Revizyon Lekol Minister Teokratik

Sa bann kestyon swivan pou ganny egzaminen dan Lekol Minister Teokratik pandan semenn le 30 Avril, 2007. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 5 Mars ziska le 30 Avril, 2007. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ki mannyer nou kapab gard nou plan diskour senp? [be p. 168 par. 4]

2. Nonm kat fason ki nou kapab prezant lenformasyon dan en fason lozik. [be p. 170 par. 3–p. 172 par. 4]

3. Ki fakter nou devret gard antet ler pe determinen kwa ki nou pou enkli dan en diskour? [be p. 173 par.1-2]

4. Ki serten byenfe i annan ler nou fer en prezantasyon enprovize? [be p. 175 par. 2-4]

5. Akoz i enportan koz parey ou abitye toulezour, e konman ou kapab devlop sa kalite? [be p. 179 par. 4 ek bwat; bwat lo p. 180]

EKSPOZE NO. 1

6. Konman en frer i devret prepar li kan i ganny dezinyen pour prezant pwen enteresan lektir lo Labib pour lasemenn? [be p. 47 par. 3-4]

7. Kwa ki pli enportan konsernan ranson Kris ki sa byenfe ki nou ganny atraver sa sakrifis? [w05 1/11 p. 14 par. 1 (Angle/Franse)]

8. Ki mannyer bann verse Labib i devret ganny servi dan en diskour piblik? [be p. 53 par. 1-2]

9. Ki ti lobzektif Zezi konman en ansennyan, e ki mannyer nou kapab imit li? [be p. 57 par. 1]

10. Akoz i efikas pour servi bann konparezon dan lansennyman? [be p. 57 par. 3-4]

LEKTIR LABIB LASEMENN

11. Ki mannyer nou kapab fer zefor pour aplik sa konsey dan Zeremi 6:16 pour mars dan “bann semen lontan, ki ozordi i sa bon semen”?

12. Akoz Zeova ti pran en zwazo ki apel sigonny blan, pour donn bann Zwif enfidel en leson, e ki nou kapab aprann atraver sa? (Zer. 8:7)

13. Ki leson nou kapab tire dan Zeremi 15:17 an rapor avek nou pwennvi lo divertisman ozordi?

14. Ki mannyer bann imen i parey larzil dan lanmen sa Gran Potye Zeova? (Zer. 18:5-11)

15. Ki mannyer sa lord dan ki bann nasyon in ganny plase dan Zeremi 25:17-26 i annan en sinifikasyon pour nou letan?