Lanons

◼ Zanvye: Ki Labib i vreman dir? Si sa met lakour i deza annan sa liv, bann proklanmater i kapab ofer nenport vye liv ki kongregasyon i kapab annan dan stok. Fevriye: Sekre pour en fanmir ere. Ou kapab osi ofer Mon Liv Zistwar Labib oubyen Ador sa sel vre Bondye. Mars: Ki Labib i vreman dir? Fer bokou zefor pour konmans en letid Labib. Si sa dimoun i deza annan sa liv, bann proklanmater i kapab ofer nenport vye edisyon magazin oubyen brosir ki atir son latansyon. Avril ek Me: Latour Veyer ek Awake! Si en dimoun i demontre lentere, ofer li sa trak Eski ou ti a kontan konn Laverite? e fer bokou zefor pour konmans en letid Labib. Kan ou pe fer retourn vizit kot bann ki ti asiste Memoryal oubyen lezot levennman teokratik me ki pa pe aktivman asosye avek kongregasyon, konsantre lo konmans en letid Labib dan sa liv Ki Labib i vreman dir?

◼ Apartir mwan Fevriye, sirveyan rezyonal pou donn en diskour piblik ki annan pour tenm: “Eski ou konfyans i dan Zeova?”

◼ I pou annan en seri ki pou aparet dan Latour Veyer le 1 Fevriye 2012 an Angle. I pou annan pour tit: “My Bible Lessons.” Sa seri in ganny fer pour bann paran servi avek zot zanfan ki annan trwa-z-an oubyen mwens. En mwan nou pou ganny seri “Ansenny ou zanfan” e lot mwan “For Young People.”