

LEKTIR LABIB LASEMENN

11. Parey i montre dan Zenez 37:12-17, ki similarite nou vwar ant fason ki Zozef ti azir avek fason ki Zezi ti azir? [w87 1/5 p. 12 par. 12 (Angle/Franse)]

12. Parey nou kapab vwar dan sa resi dan Zenez 42:25-35, ki mannyer Zozef ti demontre menm konpasyon avek sa ki Zezi ti demontre? [w87 1/5 p. 18 par. 10; p. 19 par. 17 (Angle/Franse)]

13. Konman ki sa provizyon ki lesklav i fourni ozordi i koresponn avek distribisyon sereal dan letan Zozef? (Zen. 47:21-25)

14. Par dir, “Mon pou vin sa ki mon oule vini,” ki Zeova ti pe revele konsernan son non? (Egz. 3:14, 15)

15. Dapre Egzod 16:2, 3, ki sa de danze ki komen ler dimoun i konplent? [w93 15/3 p. 20-1 (Angle/Franse)]