Revizyon Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 29 Out, 2005. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 4 Zilyet ziska le 29 Out, 2005. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ler nou pe partaz nou lesperans avek lezot, ki mannyer nou kapab montre tou dimoun ki nou “rezonnab,” e akoz sa i enportan? (Fili. 4:5, NW; Zak 3:17) [be p. 251 par. 1-3, bwat]

2. Ki mannyer ler nou konnen kan pour sede i ed nou byen azir avek lezot? [be p. 253 par. 1-2]

3. Akoz byen servi kestyon i enportan ler nou ed lezot pour rezonn lo en size? [be p. 253 par. 3-4]

4. Ki bann fakter ki devret ganny konsidere pour kapab fer en prezantasyon ki persyad lezot? [be p. 255 par. 1-4, bwat; p. 256 par. 1, bwat]

5. Ki nou devret gard antet si nou deside servi bann levidans ki pa sorti dan Labib pour montre sa ki Labib i dir i fer sans? [be p. 256 par. 3-5, bwat]

EKSPOZE NO. 1

6. Ki levidans kler ki montre ki Zezi ti vreman egziste? [w03 15/6 p. 4-7 (Angle/Franse)]

7. Ki mannyer ‘labous bann dimoun drwat i sov zot,’ e konman lakaz bann dimoun drwat i “reste debout”? (Prov. 12:6, 7) [w03 15/1 p. 30 par. 1-3 (Angle/Franse)]

8. Vi ki napa en gran lalis ki nou devret fer e ki nou pa devret fer dan Labib, ki mannyer nou kapab ‘konpran konman Zeova i oule nou azir’? (Efe. 5:17) [w03 1/12 p. 21 par. 3–p. 22 par. 3 (Angle/Franse)]

9. Ki bann prensip Labib ki ler zot ganny aplike, zot kapab ed en dimoun fer fas avek lapovrete oubyen bann move sitiasyon ekonomik? [w03 1/8 p. 5 par. 2-5]

10. Ki lefe legzanp Zeova lo donn volonterman i devret fer lo nou? (Mat. 10:8) [w03 1/8 p. 20-2 (Angle/Franse)]

LEKTIR LABIB LASEMENN

11. Ki sa de pilye apele Yakin ek Boaz dan larantre tanp ki Salomon ti konstri ti vedir? (1 Rwa. 7:15-22)

12. Eski sa 20 lavil dan Galile ki Salomon ti fer kado Lerwa Ira sorti Tir i an armoni avek Lalwa Moiz? (1 Rwa. 9:10-13)

13. Ki leson nou kapab aprann atraver dezobeisans “en zonm Bondye”? (1 Rwa. 13:1-25)

14. Dan ki fason Lerwa Aza ti demontre son kouraz, e ki nou kapab aprann atraver son legzanp? (1 Rwa. 15:11-13)

15. Konman sa lensidan ki ti enplik Lerwa Aab ek Nabot i montre ki i danzere pour tro pran pitye pour nou lekor? (1 Rwa. 21:1-16)